دينا:طب يلا اقفل بقا وارتاح وانا شوية وهكلمك ماشي
سيف:ماشي
دينا:سلام
سيف:سلام….بابا
مراد:نعم
سيف:اتصلي ب ماما
مراد:حاضر
وعند مها
مها قاعدة بتدعي لسيف فجاة تليفونها رن
مها بفرحة:سيف حبيبي
سيف:ازيك يا ماما
مها:حبيبي عامل ايه
سيف:انا كويس الحمدلله انتي عاملة ايه
مها:سيبك مني انا طمني عليك
سيف:والله انا كويس
مها:الحمدلله والله كنت بدعيلك يابني
سيف:ربنا يخليكي ليا
مها:ويخليك ليا
سيف:يوسف وفاطمة عاملين
مها:الحمدلله كويسين
سيف:الحمدلله طب ياماما انا هقفل عشان ارتاح شوية
مها:ماشي ياحبيبي
سيف:سلام
مها:سلام
عند يوسف
يوسف طلع من المستشفي
وهما في الطريق للبيت
يوسف:حبيبتي
فاطمة:انت بتكلمني انا
يوسف:اه بكلمك انتي
فاطمة بفرحة:بجد يايوسف انا حبيبتك
يوسف بابتسامة:حبيبتي وقلبي وروحي وعنيا كمان
فاطمة:انا مش مصدقة نفسي
يوسف:لا صدقي اه صحيح
فاطمة:خير
يوسف:لما روحتي انتي وسيف مع محمد وكيل النيابة لقيتوا حاجة هناك
فاطمة:اه ده اااا “وحكتلوا اللي حصل”
يوسف:طب تمام انا هوصلك وهروح لمحمد بيه وهرجع علطول
فاطمة:طب خودني معاك
يوسف:هي رحلة يافاطمة
فاطمة:طب اتصل ليه خليه يجيلك
يوسف:بت اسكتي خالص وحطي لسانك جوا بؤك ماشي
فاطمة:يايوسف طب اااا
يوسف:فاطمة متنرفزنيش عليكي
فاطمة بخيبة امل:طب متتاخرش
يوسف:حاضر يلا انزلي
فاطمة:خلي بالك من نفسك
يوسف:حاضر يلا ادخلي بقا
فاطمة:حاضر
وبعد ما فاطمة دخلت الفيلا
يوسف مشي
عند مها
مها:ايه ده امال يوسف فين
فاطمة:راح لمحمد وكيل النيابة
مها:ليه
فاطمة:معرفش
مها:طب ماروحتيش معاه ليه
فاطمة:مرضيش وزعقلي لما فضلت اتحايل عليه
مها:ان شاء الله هيرجع بالسلامة
فاطمة:ان شاء الله…انا هطلع اغير هدومي
مها:ماشي ياحبيبتي اخليهم يحضرولك الغداء
فاطمة:لا هستني يوسف
مها:ماشي ياحبيبتي
فاطمة:بعد اذنك
مها:اتفضلي
عند يوسف ومحمد
يوسف:ازيك يامحمد بيه
محمد:اهلا استاذ يوسف
يوسف:كنت عايز احكيلك حاجة كده بخصوص رشاد الشهاوي
محمد باهتمام:خير
يوسف:كنت في مرة كان عندي عشاء عمل مع رشاد الشهاوى وبنته
كنا قاعدين وبنتفق ان هنفتح شركة مع بعض بس فجاة لقيتهم بيقولولي ان الشركة دي هيبقا من وراها شغل تاني…وانا بطبيعتي وفهمت علطول ان هيبقا شغل مش مظبوط وهما بيتكلموا تليفوني رن ف استاذنت منهم اني عرد وهرجع وقمت كنسلت وشغلت مسجل التليفون وعملت نفسي بتكلم ورجعت وحطيت التليفون علي الطربيزة وقفلت الشاشة وسيبته يسجل ولغاية دلوقتي التسجيل معايا وروحت بلغت عنهم وبنته اتسجنت متلبسة وبعد كدة بقا في عداوة بيني وبينه بس كده
محمد:يعني دلوقتي قدامنا جلال نور الدين ورشاد الشهاوي…في حاجة بينك وبين جلال غير اللي حصل بينكوا
يوسف:لا مفيش غير ان كل صفقة انا بكسبها وهو ورشاد بيخسروها
