ياسمين الشام

ياسمين :عشان مكنش في حاجه نتكلم فيها..وانت كمان مكنتش تتكلم..

محمد :ودلوقتي..مش..

قاطعته وهي تنهض بابتسامه: دلوقتي عمو ادهم مستنينا لتمد يدها له يلااا.

محمد :هو انت ..

ياسمين :يلاا يامحمد عمو ادهم..

محمد :خلاص خلاص هاخد شور سريع ونروح عند عمك ادهم..

ياسمين : هستناك تحت..

امسك يدها بغمزه مش هتيجي معايا وانا .

افلتت يدها بسرعه لتغادرة متتاخرش..

محمد :والله بتديني اوامر حضرتك.

ابتسمت بداخلها..ونزلت بسرعه..

عاد محمد الى المنزل وجلس يحدث والده اما ياسمين فقد كانت متعبه وذهبت للنوم.

.كانت نائمه حتى شعرت بثقل على جسدها حاولت النهوض لكنه شعرت به يقيدها ويقبله فتحت عيناها لتجد محمد..

ياسمين :محمد انا..

محمد اششش وووو

____

بعد مرور شهر اعتادت زينب به على غياب عمر لكنها بقيت تتذكره دائما فقد غرس نفسه داخلها وبدأت ذكراه تتغذى وتكبر من مشاعرها المكبوته…

اما محمد وياسمين فقد اعلن محمد زواجهما..وبقيا على حالهما لم يتغير شيء حتى مع محاولات محمد الكثيره للوصل الى قلب ياسمين الا انه لم يلقى قبولا ابدا…حتى حدث شيء ليس بالحسبان..

رأها تخرج من الشركه تضع يدها على راسها تلتفت يمينا ويسارا.بوتر…لحق بها لتقف امام المشفى..وماهي الا لحظات حتى راها ترتدي ثياب العمليات ليسعع الطبيبه تقول لها جاهزه..

هزت ياسمين راسها بدموع: ايواا..

يتبع….
ياسمين الشام 13.

في المستشفى في احدى الغرف..

وقف مقابلا لها وهي تفرك يديها بخوف ..

صامتا لم يتفوه بكلمة..ينظر اليها محاولا التحكم باعصابه..

محمد: تجهضي ياسمين ليه عشان ايه .

ياسمين ببكاء :انا اسفه…بس والله..

محمد :اسفه….خلاص قولتي اسفه وخلاص خلص الموضوع على كده.

ياسمين….

محمد :انطقي متسكتيش.

ياسمين :محمد افهمني احنا مينفعش يكون بينا اطفال..

مسح شعره وهو يتحرك يمينا ويسارا اغمض عينيه ليقول: ليه …ليه مينفعش..

ياسمين :عشان …عشان..

محمد بانفعال : عشان ايه.اتكلمي

ياسمين :عشان انت عارف اتجوزنا ازاي..اساسا مش عارفه الحمل ده حصل ازاي واحنا ممكن نطلق باي لحظة …

اقترب منها : اطلقك قالها وهو ينظر بعينيها بثبات اما الاخرى تتحرك حدقات عينيها بتوتر..

لتقول بارتباك: محمد افهمني مينفعش نظلم طفل صغير ويتعذب مابنا..

محمد :يتعذب قال كلمته ساخراً ..

ياسمين : انا قولت يعني.

محمد :متقوليش ..متقوليش ياياسمين .انتي متقوليش…فين الدين اللي تربيتي عليه…فين الاخلاق اللى تتباهي فيها فين الادب والمبادئ اللي ثابته عليها ..فين ده كله وانت عايزه ابننا …..مش خايفه من ربنا… اتكلمي متسكتيش..

ياسمين بصراخ ودموع: عشان تعبت ..تعبت مش قادره تعبت …لتنزل دمعه ساخنه حرقته قلب محمد قبل وجنتيها..

لتقول :مش عايزه اخلف ويجي يوم وتقولي بسهوله.. اديني ابني والعقد اللي بينا التغى..عشان مش عايزه قلبي يتحرق عليه بعد ما اشيله واشم ريحته واتعود عليا..مش عايزه..كده ارجوك افهمني

محمد وقف ينظر اليها بصدمه

جلست تبكي لتقول: انا مش من حقي اعترض على اي حاجه..وكل حاجه بالغصب..انت مش حاسس بيا ليه..اولا مره اعملها… ارجوك يامحمد .مش عايزه اظلم الطفل ده واجيبه عالدنيا..

احتضن وجها بحنان محمد : انت مش حاسه اني بحاول اقرب منك ..مش حاسه اني بحاول ادي لروحي فرصه تانيه معاكي…مش كفايه تصديني كده ..كفايه البرود اللي انتي فيه.. وانت بتصديني..برودك معايا تعبني .

ياسمين: كل حاجه انت عايزه بنفذها…انا بعمل اللي انت عايزه..

محمد بغصه :بس انا مش عايزك كده..عايزك تحسي بيا ياسمين انا بحاول ادي نفسي فرصه اعيش صح واحب الانسانه الصح بس انت دايما بتصديني ليه….امسك يديها بحنان ونظر الى عينيها ليقول انا بحبك..ادينا فرصه والعقد اللي بتقول عليها هحرقه وننسى كل حاجه ونبتدي من جديد..

نفضت يدها بغضب لتهدر: كفايه حرام عليك انت مش بتحبني انت عايزني سد خانه تداوي جروحك بيا …ومش مهم انا ومشاعري .المهم انك تلاقي بديل. ..بس لا يامحمد جسمي وخدته كرمتي واهنتها..حياتي واتحكمت فيها بس قلبي لا…لا يامحمد ..لا قلبي مش هيرضخ ليك..ابدا..ومتنساش الكلام ده…

محمد :ياسمين ا انا

ياسمين :انت ليك عندي البنود اللي في العقد وبس غير كده متطلبش مني اكتر ..

