وفعلا راحوا عندها عائشه خافت منهم
عائشه: ممكن تبعدوا انا عايزه اعدى
واحد منهم: رايحه فين واحنا نوديكى
عائشه: انا عارفه اروح لوحدى ابعدوا
واحد تانى: لا طبعا مينفعش نسيبك لوحدك
واحد تالت: تعالى معانا واحنا هنوديكى الحته إلى انتى عاوزاها
ولفوا حواليها بالموتسكلات
عائشه بعياط: لو سمحتوا ابعدوا عنى
يا مصطفى يا حمزه يا عمر يا عمرو تعالوا ابعدوهم عنى
واحد رابع: واحنا مننفعش ولا ايه وبيقرب منها ووو…..
يا ترى ايه إلى هيحصل لعائشه من الشباب دول وهل فى حد هينقذها ولا لا…..
#ندى_ابواليزيد….🕊
الفصل الثالث…🕊
عائشه بعياط: ابعدوا عنى ابعدوووا
يا مصطفى يا حمزه يا عمر يا عمرو تعالوا ابعدوهم عنى
واحد منهم: هو احنا مننفعش ولا ايه وبيقرب منها وبيحط إيده عليها
عائشه بصراخ: لا لا ابعد عنى
ولسه بيقرب منها أكتر
عائشه: يا مصطفففى
واحد منهم: ااااااااه
كلهم بيبصوا لصاحبهم إلى اترمى على الأرض
عائشه بعياط: مصطفى وطلعت تجرى فى حضنهمن الخوف
مصطفى خدها فى حضنـ,ـه يطمنها وكان معاه حمزه وعمر وعمرو والرجاله والسلاح
مصطفى حطها ورا ضهره وهو وحمزه وعمر وعمرو نزلوا ضرـ,ـب فى كل واحد
( اه حمزه عنده 14 سنه وعمرو وعمر عندهم 10 سنين بس اى حد يشوف أجسامهم وشخصياتهم يقول دول عنده 20 سنه لأنهم دايما كانوا مع جدهم فى المجالس والقعدات إلى بيعملها بين الناس فبقوا رجاله رغم صغر سنهم….🕊)
جريت عائشه فى حضن عمر وعمرو
عائشه بعياط وخوف: انا عايزه اروح
مصطفى: ايييه إلى خرجك من البيت من غير إذننا لييييه مقولتييش
عائشه بتسخبى فى عمر وعمرو وهم وخدينها فى حضنهم
حمزه: اهدى يا مصطفى مش وقته الكلام ده
هنعمل ايه فى العيال دى
مصطفى: يا حراس
الحرس: اوامرك يا باشا
مصطفى يتربطوا فى الخيل من إيدهم على بطنهم وجرى الخيل اووى لحد ما يوصلوا البيت ولم توصلوا بيهم يتربطوا ويتحطوا فى المخزن لم ما اشوف هعمل فيهم ايه
الحرس: تحت أمرك يا باشا
يلا يا رجاله نفذوا الأمر وفعلا اتربطوا فى الخيل واتعمل فيهم ذى ما مصطفى أمر
عمرو: يلا يا مصطفى عائشه مش هتستحمل أكتر من كده
عائشه عماله تعيط وخايفه اووى من عايزه تطلع مع حضنهم
عمر: متخافيش يا حبيبتى انتى فى حضننا مفيش حد يقدر يأذيكى
مصطفى الدم بيغلى فى عروقه كل ما يفتكر ان واحد فيهم كان حاطط ايده على دراعها وبيشدها ناحيته مش بس مصطفى إلى كان حاسس بكده بل حمزه وعمر وعمرو كانوا عايزين يـ,ـتلوا العيال دى على إلى كانوا بيفكروا يعملوه فى اختهم بس
مصطفى بعصبـ,ـيه: يلااا نمشى
♡♡♡♡♡♡
الأربعه روحوا البيت ومعاهم عائشه
واول لم وصلوا البيت دخلت عائشه على طول فى حضن جدها وبتعيط
مدحت: حصل ايه يا حبيبه جدك اهدى متخافيش انتى فى حضن جدك اهدى
ماجده: مالك يا حبيبتى حصل ايه مالها عائشه