محمد:تمام عموما انا متشكر جدا ليك انك جيت وقولتلي وان شاء الله اول مااوصل لحاجة جديدة هبلغك
يوسف:ان شاء الله بعد اذنك
محمد:اتفضل
عند احمد وسمر
احمد:نورتي بيتك
سمر:شكرا
احمد:ادخلي اؤتاحي لحد مااطلب اكل صحيح تاكلي
سمر:مش عايزة اكل
احمد:لا الحاجة الوحيدة اللي هتبقا غصب عنك هي الاكل
سمر:وانا مش عايزة اكل
احمد:مش بمزاجك…وبراحتك انا هجبلك اكل علي زوقي
وخرج من الاوضة
سمر بصوت واطي:وحياة امي لاربيك ياحمد من اول وجديد
وبعد شوية الباب خبط احمد فتح لقي سوزى وزيزى
احمد:خالتوا !!!!! اهلا اتفضلي…اتفضلي يازيزى
سوزى:امك قالتلي علي اللي حصل لمراتك ف جيت انا وزيزى نطمن عليها ونتاسفلها لو زعلناها
احمد:اتفضلي ياخالتوا انتي وزيزى ادخلوا لسمر
احمد اخدهم ودخلوا لسمر
سمر بصدمة:انتوا ايه اللي جابكوا هنا
احمد:اهدي ياحبيبتي خالتوا وزيزى جايين عشان يتاسفولك
سمر:………..
سوزى:انا اسفة يابنتي والله مكنش قصدي ادايقك
زيزى:وانا كمان مكنش قصدي انا اسفة متزعليش
وبعد شوية كانوا اتصالحوا ومشيوا
عدا كام يوم وسيف رجعوكلم دينا طمنها
ويوسف بدا ينزل الشركة
وفاطمة وسيف وهناء ومحمود واحمد وسمر وسامررجعوا الجامعة وجه الامتحانات وامتحنوا ونجحوا وبقوا في سنة تانية
وسامر شافلوا بنت تانية وعجبتوا وعايز يوقعها
عند هناء في بيتها
محمود قاعد مع ابوها
محمود:انا جاي انهاردة ياعمي اطلب ايد بنتك هناء
الاب:واهلك فين
محمود:اهلي كلهم مسافرين برا ومش بيسالوا عليا وبابا وماما متوفيين في حادثة من سنتين
الاب:الله يرحمهم…طب يابني عندك شقة
محمود:اه الحمدلله عندي شقة وكمان انا صاحب شركة النور وفلي سنتين واتخرج
الاب:ماشي انا موافق بس الجواز بعد سنتين
محمود:ماشي وانا موافق ممكن نقرا الفاتحة
الاب:ماشي
وبعد ماقراوها
محمود:طب الخطوبة امتي
الاب :في اجازة الترم الاول
محمود بفرحة:ماشي شكرا ياعمي استاذن انا
الاب:اتفضل
محمد لسه بيشوف مين اللي ضرب يوسف
عند يوسف وفاطمة كانوا نايمين
وفاطمة قامت تشرب وهي راجعة الاوضة حد خبطها علي راسها
في مكان ضلمة فاطمة نايمة وبدات تفوق
فاطمة بوجع:اه انا فين اه يادماغي
فاطمة بتبص لقت الدنيا ضلمة بس حاسة ان هي نايمة علي سرير وفجاة النور نور
ويظهر عادل
فاطمة بخوف:انا فين وانت مين
عادل:اهدي يافاطمة انا مش هعملك حاجة
فتكمة:ولما انت مش هتعملي حاجة جايبني هنا ليه
عادل:هقولك
عادل شغل الكاميرا وبدا يصور فيديو وهو بيحكيلها كل حاجة حصلت واللي جيهان قالتله عليه مقابل انها تسيب اخته
عادل قفل الفيديو
عادل:انا هرجعك دلوقتي وبكرة هبعتلك نسخة من الفيديو ده
فاطمة:انا متشكرة اوي بجد مش عارفة اقولك ايه
عادل:ادعيلي ده اللي عايزة منك
