انا لست جميله

شهقات عالية :هو انا وحشه قوى كده معقول كل الناس شيفاني ذميمة وقبيحة وان اللي ممكن يبصلي لازم يبقى نظره ضعيف :مين اللي قال كده انت عرضت حبك علي حازم وهو اللي قالك كده :لا طبعا انا عندي كرامة عمري ما اعمل كده :امال ايه موتيني من القلق عليك انطقي *روت له سلمي ما حدث ورأي امها وحازم في شكلها وان عمرها ما كانت سترتكب خطا التنصت عليهم لولا ان الحوار كان شديد القساوة على مسامعها ومن شدته لم تستطع الاكمال *قام نادر بضمها اليه وطبطب على ظهرها :تعالي نروح اي مكان نكمل كلامنا فيه تهدي وتشربي حاجه *وخرج وهو

يضمها ويضع ذراعه على كتفها ونظر للممرضة نظرة توعد :انا همشي قفلي العيادة وروحي ومن بدري تكوني هنا عايزك :حاضر يا دكتور *توجه نادر الى احد الكافيهات الهادئة وتحدث بحنان وهدوء مع سلمى : فاكره لما اتكلمنا بعد نتيجة الثانوية وفهمتك طريقة تفكيره بس واضح انك قلتي لي حاضر وعملتي اللي في دماغك كان لازم لك القلم ده عشان تفوقي واتعلمي دايما اللي يقولك نصيحة اتاكدي اذا كانت صح او غلط واذا كانت لمصلحتك ولة ضدك انت اللى عملتي في نفسك كده حبيتي الشخص الغلط *اشتدت في البكاء اكثر فاحس انه كان قاسيا معها :انا اسف لازم اشد عليك عشان

نصحتك وادي النتيجة :انت فاكرني بعيط عشان حازم انا بعيط عشان راي امي اللي خلفتني بدل ما كانت تقوله عيب ما يصحش ضحكت معاه وكاني بنت ضرتها امي اللي المفروض تشوفني اجمل بنت في الدنيا بتقوله انا عارفه انها وحشة انا بجد مصدومة حتى نهى اخته كل لما كنت بقول لها تعالي نخرج ترفض وتتحجج لغاية ما عملت اصحاب بعيد عنها… تفتكر رأي بابا وجدو فيا هما كمان كده :لا يا حبيبتي بابا وجدو بيحبوك بس دايما هتلاقي ناس نظرتهم سطحية تحطي كلامهم تحت رجلك وتعمليه سلم تطلعي بيه لفوق ما تخليش الكلام فوق راسك يدفنك فاهمه يا حبيبتي :ممكن

محدش يعرف منهم اني عرفت حاجه :وناوية تعملي ايه معاهم :هتعامل معاهم عادي جدا بس من غير عشم ولا مشاعر … هو انا ممكن اطلع رحلة الجامعة بتاعة اجازة نص السنة بعد بكرة الاقصر واسوان محتاجه ابعد شويه عنهم :طب ما تيجي تقعدي معايا في البيت كام يوم انت عارفه ان بابا وجدو مش بيحبوا تسافري لوحدك :ارجوك اقنعهم انا هبقى تحت اشراف الجامعه مع اصحابي وهستفاد من الرحلة في مشروع التخرج بزيارة المعابد في الاقصر وهتلهي عن التفكير في الموضوع لو قعدت عندك انت ولمى بتزلوا الشغل طول اليوم :هنعمل ايه يا حبيبتي برضة بنحاول نلهي نفسنا في الشغل

لسة ربنا ما رزقناش باولاد :ربنا يرزقك يا حبيبي هاه هتقنعم *اومأ براسه بالموافقة :ممكن ابات عندك النهاردة لو سمحت :انت بتستأذني طبعا وهكلم جدو حالا *عاد بها الى منزله وادخلها غرفة الضيوف وتركها لتنام وقص لزوجته نبذة عما حدث حتى لا يقوم باحراج سلمى امامها فهمت لمى ما حدث وكان لها تفسير اخر #ما هو راي لمى وكيف ستتعامل سلمى مع من جرحوها يتبع… الثالثة *جلست تتحدث مع نادر :ممكن ما تزعلش من اللي هقوله هما عندهم حق في نقطة سلمي فعلا مش مهتمه بنفسها ولا لبسها وده نتيجة انك اخدتها من مامتها قبل ما تعرفها طريقة الاهتمام ومامتك