مدحت بص على الأربعه ولم لقى شكلهم وهدومهم متبهدلين ووشهم احمر اووى من الغضب عرف ان فيه حاجه كبيره
مدحت: مالكم حصل ايه
حمزه: يا جدى محصلش حاجه
مدحت بجديه: اتخانقتوا مع مين محدش فيكم عايز يرد
مصطفى بصرامه: يا جدى ذى ما حمزه قال محصلش حاجه
…مكانوش عايزين يقولوا لجدهم على إلى حصل بسبب خوفهم على عائشه من عقاب جدهم هو ما عاقبها بس هى اول مره تعمل غلط كبير ذى ده ولأنهم أخواتها فأى حاجه تحصل بينهم بتبقى شبه السر بينهم لكن المرادى المشكله كبيره اووى…
كبير الحرس: كله تمام يا مصطفى بيه
مدحت: هو ايه إلى تمام انا عايزه اعرف فى ايه
يا كبير الحرس
كبير الحرس: اوامرك يا باشا
مدحت: اتكلم فى ايه
كبير الحرس بص لمصطفى بمعنى اقول
مدحت: انت بتاخد منه الأذن بقولك اتكلم
كبير الحرس: الست هانم الصغيره خدت المهره بتاعتها وخرجت بيها للبلد من غير اى حد من الحرس مصطفى بيه جه يجرى على الإسطبل ومعاه البشوات اخواته ومالقوش قمر فعرفوا ان الست هانم الصغيره مش موجوده قالى هات الرجاله والس,,لاح وبسرعه ورايا وفعلا روحنا يا سعاه الباشا ولقينا فى مجموعه شباب حوالين الست هانم وبيضايقوها وواحد اتجرأ و….
مدحت بعصبيه: كفايه متكملش وبص على عائشه لقى دراعهم ازرق مكان ايد واحد منهم
العيال دى فين دلوقتى
كبير الحرس: مصطفى بيه قال يتربطوا فى الخيل من ايدهم والخيل يجرى بيهم ودلوقتى هم موجودين فى المخزن يا باشا اوامرك نعمل ايه تانى فيهم
مدحت: روح انت واستن إشاره منى
كبير الحرس: تحت أمرك
مدحت بص على أحفاده الأربعه
كلكم ورايا على المكتب
مدحت: روحى يا عائشه لتيته
عائشه: انا خايفه يا جدو عايزه افضل فى حضنك لا لا مش عايزه امشى
مدحت: حبيبه جدها بتسمع كلام جدها صح روحى لتيته وانا هجيلك على طول
عائشه: حاضر يا جدو
ماجده: تعالى يا روح تيته
مدحت بص لماجده بصه هى فهمت مغزاها
مدحت: يلا ورايا
دخلوا كلهم ورا جدهم
مدحت: انا عندى 3 حاجات عايز اقول عليهم
اول حاجه إنكم كبرتوا يا ولاد وفعلا بقيتوا رجاله وانا عرفت اربى وعرفتوا تتصرفوا ولسه حساب العيال دول كبير اووى
تانى حاجه ازاى عائشه تطلع من البيت من غير ما حد يحس هو انا مش قولتلكم ميه مره تخلوا بالكم منها المفروض هى ملزومه منكم
مصطفى: يا جدى عائشه عنيده واحنا محذرينها كتير فى موضوع الخروج لوحدها
مدحت: كل واحد فيكم كان فين لم هى خرجت
مصطفى: انا كنت بذاكر يا جدى
حمزه:وانا كمان يا جدى
عمر: انا كنت مع امى يا جدى بساعدها
عمرو وهو بيحط ايده على رأسه: وانا بصراحه كنت باكل
مدحت: طب كل واحد كان فيكم مشغول اول واخر مره تتكرر الحكايه دى تانى
مصطفى: متقلقش يا جدى انا هتصرف
مدحت: تالت حاجه عايز اتكلم فيها عجبتنى ومعجبتنيش فى نفس الوقت
إن لم سألتكم مجوبتوش
