الحلقه العاشره
من روايه ” أحببت كاره النساء ”
عند مازن
مشيت فريده وطلع شاكر لمازن
شاكر: مين فريده هانم ديه
وعايزه منك ايه يابني
مازن بدا يحكي لباباه ال حصل
شاكر: وانت مصدق ان هنا ممكن تعمل كده
مازن: الصراحه
عقلي بيقولي ليه لا
وقلبي بيقول لا مستحيل هنا تعمل كده
بس ايه ال يخلي مامتها تقول كدا الا لو كانت هنا موافقه
شاكر: يبقي يا اهبل مش تسيبها وانت مديها معاد وكمان متروحش الجامعه
انت المفروض تواجهها
مازن: تفتكر
شاكر: بالي في رجلي لو مقومتش تكلمها حالا
مازن: بهزر يا رمضان
انت مبتهزرش يا رمضان
قايم اهو
شاكر :
دخل مازن الاوضه ولسه هيدور يجيب رقم هنا
موبايله بيرن
مازن: الو
هنا:الو ازيك يا مازن
مازن: تمام الحمد لله
انتي ازيك يا هنا
هنا: الحمد لله
هو انت يعني ليه مجيتش انهارده
مش كنت متفق معايا تعدي عليا
وحتي مجيتش الجامعه
مازن: هنا انتي فين
هنا: انا ف المستشفي عند اسر
مازن: طب تعالي نتقابل في كافيه…..
هنا: خلاص ماشي نص ساعه واكون هناك
مازن: تمام
هنا: مع السلامه
قفل مازن مع هنا ودخل يغير هدومه ونزل
مازن: انا نازل اقابل هنا يا بابا
عايز حاجه
شاكر: لا يا ابني شكرا
خلي بالك من نفسك وبلاش العصبيه
واعقلوا كده
مازن: حاضر
سلام عليكم
شاكر: وعليكم السلام
مع السلامه
عند هنا
خلصت مكالمه ودخلت لاسر لقت حلا موجوده بتدي اسر الدوا
هنا: السلام عليكم
حلا ب ابتسامه :وعليكم السلام
ازيك يا هنا
هنا: الحمد الله تمام
كويس اني لقيتك
كنت عيزه منك طلب وبلييييز توفقي عليه
حلا: اتفضلي
هنا: انا خطوبتي يوم الخميس الي جي وكنت عايزه اذن لابيه اسر عشان يحضر
بلييييييز يا حلا يا قمر انتي
حلا ضحكت علي طريقتها
حلا: اولا مبروك
ثانيا مش هقدر امنعه عن خطوبتك
بس لازم يبقي معاه ممرض او حاجه عشان لو تعب ولا حاجه
هنا: خلاص محلوله
انتي تيجي معاه
وانتي كده كده هتحضري الخطوبه مش بمزاجك ديه
حلا: لا معلش اعفيني انا
لاني عندي شغل الفتره دي ف المستشفي كتير
اناممكن ابعت معاكي ممرضه او ممرض كويس
هنا: نو نو نو
ماليش دعوه انتي لازم تحضري
حلا: خلاص مش هكسفك هاجي ب اذن الله
هنا: اوكي
انا بقي همشي عشان اقابل مازن
بعد اذنك يا ابيه طبعا
اسر بمرح: اقول ايه بقي
الله يسهلك يا عم مازن
حلا ضحكت علي طريقتهم
ومشيت هنا
حلا: انا وافقت انك تروح يا بشمهندس عشان مش هينفع متروحش بس ياريت كل حاجه هناك تبقي بحساب لان اي حركه غلط ممكن تأثر علي الجروح
اسر: حاضر
وادته الادويه وطلعت تباشر شغلها وهي مستغربه من امتي واسر مؤدب في الحديث معاها كده لا وكمان بيهزر مع اخته
حلا في سرها : سبحان مغير الاحوال
عند هنا
وصلت هنا المطعم لقت مازن مستنيها
دخلت ب ابتسامه كلها خجل
هنا: اتأخرت عليك؟
مازن: لا ابدا
اتفضلي
قعدت هنا
هنا: أممم طيب ممكن اعرف انت مجيتش ليه الصبح وكمان طلبت نتقابل
فيه حاجه يا مازن !
مازن: فريده هانم
جاتلي البيت النهارده الصبح
هنا وشها تقلب 180 درجه: جتلك!!