عاد للهدوء المريب..ماشي وابني…انا مش هسمحلك ابني..

ضحكت بسخريه لتقول: من شويه كنت تقول ابننا.

محمد :انتي عايزة كده .. اللي بتعمليه ده حرام ربنا هيحسبك عليها.

ياسمين باختناق وبكاء:كفايه حرام عليك انت عايز ايه.

.محمد :عايز ابننا يجي عالدنيا عايز نفرح بيه …عايز نكبره ونكبر معاه..ونجيبله اخوات كتير اوي نكبر معاهم. يقولولي يابابا..وانتي يندهولك ياماما مش عايزه ده …انتي مش حابه تعيشي المشاعر دي..

ياسمين :لا مش عايزها مش عايزاها ارحمني بقى..

كفايه ارجوك كفايه خلاص مش عايزه اسمع حاجه تاني

محمد :ماشي ياياسمين بس ابني مش هسمحلك تاذيه وعارفه لو حصله حاجه..صدقيني هتندمي..

لتنهض وتحمل حقيبتها تريد المغادره

ليقول :استني هنا انا هوصلك..ليكمل باستفزاز وابقى أبلغ بابا واخواتك الخبر الجميل ده اخيرا هبقى اب…

وبالفعل زف لهم الخبر وسط سعادة الجميع وفرحهتم بهذا الخبر.

_________

في الشركه بعد يومين..كان محمد يهتم بياسمين جدا يحاول قدر المستطاع اسعادها بالرغم من صدها له خوفا من الوقوع في مصيدة الحب..لكنه لا زال صابرا عليها ….

السكرتيره.:مدام ياسمين الاكل ده بعتو الاستاذ محمد ليكي..

ياسمين وهي تعمل على الحاسب : ماليش نفس..

السكرتيره :مينفعش هو أكد عليا لازم تتغدي..

ياسمين بعند :قولت ماليش نفس تقدري تتفضلي..

قاطعها صوته :ليه مبتسمعيش الكلام..واشار للسكرتيره بالمغادره وغادرت.

ياسمين رمت القلم على الطاولة: عايز ايه يامحمد..

محمد بابتسامه :عايزك تاكلي وتشربي العصير..

ياسمين :ماليش نفس..

محمد بتحذير:ياسمين صدقيني لو ماقمتي وأكلتي وشربتي العصير..مفيش شغل بعد النهارده..

ياسمين بتذمر :يووووه هتتحكم حتى باكلي وشربي.. بقولك ماليش نفس..

محمد :اغصبي روحك عشان ابننا..

ياسمين :بس ..

محمد :من غير بس جذبها من خلف مكتبها واجلسها على الكنبه وجلس بجانبها بابتسامه وبدأ بإخراج الطعام من الأكياس..واخذ يطعمها بيده..

رفعت يديها: على فكره اعرف اكل لوحدي..

محمد :تؤ هأكلك بايدي..يلاا افتحي بقك كده..

ياسمين بضيق :انا مش عيله..و بعرف اكل لوحدي ..

محمد :يلاا ياسمين افتح…ايوه .. ايوه كده شاطره… انتي لازم تتغذي كويس عشانك وعشان البيبي..وكمان عشان متتعبيش لما تولدي..

وضع يده على بطنها بحنان :انتي بتكلميه..مش كده

نظرت اليه باستغراب.:اكلمه..

محمد :ايوا كلميه عشان تحسسيه اننا جنبه دايما ..

ياسمين بضحك :انا حامل بقالي شهر بس ايه اللي انت بتقوله ده..

محمد بحب: على فكره ضحكتك تخطف القلب..

ياسمين بحرج : احم ..انا .عندي شغل لازم اكمله

محمد امسك.يدها ونظر إليها بامتنان شكراً ليكي ..شكرا عشان هتجيبي ابني للدنيا وشكرا عشان هتبقي انتي امه..

ياسمين :للدرجادي بتحب العيال..

محمد بحزن وضيق :انا كنت بتمنى يبقى عندي عيال كتير بس للاسف ..ولم يكمل كلماته..

لتقاطعه بابتسامه: طيب مش هتاكل معايا..

محمد :لا الاكل ده ليكي انت وابننا..

ياسمين بابتسامه :والله انا شايفه عينك بدي..لتاخذ القليل من الطعام وتطعمه له..

محمد تناول الطعام من يدها وقال: تسلم ايدك ابقى اكليني ديما..

ياسمين :لا والله متتعودش على ده..

محمد :مش جوزك حبيبيك..

قاطعهم رسالة على هاتفها لتنهض وتلتقط هاتفها…

كان قد كتب فيها..

((لو حابة تعرفى سبب زواج محمد منك واهتمام ادهم فيكي..تقدري تقابليني بعد ساعه في الكافيه ده****))

محمد :مين.

ياسمين بكذب :مسج من وحده من العملا تستعجل طلبيتها..

محمد طيب تعالي كملي اكل..

ياسمين :لا شبعت والله..

نهض إليها :طب عشان خاطر اخر حته دي.

ياسمين :طيب ماشي ..لتتكلم وهي تمضغ الطعام مش هتروح تكمل شغلك انا حاسه اني بعطلك عن شغلك كتير..

محمد :هروح بس حابب اتكلم معاكي بحاجه مهمه..

ياسمين :حاجة ايه…

محمد :بصراحه بخصوص عمر..

ياسمين :عمر ماله استاذ عمر…

محمد:بصي انتي ممكن يكون لقائكم الأول خدتي عنه فكره غلط بس كل ده كان بسببي عشان انا اللي بعته يعمل كده ..

