كنت ماشي بليل وفجأه ولقيت حاجه 150m ماسكه في الجاكيت بتاعي بصيت لتحت – في اي! انتي مين ؟ = انت مروح؟ – الساعه 12 بليل اكيد مروح انتي بتعملي اية هنا فى وقت زي دا!!! = انا جميلة و و ..انا تايهه – تايهه اية دلوقتي! = هو في معاد ؟ – اقدر اساعدك ؟ = خدني معاك عشان بصلها باستغراب اوي – اخدك معايا ! اخدك فين = بيتك مش انت مروح بيتك؟ – انتي شكلك ابن ناس ؟ انتي كويسة = يعني اية ، بعدين مانا مينفعش اقعد فالشارع صح الشارع مش حلو – اهه وشكلك كمان
اول مره تنزلي اتفاجئت = انت عرفت منين ! انت ساحر ولا … انت تبع الاشرار؟ – انتي بتقولي اية = انا خلاص هشوف حد تاني يخدني روح مسكت ايديها بسرعه – اهدي اهدي هو انتي هتروحي مع اي حد وخلاص! رفعت كتافها ببراءه = انا وهخاف وانا هنا لوحدي لازم حد يساعدني – طب تعالي معايا لما اشوف هقدر ارجعك مكانك ازاي مسكت في آخر الجاكيت تاني ورفعت راسها وبصتله = عشان متروحش مني ابتسم باستغراب- مش هاروح فحته متخافيش هاتي ايدك مدت ليها ايديها لاحظ انها صغيرة اوي مقارنه بايده.. ومسكها ومشيوا . . – ادخلي تعالي متخافيش
= هو انت لوحدك فالبيت دا – لا معايا شغالين و قاطعته واحده- زين؟؟ يتبع.. ” صديق طريقي ” �� 2 – ادخلي تعالي متخافيش =هو انت لوحدك فالبيت اللكبير خالص دهه -لا معايا شغالين و -زين مين دي =بصي يا – جميلة اسمي جميلة =اقعدي هناك لحد ما اجيلك ماشي -ماشي =ماترد يابني فهمني مين دي ومن امته بتدخل حد هنا -بصي يا داده انا مش عارف حاجه انا لقتها لوحدها وباين علي لبسها وكلامها انها بنت ناس بس بتقول انها تايهه وبعدين شكلها اول مره تنزل شارع انا خوفت حد يعمللها حاجه فا جبتها = ياحول الله وهي
متعرفش فين اهلها يعني – مش عارف شكلها متعرفش حاجه خالص = شوف اية حكايتها ولو تفدر تساعدها ساعدها يحبيبي رجعتلها ولقتها بتستكشف القصر بعيونها وكأنها اول مره تشوف مكان زي دا – قوليلي بقي فين اهلك او اقدر اوصلك بيتك ازاي = بيتي؟ – ايوا = انا معرفش اي حد مش فاكره – مش فاكره!؟ هربت من نظراتي بعيونها وقعدت تفرك فى ايديها – طبب ممكن تهدي لازم تحكيلي عشان اقدر اساعدك = هو .. انا هوو ..أ انا كنت في مكان وكنت …كنت محبوسة بس كانوا بيعاملوني كويس مش بخرج حتي معرفش انا فين انا بس مشيت وفضلت
ماشية لحد ما الوقت اتأخر واليل جه وفي اشرار .. انت مش شرير صح؟ ابتسمت – يعني يمكن ابقي طيب شوية = يعني هتخليني – انتي هربتي من مكانك رجعت تبص لتحت = ايوا – طب مكنش ليكي اهل؟ أو كنتي مع مين = معرفش انا عمري ما خرجت من المكان الي كنت فيه – طب كنتي بتعملي اية فالمكان دا؟ = كنت قاعده وبس ومعايا صحبتي وداده امينه وعمو عادل – كويس اوي واية كمان = بس – عندك كام سنه مثلا = عندي 18 ضحك – بس شكلك اصغر = ازاي ما علينا دلوقتي انتى الى كنتى معاهم
