نظرت الي صديقتها بأسي، وهي تشفق عليهاا مما حدث لها
رنا : ياا يامريم ، طيب مقولتليش ليه كنت ممكن اساعدك تلاقي شغل ما انتي عارفه علاقات بابا
مريم : مكنتش عايزه اشغلك بمشاكلي ، سيبك مني انتي اخبارك ايه
رنا : انا ياستي اتخطبت لأبن عمي ، وبعد كام شهر هسافر معاه امريكا
مريم بفرحه : مبروووك يا رنا
رنا بحب : الله يبارك فيكي ياحببتي
ثم نظرت لصديقتها لبعض الوقت ، وقالت
الشركه الي بابا شغال فيها محتاجين محاسبين ويكونوا خارجين تجاره انجلش ، ايه رئيك تقدمي للوظيفه وانا هقول لبابا يساعدك
مريم : بس انا مش عايزه اسببلك احراج مع والدك
رنا : احراج ايه يابنتي ، هو اصلاا كان عارض الوظيفه ديه علي مي بنت خالتي ، بس خطيبها رفض ولما انتي حكتيلي ظروفك افتكرت وكمان انتي نفس المؤهل الي طلبينه ومتخافيش بابا ليه اسمه في الشركه والكل بيقدره ويحترمه
وانتي اعملي الي عليكي وقدمي ، يمكن يكون ليكي نصيب وتشتغلي في شركه كبيره زي ديه
مريم بسعاده : ياا متعرفيش الخبرده فرحني قد ايه ورحمني ، من اللف علي اي وظيفه اشتغلهاا
رنا بأشفاق : خلاص بكره ان شاء الله نتقابل ، واخدك لمقر الشركه مع ان اسمها معروف في البلد كلهاا
………………………………………….. ………..
هاا يا احمد ، اختارت المحاسبين الي شركه محتاجهم
احمد : بكره ان شاء الله هنعمل المقابله ، وهنختار الي يصلح للوظيفه
ادهم ويعيد نظره لبعض الاوراق التي امامه : ماشي يا احمد التعين هيكون تحت اشرافك ، المهم اخبار بنود العقد مع الشركه الايطاليه ايه
احمد بأبتسامه : بعتوا لينا مندوبهم عشان نتمم العقود
ادهم بأرتياح : كويس جداا ، ثم نهض من مكانه وبدء يرتدي حلته ليهم بالخروج
وقبل ان يغادر مكتبه …… ابقي اعلن عن الصفقه الجديده للصحافه
………………………………………….. ……………
هتوحشيني علي فكره
شاهي بدلع : ياسلام ، يعني بكره مش هتزهق مني
اياد : في حد يزهق من روحه ياحياتي
شاهي : بكاش علي فكره بقي
اياد : في واحده تقول لحبيبها وخطيبها وزوجها المستقبلي كده ، ثم غمز لها بأحد عينيه
وقال بهيام لتذكرهه تلك الليله التي قضوها سويا منذ ساعات قليله
شاهي بخجل : تصبح علي خير
اياد : وانتي من اهله ياحببتي ، اوعي تنسي معادنا بكره
ابتسمت له ، وخرجت من سيارته وهي تودعه بأحد ايديهاا
ثم تنهدت براحه ، ودخلت الي فيلتها التي تقطنها هي واباها بمفردهم
………………………………………….. ………
جلست تنتظر دورهاا بعد ان اصطحبتها صديقتها وتركتها للتقديم في تلك الوظيفه ، كانت اعينها تتابع المكان من حولها وهي حالمه بأن تقبل بذاك الوظيفه
ظلت تتأمل هؤلاء الفتايات بملابسهم ومكياجهم الصارخ
نظرت لهم بتعجب ، ثم اخفضت رأسهاا لعلها تستجمع قواهاا
تأملتها السكرتيره بأستغراب شديد ، وهي تطلع الي ملابسهاا
فقد كانت ملابس بسيطه للغايه
السكرتيره بأبتسامه: اتفضلي يا انسه ، المقابله هتكون مع بشمهندس احمد
احمد بهدوء وبدون ان يتطلع اليها : اتفضلي يا انسه مريم
ثم نظر لها وقال : انسه مريم صح
مريم : ايوه يا فندم
احمد : ممممممم ال cv بتاعك هايل ، بس ناقصك خبره