عجبنى انى فعلا عرفت اربى صح وعرفت قد ايه أنتم بتحبوا بعض
إلى معجبنيش انكم تدارو على الغلط عشان خايفين عليها من العقاب
حمزه: يا جدى احنا مكناش عايزين حضرتك تعاقبها عشان خايفين عليها بس احنا كنا هنعاقبها بنفسنا
مدحت: كنتم هتعقبوها ازاى
عمرو وعمر وحمزه ومصطفى بصوا لبعض بصه فهموا بعض وقالوا لجدهم على خطه العقاب
وبعد محادثه بينهم
مدحت: دلوقتى لازم نأدب العيال دى
ونده على كبير الحرس
كبير الحرس: اوامرك يا كبير
مدحت: العيال إلى فى المخزن دول أهاليهم يجوا لحد هنا وبلغهم رجاله البلد ان فيه قاعده فى القاعه وفى خلال ساعه الكل يكون موجود
كبير الحرس: تحت أمرك يلا يا رجاله
♡♡♡♡♡♡
عند عائشه فى اوضتها
ماجده: كده يا عائشه انا زعلانه اووى كده تخرجى من غير ما تعرفى حد افرضى بعد الشر كان جرالك حاجه كنت هروح فيها
عائشه: بعد الشر عليكى يا تيته والله انا مكنتش اقصد انا مش بخرج خالص غير يا أما لازم مع الحرس يا أنا مع اخواتى زهقت وكل ما اطلب منهم اخرج لوحدى يقولولى لا حتى جدو
ماجده: طب مسألتيش نفسك ليه هم بيقولوا كده
عائشه: ليه يا تيته
ماجده: عشان بنحبك اووى يا عائش وإلى بيحب حد بيخاف عليه اووى من اى حاجه وشوفتى لم خرجتى النهارده لوحدك حصل ايه ورينى دراعك كده
عائشه: اااه براحه يا تيته
ماجده: الف سلامه عليكى يا حبيبى تعالى اربطلك إيدك وهى هتخف بإذن الله وربطت إيديها برباط ضاغط
عائشه: تيته انا عايزه اقولك على حاجه
ماجده: قولى يا قلب تيته
عائشه: انتى زعـ,ـلانه منى عشان عملت كده
ماجده: مش هكدب عليكى اه انا زعلانه
عائشه قربت منها وحضنتها
: انا آسفه يا نيته مش هعمل كده تانى والله وطبعت بويه على خدها
ماجده خدتها فى حضنها
: وعد يا روح تيته
عائشه: وعد يا احلى تيته فى الدنيا
الباب خبط
الخدامه: يا ست هانم
ماجده: ايوه اتفضلى
الخدامه: الباشا الكبير عايز حضرتك انتى والهانم الصغيره
ماجده: طب روحى انتى واحنا جايين وراكى
الخدامه: تحت أمرك
عائشه بخوف: تيته تيته هو جدو هيزعقلى طب هو زعلان منى
ماجده: هو أكيد زعلان بس متخافيش يا حبيبتى انا معاكى وده جدو حبيبك صح
عائشه: صح
ماجده: طب يلا بينا
♡♡♡♡♡
فى الأسفل كان الجد ومعاه أحفاده الأربعه فى إنتظار جدتهم وعائشه
نزلت ماجده ووراها عائشه خايفه منهم لأن ملامح الغضب كانت على وشهم
مدحت: اقعدى يا ماجده
اقفى فى عائشه مكانك
عائشه: لا يا تيته متسبنيش
ماجده: فى ايه يا مدحت هتعمل ايه
مدحت: ماجده اسمعى الكلام اقعدى وسبيها
عائشه: لا لا
كبير الحرس: كله تمام يا بابا الرجاله مستنين فى القاعه ذى ما أمرت
مدحت: يلا يا مصطفى هاتها وتعالوا ورايا
ماجده: مدحت فى ايه
مدحت: دلوقتى هتعرفى يلا هاتوها
عائشه بخوف : انا مش عايزه اروح فى حته
مدحت: يلااا……….