عمر ابدا مش من النوع اللي انتي فاكراه..صدقيني انا كنت فاكرك بتستغلي طيبت بابا عشان كده بعته يعمل معاكي كده صدقيني عمر غير اللي انتي فاكراه طيب وجدع وابن ناس وقف معايا بأصعب مواقف حياتي لو ليا اخوات مكنوش عملو معايا زي عمر..

ياسمين :مش فاهمه بتقولي الكلام ده ليا ليه..

محمد :عشان شايفه يتعذب ويعاني قدام عنيا ومش عارف اعمله حاجه..

ياسمين :والمطلوب..مني..

محمد :ممكن تديله فرصه هو وزينب..

نهضت بغضب : ايه اللي بتقوله ده ..كله الا اخواتي..يامحمد..

محمد :انا طالب ايه يعني ..انا بقول نديهم فرصه يا ستي حتى لو خطوبه اقلها نريح قلوبهم شويه..

ياسمين بسخريه :خطوبه .. انت عارف زينب عندها كم سنه دي يادوب السنة هتخلص الاعداديه..وعارف بينها وبين عمر قد ايه..

محمد بدفاع :مش مهم العمر ..العمر رقم ياياسمين المهم هما عايزين ايه..

ياسمين :زينب اختى مش هضحى بيها ومش هتبقى زي ..هتكبر وتبقى حاجه كبيره مهندسة او دكتوره وهتتجوز حد من سنها وهتحب وتتحب والحياة متقفش على عمر عندها..

محمد:على فكره انا شايف انها هي كمان بتعاني في بعده بس كاتمه وجعها ..

ياسمين :هي صغيره ومش عارفه مصلحتها..و هتنساه وتلاقي اللي احسن منه..

محمد :انتي قاسيه كده ليه..مش فاهم فيها ايه لما تديلهم فرصه ..

ياسمين : زينب اختى وانا بعرف مصلحتها اكتر منها

نهض بضيق :ماشي يا ياسمين انشالله ترتاحي بعد كده..انا هروح اشوف شغلي..

___

مساءً..عادت ياسمين ..وجهها باهت متعبه ..دخلت شقت اخوتها اطمأنت عليهم ..ثم ذهبت لشقتها وجدت محمد وادهم باستقبالها..

محمد بقلق وغضب: اتاخرتي ليه…كنتي فين لحد دلوقتي..عديت عليكي عشان اوصلك بلغوني انك خرجتي بدري روحتي فين…باتصل فيكي مش بتردي…

ياسمين :مين أسر الأسيوطي

ادهم بصدمه :انتي تعرفيه منين..

محمد :

ياسمين: ….

يتبع….
ياسمين الشام 14

ياسمين بكذب : مفيش بس عرفت انه ليه نسبه بالشركه واتفاجأت بس..

ادهم: متشغليش نفسك بيه

ياسمين :. بس عايز اعرف ايه

محمد بحده: قولتلك متتدخليش باللي مالكيش فيه ..

ياسمين :انا بس

محمد :خلاص متتكلميش عن الزفت اسر وقوليلي كنتي فين كل ده..

ادهم :اهدى يامحمد مش كده..

ياسمين :كنت مخنوقه طلعت اشم هو..

محمد :واللي يشم هو مايعرفش يرد عالتلفون ميعرفش يقول فيا ناس تستناني تخاف عليا.

ادهم :اهدي اهدى

محمد : يابابا ارجوك سيبني اتفاهم مع الهانم..اللي بقالها من الصبح طالع ومعارفش كانت فيين..وهيا حامل..وتعبانه

ياسمين بضيق :وانت بقا خايف عليا والا علي ابنك اللي ببطني..

محمد :انتي ..

ياسمين :انا تعبانه وعايزه انام تصبحوا على خير..

محمد بانفعال :استني هنا..

وقف بوجهه ادهم…استنى يامحمد مينفعش تتكلموا وانت متعصب كده.

محمد :مش شايفها يابابا رجعالي بالوقت ده وكمان عماله تحقق بقصص قديمه..

ادهم :اهدى يابني..

تنهد بتعب :ماشي باابا..ا

ادهم :ااتكلم معاها بالراحه..

محمد :حاضر قال كلمته وذخل للغرفه..

كانت قد غيرت ثيابها واستلقت على السرير تريد النوم..احتضنها من الخلف ودفن وجهه بشعرها..ولم تتفوه الاخرى باي كلمه.

محمد وضع ذقنه على كتفها وهمس..متزعليش مني كنت هتجنن وقلقت عليكي اوي..

….

سمع شهقاتها و ادار وجهها ليجدها تبكي..مالك بتعيطي ليه..

….

محمد:مسح دموعها وججذبها الى احضانه بحنان اششش متعيطيش ياحبيبتي انا اسف والله مكنش قصدي..ازعق فيكي بس والله قلقت عليكي..تشبثت بثيابه هذه المرة الاولى التي يراها تنهار هكذا بعد وفاة والدها..ليشعر بان شيء ما قد حدث…ابعدها بعد ان هدأت واحتضن وجههها بحنان بتعيطي ليه..عشان ايه..ياحبيبتي..

….

محمد :ياسمين اتكلمي متخفيش في حاجه حصلت معاكي وانا معرفش..

….

محمد :متسكتيش ياروحي اتكلمي..

احتضنته لتزداد شهقاتها اما الاخر تنهد واخذ يربت على كتفها حتى نامت…

في الصباح..

استيقظت على رساله..

((هااا قررتي ايه تنتقمي لبااباكي والله تسيبي حقه يضعي ويفضل مش مرتاح بقبره))

اجابت برساله..

