بسم الله الرحمن الرحيم
لا اله الا الله وحده لا شريك له يحيي ويميت له الملك وله الحمد وهو على كل شيء قدير
بتبص على الفستان اللي لابساه واللي ياما حلمت تلبسه مع عريسها اللي بتحبه ،
وبتبص على الأوضة باستغراب بقي لها ساعتين داخلاها ولحد دلوقتي اللي اتجوزته مجاش ناحية الأوضة ، وفجأة الباب اتفتح وتلقائي بصت عليه ، ولقته دخل الأوضة بصمت من غير سلام ولا كلام ،
بعد شوية زهقت من الوضع فوقفت قدامه وهو كان نايم ساند ضهره على الكرسي ومغمض عنيه ،
قعدت على ركبتها قدامه وسألته :
_ هو أنا وحشة أو معجبكش شكلي ؟
فتح عيونه وبص لها بتوتر :
_ مين قال كدة هو أنا جر$حتك بكلمة حتي .
بلعت انفاسها بتوتر وكملت كلامها:
_ امال من ساعه ما اتجوزنا ودخلت الاوضه بقى لي اكتر من تلت ساعات وانت ما بتوجهليش كلام خالص ولا حتى بتبص لي ممكن اعرف ايه السبب ؟
دفن وشه بين ايديه ومش عارف يرد عليها بايه لكن جاوبها :
_معلش مرهق شويه ممكن ناجل الكلام لبكره بعد اذنك .
وسابها وكان هيخرج من الاوضه لاقيها لحقته ومسكته من كتفه وبتكمل اسئلتها اللي محيراها :
_طيب تعبان نام انت رايح فين دلوقتي ممكن افهم؟
نزل ايديها من على كتفه بهدوء وقال لها:
_هنزل تحت شويه هسيبك على راحتك .
وخلص كلامه وقفل الباب ونزل ، أما هي راحت على السرير ود،،فنت وشها بين ايديها وهي حزينة من غموضه وتجاهله ليها ،
تاني يوم الصبح طلع لقاها نايمه على السرير وهي ساندة راسها على ركبتها ، اتضايق من نفسه جدا ، فراح لها وبدأ يقرب منها ودقات قلبه مش مبطلة ، ونيمها كويس على السرير ،
وبعد مانيمها فضل يبص في ملامحها جامد وكأن فيه حاجة بتسحبه ليها وكل ده وهي نايمة ومستسلمة للنوم ،
وفجأة حط ايده على شعرها يلمسه وهو بيقول لها بتوهان لما دخل عالمها :
_ وحشتـ,,ــيني اووي ، وحشني حـ,,ــضنك وريحتك وحشني نفسك في المكان كل حاجة فيكي وحـ,,ــشتني ياقلبي .
لقاها بتتململ في نومها وفجأة فتحت عيونها لقيته جنبها وعيونه جوه عيونها استغربت جدا وقالت له بتوتر :
_ صباح الخير ، هو في حاجة صحيت لقيتك بتبص لي جامد ؟
اتحمحم بتوتر وقام من جنبها وجاوبها وهو مدور وشه :
_ لااا أبدا دخلت أخد هدوم ليا لقيتك مش نايمة كويس صعبتي عليا فجيت عدلتك علشان تبقي مرتاحة .
بلعت انفاسها بتوتر وقالت له:
_ طيب رد الصباح الاول ، ولا أنا أي كلمة واي حاجة مني مش مقبولة خالص .
راح ناحية الدولاب يطلع هدومه وحلولها من غير ما يبص لها :
_ لا مين قال كدة ، صباح الخير ،
واخد هدومه وسابها وخرج ،
أما هي استغرابها كل يوم بيزيد وبقت مش قادرة تستوعب طريقته معاها ،
كملت نومها اللي منامتهوش أصلاً لكن وهي بتتقلب شمت ريحة برفانه معبية مخدتها وتلقائي لقت نفسها بتحـ,,ــضن المخدة ،
ومرت الأيام لحد ما مر شهر على جوازهم وهو معاملته زي ماهي ، ساعات تبص له من بعيد تلاقيه بيبص عليها وفجأة يعمل نفسه مشغول بحاجة تانيه ،
خلاص زهقت من معاملته الجافة ليها وتجاهله ليها من بقي لهم شهر ، وهو بينام في أوضة وهي في أوضة ، بس في حاجة مستغرباها بتصحي كل يوم الصبح تشم ريحته على مخدتها ،
وتصحي تلاقي ايديها منملة شكل مايكون حد ضاغط عليهم طول الليل ،
فخلاص زهقت وجابت آخرها ووقفت قدامه وهي مصممة تشوف اخر للي هي فيه ده ومش لاقية له تفسير:
_ ممكن افهم انت اتجوزتني ليه ؟
حس خلاص انها مش هتسيبه فبص في ساعته وقال لها وهو قايم وناوي يخرج:
_ معلش أنا مش فاضي دلوقتي عندي شغل لما ارجع نتكلم .
وقفت قدامه ومنعته ان هو يمشي وقالت له :
_ كل يوم من ساعه ماتجوزنا تقول لي الكلمتين دول وأنا زهقت.
اخد نفس طويل وقرر يمشي عشان ما يضعفش قدامها وينقض وعده اللي بينه وبين نفسه:
_بعد اذنك انا متاخر على الشغل لما اجي نتكلم الدنيا ما طارتش .
كانت مصممه انها تتكلم معاه وردت عليه:
_ممكن افهم وترد على سؤالي وتجاوبني علشان انا مصممه اتجوزتيني ليه يا عامر ؟
زهق من محاصرتها ورد عليها بعصبيه :
_والله اتجوزتك لما لقيت عمك بيشتكي منك وانك تقيله عليه فقلت اكسب فيكي ثواب واتجوزك ها استريحتي لما عرفت ايه السبب ؟
حسيت انها انجر..حت قوي وقلبها بقى يدق من شدة كلامه اللي ما كانتش متوقعاه اتحرمت من الاب والام وعمها ومراته اللي ياما قسيوا عليها في تربيتهم ليها هم اللي وصلوها انها تبقى شكاكة في كل حاجه فما عندهاش ثقه في نفسها ،
وقالت له والدموع متحجره في عينيها:
_اذا كان كده يبقى طلـ,,ــقني وسيبني ارجع لهم تاني ونا,,رهم ولا جنتك ،وشكرا قوي يا ابن الاصول شكرا يا ابن الناس الطيبه اللي انا سمعت عنهم .
اول ما سمع كلمه طلا,,ق حالته اتبدلت ومسكها من كتفها وبقى يهزها بعنـ,,ــف وقال لها :
_اوعاكي اسمع كلمه طلا,,ق منك تاني انت جيتي هنا البيت ودخلتيني وبقيتي على ذمتي ومش هتخرجي منه الا على القبـ,,ــر كلمه طلا,,ق دي لو سمعتها منك تاني هتشوفي وش عمرك ما شفتيه.
عيطت جامد وقالت له وهي تبص جوه عليه بشفقه على حالها:
