الحلقه الرابعة عشر
من رواية ” أحببت كاره النساء ”
طلعت حلا
ندت مستر جاك وجه مستر جاك ومعاه ممرضه وبدا يفك الشاش وحلا قلقانه من النتيجة
اسر بدأ يفتح عينه وبدأ يشوف طشاش
اسر : انتي حلا
حلا ب ابتسامه: لا انا خالتها وحلا جايه ف السكه
اسر :
حلا: دا انت بتضحك زينا اهو
الحمد لله
فكرت اني هم*وت قبل ما اشوفك بتضحك
اسر : هههههه
حلا بصت لدكتور جاك ال كان واضح جدا انو مش فاهم هما بيقولو ايه
حلا: اشكرك دكتور جاك لقد بذلت مجهودا كبيرا
جاك : هذا واجبي
لاكني سوف اجري بعض الفحوصات البسيطه للاطمئنان فقط
حلا: متي يمكننا العوده الي مصر
جاك : ليس قبل اسبوع لتأكد من ان صحته اصبحت في حال جيد
حلا: لكن دكتور جاك هو يريد العوده ف اسرع وقت وانا سوف اقوم باللازم في مصر
جاك : اعذريني لن اقبل بقبل ذلك
يكفي اننا اسرعنا من يوم العمليه
حلا: دكتور جاك العنايه في مصر ليست سيئه وانا من سوف يعتني به لا تقلق لابد من العوده انه
رجل اعمال كبير ولا يجب ان يترك البلاد لفتره طويله
جاك : اعذريني يا انستي
اسر : خلاص يا حلا
اسبوع مش هيفرق كتير
حلا: حسنا دكتور جاك
جاك : حسنا
مشي جاك
حلا: غريبه يعني انت ال بتقول مش تفرق!
اسر : عادي
حلا:تمام ال تشوفو
وسكتت حلا شويه
وجت تبصله لقته بيبصلها
حلا: بتبصلي كدا ليه
اسر : عادي
حلا اتكسفت من نظراته
حلا: لو سمحت بطل تبصلي
كدا
اسر : هو انا جيت نحيتك
يا حول الله يا رب
هو انتي يا بنتي غاويه تجري شكلي وخلاص
تكونش معجب يا جميل ولا ايه
حلا وشها احمر جامد
حلا: علي فكره انت ال بتجر شكلي انا هطلع اشوف الاكل بتاعك اتاخر ليه وطلعت وسابتو
اسر لنفسه : هههههه
والله ورجعنا زمن الشقاوه تاني يا واد يا اسر
لاكن للاسف الحلو عمره مايكمل واسبوع وهترجع كما كنت
مفيش مشاكل اذا خدنا راحه يومين
عند حلا
طلعت حلا
كان وشها احمر اوي فضلت برا لحد ما هديت وطلبت الاكل بتاع اسر وجابته ورجعت
خبطت حلا علي الباب
اسر : ادخل
دخلت حلا
حلا: الاكل بتاعك اهو كل كويس عشان انت يعتبر ف فتره لسه مخفتش اوي بردو
اسر : اوك
كلمتي دكتور زيدان
حلا: كلمته اول ما انت طلعت من العمليه بس هكلمه دلوقتي اطمنه ان العمليه نجحت واكلم هنا اقولها واخليها تكلمك لانها هتنهبل من الصبح
اسر : طب رني علي هنا واديهالي
حلا: حاضر
وفتحت الموبايل ورنت وادتهوله
اسر : الوووووووووو
هنا بفرحه: ابيه اسررررر حمدلله علي سلامتك وحشتني اوييي
اسر : الله يسلمك ياقمر
ايه الاخبار عندك
هنا: انا الحمد لله كويسه طمني عليك انت بس
اسر : زي الفل الحمد لله
هنا : الحمد لله
مازن بيسلم عليك وبيقولك حمدلله علي السلامه
اسر : الله يسلمك
عامل معاكي ايه
وايه اخبار فريده هانم
هنا:هو الحمد لله كويس معايا متقلقش
فريده هانم بقا انا معرفس عنها حاجه انا قاعده عند ماما جودت
اسر : طيب
ابقي سلميلي عليها
ولو سمعتي حاجه عن محاولة اغتيالي او اي هبل من ده متقلقيش انا كويس وزي الفل وكل ده اشاعات يا قلبي
اتفقنا
هنا: اغتيال!
