مياده بفرح… بجد ياصقر موافق تيجي معايا
صقر بيبص لاقي تلفونه بيرن.. اه بجد يلا سلام بقا دلوقتي عشان التلفون بيرن
مياده.. تمام ماشي سلام ياقلبي انت
_الحلوه فرحانه ليه كدا فرحيني معاكي
مياده.. صقر وافق يجي يروح معايا اروح اجيب فستان الخطوبه ياخالتو
صافي… الف الف مبروك ياروحي صقر طيب بس مش عارفه ماله كدا
مياده.. ان شاء الله هعرف ماله بس لم احاول اقرب منه وافهموا
صافي… صعب تفهمي صقر
مياده… هحاول يمكن اقدر
صافي بضحك.. ماشي ابقا افهميه المهم دلوقتي يلا عشان نتغدا
مياده… اشطاااا يلا
صقر… الو اخبارك اي طمنيني عنك
_انا الحمدلله بخير
صقر… صوتك حاسس منه في حاجه احكي في اي ياروح ويلا
روح… ههههه بتعرفني دايما سبحان الله مع اني مش قدامك
صقر… مش انتي بنت صحبي فيعتبر بنتي
روح… ههههه حصل بنتك بس بنتك كيف وانت اكبر مني بسنه بس
صقر… بت اخلصي في اي مش فاضي بطلي ضحك
روح… يو يو ده قلب عليا المهم مافيش حاجه حصلت بس كان في ولدين وبنت كانو بيدايقوني وواحدها جت وساعدتني وهزقتهم
صقر بعصبيه… طيب مرنتيش عليا ليه وعرفتني ومين دول انا هاجي بكرا الجامعه ومعلمهم الادب
روح بفزعه… لا خلاص والنبي حصل خير فكك بقا
صقر… مافيش حاجه اسمها فكك انا هاجي بكرا يعني هاجي
روح بتنهيد… يالهوووي ماشي ابقا تعال لم نشوف اخرتها هيكون في بكرا معركه
صقر… لا والله طيب يلا روحي عشان عندي شغل
روح… ماشي روح ربنا معاك سلام
صقر… يارب سلام
خديجه… نجمه قاعدها ليه كدا في حاجه
نجمه.. ها لا بقولك متيجوا نطلع انا وانتي نمشي شوي
خديجه… لا مش قادرها
احمد… ازيكم ازيكم بتعملوا اي
خديجه… مش بنعمل نجمه عايزه تخرج بس
احمد… اشطااا يلا نخرج
نجمه… بجد ياحمد يالا
احمد… بجد قومي البسي ويلا
نجمه… اشطااا استنا خمس دقايق بس واجي
احمد… تمام وانتي مش هتيجي معانا وفين فاطمه
خديجه… فاطمه راحت عند اهلها يومين وانا ماليش نفس اطلع
احمد… امممم تمام
نجمه… خلصت يلا
احمد… اشطااا يلا سلام ياحلوه ومشي هو ونجمه
صقر.. ها ناويه تروحي تشوفي فين
مياده بفرح… هنروح نشوف الفستان من المول اللي بنجيب منه
وبعدها هنروح نتمشي شوي علي البحر
صقر…. نخلص الاول الفستان ولو في وقت نبقا نروح
مياده بفرحه…. ماشي يلا