ما صدقت خلصت من مشاكلها زي ما انت حكتلي … سلمى محتاجة تهتم بنفسها لنفسها مش عشان خاطر حد هي تسافر مع الجامعة ولما ترجع استلمها واشتري لها هدوم جديدة واعرفها ازاي تهتم بنفسها :عندك حق انا مش عارف من غيرك كنت عملت ايه :هههه بحاول اكفر عن غلطة النهارده :فكرتيني مين قالك ان معايا واحده في الكشف :واحدة بتحب تهدي النفوس بس عشان خاطري شدها بس بلاش تمشيها عشان عندها عيال : ولما عندها عيال مش تخلي بالها من اكل عيشها :هي خصلة بايخة بس شغلها حلوسامح بقي :عشان خاطرك بس لازم قرصة ودن عشان ما تكررهاش وانت ايه

اللي خلاكي تصدقي اني ممكن اعمل حاجه زي دي :بصراحه خفت قوي عشان اتاخرنا في الخلفة :احنا هنفتح الموضوع ده تاني مش كنا قفلناه :معلش اسفة مش هفتحه تاني *احتضنها وقامت بمعانقته فكان هذا العناق كاف عن اي كلام يمكن ان يقال بقلمي سحر السحرتي *كانت سلمى في غرفتها عند نادر فقررت ان تبدأ بكتابة مذكراتها بداية من هذا اليوم حتى لاتحن يوما للعودة الى حب حازم مرة اخرى وكلما اخذها الحنين تعود وتقرأ ما بها وكلما بدات في كتابة حرف اخذت اكثر الى ان اكتملت الصورة امامها واتخذت قرار انه لا يستحق دمعة اخرى وانها يجب ان تكون قوية

وتثبت له ولكل اصحاب النظرة السطحية ان الشكل ليس كل شئ ومن خلال تفوقها في العمل واخلاقها انها افضل مئات المرات من البنات الساقطات التي يفضلها عنها *رن هاتفها لتجيب وهي كارهة للرد سلوى : سلمى انت ما جتيش ليه انا مستنياك من زمان :انا عند نادر في البيت هبات النهاردة كان في حاجة وقفة معايا كان بيشرحهالي :نادر دكتور هيشرحلك ايه وما قلتيش ليه : في حاجات هو بيعرف يشرحها كويس قوي وبعدين انا استأذنت من جدو ما هو اللي مسئول عني انت اللي ما قلتيش انك جاية بعد كدة ابقى عرفيني عشان بقيت بين الشغل والجامعة :حاضر هتوحشيني

ابقي تعالي انت احسن مش هعرف اجي لان الفترة الجاية اختك عندها امتحانات : اكيد امتحاناتها مهمة ما هي اعدادية لما ارجع من السفر *اغلقت الهاتف وتذكرت كيف كانت امها ترفض الخروج معها هي واخوتها لشدة جمالهم وكيف دائما تمدح جمالهم امام الناس كانت سلمى تبرر ذلك في نفسها انهم صغار يحتاجون الدلال والحنية *سافرت سلمي مع الجامعة واستفادت في رسم بعض التصاميم واحضرت هدايا كثيرة لجدها ونادر ولم تتذكر حازم باي شئ كانه انقطع من حياتها كانت تتعمد ان تذهب الي الجامعة قبل ان يستيقظ وتذهب للتدريب في الشركة اثناء وجوده خارجها بقلمي سحر السحرتي *لاحظ جدها انها لم

تعد تذهب للجامعة برفقة حازم فسالها :اصل يا جدو ده اخر ترم وحازم كان دايما ياخرني عن المحاضرة الاولى والدكاترة الترم ده بيطردوا المتاخرين مغلسين قوي معانا اخر مرة هيشوفوا وشنا بقى هههههه : طب والشركة ما بقتيش ترجعي معاه ليه : يا جدو هو تخصصه غيري وانا بقيت مشغولة قوي دلوقت بين مشروع التخرج والجامعة وماسكة شقة واحده صاحبتي بجهزها فبلحق وقتي واركب مواصلات وبعدين هو هيفضل يوصلني لغاية امتى هو له مشاغله برضة *لم يقتنع شاكر بكلامها احس ان هناك شئ ولكنه فضل ان تاتي له بنفسها وتعترف *حضنته سلمى : هو انت مركز معايا قوي كدة ليه

يا شكورتي مش انت عارف حفيدتك ب١٠٠ راجل ورافعة راسك دايما :انت يا حبيبتي اغلى احفادي عندي مش عيزاني اركز معاك ازاي دى انت الوحيدة اللي بتفطري يوميا معايا وعمرك في الاجازة ما قلتي انام شويه زيهم :انت عارف ان الاكلة الوحيدة اللي بيبقى لها طعم اللي باكلها معاك لما بقدر باقي الوجبات اكلها معاك مش بتاخر عن حبيب قلبى :مش عيزاني بعد ده كله ما اركزش معاك كفاية اني انا اللي اخترت اسمك واحسن حاجة عملها نادر انه خلاك تعيشي هنا :عندك حق احسن حاجه اني اصطبح بضحكتك الحلوة والدعوتين اللي من القلب :مش عارف لما تتجوزي هعمل ايه

*اجابت بحصرة وتذكر لما حدث معها :ما تقلقش يا جدو قاعدة ومطولة معاك يمكن ما اتجوزش خالص *احس بمرارة في كلامها :ليه بتقولي كدة يا حبيبتي *قالت بمرح حتى لا ينتبه :ياجدو اسيب حضنك ده وضحتك لمين غيري واتجوز واحد يبوز في وشي الا اذا كنت هتتجوز دي قصة تانية ساعتها افكر ما انا هيبقى كدة عندي ضرة :مفيش بعد جدتك عمري ما فكرت ولا هفكر اتجوز بعدها :صحيح هي كانت حلوة : تعرفي انك شبها بالظبط :يا خبر كانت وحشة كدة :اخص عليك مين اللي وحشة دى انت قمر واخدة طيبتها واخلاقها واهتمامها بكل اللي حواليها وشايلة مسؤلية هو

انا بحبك من شوية انت زيها بالظبط :كنت بتحبها يا جدو بالرغم من انها مش جميلة قوي يعني زي مثلا نهى :نهى واللي زيها ريش على مفيش ما يفتحوش بيت ولا يربوا اولاد اخرهم النادي فتح البيت بيحتاج راجل وست يعرفوا قيمة تكوين اسرة ويتحملوا مسؤولية مش شكل وعجرفة كدابة *سرحت في كلام جدها الذي كان مشابه لكلام نادر وعلمت ان جدها يحبها لشخصها قطع حبل افكارها دخول حازم :صباح الخير يا جدو يلا يا سلمى عشان اوصلك الجامعه :معلش يا حازم انا طلبت عربية زمانها على وصول ما تعطلش نفسك انت : الغيها انت في طريقى النهارده وكمان كنت

عايزك في موضوع نتكلم واحنا في الطريق شاكر : لما انت صاحي من بدري ما جتش تفطر معايا ليه : معلش يا جدو في الاجازة عشان مستعجل سلمي: سيبه يا جدو هو انا مش كفاية وبعدين هيخلص اكلنا كله ههههه : انا كنت بس باكد لك كلامي اللي قلته من شوية *لم ينته حازم لانشغاله بالهاتف :يالا ياسلمى عشان ما اتاخرش *امام اصراره وحتى لا يلاحظ جدها شيئا وافقت وفي الطريق حازم:ايه يا سلمي من ساعه ما رجعتي من الرحلة بتروحي الجامعه لوحدك في حاجه :ابدا بس كنت بتاخرني والدكاترة الترم ده صعبين شويه خير كنت عاوزني في ايه :كان

عندك طالبة في الجامعة ص اروخ ممكن تجبيلي رقمها :عشاااان كده صاحي بدري ومكلف خاطرك توصلني مصلحه عموما شاورلي عليها ولو من النوع اللي انت بتمشي معاه واخلاقها زيك ايه المشكلة : ايه اخلاقها زي دي قصدك ايه : يعني فرفوشة وفت حاها على البحري ما تاخودش في بالك : اه طيب هاجي اخدك النهاردة واشاورلك عليها عشان دلوقتى عندى شغل ماشى : ما تتاخرش عشان رايحة الشقة اللي بخلصها عندي عميلة هتيجي تتفرج عليها *تركها وذهب وهي في نفسها مفكر هيخليني اشقطله البنات في احلامك كلمها منك ليها هو انا كنت بحب فيك ايه واضح انه كان حب مراهقة