((هنبدأ امتى.))

اسر ((هنتقابل الاول ونتفق))…

ياسمين ((ماشي بس بعد يومين)).

اسر ((برحتك سلام.))…

لتشرد لثواني حتى استيقظت على خروج محمد من الحمام انحنى وقبلها بحب: صباح الخير..

ياسمين :صباح النور ..

محمد :لو تعبانه بلاش تنزلي الشغل..

ياسمين :لا انا كويسه…وكمان النهارده نتيجيه امتحان زينب..

محمد :بجد طب انا هبعت حد من عندي يراقب النتيجه ويشوفها ..وانتي ارتاحي..يعني خلاص زينب كبرت وهتبقى السنه الجايه اولى ثانوي..هزت راسها بضياع لتقول انا عايزه اقولك حاجه..

جلس بجانبها باهتمام: اتكلمي ياحبيتبي عايزه حاجه..

ياسمين :تقدر تبلغ عمر اني موافقه انه يتخطب لزينب..

محمد بسعاده: بجد

ياسمين :ايوه يقدر يتقدم رسمي.

احتضنها بسعاده ليقول :اي الخبر الحلو عالصبح ده.

ابتعدت عنه بضيق.

محمد: مالك تبعانه ياحبيبتي

ياسمين :ممكن تبطل تقولي ياحبيبتي..

محمد :ليه منتي مراتي وحبببتي وروح قلبي ليقترب منها واراد تقبيلها لكنه نهضت بضيق انا هاخد شاور عشان ننزل الشغل..

رمقها باستغراب لككنه حاول تجاهل ذلك واتصل بعمر ليبلغه بالاخبار الجميله..وبالفعل قرر عمر العوده..

كانت زينب تنتظر نتيجتها بقلق حتى علمت بانها تفوقت بمجوع جيد..وسط سعادت الجميع واحتفالهم..بها..

عاد عمر من السفر. ورحب به محمد واستاذن من ياسمين بان يلتقى زينب لوحدهما قبل ان يتقدم بشكل رسمي..ولم تتعترض لكنها..قالت: انا عارفه انك مستغرب اني وفقت..بس انا حسيت بحبك لاختي وقررت اوافق ..بس ياعمر صدقني لو جت فيوم واشتكت منك هتشوف وش مني عمرك ماشفته لتنظر الى محمد وتقول انا اللي يقرب من عيلتي ..هقطعه ومش هرحمه لوكان اقرب الناس ليا..

عمر بحب : والله مش هخلي دمعتها تنزل وهحاول اسعدها على قد مااقدر ..

ياسمين :وهو ده الي عايزاه بس كمان في كم شرط عشان نظمن حقوقها..بعد كده..

عمر :مش فاهم…

ياسمين :يعني مش عايز تديها مهر..

عمر : اللي هيا عايزاه انا جاهز..

ياسمين بهدوء :انا عايزه نص اسهمك بالشركه تكتبها باسمها..

محمد وقف بصدمه: ياسمين انت بتقولي ايه…

تجاهلته واكملت: وعايزه شقه تتكتب باسمها كمان ..

محمد بانفعال: ياسمين…

عمر بهدوء: اللي انتي عايزاه هيحصل ومش هيغلى على زينب مالي كله..

ياسمين :طيب كويس كده متفقين يفضل حاجه وحده بس..

محمد بضيق: حاجة ايه كمان..

انا اللي هكون مسؤله عن اسهمها بالشركه وعمر ميتدخلش بحاجه يعني تتنازل عن مسؤليه الاهتمام بامورها المالي ومتتدخلش فيها..

محمد :لا كده كتير ..كتير اوي ياياسمين..

ياسمين :والله ده الللي عندي..

عمر :انا جاهز اعمل اللي انتي عايزاه..اقدر اروح اشوفها دلوقتي…

ياسمين :اتفضل تقدر تروح..

عمر :بعد اذنكم ليغادر ويتركهم..لتنظر الى محمد الذي ينظر اليها بغيظ وتهتف :ايه ..

محمد :انتي اللي ايه مش فاهم الشروط دي على اساس ايه..وانت من امتا بقيتي ماديه كده..

ياسمين بسخريه :الظاهر نسيت انا اتجوزتك ليه..

انا اتجوزتك عشان الفلوس متنساش ده..

نهض بغضب ..لكنه حاول الا يتحدث ليغمض عينيه هادرا هغور عشان ومش عايز اغلط فيكي..
ياسمين بابتسامه :احسن برضو خلينا نشوف شغلنا ..

وقف ونظر اليها ليقول بريبه انت متغيره مالك حاسك مش زي الاول ..

ياسمين محدش يفضل على حاله يامحمد تقدر تسيبني اشوف شغلي…

محمد بشك : اه وماله شوفي شغلك براحتك..خالص..

يتبع….
ياسمين الشام 15

صدمت برؤيته امامها لم تعي ما تفعله لتحتضنه..احتضنته وبدات بالبكاء وهي تشدد باحتضانه اكثر..ابتسم بسعاده فهو كان ينتظر منها عتابا طويلا ..غضبا ..شجارا لا ينتهي الا بعد اعتذارات كثيره لكنها خالفت كل توقعاته..بادلها الاحتضان ..لتبتعد بحرج بعد ان ادركت مالذي فعلته..بعثر شعرها القصير بحب..وحشتيني قالها وهو يترقب ان تقولها له ايضاً… لكنها فاجأته بكم اسألته كثيره..كنت فين كل ده..

هان عليك تسيبني كده..

انت ازي قدرت تبعد عني واسأله كثيره وختمتها بدموع وسؤال لطالما سالته في غيابه اتجوزت امل..

