حماتي وبناتي

وقبل ما بدا حكايتي اعرفكم بنفسي انا أسمي هيام عندي 28 سنه متجوزة وعايشة مع حماتي وسلفتي وجوزي بيسافر دايما وبيرجع اجازة ويسافر تاني
وفي يوم حماتي قالت
الحما
بت ياهيام جوزك راجع الاسبوع الجاي اهو انا عايزة الاجازة دي مش يمشي من هنا غير وانتي حامل انتي عارفه لو محملتيش وجبتي لي الواد اللي نفسي فيه انتي حره انا عرفتك اهو
هيام

وهو انا بأيدي ياحماتي يعني وبعدين انا يعتبر لسه متجوزة ابنك هو نزل الاجازة اللي فاتت اتجوزني ورجع سافر اعمل انا ايه بقا
الحما
تتجدعني ياحبيبتي المرة دي وتحملي قبل ماهو يسافر انا عايزاة يسيبك المره دي وانتي حامل في الواد انا ياختي عايزه افرح ب ابني
ويكون ليه عيل من صلبه
هيام
كله علي الله يا حماتي انا طالعه شقتي
وخلصت ليكي كل حاجه بعد اذنك بقي

الحما
اذنك معاكي يا حبيبتي مش عارفه
اي بنات اخر زمن دول الواحده فينا
كانت بتتجوز من هنا وبعدها
بشهر تكون حامل من هنا وكل
ما نكلم واحده في الزمن ده تقول
هو ب ايدي لما اشوف اخرتها معاكي ياختي
وطلعت شقتي واتصلت باختي نعمة اللي بتشتغل ممرضة في مستشفى وقولت لها
هيام
ايوه يا نعمة عامله ايه يا حبيبتي

معلش رنيتي عليا
كنت عند حماتي تحت والتليفون كان
في الشقه هنا
نعمة
انا الحمد لله ياهيام بخير طمنيني عليكي انتي ومال صوتك كده انتي كنتي بټعيطي ولا ايه اكيد العقربة حماتك هي اللي زعلتك
هيام
حماتي مش مبطلة زن في موضوع الخلفه ده كل شوية تقولي لازم تحملي وتجيبي الواد زي سلفتك وخلتني کرهت نفسي
نعمة
طيب انتي هتخلفي ازاى وجوزك مسافر هي الوليه دي ايه مابتفهمش خالص ولا ايه
هيام
اذا كان على جوزي فا جوزي راجع الاسبوع الجاي وهي بقا مصممة اني الاجازة دي اعمل منه وانا بصراحة مش عارفه اعمل ايه انا زهقت خالص يانعمة بجد

نعمة
طيب اسمعي انا في واحده صاحبتي بتشتغل ممرضة في عيادة دكتور أمراض نسا وتوليد انا هكلمها تكلم الدكتور يشوف لك حاجة تعمل لك تنشيط على بال جوزك ما يرجع بالسلامة
هيام
طيب ده كويس جدا يا نعمة قوليلي لها وخودي لينا ميعاد عند الدكتور بتاعها ده ونروح له انا وانتي حتى من غير حماتي ما تحس
لاحسن متعرفيش هي ممكن تعمل فيا اي
نعمة
خلاص ياهيام سيبي الموضوع ده عليا انا وانا هحل لك كل ده مع حماتك واخليها تحط لسانها جوه بوقها شوية بس الدور والباقي على ابنها بق
مهي لازم تفهم ان الموضوع ده مرتبط بيكي وبيه
هيام

هي حاطه في دماغها أن طلما ابنها الكبير
خلف يبقي الصغير كده كمان معرفش
حماتي دي جايبه الأفكار دي منين
نعمة
طيب ياحبيبتي لما نشوف بقا ههههه يلا يابت انا هقفل دلوقتي وهبقي اكلمك بعدين يلا سلام
وقفلت مع نعمة اختي وحسيت انه هيبقا في امل اني اخلف من عماد لما يرجع وامه تبطل كل شوية تتكلم في الموضوع ده
وعدت الايام وفي يوم عماد اتصل بيا وقالي
عماد