زي ما نادر قال صحيح مراية الحب عامية الا ما شايفة فيك ميزة واحدة *عاد حازم الى الجامعه فلم يجدها اتصل بها وهو غاضب :ايه يا سلمى فينك واقف مستنيك انت فين :انا مشيت العميلة اتصلت بي وقدمت المعاد معلش :واللي طلبته منك اعمل ايه دلوقت :انت بتزعق ليه ومستعجل قوي كده هو انت يا ابني بنص لسان ولة دي اول مرة اذا موجودة كلمها بنفسك او حتى خودها حجة واعمل انك بتسال عليا سلام بقى مش فاضية للعب العيال ده *اغلقت الهاتف بوجهه وهي تعلم انه من الغيظ وتحدثت لنفسها : هو حر يكلمها طلعت زيه يستاهلوا بعض طلعت

مؤدبة تديله على راسه وبرضة يستاهل انا مالي *التقت بالعميلة اسراء وهي صديقة قديمة من ايام الثانوية لتستلم سلمى اخر جزء من اموال التصميم وايضا اذا كان لدي اسراء اي تعديل على التنفيذ تقوم بتعديله قبل انتهاء الجزء الاخير *لم تحضر اسراء بمفردها كان معها ابنة خالتها لترى المنزل فهي ايضا على وشك الزواج وتريد ان تصمم ديكور شقتها ايضا اسراء: ازيك يا سلمى اعرفك مي بنت خالتي والرائد حمزة هي مي كانت عايزة تتفرج على شقتي عشان عاوزة توضب شقتها قربت تتجوز فقلت لها عليك سلمي :اهلا وسهلا طب ممكن تتفرجي وتفرجيها معاك هدخل البس هدوم الشغل عشان اخلص

ولو عندك اي تعديل اكتبه هنا لان ان شاء الله اخر الاسبوع هتستلمي زي ما احنا متفقين *دخلت واغلقت باب احدى الغرف عليها حمزة لاسراء: هي بتلبس ليه بتشتغل بدل العمال ضحكت اسراء : لا هي عملالي بورتريه هدية في الريسبشن لاننا اصحاب من زمان بترسمه بنفسها فبتغير لان الالوان بتبهدل الهدوم تعالوا لما افرجكم عليه وعلى الشقة مي: ايه المنظر الطبيعي التحفة ده هي اللي رسماه اسراء : اه عارفه اني بحبه فعملته هديه كانه طبيعي فعلا ياما كانت ترسم ايام الثانوي بورتريهات وتديهالنا لسة محتفظة بيهم مي: طب انا عايزه واحد زيه اسراء : مش لما نشوف هترضى

تمسك شقتك ولة لا حمزة :هي هتتنطط علينا من اولها :لا يا سيادة الرائد مش بتنطط ولا حاجة كل الحكاية اني لسة طالبة ودي اخر سنة وعندي مشروع تخرج فلو مستعجلين تقدر تشوف حد تاني في مهندسين كتير كويسين واشطر منى كمان ولو تحب ارشح لحضرتك اسماء محترمة *مي وخوف ان ترفض سلمى العمل لانها احبت تصميمها :لا هو ما يقصدش يا سلمى احنا هنقعد ونتفاهم ونشوف هيخلص في قد ايه احنا النهارده للتعارف بس *حاولت اسراء تهدئة الوضع قليلا : في ايه يا سيادة الرائد ما كانتش كلمة انا قلتها ونسيت اوضح ظروف سلمى امسحوها فيا يا جماعة سلمى