((كان يراقبها بحب وينتظرها ان تنتهى من كم الاسئلة الطفولية التي تطرحها وكل تركيزه عليها يرقب بحب ويرغب باحتضانها من جديد واخذها لعالمه الخاص لقد عانى كثيرا بتلك الفتره التي ابتعد عنها بها مالذي فعلته به.هذه الطفلة الصغيره، لقد عاد مراهقا من جديد))

ليستفيق على سؤالها اتجوزت امل .

ابتسم وداعب انفها بيده لا لسه متجوزتش ..وابعدي شويه عشان عايز ادخل..

زينب :ليه متجوزتش مش قولت هتتجوز الللي متتسماش..

عمر بابستامه وهو يجلس :انا هتجوز ايواا..بس هتجوزك انتي..

زينب بصدمه وسعاده: انت بتتكلم جد..

عمر :ايوا ياستي..انا طلبتك من اختك ووافقت..

زينب بغضب طفولي :من غير ماتقولي..وانا مش موافقه تقدر تتفضلي بقى..

عمر :لا والله هنبدا شغل العيال طيب يازينب هروح اتجوز امل..

زينب :استنى هنا والله لم*وتك لو روحتله..

عمر :مكان من الاول ..

زينب :بطل بقى واحكيلي عملت ايه في الفتره دي..لتشهق لا لا يلاا امشي امشي من هنا بسرعه بسرعه.

عمر :ايه يابنتي انتي بتتحولي والا ايه..

زينب :امشي ياعمر دلوقتي هتجي ياسو وتتخانق معايا..

عمر : عيب اوي تطردي خطيبك كده وعلى فكره .اختك عارفه اني هنا..

زينب :بجد ..

عمر ايوا..

زينب :ازاي طيب احكيلي..

عمر تؤ مش هتكلم لحد متروحي تعمليلي حاجه اشربه..

زينب يا عمر بقى احكيلي..

عمر اشار الى خده :تبوسيني احكيلك..

زينب :بطل سفاله بقى.

عمر : مش انا سافل انا همشي بقى..

زينب :استنى هنا تمشي فين

_____

ياسمين :مساء الخير

محمد: كنتي فين..

ياسمين :عند عمي ادهم..

محمد :وقبل عمك ادهم كنتي فين و مع مين..

ياسمين :هو تحقيق ده والا ايه

محمد بتحذير :ياسمين كنتي فين و بتهببي ايه مع اسر وابنه..

ياسمين بصدمه :انت بتراقبني يا محمد..

محمد :ياسمين متحوريش وانطقي كنتي بتعملي معاهم ايه..

ياسمين بحده: انطق انت وقلي انت بتراقبني يامحمد…

محمد بغضب: مش بتزفت براقبك بس ايه دي..ليخرج هاتفه وصور لها مع امير وهو ممسكا يدها…ليكمل بحده :ماسك ايدك بتاع ايه

ياسمين انت بتشك بيا ..مصدق ده..

محمد امسك يدها بعنف :بلاش لف ودوران ..انا عايز افهمه مراتي بتعمل ايه مع اتنين رجاله بالكافيه ..بالوقت اللي المفروض تبقى في بيت جوزها..

ياسمين بألم :كنا بنتكلم في الشغل سيب ايدي يامحمد..

محمد بتحذير : بلاش كدب أسر ولا مره اتدخل بشغلنا عشان نسبته بالشركه محدوده…انطقي ..قولي كنتي بتتزفتي معاهم ايه وال***امير ماسك ايدك بتاع ايه.

ياسمين نفضت يدها بصراخ وبكاء : قولتلك شغل ..شغل..لتردف بشهقات :انا كنت همشي امير مسك ايدي عشان نسينا شويه حاجات متكلمناش فيها.

محمد :لا كويس..كويس اوي يا هانم.. لا برافوا عليكي يا ياسمين يامتربيه يامحترمه ..

ياسمين بحده : بتتريق حضرتك..

محمد :عايزاني اقولك ايه في رسائل وصور بتجيلي عالتلفوني..ولا حضرتك بكل بجاحه بتقولي حصل وكنت معاهم..

ياسمين :قولتلك شغل شغل …انا هغور اشوف اخواتي الكلام معاك ممنوش فايده..

محمد بغضب :استني هنا انا لسه مخلصتش كلامي..

ياسمين بحده :ابقى خلصه مع نفسك..لتسقط على السرير إثر صفعة قوية تلقتها منه اخذ انفاسه بصعوبه صدره يعلو ويهبط من شدة الغضب..وهو يراها تبكي بحرقة… ليغادر ويتركه تبكي بقهر.

أدهم بقلق :في ايه مالكم صوتكم طالع ليه

محمد بغضب :ابقى اسالها عشان انا خلاص مش قادر عليها…وعلى جنانها..

_____

بعد فترة ..تم عقد قران زينب وعمر وتحدد الزفاف بعد شهر وغادر الجميع بمن فيهم محمد الذي يخطط لفعل شيء ما..

ياسمين بتعب: الف مبروك ياحبيبتي ربنا يسعدك

زينب :الله يبارك فيكي يا ياسو..

ياسمين :خدي بالك من روحك ..ولو عمر زعلك بلغيني ياحبيبتي ماشي متخبيش عليا حاجه تاني ابدا.ماشي ..

زينب :ماشي ..بس انتي مالك يا ياسو وشك اصفر ليه وباين انك تعبانه..

مافيش ياحبيبتي بس الحمل تعابني..هروح ارتاح عشان تعبانه..

زينب :اساعدك يااياسو تروحي شقتك..

ياسمين لا ياحبيبتي متتعبيش روحك.…

___

في الملهى الليلي..

امير: اهلا ..اهلا والله زمان يامحمد..