…يا ترى مدحت هيعاقب عائشه ازاى على إلى عملته وليه هياخدها قاعده الرجاله…..🕊
#ندى_ابواليزيد….🕊♥️
الفصل الرابع…🕊
طلع الجد وأحفاده الأربعه خلفه على قاعه الرجال ومعهم عائشه الخائفه لا تعرف ماذا سوف يحدث
الرجاله كلهم وقفوا احتراما لكبير البلد
مدحت: السلام عليكم ورحمه الله وبركاته
الجميع: وعليكم السلام ورحمه الله وبركاته
مدحت: اتفضلوا
كلهم قعدوا والجد شاور لعائشه تقعد جمبه
عائشه: انا خايفه يا جدو
مدحت ميل على ودنها متخافيش يا حبيبه جدو
عائشه مسكت ايده عشان تحس بالأمان
وبصت على اخواتها لقيتهم بيطمنوها بعنيهم
مدحت: إلى حصل النهارده لحفيدتى مش هيعدى بالساهل ولا الرجاله ليها رأى تانى
والد واحد من العيال: يا كبير انا عارف ان ابنى غلط بس
مدحت بعصبيه: مفيش بس لو بنتك واحد من أحفادى او حد من البلد اتعرضلها انا هحكم بأشد عقاب عليه مش هو ده العدل
الرجاله: هو ده العدل يا كبير
مدحت: يا كبير الحرس
كبير الحرس: اوامرك يا كبير
مدحت: هاتلى العيال دى متكتفه حالا
كبير الحرس: تحت أمرك
كبير الحرس راح يجيب العيال من المخزن ودخلهم القاعه وحطهم على الأرض قدام كل الرجاله
واحد منهم: ارحمنا يا كبير
واحد تانى: والله ما هنعمل كده تانى
واحد تالت: عمرى ما خلص لبنت تانى والله
واحد رابع: سبنا يا كبير حرمنا والله مش هنعمل اى حاجه تانيه
كلهم: سامحنا يا كبير سامحنا
مدحت: يا كبير الحرس
كبير الحرس: تحت أمرك يا كبير
مدحت: جمعلى اهل البلد كلهم من أصغر واحد فيهم لأكبر واحد فى الساحه الكبيره مفيش حد يفضل فى بيته
كبير الحرس: أوامرك
مدحت: دلوقتى هتشوفوا دلوقتى هنعمل فيهم ايه
أهل البلد كلهم اتجمعوا فى الساحه عشان يعرفوا فى ايه وهيحصل ايه فى العيال إلى جت على حفيده كبير البلد
♡♡♡♡♡♡
كبير الحرس: كله تمام يا كبير البلد كلها فى الساحه
مدحت: هاتولى العيال دى بنفس الطريقه إلى جم بيها البيت
رجاله القاعه كلهم خرجوا ورا الكبير واحفاده الخمسه معاه ووصلوا الساحه
والعيال اتربطوا فى الخيل والبلد كلهم اتفرجوا عليهم وبقوا عبره ليهم
مدحت: حطوا العيال دى فى النص عشان الكل يتفرج عليهم ويكونوا ليهم عبره
اتحطوا وبقوا للناس فرجه والكل بيتفرج
مدحت بصوت عالى: فى اى بنت من بنات البلد حد من العيال دى ضايقها ولو بنظره حتى ومعرفتش تاخد حقها منهم
بنات كتيره من البلد كانت خايفه تتكلم لم العيال دى ضايقوهم ولم الكبير اتكلم حسوا انهم مش خايفين من حاجه وهيقدروا ياخدوا حقهم رفعوا إيديهم والكبير عرفهم
مدحت: قدامكم اعملوا فيهم إلى انتم عايزينه
البنات كلهم مستنتش وكأن ده يوم نصرهم وهجموا على العيال دى وموتوهم من الضـ,ـرب مبقاش فى جسمهم حته سليمه بقوا بيتوسلوا للبنات انهم يسبوهم ولا حياه لمن تنادى كل واحده فيهم كانت بتشفى غليلها منهم وبتاخد حقها بفرحه
البنات خلصوا ضـ,ـرب فيهم بفرحه ونصر