بحدة ولا تنظر لحمزة : ما حصلش حاجة يا اسراء عندك اي تعديل لو سمحت عشان جدو بيزعل لما بتاخر وكمان بابا هيجي الساعة ٩ ياخدني بعد ما اخلص *اكملت بنفس الحدة :على فكرة انا مش بدخل عملاء يتفرجوا على شقق عميل تاني انا باخود صور من شغلي بعد ما استأذن العميل بس طبعا اسراء حرة في شقتها تعمل اللي هي عيزاه لان دي حرمة بيت مش بحب اتعداها مي بمرح: طب بالنسبه للبورتريه انا عايزه واحد زيه ممكن ولة هتكسفيني سلمى تنظر بحدة لحمزة : لو عشانك من عنيا انت بقيتي زي اسراء وكفاية انك قريبتها بس لما نبقى

نتفق ولو ما اتفقناش برضة من عنيا اعمله لك في بيت بابا وماما مي: اكيد هنتفق ما تقلقيش من حاجه كل الكلام معايا انا *وضغطت على يد حمزة حتى لا يتحدث ولا يخرب لها الاتفاق سلمى بتحدي : اذا كان كدة موافقة اقعد انا وانت ونتفق بعد بكرة الجمعة تحبي تشرفيني في البيت ولة نتقابل في اي كوفي شوب اوريلك التصميمات مي : هكلمك ونتفق تمام *ذهبوا وتركوا سلمى تكمل لوحتها الفنية بقلمي سحر السحرتي *مي تعاتب حمزة في طريق العودة : دي طريقة تكلم بيها البنت عيزها ترفض حمزة : هي تطول تعملك الشقة شايفة نفسها على ايه اسراء:

اخص عليك يا حمزة سلمى مهذبة جدا وشغلها حلو واسعارها كويسة انا جبت مهندس قبلها كان عايز ياخد ضعف المبلغ ومواعيده مش مظبوطة وعلي فكرة كمان بيجلها شغل كثير وبتعتذر عنه لانها بتسلم الشقة اللي معاها الاول وملتزمة بالمواعيد ولولا اني اتحايلت عليها عشان مي وما تقبلش حاجه قبل ما تتكلم معاها كانت رفضت حمزة : كمان اتحايلت عليها هو اللي خلقها ما خلقش غيرها مي: انت شفت شغلها بذمتك مش حلو حمزة :الحقيقة حلو ومش مصدق انها هي اللي عملته مي:امال مالك متنشن عليها ومحسسني انها مرات ابوك : مش عارف ما بلعتهاش من اول ما شفتها اسراء :

هو احنا جايبنهالك عروسة . دي مهندسة بطل بقى تنشنتك الزيادة دي مع اي حد نزلني هنا سلام حمزة لمي: اذا عايزة تشتغلي معاها انا ماليش دعوة اتفقي انت معاها مي : اه انا دورت على كذا مهندس وشغلها عجبني مالكش دعوة وهكلمها واتفق معاها نتقابل في كوفي شوب *لا يعلم لما ذهب مرة اخرى عند منزل اسراء في موعد انصراف سلمى الذي اخبرتها به هل لانها لم تنبهر بوسامته كما تفعل جميع الفتيات ( حمزة وسيم جدا غير بنيته الجسدية المتناسقة فهو ظابط شرطة له هيبته وحضوره ) ام لانها تحدته وحاولت رفض العمل لديهم *وجدها تركب مع رجل

كبير وتسلم عليه وتحتضنه بفرحة ولا يعلم لما ذهب ورائهم فلقائهم غريب لانها قالت انه والدها ولكن لما هذه الحميمية الزائدة وهو والدها …. وجدهم يدخلون مطعم ودائما هذا الرجل يطبطب بحب على سلمى كانه مفتقدها ويطعمها ويقبلها في خدها فأثاره الفضول لمعرفة قصتها #ما طريقته لمعرفة قصتها وكيف سيتعامل معها وهل ستقبل العمل مع مي يتبع…. الحلقة الرابعة *اتصل حمزة على اسراء واراد ان يعرف باسلوبه الحاد : هي صاحبتك المهندسة بتصاحب رجالة كبيرة في السن انا داخل مطعم دلوقتي وشفتها بالصدفة قاعدة مع واحد كبير اسراء : حمزة احترم نفسك سلمى من البنات المؤدبة عمرها ما تعمل حاجه

