الحلقه السابعه
من رواية ” أحببت كاره النساء ”
عند حلا
حلا كانت عندها حاله مستعجله واتاخرت 10 دقائق عن معاد الدول بتاع اسر
خلصت الحاله وخدت الدوا وراحت وخبطت ودخلت بسرعه
حلا: معلش اتأخرت
كان عندي حاله
ولسه مخلصاها
اسربسخرية: بدأناا نلاقي حجج نعلق عليها اخطأنا
حلا: حجج!!
علي فكره انا دكتوره وعندي حالات غيرك حياتي مش هتقف علي مريض واحد يعني
اسر : دكتوره !
فعلا دكتوره فاشله
حلا بعصبيه: اهو الفاشله دي هي ال انقذت حياتك
اسر بغضب مفرت: شكرا يا ستي
لاكن احب اقولك انك كنتي تسيبيني ام*وت اريح
علي الاقل هبطل افكر
حلا: تفكر ف ايه مش انت هتعمل ال ف دماغك وتسافر تعمل العمليه ال كنت انا مش موفقه عليها
يبقي اتحل
اسر : يا ريت هو ده الحل
اخلصي
اديني العلاج
خليني اتنيل انام
حلا كتمت غضبها وادته الدوا وطلعت بدون ما تتكلم خدت حاجتها وسلمت النبطشيه لنهي و روحت البيت
عند اسر
بعد ما حلا طلعت بشويه دخل دكتور زيدان
زيدان : عامل ايه دلوقتي
اسر: زي ما حضرتك شايف
زيدان : كل حاجه هتبقي كويسه متقلقش
المهم انا سالت عن مازن
اسر: خير
زيدانبكرهخير جدا ان شاء الله
كل الناس شكرت فيه وانو مجتهد وشاب ناجح وبيطلع ترتيب علي دفعته كل سنه ف الكليه
والدته متوفيه وهو عايش مع باباه وهو شغال لواء
وملهو ش اخوات
اسر : وراي حضرتك ايه
زيدان : راي انه شاب ممتاز
اسر : اذا كان كده يبقي علي بركة الله
ممكن حضرتك تتطلبه وتخليه يجي بس من غير ما تديله اي معلومات اذا كنا موافقين ولا لا
زيدان : حاضر هكلمه متقلقش
مالك يا اسر شكلك مش عاجبني
هو حصل حاجه
اسر : لا مفيش
انا بس قلقان وعايز اطمن علي هنا قبل ما اسفر
حضرتك عارف هيستغلوا فرصة سفري وانشغالي بالعمليه ومش بعيد يبعتولي الي يحاول يخلص مني تاني
زيدان : مدام كدا يبقي لازم حراسه مشدده
وهنا متقلقش عليها
نعمل الخطوبه قبل ما تسافر
ويبقى خطيبها معاها
اسر : انا ناوي علي كده ان شاء الله
بس
زيدان : بس ايه
اسر : انا عايز دكتور شاطر يسافر معايا
زيدان: دكتوره حلا طبعا
اسر بغضب : ماهي الزفته ديه الوحيده الي كانت متابعه حالتي وكمان هتسافر معايا
ايه هي محتكراني
طارق: يا اسر حلا دكتوره شاطره ويمكن مكنش فيه دكتور غيرها يطلعك من العمليه حي
علي التقارير وال هي حكته انت كنت بعد الشر يعني هتمو*ت
اسر حاول يهدي : مش هينفع
هي اصلا مش هتوافق
انا لسه شادد معاها انهارده وتقدر تقول هزقتها زيدان: اه لو تبطل عصبيتك وتسرعك ده
اسر: ماهي مستفزه الصراحه
زيدان: بص يا اسر
سيبك من كونها ست وانك مش بتطيقها المهم حاليا صحتك وحلا الوحيده الي تأدي المهمه ديه علي اكمل وجه
اسر : الي حضرتك تشوفه مناسب من الدكاتره رشحه للسفر الا حلا ديه
مبقتيش فرقه بقي يعني هيحصل لعيني ايه اكتر من العمي
زيدان :تفائلوا بالخير تجدوه
بس الفكره ان حلا هي اكفئ دكتوره ممكن تسافر معاك هبقي مطمن عليك وهي معاك
اسر بعصييه : الكشي تولع
هي طالعالي في حياتي عامله زي عفريت العبه كده ليه
زيدان : طيب اهدأ
ممكن افهم انت مش طايقها ليه
اسر : يكفي انها واحده ست
ده بنسبالي مش يخليني اكرها
انا ممكن #
زيدان : مش كل الستات زي بعض
اسر : دكتور انت عارف رأي في الموضوع ده
زيدان بدا يتعصب: راي ايه هو انت مفكر ان دا رايك ده راي حد عاقل
ابوك قبل ما يمو*ت موصيني عليك ف اوعي تفكر ان مفيش حد هيقف في وشك يا اسر
الدنيا يابني مبتفقش علي حد
يا اسر سالي اة كانت وحشه وانت متعقد من ساعتها بس المفروض خلاص يا اسر تنسي بقا فين اسر بتاع زمان.
