الحلقه الحادية عشر
من رواية ” أحببت كاره النساء ”
يوم الخميس
الصبح
عند اسر وحلا
كانت حلا كالعاده عند اسر بتتغيرله علي الجروح وتتأكد من أدويته
الباب خبط
اسر : ادخل
دخل الدكتور زيدان
زيدان : صباح الخير يا اخو العروسه
اسر : هههههههه صباح الخير يا دكتور
زيدان : صباح الخير يا دكتوره
حلا: صباح النور يا دكتور
زيدان : ها ايه اخبار اخو العروسه
حلا: لا متقلقش عاليه خالص
بيتحسن الحمد لله
زيدان : طيب الحمد لله
انا كنت جاي ابلغكم ان بكره ان شاء الله معاد طيرتكم
اسر : بكره !
امتي ؟
زيدان : ٤ العصر
حلا: بس مش بدري شويه يا دكتور
اسر : لا ده كويس جدا
احنا اتأخرنا كمان
حلا: خلاص يا دكتور انا هعمل اللازم بس ياريت يا بشمهندس متجهدش نفسك انهارده ف الخطوبه عشان متتعبش
اسر بهدوء : متخفيش يا دكتوره
هجهد نفسي ازاي وانا رايح اعمي وعلي كرسي
حلا سكتت لانها ملقتش رد
حلا: طب عن اذنكو انا
زيدان : اتفضلي يا دكتوره
خرجت حلا وهي مدايقه من نفسة اسر الي زي الزفت
زيدان: هو انت لازم كل كلمه هي تقولها تقفلها بردك دا وهي عامله علي مصلحتك
اسر : وهو انا قولت حاجه غلط
وجودي فعلا زي قلته
لولا انه هيفرق مع هنا مكنتش روحت
زيدان: متخفش يا اسر كل حاجه هتبقي تمام بإذن الله
اسر : بإذن الله
زيدان: طيب هبعتلك الممرض يجهزك عشان تروح الفيله
اسر : ماشي
راحت حلا مرت علي العينين بتوعها وخلصت شغلها وخدت اذن ومشيت عشان تروح البيت تجهز للخطوبه
واسر لبس وكان شكله شيك جدا ونزل من المستشفي وركب العربيه وطلع علي الفيلا
وصل اسر الفيلا ونزلوه من العربيه ووصلوه لحد الباب ورنوا الجرس
فتحت جودت
جودت بسعاده : اسر حمدلله علي سلامتك يا حبيبي
اسر بابتسامه خفيفه : الله يسلم حضرتك
جودت : اتفضلوا
الناس الي مع اسر مشيوا وفضل الممرض محمد بس
دخلوا الفيلا
اسر : اومال فين هنا
جودت: هنا فوق بتجهز نفسها
اسر : تمام
بدأت المعازيم تيجي علي الفيلا واخيرا وصل العريس
راح مازن عند اسر
مازن : بشمهندس اسر
ازيك يا بشمهندس
اسر بابتسامه : الحمد الله
مبرووك يا عريس
خلي بالك منها واوعي تزعلها
شاكر : هو يقدر ده انا اطلع عينه
اسر باستغراب : الصوت ده غريب
مين حضرتك
مازن : اللواء شاكر والدي يا بشمهندس
بشمهندس اسر اخو هنا يا بابا
اسر : فرصه سعيده يا فندم
شاكر : احنا اسعد يا بشمهندس كفايه اننا هناخد منكم هنا
اسر : الله يخليك
اسر فرح جدا بمازن ووالده وحس بطمئنيه علي اخته وسطهم
وفي اللحظه ديه تعالت اصوات الاغاني
وهنا بتنزل بفستانها الرقيق علي سلم الفيلا ومازن جه ناحيتها
مازن : ايه الجمال ده
هنا بكسوف: ميرسي
مازن : تعالي نسلم علي اسر
هنا: يلا