ماشي اتفقنا خد بالك من نفسك
اسر : وانتي كمان خلي بالك من نفسك
وسلميلي علي مازن واللواء شاكر
هنا: حاضر
اسر : سلام يا نونتي
هنا ب استغراب: سلام
حلا كانت قاعده مستغربه هو ازاي كده
هو دا الشخص ال كان بيزعق وبيتعصب دايما
اسر بصلها : مش بقولك معجبه
حلا: معجبه بمين يا عم بس لا بجد سؤال انت ازاي شخصيتين كدا
اسر : انتي تطولي اساسا يا شيخه اجري
حلا: اطول مطولش ليه وحشه انا ولا وحشه
اسر : يؤسفني اقولك انك زي القمر
حلا وشها احمر
وحطت وشها ف الارض وسكتت كانت مكسوفه اويي من جرئته
اسر : ممكن تقربيلي الاكل اصلي جعان
حلا: حاضر
وقامت وهي حاطه وشها ف الارض
وقربتله الاكل
اسر : لما كنا في مصر الممرض كان بيأكلني
بالنسبه لهنا ايه النظام
حلا: يأكلك! هو انت ايدك واجعاك ما تاكل لوحدك
اسر : اه وجعاني مكان الرصاصه الي في كتفي
حلا: اناديلك ممرض ياكلك يعني
اسر : مبحبش اكل من ادين اجانب
حلا:امال يعني هتعمل ايه دلوقتي
اسر : شوفيلي حد مصري يأكلني او اكليني انتي
حلا: مفيش حد مصري ف المستشفي
اكلك انا ازاي يعني
اسر : هي ديه كمان محتاجه شرح
حلا: ما هو يعني انا اصل…….
اسر : جعاااااان
حلا : خ خلاص حاضر
وقعدت علي الكرسي ال قدامه ومسكت المعلقه وكانت ايدها بترتعش بشكل ملحوظ
اسر مسك ايديها ودخل الاكل في بقه
اسر : الاكل كان هيقع عليا
حلا اتصدمت من ال عمله
سحبت ايدها بسرعه
وحاولت تجمع اعصابها وبدات تأكله
حلا بعد صمت دام ل دقايق
حلا: انت بجد ازاي متغير فجاه كدا
اسر : قولت اخد يومين اجازه
حلا: يومين اجازه ! بس علي فكره كدا احسن من الشخص العصبي ال مبيعملش حاجه غير انو يزعق
اسر : للاسف حياتي تتطلب مني كده
مش بمزاجي يعني
حلا: لا حياتك متتطلبش كدا ممكن تكون صارم شويه ف شغلك بس ف نفس الوقت تبقي الشخصيه دي مع الناس ال بتحبهم
اسر : اممممم فكره
لاكن مش هنفذه
لان الي قدامك يسمع كلامك عشان خايف منك اوقع بكتير من انه يسمع كلامك عشان بيحبك
حلا: بالعكس لما يسمع كلامك عشان بيحبك هينفذ ال انت عايزه وهو حابب كدا انما عشان خايف هيكروت
اسر : عمره ما يكروت
ليه استغني عن روحه ولا ايه
حلا : بطل تاخد كل حاجه بالقوه
اسر : ملقتش شئ افضل اتعامل بيه مع الناس
حلا: جرب تغير طريقتك وصدقني مش هتندم
اسر : هفكر
حلا: تمام
وفضلت تاكله لحد ما شبع وبعدين طلعت تطمن علي حالته من الدكاتره والدكاتره طمنوها جدا
في فيلا فايز
سالي قاعده بتتفرج علي التليفزيون ويرن موبيلها
سالي : الو
المتصل : ………
سالي بخضه : ايه انت بتقول ايه
المتصل : ………
سالي بغضب : طب اقفل اقفل
قامت سالي ودخلت علي فايز المكتب
سالي : عرفت الاخبار
فايز: حصل ايه
اسر : لسه عايش
فايز بعصبيه! ازاااااااي انتي اكيد بتخرفي
سالي : براحه يا بيبي انت لسه معرفتش الكبيره
فايز: ايه تاني
سالي : اسر عمل العمليه ونجحت وهو في فترة نقاهه
سالي بغضب : بقالي قد ايه انا بسمع منك الكلام ده
مفيش تنفيذ واذا نفذنا بيطلع منها زي الشعره
ده غير سي زفت ابنك ده لحد دلوقتي مش عارف يلف عقل هنا
في الوقت ده دخل حسام
حسام : بتجيبوا في سيرة الزفت ليه
فايز بعصبيه: سالي هتنسي نفسك ولا ايييه
سالي : انا فعلا هنسي نفسي لو مخلصتنيش من اسر واخته والسنيوره الي معاه
حسام : ايه ده
في سنبوره جديده وانا معرفش
ومين ديه بقي
سالي : حلا فاروق الفارس
حسام بخضه : ينهار اسود
فايز : هنخلص منهم قريب اوي اول ما يرجعو مصر
سالي : تضمنلي ان اسر ميعرفش هي تبقي مين قبل ما ينزلوا مصر
فايز سكت معرفش يرد
حسام : اذا كان المشكله فيها
تبقي محلوله
فايز: ازاي
حسام : العيون هناك كلها علي اسر يبقي من الغباء اننا نأذيه
لاكن حلا مش فارقه مع حد هناك وسهل جدا انك تبعت الي من غير ما حد ياخد باله
ونبقي خلصنا منها وضمنا فلوس فاروق الفارس
فايز: صح انت صح ودا ال هيتنفذ فعلا
حسام بابتسامه استهزاء : انا طالع
سلام يا…يا سالي
