#الحلقة_الاولى
فاطمة:فلاحة هى فى اولى جامعة عندها 19 سنة فى كلية تجارة
يوسف:شاب مغرور يكره الفتيات لاعتقاده انهم لايحبون الا المال والجمال دكتور فى كلية التجارة عنده 25 سنة
جيهان:بنت مغرورة تحب يوسف لاجل المال والجمال عندها 24 سنة دكتورة فى كلية التجارة
سيف:اخو يوسف عنده 19 سنة يحب الهزار بشدة فى كلية تجارة
دينا:بنوتة عندها 19 سنة فى كلية تجارة بتحب سيف بس هو مش مديها اهتمام
باقى الشخصيات هنعرفها بعدين
نبدا القصة
صوت صفعة قوية تهوى على وجنتى جيهان وصوت صراخ وصوت يوسف وهو يقول
يوسف:انطقى
وصوت صفعة وراء صفعة كان صوتهم عالى واجتمع اهل يوسف الذى كانوا فى الفيلا فى الاسفل
سمع يوسف صوت ابيه وهو يقول
مراد:يوسف سيبها انت بتعمل ايه افتح الباب يايوسف
يوسف:سيبنى يابابا انت متعرفش هى عملت ايه
مراد:طب افتح طيب
يوسف:ابدا مش فاتح
مها(ام يوسف):يابنى متوجعش قلبى
تجاهل يوسف كلامهم وظل يضرب جيهان حتى قال
يوسف:انتى طالق طالق طالق
جيهان(بصدمة):لا يايوسف متعملش كده
يوسف:اخرسى مش عايز اسمع صوتك الصبح تاخدى حاجتك وتمشى فاهمة
خرج يوسف اما جيهان تبكى من وجعها تبكى لانها خسرت كل شئ خسرت حب يوسف لها ثم خسرت المال ايضا
فى جهة اخرى
فى الارياف
فتاه تبكى وتقول
الفتاه:ياابوى مش هتجوز عشان خاطرى ياابوى
الاب:هتتجوزى واد عمك يابت سامعة واقفلى خاشمك
الفتاه:ياما الحجينى ياما
الام:ياعبد الرحيم متعملش فى بنتك اكده البت هيحصلها حاجة وانا مالياش غيرها
الاب:بس اجفلى خاشمك انتى التانية خلص الكلام يوم الجمعة الجاية كتب كتابك ومش عايز اسمع اى صوت
ياتى اليوم الثانى
فى الصباح
جيهان تخرج من الغرفة وهى حاملة شنطة سفر يوجد بداخلها ملابسها وفى نفس الوقت يخرج يوسف من غرفته تتلاقى عيناهم يوسف يسرح فى جمال عينيها ويقول فى نفسه
يوسف:ياخسارة حبى ليكى معرفش ان الجمال و الرقة دول يطلعوا كده اتفوا عليكى
اما جيهان فهى سرحت وتقول فى نفسها
جيهان:خسرت حبك ليا وخسرت فلوسك خسرت انى ابقا مشهورة خسرت كل حاجة بس برده مش هسيبك يايوسف انت بتاعى وبس
فاق الاثنان على صوت مراد
مراد:واقفين كده ليه
يوسف(ببرود):انا رايح الشغل يابابا ياريت ارجع ملاقيش الاشكال الو*** دى هنا سلام
مراد(بحزن):سلام يابنى
جيهان:انا ماشية بعد اذنك
مراد:امشى منك لله جرحتى قلب ابنى حسبى الله ونعم الوكيل حسبى الله ونعم الوكيل
فى جهة اخرى
الفتاه:ياما
سميرة:نعم يافاطمة
فاطمة:قولى لابوى على حكاية الجواز دى انا مش عايزة اتجوز
سميرة(بحزن):وانا فى يدى ايه يابنتى بس ماشى هحاول معاه تانى
فاطمة:ياريت ياما،وبعدين ابوى عمره ماكان اكده وكمان ابوى مؤمن بالحب ازاى بقا عايز يجوزنى واد عمى وانا معرفوش ولا عمرى شوفته
سميرة:ازاى يابنتى مشفتهوش ده كان كل مايجى هنا كنتى بتجرى منه عشان بتخافى منيه وكنتى بتجرى وتدخلى حضن واد عمك يوسف و تتحامى فيه
فاطمة(بصدمة):انى
سميرة:ايوة انتى
فاطمة:والله ياما مافاكرة بس برده لو ابوى غصب عليا انا هموتلكوا نفسى ها
سميرة:طب اقفلى خاشمك لاحسن ابوكى جه
فاطمة:ماشى