محمد بغضب :انت وابوك عايزين ايه من مراتي..

أمير باستفزاز :احنا مش عايزين حاجه .. هي اللي عايزه..

امسكه من تلابيب قميصه هادرا: اقسم بالله لو هوبت ناحيتها مرة تانيه .. انت او ابوك لكون دافنكم سوى انت فاهم ليدفعه وهم بالمغادرة ليوقفه صوت أمير: مراتك اللي محموق عليها اوي…عايزه ابوك ويا تلحقوا..يامتلحقوش..

محمد عاد اليه ليجذبه من ثيابه بغضب :انت بتقول ايه..

أمير :النهارده خدت من الصيدليه الدوى اللي هيسببله بسكته قلبيه مهي ممرضه وتعرف بالامور دى ومحدش هيحس عليها..

دفعه وغادر بسرعة.. هاتف والده ولم يجيبه..هاتف ياسمين و لم ترد عليه .. دخل الشقه وقلبه ينبض بعنف خوفا على والده ويدعي الله بان ما قاله امير كذب ليصدم بي….

يتبع..

ياسمين الشام 16

محمد وجدها منهارة تبكي وادهم يحاول تهدئتها.

محمد بقلق :فى ايه يا بابا ياسمين مالها..

ادهم :معرفش يا بني ادتني الدوا وبعد كده رمته من ايدي وقعدت تبكي بسألها مالك مبتردش..

محمد تنهد بارتياح وجلس بجانبها: مالك ياحبيبتي..

ياسمين نهضت بانفعال :متقولش حبيبتى انا بكرهك بكرهكوا كلكم وبكره الساعه اللي عرفتكم فيها..

لتنظر الى ادهم وتنهمر دموعها وتكمل بغصه :وبكرهك انت كمان عشان انت السبب ..ليه ليه عملت ف بابا كده ليه ..ليه غدرت فيه.أسر قالي على كل حاجه.. انا كنت بقول ربنا عوضني فيك بغياب بابا.ليه طلعت بالقذاره دي ليه

انتفض محمد من مكانه بغضب: ياسمين….

ياسمين بغضب مماثل : مش هسكت كفايه انا هاخد اخواتي وامشي..

لتنظر الى ادهم الاسهم اللي كتبتها باسمي هتنازل عنها مش عايزه حاجه منكم ..ياريت تسيبونا ف حالنا بقى خلاص انا قرفت منكم ومن كذبكم..

أرادت المغارده ليوقفها محمد بغضب: على فين يا هانم..

ياسمين :هغور فستين داهيه سيبني مش عايزه اشوفكم تانى

محمد بحده :لا مهو مش بمزاجك.

ادهم بحده :محمد سيبها..بقولك سيبها يامحمد ..

وانتي يا بنتي مش المفروض تساليني الاول انتي حكمتي عليا من غير ماتعرفي..

ياسمين بانفعال :متقولش بنتي مايحصليش الشرف اكون بنت واحد خاين غدار زيك…

محمد بغضب: اخرسي. اخرسي انتي بتكلمي بابا..أراد صفعها ليوقفه ادهم..

لتهدر ياسمين بغضب :وانت مش احسن من ابوك. سيبوني في حالي بقا..مش عايزه اعرفكم تاني.

لتردف بضياع: انا كنت هرتكب جريمه كنت أبوك الدوى ده مش للضغط ده ده عشان يم*وت عشان ام*وته لتنهار باكية وتكمل حديثها: لو فضلت هنا ثانيه كمان ممكن اعملها ..لوما كانوا اخواتي معايا وخفت ليضيعوا بعدى كنت وريحت بابا في قبره..

ادهم برجاء :يابنتي اسمعيني الاول..

ياسمين :مش عايزه اسمع حاجه.

جذبها محمد هادرا : لا هتسمعى ..وهتسمعي غصب عنك..

محمد :اتكلم يابابا..

ياسمين : نفضت يده بانفعال وغضب :قولت مش …لتسقط ارضا مغشياً عليها..

ادهم بقلق: شوفها مالها يابني ..

محمد بخوف وقلق حملها وادخلها غرفتها ليقول لوالده :متقلقش يا بابا هتصل بالدكتوره تجي تشوفها..انتا.اهدى ارجوك انا مش ناقص يجرالك حاجه..

وبعد لحظات خرجت الطبيبه لتخبرهم انها بخير لكنها تعرضت للتوتر والضغط النفسي وهذا كله سينعكس سلبا على صحتها وصحة الجنين..ويجب الاعتناء بها جيداً.

تنهد محمد بضيق : متقلقيش ان شاء الله هاخد بالي منها ..المهم هي تبقى كويسه.

الطبيبه : هتبقى كويسه متقلقش بس ياريت تبعدوها عن الزعل والتوتر..

محمد :.ان شاء الله .

عاد محمد الى الغرفه فوجدها تبكي بقهر..

اما ادهم ودع الطبيبه وعاد ليطمئن عليها ليستمع لها تقول بشهقات..

ياسمين :طلقني يا محمد وارحمني بقى .

محمد بتعب واختناق :ياسمين حبيبتي

ياسمين برجاء :انا تعبت يامحمد تعبت خلاص..مش هقدر اتحمل اشوف الناس اللي سببو لابوي كل ده قدام عنيا وعايشين ومبسوطين..وبابا كان بيعافر عشان يعيشنا .. وأهمل نفسه وصحته لحد ما مرض ومات من القهر والتعب ..مش هقدر اسامحكم مش هقدر طلقني وخلي كل حي يروح لحاله..

محمد جلس بجانبها على السرير وامسك يدها بحنان ياحبيبتي ..

نفضت يدها بغصه :ارجوك كفايه لحد كده..

