_والله انت اللي ندهت عليا وقلت لي عايزه اتكلم معاكي ويا ريت تقولي اللي انت عايزه وتختصر بسرعة عشان ما تنفعش قعدتنا دي مع بعض .
حسيت انه اتضايق واتخـ,ـنق لما انا قلت له كده لكن هعمل ايه يعني رغم ان كان ذوق معايا جدا في الكلام ولقيته بيقول لي:
_انا من ساعه ما شفتك يا صبا وانا معجب بيكي وسألت عنك كتير وعرفت انك محترمه جدا وانا بصراحة لما بتعلق بحاجه ما بتطلعش من بالي بسهولة الا لما بمتلكها .
بصيت له بعيون واسعة من عينيه المكشوفة وطريقة كلامه اللي محدش يقبلها ابدا وهاجمته بالكلام:
_هو انت متخلف يا بني ادم انت انا لسه قايله لك اني مخطوبة؟
هز لي راسه وأكد على كلامي :
_ما انا عارف ان إنتي مخطوبة لابن عمك مش بقول لك عرفت عنك كل حاجه سيبك منه لو هم غاصبينك على ارتباطك بيه وصدقيني مش هتلاقي حد يبسطك قدي
لحد الكلمتين دول وفقدت قوة احتمالي بسبب كمية البرود اللي قاعده قدامي ولقيتني بلم شنطتي وكتبي وبقول له بتصميم:
_مين قال ان هم غصبيني ! انا وعامر مش بس بنحب بعض ده احنا بنعشق بعض من واحنا صغيرين ويا ريت تبعد عني لأني مش هسيبه ابدا .
ما نكرش اني حسيت اني جرحته بكلامي وشفت في عيونه انكسار انا فاهمه معنى النظرة كويس جدا لكن انا هعمل ايه انا واحدة مخطوبة وبحب خطيبي وهو بيحبني من كلامي بهدوء شويه:
_انت تستاهل واحده احسن مني يا عدي ولو دورت هتلاقي البنات كتير لأن فعلا بحب خطيبي وانا وهو مرتبطين ببعض جدا عن إذنك .
وسبته ومشيت وهو حزين ومتضايق لكن قلت في نفسي انه يومين وهيهدى،
وبعد المره دي ما حصلت حاول يتكلم معايا في نفس الموضوع مرات كتيرة جدا وانا طبعا نفس الرد ،
وفضلنا على الحكاية دي اكتر من اربع شهور وخلاص داخلين على امتحانات الترم الأول وفجأة الجامعة كلها لقيناها مقلوبة وبنسأل ايه اللي حصل عرفت وسمعت طراطيش كلام ان عدي عمل حادثة وحالته صعبة جدا وطبعا احنا وزمايلنا كلنا رحنا علشان نزوره،
واثناء