وحشتيني ياهيومة اوي عاملة ايه مع امي اوعي تكوني مزعلاها لاحسن عالطول بحس
ان نبره صوتها كده مش مريحاني
هيام
انا برضو اللي مزعلاها ياعماد هو انا اقدر ازعلها ياحبيبي ده انا قايدة لها صوابعي العشرة شمع هي امك قالت لك حاجة عني ولا ايه
عماد
لا مقالتش انا بس سمعت منها مره كده انك بتنامي لحد الضهر وبتنزلي لها متأخرة وتعملي الاكل العصر حاجات زي كده يعني
انا عايزك تبقي زي مرات اخويا تكوني

نشيطه معاها
هيام
اااه يعني امك اشتكت لك مني اسمع ياعماد انا مستحملاها عشانك انت امك
طريقتها معايا وحشة خالص بتعاملني ولا الخدامة
وكل شوية

تهددني وتقولي اعملي حسابك لو ابن رجع الاجازة دي ومحملتيش منه انا هجوزة
عماد
معلش ياحبيبتي اكيد بتهزر معاكي ومتقصدش حاجة يعني ياهيومة على العموم انا لما ارجع نبقا نشوف موضوع الخلفه ده
هيام
ماشي ياعماد بس ياريت لما هي تشتكي لك مني تاني ابقي رد عليها عني وعرفها انك عارف اني بعمل اي حاجة عشان ارضيها هي وبس
عماد

خلاص بقا ياهيام متزعليش اوي كده على العموم انا خلاص هوصل على بعد بكرة ان شاء الله عايزك الاقيكي مستنياني من غير نكد اصلك وحشاني اوي يعني وبصراحه انا مش عايز اجي
الاجازه دي ويكون فيها مشاكل
هيام
انت كمان وحشتني ياعماد ده انا في انتظارك على أحر من الجمر ياحبيبي
وقفلت مع عماد وكلمت نعمة وقولت لها
هيام
ايوه يانعمة عماد راجع بعد بكرة هنعمل ايه احنا لازم نروح للدكتور بكرة

نعمة
بنت حلال ياهيام انا اصلا كنت لسه هكلمك عشان اقول لك اني حجزت ميعاد عند الدكتور وهنروح بكرة انا وانتي
هيام
طيب هاقول لحماتي رايحة فين بقا
نعمة
قولي لها انك هتنزلي تشتري شوية حاجات عشان جوزك اللي راجع ده هو مش المفروض برضو انك تملي البيت حاجات عشان لما يوصل يكون كل حاجة جاهزة
هيام

خلاص ماشي وبعدين انا اصلا كده كده كنت عايزة حاجات في التلاجة يلا سلام دلوقتي واشوفك بكرة
وتاني يوم جه الميعاد ونزلت عند حماتي وكانت سلفتي شرين قاعده معاها
الحما
رايحه فين ياختي علي الصبح كده ومن
أمتي وانتي بتصحي بدري كده
هيام
رايحه اجيب شويه حاجات علشان تكون

جاهزه في البيت ومش اخرج وعماد
هنا
شرين
ومن أمتي ياختي الكلام ده مهو كل
حاج بتكون عند حماتي هنا يعني
مس هنجيب اي حاجه من برا
هيام

جوزي بيحب حاجات معينه واكيد مش هسيبك
التلاجه بتاعتي فاضيه ولو جوزي عايز حاجه
اقولوا انزل بليل عند حماتي
الحما
خلاص ياختي مش ناقصه رغي كتير
روحي وبلاش تتاخري انتي عارفه
ان هنجهز اكل كتير
هيام

اللي تشوفي يا حبيبتي عنيا ليكي وبعدها مشيت
شرين
شوفتي يا حماتي البت دي بصراحه انا
مش عارفه عماد عايزها ليه دي بت سهتانه
الحما
اعمل اي ابني وبيحبها بس مش مرتاحه
ل خروجها بصراحه حاسس ان وراها
حاجه
شرين
خديها من علي لساني والله