جت تعمل ايه
مازن: انتي بتسأليني؟
يعني مش عارفه فريده هانم جت ليه
هنا بعصبيه : هو انا لو عارفه كنت سألتك! وبعدين انا متوقعه اكيد هي جت ليه
اكيد جت توقع الدنيا ف بعضها
وتحاول تبوظ الخطوبه ب اي شكل من الاشكال عشان هي طول عمرها كدا انسانه انانيه مبتحبش الا نفسها وكل ال يهمها الفلوس وبس
وبدات تدرك انها اتعصبت ف بدات تهدا
هنا: مازن لو سمحت عرفني هي جت ليه وقالتلك ايه
مازن: ممكن تهدي
الاول تحبي تشربي ايه
هنا: مش عايزه اشرب حاجه
مازن: مش هتكلم غير لما تشربي حاجه الاول
هنا: خلاص ممكن اخد نيسكافيه
مازن: اتنين نسكافيه لو سمحت
الجارسون: حاضر يا فندم
حاجه تانيه
مازن: شكرا
هنا: اديني
طلبت ممكن تفهمني بقا بليز
مازن: جت تقولي ان انا مش من مستواكوا ومش هينفع نكمل انا وانتي مع بعض واني ابعد عنك احسنلي وان ده رايك انتي كمان بس اتكسفتي مني ومن اسر
هنا شهقت بزعر
هنا:لا لا لاااا اكيد الكلام دا انت مصدقتوش صح هنا دموعها خانتها
انا مش فاهمه هي ليه مش عايزاني مبسوطه ده انا بنتها
هي لو لقياني ف الشارع مش هتعمل كدا والله يا مازن الكلام دا غلط مش صح انا مبفكرش كدا
مازن انخض اول ما لقاها بتعيط: بس بس طبعا مصدق يا حبيبتي
ارجوكي اهدي وبلاش عياط
هنا: مش مبتحبني انا واسر ومكنتش بتحب بابا كانت دايما بتحب الفلوس وبس
مازن: هنا ارجوكي اهدي
هنا بدات تهدا ومسحت دموعها
وبصتله من غير ما تتكلم
مازن: ممكن تشربي النسكافيه بتاعك وتهدي كده
ويا ستي انا مش مدايق منك وهي متهمنيش في حاجه ولا يهمني رأيها
اهم حاجه عندي هي هنا حبيبتي وبس
هنا اول ما سمعت كلمه حبيبتي اتكسفت ومسكت النيسكافيه وبدات تشرب
وقعدو يتكلمو عادي
بعد ما مازن وهنا خلصو خدها روحها
مازن : ابقي طمنيني عليكي
هنا : حاضر
سلام
اسر : مع السلامه
دخلت هنا البيت
لقت أمها قاعده
هنا بعصبيه: اقدر افهم ليه عملتي كدا رحتتى لمازن ليه
فريده: هو قالك
هنا: اة انا ال اصريت انو يقولي ليييه انتي ليه عايزه تدمري حياتي مش كفايه ال عملتيه فينا يا شيخه ارحمينا بقا
فريده: بقي عشان عيزاكي تتجوزي واحد يرفع من مستواك ابقي كده بدمرلك حياتك
انتي لو اتجوزت الزفت ده يبقي انتي فعلا دمرتيها
هنا بعصبيه: ملكيييييش دعوه انا حره اقولك حاجه سيبالك البيت كله
اشبعي بكل حاجه وابعدي عننا
فريده: انتي لو اتجوزت البتاع ده
انا هدمرله حياته وهخليكي تجيلي تترجيني اني اطلقك منه
هنا: مدام ابيه اسر موجود مش هتقدري تعملي حاجه وهتجوزو يعني هتجوزو
فريده: بكره نشوف
سا بتها هنا وطلعت لمت حاجتها وخدت شنطتها و نزلت خرجت من الفيله ركبت العربيه
السواق: علي فين يا هانم
هنا: علي الفيله القديمه يا عم محمد
السواق: حاضر يا ست هانم
ومشيت العربيه ووصلت هنا الفيله وخدت شنطتها ودخلت
واول ما شافتها جودت اتخضت
جودت: هنا!
مالك يا بنتي
هنا اترمت ف حضنها وعيطت
هنا: انا تعبت يا ماما زهقت من ال هي بتعملو فيا ليه عايزه تبعد مازن عني انا بحبه
جودت: طب اهدي وتعالي ادخلي الاول
دخلت هنا مع جودت وقعدو
جودت : اهدي يا هنا يا حبيبتي وفهميني ايه الي حصل براحه
هنا بدات تحكيلها كل حاجه
جودت : حصل خير يا حبيبتي
اهو الي حصل ده يعلمك ان مش اي حاجه
تتقال تصدقوها انتي او هو لازم يبقي فيه مواجهه مابينكم
والحمد لله عدت علي خير
اطلعي اوضتك الي فوق حطي حاجتك وخدي دش وغيري هدومك وانزلي نتعشا سوي
هنا: حاضر يا ماما
عدت الايام
وهنا تجاهلت الي حصل مع امها تماما وبدأت تجهز الفيلا مع جودت للخطوبه
واسر في حالة هدوء تام لا بيتخانق مع حلا ولا بيديقها