دول اهلك صح – لاء هما كانوا مخليني عندهم وانا كنت عايزه اخرج = طب مشيتي لي؟ – عشان ادور على بابا و ماما الى بجد = يعني عندك – ايوا اكيد كلنا عندنا بابا ماما بس انا معرفش ليه سابوني وعايزة اللقيهم = واشمعنه قررتي تدوري عليهم دلوقتي وتخرجي – لاني سمعت انهم عايشين داده امينه قالت كدا لعمو عادل و كمان انا خلاص بقيت كبيرة انا عندي 18 سنه = بس انتي مينفعش تقعدي مع اي حد و خلاص – انا عارفة عشان فى اشرار بس برضو في ناس كويسة وهتساعدني زيك كدا = انا هحاول اساعدك بس
اديني اي معلومات عنهم بصت للارض بياس شديد – معرفش اي حاجه خالص = عمرك ما شوفتيهم – لاء = متقلقيش هحاول القيهم جت الداده وجميلة بصتلها – ازيك يا تيتة استغربت من تلقائيتها وابتسمت = كويسة انتي بخير يا حببتي – ايوا زين خلاص هيساعدني هو طيب واكيد انتي كمان = يعني عرفت فين اهللها يا زين – لاء بس هحاول اللقيهم واشوف هعمل اي – هو انا ممكن انام = اكيد يا حببتي تعالي اوديكي اوضة تنامي فيها – خلي بالك عليها لقيت الداده بتضحك وبصتلي بصة فهمتها كويس —————- _ هاه حلوة الاوضة دي = جميلة خالص
شكرا اوي انا همشي اول ما اللقي بابا و ماما – يا حببتي ارتاحي دلوقتي و ان شاء الله زين يقدر يلاقيهم ولحد ما يحصل ده زي بيتك بالظبط = شكرا —————- – خد هنا تعالي يا ولا = اي مين انا _ قولي بقي كدا اية الحكاية = حكاية اية – دا انا مربياك انت مش بتدخل حد القصر = يعني مسعدهاش الله انا غلطان؟ – لا فيك الخير ياحبيبي بس اياك تبصللها بقولك اهو = جرا أية يا داده دا انا طيب حتي – وهي شبه الاطفال سبحان الله شكلا وطريقه واد يا زين حذاري تزعلها = عيب
يا داده انتي لسة قايلة تربيتك النور قطع و زين شاف اتنين داخلين الفيلا وسمع سريخ جميلة فجأه.. _ زيييييين!!!! يتبع.. صديق طريقي، نور احمد 3 _زيييييين !!!! زين طلع من معاه مسـ،ـدس ودخل الداده في اوضه وقفل عليها وطلع عند جميلة جري – جميلة؟؟؟ جميلة انتي كويسة ؟! جريت على ح..ضني ومسكت فيا = في اشرار هنا شوفتهم وهما داخلين وشكلهم يخوف والدنيا ضلمه فضلت ماسكه فيا جامد فا حاولت اهديها – اهدي متخافيش انتي معايا بصي ادخلي جوه الدولاب دا لحد ما امشيهم ماشي اتفقنا؟ = ماشي خلي بالك – متخافيش دخلتها الدولاب وقفلت عليها ونزلت فالضلمه وكلمت
الحرس بس محدش فيهم بيرد لمحت واحد منهم عند مكتبي وضربته في رجله ولما وقع جريت خدت منه المسـ،ـدس الي معاه بس مخدتش بالي من التاني الي هجم عليا ووقعني على الترابيزة بس لحقته وضربته هو كمان بالرصـ،ـاص في رجله.. ——————- – خلاص يا حببتي مفيش حاجه = هو زين هيحصله حاجه – لاء ان شاء الله شوية وهيجي هوا بيسلم الناس دي للبوليس عشان متعملش كدا مع حد تاني = هما الناس وحشين كدا ؟ – مش كلهم في ناس كويسة بس الاكيد ان مفيش اجمل منك انتي = وانتي كمان و زين زين دخل القصر وجميلة اول ما
جه راحت ناحيته – انت اتعورت؟ ابتسملها = دا خدش صغنن خالص مش واجعني – الاشرار راحوا؟ = ايوا خلاص – طمني يا زين حصل اية = كانوا حراميه يا داده اعترفوا على كل حاجه واتسجنوا – منهم لله المهم اننا بخير = يلا بقي يا جميلة روحي نامي – لاء يازين انا النور يقطع عليا تاني وانا لوحدي = متخافيش لو قطع هاجي بسرعه وانورلك – بسرعه جدا؟ زين ضحك = جدا – ماشي good night = ايه – تصبح على خير = وانتي من اهله جميلة طلعت والداده بصتله بستغراب – في اية = دي قالتلي good night