غلط اكيد باباها هي قالت قدامنا انه هيعدي عليها : يعني باباها اول ما تشوفه تحضنه وتبوسه وقعدة معاه في المطعم كل شويه يحط ايده علي ظهرها اسراء بحدة وغضب : اه عشان هي كانت مسافرة وهو متجوز وقاعد بعيد عنها ودي اول مرة يشوفها بعد ما رجعت من السفر واخر مرة اسمح لك تغلط فيها وانا غلطانة اني عرفتها على واحد زيك وهخليها تنسى موضوع شقة مي لو كل مرة هترزل عليها كدة هي مش ناقصة فيها اللي مكفيها :طب ما تزعليش وبلاش تسيب شقة مي عشان مي ممكن تخليني اعملها بايدي عقاب ليا بس اصل استغربت الوضع افهم

من كده انها بتشتغل عشان تصرف على نفسها وباباها سامح لها بكدة بقلمي سحر السحرتي :لا اخوها اللي سامح لها عشان تثقل موهبتها وسردت عليه قصة عملها وتشجيع اخوها لها وانفصال والديها وانها تسكن بمنزل العائلة مع جدها وعمها وابنائه : انا حكيت لك كل حاجة عشان بعد كده ما تسئ الظن بيها لان وارد تلاقي اخوها او ابن عمها بيوصلوها عشان مش بيسبوها ولو ناوي تضايقها ارجوك بلاش شوف مهندس تاني دى اكتر صديقة لي وجدعة قوي معايا طول عمرها انت مش عارف وفرتلي ازاي في الشقة غير البورتريه اللي رسمته مجانا ده سالت عليه بارة بيتكلف كتير وماعنديش

استعداد اخسرها او ازعلها عشان اي حد فاهم :خلاص ما تزقيش هي كانت من العيلة :اكتر فاهم حمزة انا عارفة غلاستك واما تحط حد في دماغك بلاش هتخسرني *اغلق حمزة الهاتف مع اسراء وقد زاد اصرار ان يحضر اتفاق سلمى ومي دون ان تدري حتى لا ترفض مقابلة العمل *في اليوم المتفق عليه اوصل مي كأنه نسى ان لديها موعد مع سلمى ورسم على وجهه انه تفاجأ برؤيتها :ايه ده انت جاية تقابلي البشمهندسة خلاص تتغدى معانا عشان سوء التفاهم اللي حصل سلمى :لا مفيش داعي اصل يوم الجمعة بتغدى مع جدو وهو بيحب يتغدى بدري طول عمره عموما الموضوع

كله نص ساعه مش اكثر هتفق مع مي على شويه حاجات اساسية بعدها همشي تقدروا تقعدوا لان لسة ما شفتش الشقة ولا اعرف مساحتها وبعد اما اشوفها هنقعد تاني ونحدد باقي النقط *سرح حمزة في رد فعلها كيف لا تنتهز الفرصة للبقاء معه اطول فترة ممكنة بعض الفتيات لا تترك هذه الفرصة …كانت تكمل حديثها بجدية ومهنية ولا تنظر له : اهم حاجه ممكن اعرف عاوزه تستلميها خلال قد ايه لان ده اللي هيحدد هقدر اشتغل ولة لا مي : لا معاك وقتك انا هتجوز في الصيف اوله كدة سلمى :كدة وقت كفاية اقدر اشتغل براحتى وبرضة لما اشوفها هحدد

هسلمك امتى اخود منك معلومات التكلفة ونظامك اللي تحبيه في الشقة :اظن نفس نظام اسراء مع تعديل بعض الالوان وما تنسيش البورتريه لاني هتجنن على واحد زيه سلمى بضحكة ساحرة : ماشي يا ستي بي مش زيه بالضبط يعني لاني مش بحب اكرر شغل بس اكيد هيكون حلو زيه بس ده بياخد وقت اطول لاني بشتغله بنفسي هسيبك دلوقت ونبقى نتفق على يوم اشوف الشقة واخد المقاسات سلام بقلمي سحر السحرتي *كان كل حديثها وكامل جلستها مع مي دون ان تنظر لحمزة او توجه له كلام واستغرب حمزة اكثر وشدته اكثر واكثر *بعد عدة ايام التقت مي مع سلمى كما

