الخۏف دا كله
هند دا اخويا يا زياد و انت عارف اني بحبك بس هو مش يعرف اي حاجة عن علاقتنا و ممكن يرفض لو قولت له تقولي نتقابل في البيت عندك
زياد تمام يا هند و قفل معاها و هو متأكد أنه هيقدر يأثر عليها بالكلام
زياد بمكر واحدة واحدة يا هند هانم و انتي هتشوفي ازاي هتبقى أداة رخيصة عشان أكسر بيها غيث الشناوي
عند غران دخلت غرفتها و هي شايفة غيث اللي بيشغل نفسه في الشغل
غفران بتردد غيث …
غيث ببرود أفندم عاوزة حاجة
غفران أيوة ممكن نتكلم شوية لوسمحت
غيث مش فاضي دلوقتي نامي و بكرة نتكلم
غفران بعناد لا دلوقتي و قفلت اللاب و بعدين انا بكلمك يبقى تبص ليا ومش تتجاهلني في البتاع اللي قدامك دا
غيث عاوزة إي يا غفران كلام اي اللي هنتكلم فيه أظن أنتي قولتي كل اللي عندك يا بنت عمي و كل حاجة بقت واضحة
غفران لا مفيش حاجة واضحة يا غيث عشان كدا محتاجة أتكلم و أعرف طبيعة علاقتنا اي
غيث ببرود زوجين دي طبيعة علاقتنا ببساطة
غفران إنت عارف أنها مش كدا و ان العلاقة متوترة بس دا مش بسببي لوحدي
غيث بعصبيه لا بسببك انا كل م أحاول أخد خطوة قدام ترجعيها انتي ألف ورا انا مش عارف أعمل معاكي أي انا لما قولت ليكي على الصور مش وثقتي في كلامي يعني الثقة منعدمة كل كلامك طلاق طلاق ..
غفران عشان انت اللي خليت الثقة دي تضيع بكلامك الچارح لي و اني مجرد فلاحة أتجبرت انك تتجوزها فاكر لما اټصدمت اني بتعلم كنت فاكر اني جاهلة و انك مش هتعرف تواجه مجتمعك بيا
غيث و هو بيمسكها جامد انا مكنتش أعرف أفهمي بقى مكنتش أعرف حاجة عنك ممكن بعد م عرفتك كل حاجة اتغيرت لكن انتي كل م أبدأ اتغير معاكي عشان أفهمك تقولي طلاق و بعد انتي اي
غفران عشان انت مش محترم كياني و وجودي في حياتك و بكل بساطة قولت إنك كنت على علاقة مع تاليا لو قولت ليك دلوقتي اني عاوزة أطلق عشان أشوف حياتي زي م انت هتشوفها مع الأستاذة تاليا مش هتقدر تمنعني يا غيث
غيث وهو بيشدد على إيديها لا همنعك يا غفران و اعملي حسابك انتي على ذمتي لاخر يوم في عمري و عمرك
سابها و خرج و الڠضب مسيطر عليه لمجرد أنها فكرت انها تكون لحد غيره