سمعو طرقات على الباب ودخل ادهم

ابتعد محمد عنها ونظر لوالدها..

ادهم اومأ لابنه براسه وقال: ياسمين يابنتي انا عارف اللي عشتيه مش سهل عليكي بس عايزك تسمعيني وتديني فرصه وحده بس اقولك الحقيقه ابوكي كان صاحب عمري من واحنا في ثانوي ..انتي ولدتي على ايدي ياياسمين انت مش فاكره بس انا فاكر فرحت قاسم وامك فيكي ..شلتك بين ايدي ..وكنت مع باباكي بكل الاوقات الصعبه قبل الكويسه…

هحكيلك كل حاجه بس لازم تعرفي لو كنت انا السبب في اللي حصل لابوكي مكنتش دورت عليكم ورجعت ليكم حقكم ..
انا وابوكي وأسر كنا صحاب اوي ..حطينا فلوسنا على بعضها وبنينا شركة صغيره للاستيراد والتصدير..ويوم بعد يوم وشهر بعد شهر وسنه بعد سنه بتعبنا وشقانا وسهرنا كبرنا الشركه وبقى ليها ثقلها بالسوق..وكترت فلوسنا..انا كان ليا النصيب الأكبر بالاسهم عشان وقتها كان بابا محوش فلوس ادهالي..

انا استلمت الإدارة عشان تعليمي اعلى منهم..

وابوكي استلم الامور الماليه..

وأسر استلم الشؤون الخارجية وكان اقلنا اسهم بس هو وبابكي مكنوش بيحبوا بعض …

حياتنا استقرت وفلوسنا كترت.
والدك قرر تروحوا تعيشوا براا مصر عشان تدرسي هناك..وكان يجي كل فتره يخلص الشغل المهم والصفقات المهمه وبعدين يرجع يسافر..

مرت الأيام والشهور على كده لحد ما فيوم والدة محمد زوجتي تعبت اوي مكنتش عارف اعمل ايه..محمد كان صغير وقتها..
..

تواصلت مع باباكي عشان يرجع يدير الشركة بغيابي بس رفض وقالي مشغول مراته كانت حامل وتعبانه وهو بيهتم فيكي عشان كنتي صغيره ..

اديت وكالة بادارة الشركة لأسر عشان يديرها لحد ماارجع من السفر .

وبالفعل سافرت وعشت اسواء ايام حياتي .

انقطعت عن كل العالم وقعدت مع زوجتي عافرت المرض معاها بس ربنا اراد انها تمو*ت..

بعد فترة من الحزن والاكتئاب رجعت الشركه لقيت الوضع متلخبط ..سألت عن باباكي وبلغني أسر انه كان بيشتغل في صفقات مشبوهة ولما كشفه اتنازل عن أسهمه عشان ميتفضحش ويتلطخ اسمه بالسوق..وسافر..

انصدمت ومصدقتش كلام اسر كان والد عمر شغال معانا مدير بقسم التسويق بلغني ان كل ده خطه من اسر وباباكي وقع الصفقات المشبوهه من غير ماياخد باله ..

دورت عليه قاسم كتير معرفتش اوصل ليه..وبعدها اتخانقت مع أسر خناقه كبيره.
.وحاولت على قد مااقدر اخذ اسهمه من الشركة واطرده منها..بس مقدرتش ولحد ما مااستعنت بوالد عمر الله يرحمه كان صاحبي وقدر يشتري نص أسهم اسر بالشركة لكن اسر للاسف عرف باتفقنا انا ووالد عمر ورفض يبيعه الاسهم الباقيه ..وعشان خسر صلاحياته بالشركه وعرف اني السبب بخسارتة لأسهمه ..عايز ينتقم مننا وياخد الشركه ليه لوحده عشان هو شايف انه اتظلم بكده..

اما باباكي حاولت اوصله كتير معرفتش ..

.لحد ماعرفت انه رجع البلد ومعاه عياله ومامتك كانت متوفيه دورت عليه لقيته بالمستشفى كان مريض بيعافر الم*وت…حاولت اتكلم معاه واشرحله طردني وماادنيش فرصه..تعبت ودخلت المشفى وانا بشوف صاحب عمري بيكرهني كده..ولما بلغت رجالتنا يسالوا عنكم عرفت انك تشتغلي وتصرفي على علاجه وعلى اخواتك..حاولت اعوضكم وارجعلكم حقكم وحق ابوكم اللي رفض ياخده وهو فاكر اني انا اللي طلبت من أسر يعمل كده عشان الشركه كلها تبقى بتاعتي بس محصلش انا مش ممكن اغدر بصاحب عمري كده..

ليجلس ويمسح دموعه بقهر انا كل يوم بم*وت وانا عارف ان قاسم مات وهو شايل مني وفاكرني انا اللي عملت بيه كده..

ياسمين بدأت بالبكاء وشهقاتها زادت..جلس بجانبها محمد واضم رأسها لصدره وربت على كتفها محاولا تهدئتها..

ادهم :اسهم الشركه اللي عايزه ترجعيها دي حقك وحق ابوكي واخواتك..انا مكنتش عايز اقولك عن الماضي وافتح الجروح القديمه بس اسر هو اختار وصدقيني هندمة على كل حاجه ….

____

بعد مرور يومين..

عمر بضيق : ايه ده انتي مجهزتش لسه..

زينب : أجهز على ايه..

عمر : عشان رايحين الغردقة..

زينب بسعادة: بجد كان نفسي اروحلها اوي..

عمر بحب :عشان تعرفي جوزك حبيبك يعرف كل حاجه انت عايزاها..

زينب بهيام :هو انا بحبك من شويه..