راح مازن وهنا عند اسر
هنا بسعاده : ابيه اسر
وحضنته
هنا : انا مبسوطه انك جيت
اسر بسعاده لسعادة اخته : هو انا اقدر محضرش خطوبة هنون حبيبتي
مازن بهزار : وانا ايه نظامي واقف هنا طرطور
بتحضنيه وتبوسيه وكمان يقولك حبيبتي
اروح انا يعني ولا ايه
اسر بمرح : يلا مع السلامه
مازن وشد هنا بخفه : لا وعلي ايه
الطيب احسن
الكل : هههههههه
راح مازن وهنا عند الكوشه وبدأوا يلبسوا الشبكه
وتدخل حلا من باب الفيله
وهي متعرفش حد غير هنا واسر
تتوجه ناحيه هنا
حلا ب ابتسامه: مبروك يا هنا
هنا : الله يبارك فيكي يا حلا
عقبالك
حلا: لا بلاش عقبالك دي انا كدا حلوه
هنا : واضح ان اسر اثر فيكي
حلا: اخوكي كفيل يكرهني ف الرجاله كلهم
هنا: وضح ان اسر وباء وبينتشر
حلا: دي حقيقه
اسيبك واروح اشوفه
عن اذنك انا
هنا : اتفضلي
ومشيت حلا وفضلت تدور بعينهاعلي اسر شافت الممرض وهو بيدخله الفيله ف فكرت انو تعبان ف راحت وراه
حلا دخلت وراه
حلا: انت كويس!! فيه حاجه واجعاك!
اسر : حلا !
لا انا تمام
اسر : لو سمحتوا سيبوني لوحدي
حلا شاورت للممرض. يمشي وفضلت هي واقفه
حلا: بس انا مش همشي انت المريض بتاعي ومن حقي اطمن عليك
اسر : مش فايق اتخانق حاليا
اعملي الي يرحك
حلا راحت قعدت علي الكرسي القريب منو
حلا:ها بقا مالك ممكن تعتبرني دكتوره نفسيه لو حابب لاني متاكده ان ال جواك مش تعب جسدي اكتر ما هو تعب نفس
وممكن كمان اقدر اقولك سبب انك متدايق وسيبت الخطوبه ودخلت
اسر : ايه السبب يا فقيقه
حلا: بغض النظر عن فقيقه ديه
فصعب عليك ان ف خطوبه اختك الوحيده متكونش شايفها ومتكونش معاها لحظه بلحظه صح ولا ايه
اسر : يمكن
حلا: مش يمكن ال حصلك ف حياتك دا هيديك درس تتعلم منه واهو يا سيدي ادينا مسافرين بكره وهتعمل العمليه ب اذن الله وترجع تشوف كل صور الخطوبه وتحضر معاها بقا كتب كتابها وفرحها
اسر : ده لو رجعت من هناك
حلا: انت دايما متشائم كدا هترجع ان شاء الله انا كنت انهارده الصبح بتكلم مع الدكتور الالماني ال هيعملك العمليه وفهمته طبيعه الحاله وكدا وهو ك نسبه نجاح مبدئيه 80% من شرحي للحاله بس النسبه كبيره مش قليله
اسر في سره : لو قمت من العمليه مش هرجع من حاجه تانيه
ربنا يستر
حلا بغرور مصطنع: وبعدين انت معاك اشطر دكتوره ف مصر خايف من ايه مش هدخلك عمليه الا وانا واثقه من نجاحها
اسر : هههههه ماشاء الله علي التواضع
حلا بهزار: طبعا امال انت فاكر ايه انا متواضعه جدا علي فكره
يلا بقا علي الحفله متسيبش اختك عشان متزعلش
اسر : مليش في الزحمه والدوشه
انا هنا مرتاح
حلا: دا يوم استحمل عشان هنا
مش بمزاجك يعني
المفروض اليوم دا هي متدايقش والمفروض تلاقيك موجود.