هو متفق عليه لكن حمزة لم يحضر اراد ان يعرف اذا كانت سلمى سوف تسال عليه ام لا ولكن سلمى لم تهتم لانها احبت مي والتعامل معها اسهل واريح لها *استفسر حمزة من مي بطريق غير مباشر اذا كانت سلمى سالت لما لم يحضر فاخبرته مي : ولا جبنا سيرتك اصلا هي حتى كلامها مش كتير وبتتكلم عن الشغل اكثر حاجة *ازداد انبهار بهذه الشخصية *في تلك الاثناء كان حازم يصر ان يوصل سلمى الى الجامعة كل صباح ليقابل صديقته الجديدة ويوصلها معهم كل مرة كانت تحاول التهرب لكن حازم اخبرها انه وضع مؤقت حتى تعتاد صديقته لبنى على ركوب

السيارة معه حينها تستطيع الذهاب بمفردها اذا ارادت *كان الوضع صعب بالنسبه لسلملى لانها لم تتخط حب حازم تماما لكن قالت لعله خير لانه مع الوقت وكلما راته مع لبنى كانت تصر على نسيانه اكثر *جمعت سلمى معلومات عن لبنى وعرفت انها ليست بريئة كما تدعي وانها تلاعب حمزة فاطمئنت واستراح ضميرها بانها لا تشارك في جرح مشاعر فتاة مهذبة وان لبنى هي من سوف تذيق حازم من نيرانها الى ان طلب منها معروف :خير يا حازم شكلك عاوز مصلحة وانا مش فاضية : لبنى حبيبتي واقعة في مشكلة وفي ايدك انك تساعديها : لو خير مش هتاخر اكيد هعمله

:انت عارفه انها واخدة سكن مع اصحابها جمب الجامعه لان بيتها بعيد وكانت في مرة اتاخرت على امتحان بسبب المواصلات وشالت المادة دلوقت اتخانقت معاهم وعايزة مكان تقعد فيه ممكن : انا بصمم ديكور شقق مش باجر شقق : لا قصدي تيجي تقعد معاكي هنا بما انك لوحدك وهي وعدتني مش هتحسي بيها : نعم وحضرتك اللى اقترحت عليها تقعد معايا اسفة مش بعرف اذاكر وحد معايا خصوصا لو كان غريب : ومين قالك انها غريبة دى انا ناوي خلاص اخطبها :بجد على انا الكلام ده انت عايزها هنا عشان تاخد راحتك معاها وانا مش هشارك في ده اظن فاهمني

وجدو ونادر مش هيوافقوا : يا بنتي اللي في مخك ده مش هيحصل هي مش بتسمح لي امسك ايديها حتى دي مؤدبة قوي وده اللي شدني ليها ولو على جدو ونادر انت لو وافقتي المشكلة هتتحل :مؤدبة اااه قوي قوي الجامعه كلها بتحلف باخلاقها وبرضة مش موافقة شوف حل تاني لو سمحت دى اخر ترم وعاوزة اركز في مشروع التخرج :كدة متشكر قوي يا سلمى ابقى اطلبي مني حاجة : العفو انا بطلت من زمان اطلب منك يا مصلحجي *لم يهدأ حازم وذهب لنهى اخته لتفكر معه كيف تسكن لبنى مع سلمى حتى يراها باستمرار فواتتها فكرة هي ان تطلب

نهى من جدها جلوس لبنى مع سلمى على اساس انها صديقتها هي وليست صديقة سلمى ويضعوا سلمى امام الامر الواقع ولن تستطيع ان تكسر كلمة لجدها بقلمي سحر السحرتي نهى : قلت ايه يا جدو عشان خاطري دي كلها شهرين ثلاثة والترم يخلص والبنت كدة هتنام في الشارع واحنا عندنا البيت كبير شاكر : ازاي بس يا بنتي اخوك راجل هتاخد راحتها ازاي في شقتكم وباباكي كمان موجود ما يصحش *رسمت نهى الحزن على رفيقتها :خلاص بقى يا جدو هعتذر لها شاكر: لا يا حبيبة جدو لقيتلك حل تقعد مع سلمى هي بنت زيها وهياخدوا راحتهم مع بعض نهى :