عمر جذبها إليه ودخل الشقه:لا لا لا الكلام ده مينفعش يتقال عالباب كده أراد تقبيلها.

قاطعهم صوت علي طفولي: انت بتعمل ايه..

افلتها بحرج لتبتعد الأخرى بسرعه..

عمر: علي ازيك عامل ايه.

علي بضيق :كويس جاي بالوقت ده ليه..

زينب :علي عيب كده..

علي :هو ايه اللي عيب.هو كل يوم يجي ياخدك تقضوا طول النهار براا انا حتى مبقتش اشوفك ابدا لاانتي ولا يسو خلاص خدوكم مني محمد وعمر.

عمر :هو انت بتغير على اخوتك ..

علي بتذمر :انا عارف طلعتولي منين..

زينب :عيب كده ياعلي والله لاقول ليسو عليك..

علي: خلاص خرسنا اهو..

عمر:هو انت مش جاهز ليه..

علي :جاهز على ايه..

عمر :مش هتروح معانا الغردقة..

علي :هو انتو رايحين الغردقة..

عمر :ايوا بسرعه حضر حاجتك عشان منتاخرش..

علي ماشي ليسرع إلى غرفته..

ليحذبها عمر :وانتي بقى تعالي نرتب حاجتك بؤضتك..

زينب :لا انت تفضل بالصاله لحد ماخلص..

عمر :لا والله مش جوزك بعدين انا عاوز اشوف اوضتك..وليكمل بغمزه ونشوف الحجات اللي هناخدها معانا

زينب بحرج:بس يا عمر مي.

عمر :يلاا يا حبيبتي هنتاخر..

____

محمد: ياحبيبتي يلا اجهزي بسرعه..

ياسمين :بقولك انا مش عايزه اروح مكان..

محمد :انا سمعتك قبل كده وعدتي زينب انك تاخديها الغردقه عشان كده عملت الخروجة دي..عشانكم

ياسمين :مش عايز اروح مكان..

محمد بحب :امسك يدها ياسمين خلينا نروح نغير جو حتى اخواتك محتاجين الخروجه دي..يلاا حضري حاجتك بسرعة..

ياسمين :ماليش نفس بالخروج من البيت..بقولك ماليش نفس

محمد باختناق :يوووه انت هتفضلي ع النكد ده كتير خلاص انا زهقت منك ومن نكدك..

ياسمين ببرود :انت مش مجبر تتحملني انا هاخد حاجتي واروح عند اخواتي..

محمد بغضب :استني هنا تروحي فين..

ياسمين : هريحك من النكد.

محمد محاولا ان يهدأ :انت لسه زعلانه مني انا اعتذرتلك كتير خلاص خلينا نبدا صفحه جديده ونطوي الماضي..

ياسمين ….

محمد :قلتي ايه.

ياسمين :مش هروح مكانه وعايزه اتخمد انام تقدر تروح انت وصحابك..

محمد بانفعال :لا مهي دي مبقتش عيشه خلاص..

قاطعهم جرس الباب ذهب محمد بغضب ليفتح الباب و يدخل عمر وزينب وعلي ..

عمر: ايه لسه مجهزتوش .

محمد الهانم :مش راضيه تروح ..

عمر :ايه ده ليه كده..

محمد :مش عارف.

زينب : انا هشوفها.يلاا ياعلي.لتذهب الى اختها

عمر: انتوا متخانقين والا ايه.

محمد: انا زهقت خلاص ياعمر مش عارف اعمل معاها ايه..اهتمام وبهتم فيها خروجات وبحاول أخرجها مش راضيه..شايلها هي واخواتها فوق نفوخي مفيش فايده دايما منكده عليا ..انا تعبت بجد خلاص معدتش قادر اتحملها..انا كمان بشر وصبري نفذ..

عمر :اتحمل يامحمد كمان اللى مرت بيه مش سهل..

محمد :وانا اعمل ايه غير اني اتحمل ربنا يصبرني بس.

..__

عند ياسمين..

زينب اي ده انتي لسه مجهزتيش..

ياسمين ..

علي بتذمر:انتي عايزه تحرمينا من الخروج دي ياسو.

ياسمين :ياحبيبي مش قادره اروح تعبانه..

علي برجاء :عشان خاطري انا مصدقت وخلصت المدارس يلاا عشان خاطري بصي انا وزينب جاهزين..

زينب: مش انتي وعدتيني..والله انا نفسي بالسفريه دي اوي..

ياسمين بضيق: ماشي.. ماشي هجهز واحصلكم ..احتضنها علي بسعادة بحبك اوي .

زينب :ربنا يخليكي لينا..

ياسمين :ويخليكوا ليا انا هعوز ايه غير سعادتكم وتبقوا مبسوطين..دايماً..

بعد فترة في الغردقة..في جناح ياسمين ومحمد

محمد بابتسامة :انتي هتفضلي بالاوضه كتير اي رايك ننزل نتمشى عالبحر شويه..

ياسمين :لا مش عايزه ..

محمد :طيب امشي خلينا نطلع نعلب معاهم بصي زينب وعمر وعلي مبسوطين اوي خلينا نروح معاهم..

ياسمين :لا..

محمد : تحبى نخرج نتغدا بمكان لوحدينا..

ياسمين: لا..

محمد : تحبي نروح ناخد يخت ونطلع ناخد جوله بالبحر..

ياسمين :لا مش عايزه.

ضرب الحقيبة امامه صارخاً:.يووووووووه دي مبقتش عيشه..

انتفض جسدها برعب وهي تراه يتجول بغضب داخل الغرفه..

محمد بغضب :عايزه ايه.. انتي عايزه ايه..انا عايز افهم ..انا خلاص جبت اخري معاكي يابنت الناس..

ياسمين….

يتبع……