مدحت: كده كل واحده خدت حقها بس لسه فاضل واحده مجاش حقها وهى حفيدتى يلا يا عائشه تعالى خدى حقك
عائشه اتقدمت بخطوات بطيئه ناحيتهم وقالت: أنتم بجد وحشين اووى وانا فرحانه انا أنتم اضـ,ـربتوا وانا كمان عايزه اضـ,ـربكم بس انا هسامحكم ذى ما رسولنا الكريم علمنا انا العفو عند المقدره لم حبيبنا سامح أهل مكه بعد ما كانوا بيعذبوه وأذوه كتير اووى ولم دخل مكه تانى منتصر وقوى قال ماذا تظنون انى فاعل بكم
قالوا اخٌ كريم وابن أخٌ كريم قال اذهبوا فأنتم الطلقاء وفعلا الرسول صلى الله عليه وسلم صلوا عليه
الجميع: عليك أفضل الصلاه والسلام يا حبيبنا يا رسول الله
عائشه: سامحهم وعفا عنهم وانا كمان هسامحكم واتمنى من ربى انه يسامحكم يا ربى سامحهم
قولوا يلا انكم من هتبقوا وحشين تانى ولا هتضايقوا اى بنوته تانى ابدا
العيال: والله ما هنعمل كده تانى والله حرمنا
مدحت: يلا فكوا العيال دى وكل واحد يروح على بيته
وفعلا كل الناس بدأت تمشى
مدحت: يلا احنا كمان نروح
♡♡♡♡♡
كلهم روحوا وقعدوا فى الصاله
ماجده: حمدله على سلامتكم عملتوا ايه
مدحت وأحفاده كانوا متفقين يعاقبوا عائشه لم يرجعوا البيت
مدحت: دلوقتى احنا عاقبنا العيال دى دلوقتى لازم فى حد كمان هيتعاقب جامد
كلهم بصوا لعائشه
عائشه: فى ايه أنتم بتبصولى كده ليه هو انا عملت حاجه غلط
عائشه لسه هتجرى مسكها مصطفى
عائشه: سبنى يا مصطفى انا معملتش حاجه سبنى يا تيته خليه يسبنى
مدحت: عائشه
عائشه: جدو حبيبى والله ده انت حبيبى إلى بحبه خليه يسبنى
مدحت عايز يضحك بس اتماسك
مدحت: مش هسيبك عايزه تجرى تروحى فين
عائشه: وانا أقدر بردو أجرى يا عسل انت ده انت حبيبى لو هشحت كده مبحبش قدك
مدحت ضحك ضحكه كبيره وفتح دراعاته ليها
مصطفى ساب عائشه وجريت على جدها
مدحت: انا واخواتك كنا هنعاقبك بإننا مش هنكلمك خالص عشان انتى غلطى بس انا مقدرتش بصراحه وطبع بوسه على رأسها
مصطفى: واحنا كمان مقدرناش الصراحه مكناش نتخيل أن ممكن تعملى كده مع العيال دى
حمزه:احنا كلنا فخورين بيكى اووى يا عائشه
عمر: احنا قولنا عائشه ممكن تخاف ومتقدرش تعمل حاجه
عمرو: لكن انتى قولتى كلام حلو اووى وكبير على سنك وده إلى خلانا كلنا نكون فخورين وفرحانين بيكى اووى
مدحت: وفوق ده كله احنا كلنا كنا زعـ,ـلانين منك عشان خرجتى من ورانا وعرضتى نفسك للخـ,ـطر بس احنامنقدرش نزعل من عائشه ابدا حبيبه جدها وقلب البيت كله صح
كلهم: صح الصح كمان
عائشه: انا بحبك اووى يا جدو ومش هعمل كده تانى بجد انا آسفه
وطلعت تجرى لحضن اخواتها الاربعه: مش هتتكرر تانى خايص خايص
مصطفى: واحنا كلنا متأكدين من ده
وبادلوها كلهم نفس الحضن
ماجده: ايه ده ومفيش حضن لتيته
عائشه طلعت تجرى فى حضنها: انا اصلا مش بحب قد تيته
مدحت بص عليهم كلهم بنظره رضا وسعاده كبيره وقال من جواه الحمد لله أحمدك وأشكرك يا ربى
♡♡♡♡♡
مدحت: ها يا حمزه ظهرت