اسر : حاضر
شويه وهطلع
حلا: لا يلا انا هاخدك ونطلع دلوقتي
اسر : ماشي
وخدت حلا اسر وطلعو وحلا لقت الوقت اتاخر
حلا لاسر: انا لازم امشي بقا الوقت اتاخر بكره قبل معاد الطياره هاكون موجوده عندك
اسر : تمام
خلي عم سيد السواق يوصلك هتلقيه بره
قوليله امر من اسر بيه
حلا: لا متشغلش بالك انا معايا عربيتي
وكانت حلا لسه هتمشي لقت ست جت وقربت من اسر
فريده : مبرووووك يا اسر
اسر : فريده هانم !
ايه الي جابك
فريده: بلاش اجي خطوبه بنتي ولا ايه
اسر : وانتي لسه فاكره ان عندك بنت
حلا لاحظت تغير وش اسر وملامحه ال اتعصبت ف فضلت مكانها وممشيتش
فريده: دايما كدا يا اسر محسسني اني مقصره مع بنتي
اسر : ويا ريتك بتحسي
اتفضلي امشي من غير دوشه
فريده: وانا مش همشي دي خطوبه بنتي يا اسر وانا حره
اسر : مش هترتاحي الا لما بنتك ذات نفسها هي الي تطردك ويبقي شكلك وحش قدام الناس يا فريده هانم
فريده: ماشي يا اسر انا همشي بس وحياه ربنا ما هسيبهم يتحوزوا
اسر : بكره نشوف مين كلمته هتصدق
مع السلامه يا فريده هانم
مشيت فريده وفضلت حلا واقفه مزهوله هي ازاي دي ام اصلا
حلا : انا همشي انا
نتقابل بكره
اسر : دكتوره حلا
نديلي محمد يوديني المستشفي
حلا: المستشفي!؟
انت فيك ايه طيب ايه ال تاعبك
اسر : لاانا هبات هناك انهارده ويا ريت تبلغي هنا
حلا: طيب تعالي انا هوديك المستشفي وهبلغ هنا حاضز
اسر : ماشي
حلا ودته العربيه
حلا: هروح ابلغ هنا بس واجي مش هتاخر
اسر : ماشي
وراحت حلا لهنا
حلا: هنا انا هاخد اسر المستشفي
هنا بخضه : ليه ؟
هو كويس ؟
حلا محبتش تعرفها انو هو ال عايز كدا
حلا:اهدي يا هنا متقلقيش
انا هاخده عشان اطمن عليه ونجهز عشان السفر انتي بس هاتي شنطته معاكي بكره وانتي جايه ومتقلقيش ♥
هنا : خلاص يا حلا
ابقي طمنيني
حلا: حاضر. انا همشي بقا باي
هنا : باي
وراحت حلا بلغت الممرض انها هتاخد اسر
وراحت العربيه
حلا: اتاخرت عليك
اسر : لا
يلا لاني بدأت اتخنق
حلا: حاضر.
ودورت للعربيه وطلعت علي المستشفي
وصلته اوضته
حلا: انا برا لو احتاجتني مش هروح
اسر : لا روحي عشان تبقي مركزه بكره
ودكتوره نهي هنا لو حصل حاجه
حلا: لا انا تمام هنام ف المكتب وهبعت نهي تجيب شنطتي
اسر : الي يريحك
تصبحي علي خير
حلا: وانت من اهله
طلعت حلا من الاوضه
حلا: نهي معلش ممكن اطلب منك طلب
نهي : اتفضلي يا حلا
حلا: خدي المفتاح والعربيه وروحي هاتيلي شنطتي انا محضراها بس هاتيلي طقم من الدولاب عشان مش هفضل ب السواريه دا عشان انا مش هروح لان اسر هناواخاف يحصل حاجه ومبقاش موجوده
نهي : خلاص حاضر
حلا: شكرا يا نهي
نهي : العفو يا جميل
سلام
حلا: سلام
حلا دخلت مكتبها وقعدت علي المكتب وقعدت تفكر ليه بيكره مامته وايه السبب ال خلاه يمشي من الخطوبة لحد ما تعبت من التفكير ونامت وهي سانده راسها علي المكتب