البت دي وراها حاجه بس اي هي
انا مش عارفه وبعدها روحت
انا ونعمة والدكتور قالي
الدكتور
انتي معندكيش اي مشاكل للحمل يامدام هيام وانا هكتب لك على برشام هتاخديه عشان ينشط المبايض وانتي بتقولي أن جوزك راجع من السفر يعني ان شاء الله هتبقا فرصة كويسة للحمل
نعمة
احنا متشكرين اوي لحضرتك يادكتور ربنا يكرمك يارب بالاذن احنا بقا
ومشينا من عند الدكتور وانا قولت لنعمة
هيام

تفتكري يانعمة انا هحمل المره دي لما عماد يرجع الاجازة دي
نعمة
ان شاء الله ياحبيبتي انا متفائله خير وبعدين ماهو الدكتور اداكي العلاج اهو انتي عايزة ايه بقا ده دكتور كبير ياحبيبتي وشاطر اوي مشاء الله عليه
وبعدها عماد رجع من السفر وانا مقولتش على اني رحت للدكتور وتاني يوم من رجوعه نزل عند امه وقالت له
الحما
حبيب امك انت وحشتني اوي ياضانيا البيت كان مضلم من غيرك والله ياعماد
عماد
تسلمي يا أمي ربنا يخليكي لينا ياغالية
الام
انا بقا نفسي افرح بعيالك كده واشيلهم على ايدي
عماد

ان شاء الله ياما وبعدين دي حاجة بتاعت ربنا وكله باوان يعني ياست الكل اطمن ان شاء الله خير
الام
ياحبيبي انا عارفه ان كل حاجة بايد ربنا وكل حاجة بس شد حيلك انت بس وربنا يسهل المهم قولي انت اجازة ااد ايه ياضانيا
عماد
الاجازة المره شهرين ياما قاعدهم معاكي
الام
طيب ياحبيبي ده حلو اوي المده دي فرصة بقا انت وهيام

تظبطو نفسكم وتخليها حامل
وانا نزلت ورا
الحما
ادخلي علي
المطبخ يلا شوفي اللي

وراكي
عايزين نخلص المطبخ بدري بدري
لأن مش عايزكي تكوني موجوده هنا
كتير
وفي الوقت ده نزلت شرين سلفتي وهي شايله ابنها وقالت
شرين
منور ياعماد البيت نور بيك شوفت مصطفى ابن سمير اخوك روح لعمو يامصطفى
عماد

اهلا حبيب عمو تعالي ياحبيبي اومال سمير فين ياشرين مش شايفه يعني النهاردة خالص
شرين
كان عنده شغل طول النهار وقال هيرجع بالليل صحيح شكرا على الحاجات الحلوه اللي جبتها لمصطفى ياعماد والله زوقك جميل خالص لا واللبس مظبوط عليه اوي تقولش كنت عارف مقاسه
عماد
شكرا على ايه بس ياشرين ده مصطفى ابن اخويا بعتبرة ابني بالظبط بس الحمد لله ان الهدوم طلعت مقاسه انا كنت خاېف والله تطلع صغيره ولا كبيره
شرين
لا طلعت مظبوطة ياعماد تسلم ايدك
الام

عقبال ياحبيبي ماتجيب لابنك ان شاء الله عن قريب ياااارب
وخرجت من المطبخ في الوقت ده وحماتي قالت لي
الحما
شوفتي ياهيام شوفتي عماد متعلق بابن اخوه ازاى وبيحبه ازاى عقبال كده ماتجيبي له العيل اللي يفرحة
هيام
ان شاء الله ياحماتي عن قريب انت هتفضل هنا ياعماد مش هطلع بقا ترتاح ياحبيبي
عماد
هاااه ااه ياحبيبتي يلا بينا نطلع فوق عن اذنك ياما انتي وشرين