وامبارح وهي معايا فالعربيه قالت okay و no problem – طيب فيها اي = اني صح هي بنت ناس فعلا وحكايتها غريبه عايز اعرف كانت مين وحبسوها ليه طول عمرها وعملوا اي خلاها تكون طول عمرها وعملوا اي خلاها تكون مش عارفه اي حاجه كدا زي الاطفال – يحبيبي البراءه الي فيها دي من جواها انما الناس دي بقي لو مكنوش وحشين يمكن ربوها عادي وخافوا يخرجوها = مش عارف محدش بيعمل كدا – طيب انت هتعمل اية = هحاول انزل صورتها على موقع مفقودين او ادور على معلومه تساعدني اللقي اهلها – ربنا معاك يحبيبي طلعت اوضتي بس قبل
ما ادخل روحت اوضة جميلة وكانت نايمه بكل سلام.. – امممم شبه الملايكه حتي وانتي نايمه معرفش اشمعنه انا الي جيتي في طريقي بس عايز اكمل معاكي للاخر .. ——————— تاني يوم.. – يا داده جميلة صحيت؟ = لاء نايمه صحيها لحد ما اعملكوا فطار – طيب طلعت اوضتها ولقتها نايمه بطريقة مضحكه عدلت شعرها وطبطبت على كتفها – جميلة يا جميلة قومي بصوت نايم = هممم – قومي يلا كفايه نوم = لا لسه – لا كفايه = لا لسه – مين هياكل معايا؟ = انا – طب قومي بقي = حاضر – برافو شاطره اتعدلت وشعرها الطويل كان
كله على وشها وشكلها كان غير مرتب بالمره عدلتلها شعرها وهي بصالي ومبتسمه زي الطفله يارب صبرني ونبي.. = يلا ننزل – ماشي .. – good morning الداده ابتسمتلها – علي عيونك ياقمر = انا قمر! بصتلها بنص عين – ايوا فعلا قمر – اتلم يا زين = ليه يا تيته سبيه دا قال حاجه لطيفه زين ضحك بصوته كله – بتقولك سبيه هااا براءه – دا خبيث يا حببتي دا = لا لا حلو – جميلة محدش حلو هنا غيرك – يا واد اتلم = خلاص بعد ما فطرنا جبتلها لبس جديد وكانت فرحانه بيه جدا ودا شيء فرحني
انا كمان – يلا بينا بقي ننزل بصتلي بصه غريبه _هنخرج الشارع! – ايوا متخافيش انتي معايا = هنعمل اية هنلعب؟ – لا بصي هنروح نصورك صورة حلوة كدا عشان يمكن حد يعرفك اية رأيك؟ = ايوا فكره حلوة اوي كدا بابا وماما هيلاقوني صح – ايوا صح = طيب يلا بسرعه نزلنا انا وهي وركبنا العربية وطول الطريق وهي بتتفرج على الشوارع بانبهار – برا طلع جميل اوي!! = يعني اه – بس في ناس كتير جدا ! هما كلهم اشرار؟ = تؤ مين قال – دايما كانوا بيقولولي مينفعش اخرج لان الناس وحشين زي الي جم امبارح كدا
= يعني كنتي محبوسه عشان كدا؟ هزت راسها – وكمان عشان كنت صغيرة دلوقتي كبرت = اممممم طيب استنيني هنا ثواني نزلت من العربيه ودخلت السوبر ماركت اجبلها شوكلاتة وحاجات تتسلي فيهم فكرت ان دا ممكن يبسطها شوية .. جبتهم وخرجت واول ما بصيت على العربية وملقتهاش الحاجه وقعت من ايدي وفضلت ادور عليها بعيني لكن مش شايفها!!!! _ يتبع.. صديق _طريقي نور احمد 4 بقلق _ جميلة!!!!! انتي كنتي فين؟؟ = انا كنت _ قولتلك خليكي فالعربيه!! = Sorry يا زين _ سوري اي افرض كان حصلك حاجه = خلاص انا كويسة اهو _ ادخلي يجميله دخلت العربيه وبصتلي