انت اكيد مش اسر ال انا اعرفه ابدا اسر ارجع زي زمان عشان اختك وعشان نفسك
اسر بكسره : وهي سالي بس الي اذتني يا دكتور
ما حضرتك كنت موجود وعارف الي حصل
انا مش حمل وجع تاني
كفايه لحد كده
زيدان: عارف يابني
لاكن صدقني ان حلا انسب وحده للسفر معاك
اسر بيأس: الي تشوفه صح اعمله يا دكتور
زيدان : بكره الايام تبين اني صح
يا رب بس هي توافق
اسر: بعد الي عملته فيها انهارده
مظنش
زيدان: ايوه يا خويا عك الدنيا وبعد كده تناديلي اصلحها
عادتك ولا هتشتريها
اسر بمرح : ان الله حليم ستار يا دكتور
زيدان: هههههههه
المهم انا هطلع اكلم مازن وابلغك بالي هنتفق عليه
اسر: خلاص يا دكتور
طلع زيدان وراح مكتبه وجاب رقم مازن واتصل بيه لاكن محدش رد وقرر الدكتور زيدان يعيد المحاوله تاني بكر
عند حلا
روحت حلا البيت ورمت شنطتها ب اهمال ودخلت اوضتها
مسكت الصوره بتاعت اهلها
وابفتكرت الي حصل انهارده مع اسر وقعدت تعيط
حلا: انا مش عارفه ليه الدنيا اتلخبطت معايا من ساعه ما هو دخل المستشفي انسان قليل الزوق ومتحكم
ومع كل الي بيعمله فيا الا اني حاسه ف نظره عنيه ان جواه طيبه غريبه وان كل دا قناع ورا شخصيته الحقيقه انا مش عارفه اعمل ايه بجد اعمل زي ما بيقولوا وا تنازل عن الحالة ولا تخليني قد كلمتي واكمل
أنتم لو معايا كان زماني واخده قرار وحشتوني اوي وحطت الصوره مكانها ونامت علي السرير وفضلت تفكر لحد ما راحت ف النوم
تاني يوم الصبح
صحيت حلا الصبح اتوضت وصلت وغيرت هدومها وراحت المستشفي ودخلت مكتبها لقت نهي لسه صاحيه
حلا : صبااااح الخير
نهي : صباح النور يا ستي
الصراحه انتي طلعتي بت بميت راجل
الاخ الي اسمه اسر الرفاعي طلع …..
مش عارفه اوصفه بأيه غير انه راجل عديم الذوق والادب والدم
حلا : هههههههه براحه براحه
ديه ليله واحده بس يا بنتي
نهي : واخر مره
حلا : واطيه وتبعيني هههه
نهي : ههه انا هروح اشوف الحالات وامشي
حلا : ماشي
نهي : سلام
حلا : مع السلامه
طلعت نهي وقعدت حلا علي المكتب تقرأ التقارير
والباب خبط
حلا : ادخل
دخل زيدان
زيدان : سلام عليكم
حلا: وعليكم السلام اتفضل يا دكتور
زيدان : ازيك يا دكتوره حلا
حلا: الحمد لله يا دكتور
خير فيه حاجه ولا ايه
زيدان : كنت عايز اتكلم معاكي في موضوع
حلا: اتفضل يا دكتور
زيدان : انا رشحتك عشان تسفري مع اسر لالماني
حلا: اسافر !
ومع اسر : !
زيدان : ايوا
هتسفري بصفتك طبيب للحاله وهتختاري ممرضه كمان تسافر معاكي
حلا: يعني يا دكتور يوم ما تجيب سفريه لالمانيا تجيبهالي مع دا
زيدان : ماله اسر يا حلا
مريض ظي اي مريض
حلا: مريض ايه يا دكتور دا ….
دا لسه ماسح بكرامتي الارض عشان كان عندي حاله واتاخرت عليه عشر دقايق بس محسسني اني شغاله عندو مش دكتوره والله وف الاخر اسافر معاه عشان ف الرايحه وف الجايه يتلككلي
زيدان : معلش يا حلا
انتي بردوا الدكتوره والمفروض تراعي حالته النفسيه
انتي عارفه يعني ايه يفقض بصره
حلا: يا دكتور انا فاهمه ومقدره كل دا صدقني بس…
زيدان : طلاما فاهمه ومقدره
يبقي توفقي انك تسافري معاه
حلا: حاضر يا دكتور ال تشوفو
زيدان : هو ده الكلام
حلا: هو مصمم يسافر بردو بعد اسبوع
زيدان : في احتمال نتأخر يوم ولا اتنين عشان في شوية حاجات عايز يخلصها قبل ما يسافر
حلا: تمام ماشي
خلاص يا دكتور انا هجهز كل حاجه هو عايز ممرض ولا ممرضه
زيدان : يكون افضل انه يكون ممرض
حلا: خلاص يا دكتور انا هاخد محمد معايا ك ممرض
زيدان : تمام
ياريت تبدأوا تجهزوا الورق بتاعكوا في اسرع وقت وتبعتهولي علي المكتب
حلا: حاضر يا دكتور
زيدان : تمام
بعد اذنك
حلا: اتفضل
ومشي الدكتور زيدان
حلا في سرها : انا لازم اسبتله اني ست ناجحه
ايوا هو ده القرار الصحيح