حبيبي يا جدو يا احلى جدو في الدنيا *قبلته في وجنته وخرجت تبلغ حازم بنجاح الخطة شاكر : تعالي يا سلمي عايزك يا حبيبتي فى موضوع وما تكسفنيش :خير يا حبيبي مقدرش اكسفك كلامك سيف على رقبتي *قص لها مشكلة صديقة نهى وانه قرر ان تجلس معها في نفس الشقة لم تجد حل سوى الموافقة بدلا من قول الحقيقة وانها لعبة من نهى وحازم لان صحة جدها لا تحتمل ولكنها اتصلت على نادر لتخبره بانها لا تستطيع ان تجد حلا نادر: خلاص سبيهم هي واضح انها سا فلة ونهى هي المتحملة المسؤولية دلوقتي لما قالت انها صاحبتها :يعني هنقلب بيتنا

بيت دعا رة ما انت عارف حازم وانا بغيب كتير عن الشقة بسبب الشغل :انت مضايقة من كدة فعلا ولة لسة بتحبي حازم :تفتكر بعد اللي سمعته ممكن يخطر على بالي تاني اكيد خايفة على جدو لو اكتشف انهم بيضحكوا عليه :خلاص انا هكلم جدو انكم تقعدوا معاه تحت وانت بس تطلعي تذاكري وتشتغلي في مشروعك فوق بحجة انك مش بتعرفي تذاكري مع حد وبكدة ممكن يفهم من نفسه لو حصل تجاوزات هتكوني بعيدة *وافقت سلمى على هذا الحل الذي اغضب حازم لانه اراد ان يستفرد بلبنى بعيدا عن اعين جده في شقة سلمى *مرت الايام كانت تعمل سلمى بشقة

مي كانت تاتي مي وحمزة كل فترة بناء على طلب سلمى ليتابعوا كل مرحلة قبل الانتقال للمرحلة الثانية واذا كان هناك تعديلات *انتقلت لبنى للسكن مع سلمى فكانت سلمى اوقات تتعمد النوم بشقتها بحجة انها غفت اثناء المذاكرة وكان حازم يستغل هذه النقطة ويستفرد بلبنى التي كانت تعذبه ولا تسمح له بلمسها ليزيد تمسكه بها *مرت فترة كبيرة وسلمى تعمل بكل جهد في شقة مي وحمزة ياتي وكلما حاولت مي اخذ رأيه في ما يتعلق بالديكور يرفض اعطاء رأيه ويخبرها ان تتصرف بما يحلو لها اثار ذلك استياء سلمى فاستأذنت مي ان تتحدث مع حمزة في شئ يخصها تحتاج منه

مساعدة فاعطتها الرقم *اتصلت على حمزة وحددت معه موعد لانها تريده في موضوع مهم … في الكوفي شوب بدا التوتر على وجه سلمى :انا بصراحه مش عارفه ابدا من اين دى اول مرة بصراحه انا من اول ما شوفت حضرتك قاطعها حمزة : وانت بتفكري فيا ومش قادرة تخرجيني من بالك ونفسك اديلك ريق حلو *ضحكت سلمى بصوتها العذب لم تتمالك نفسها من تفاهة ذلك المغرور وتحدثت بسخرية : وانت بقى قمر الزمان وما شاء الله عليك البنات دايبة في دباديبك ومقطعة نفسها عليك اهدى شوية على نفسك وخليني اخلص كلامي انا قصدي باول مرة اتدخل في مواضيع شخصية لغيري

بس حبيت مي وبقينا اصحاب وكل مرة انت بتكون معاها بحس ان في فتور ما بينكم وكل لما تسالك عن حاجة بتقول لها اعملي اللي يعجبك فحبيت بس اوضح ان كل بنت بتحب تشارك خطيبها في تجهيز عش الزوجية فياريت تاخد بالك من النقطة دي واسفة اني اتدخلت في شئ ما يخصنيش بس بجد انا حبيت مي وعيزاها تفرح من قلبها حمزة بصدمة: انت كنت عوزاني في الموضوع ده بس : امال كنت مفكرني عاوزة اخطف خطيب عميلة عندي اللي بقت صاحبتي اذا كنت كل اللي قابلتهم بيرموا نفسهم عليك فانا مش منهم ولا عمري فكرت اصلا بالطريقة الرخيصة دي