انتقا.م شمس

ثريا بدأت تقلق و تبص لية بقلق بس مبينتش و بتوتر و هي بتحاول تدارية قالت:-

اللي إنت شايفة صح أعمله يا حبيبي وأنا طبعاً معاك في كل حاجة

و بدأت تقول في نفسها يا ربي دا بيبهدل أبوه و مش باقي عليه هيجي عليا أنا و هيبقي عليا ؟؟

لا أنا لازم اخد حزري منه عشان مطلعش في الآخر أنا الخسرانه

……

– زي ما سمعت حضرتك اللي أختك مفيهاش اي حاجة واضح إن اللي كان بيضربها مدرب كويس اوي على الحركات دي لا و مش بس كدا دا في مناطق معينه مجاش تجاها و كأنه قاصد يوصلها لمرحلة دي

زين و زياد بصوت لبعض بزهول يتخلله الشك و…..

لمحة من الفصل القادمة…

حكمت المحكمة حضوريا بأن شمس نشأت الدغيدي فى كامل قوها العقلية و البدنية….

 

يتبع…

 

الحلقة السابعة عشر

من قال يوماً أن الكوارث تاتي فُرَدَا ، و شئت أم أبيت سيكون عليك الموجهة و التصدي إليها

أعزائي المشاهدين نأسف على قطع الإرسال و لكن قد

جائنا البيان التالي

تم إلقاء القبض على رجل الأعمال معتز نشأت الدغيدي ابن رجل الأعمال نشأت الدغيدي فى وضح مخل بالادب مع المدعوة زيزي زوجت رجل الأعمال المقيم خارج البلاد محمود نشأت الدغيدي فيها و والدة رجل الأعمال حمزة محمود نشأت الدغيدي

مرت ثلاثة أيام كان حمزة مهتم بشمس جدا و معاها خطوة بخطوة و بيساعدها في كل حاجة و حاول على قد ما يقدر يحسن من حالتها النفسية و الصحية و ساعده في دا جده و أخواتها اللي بدأوا يقربوا منها و الندم بياكلهم من جواهم على اللي عملوه فيها و عملوا بمقولة

” أن تأتي متأخر خيراً من ألا تاتي”

كانت شمس قاعدة مع حمزة و بياكلها و هو بيقول بغمزة:-

لا بس الغيوم اتزاحت و الشمس سطعت من تاني أهي

وزكته بكتفه و قالت:-

بس بقي يا حمزة الله هو إنت مُصر إنك تكسفني دايما كدا !!

اتنهد و حط صنية الأكل على جنب و مدد جنبها على السرير و اخدها في حضنه و بصلها و ابتسم

باس على رأسها و رجع ظهره بيها على ظهر السرير و قال:-

فاكرة اتقابلنا إزاي يا شمس ؟!

شمس اتعدلت و سندت على صدره و قالت:-

المهم تكون إنت فاكر يا حمبوزي

ارتفعت صوت ضحكاته و قال:-

كنت شرير إنت أوي يا حُب

نامت على صدره و هي بتقول:-

كنت دبش أوي واعترف وأفتخر كمان يا حمبوزي

فلاش باك:-

كانت بتعدي الطريق و هي بتبتسم للست العجوز اللي ماسكة اديها و موقفة المرور كله عشانها

– الله يرضى عنك يا بنتي دايما فكراني و بتيجي كل يوم في نفس المعاد تعديني الطريق

ابتسمت شمس و قالت:-

أهم حاجة دعواتك ليا يا طنط و اعتبرني زي بنتك بالظبط و أي حاجة تحتاجيها قوليلي علطول

– حطت اديها على رأسها و قالت:-

روحي ربنا ينولك مرادك و يرزقك بابن الحلال اللي يريح قلبك و يسعدك و يشيلك على كفوق الراحة

كان متابع الموقع من عربيته بعد ما ركنها قريب منهم ، ابتسم بعد ما كان متزمر و بيسب فيها عشان وقفت المرور و هو متأخر على مواعيدة لكن لما شاف موقفها و سمع كلام الست ابتسم و حفر ملامح شمس في دماغه و انطلق بالعربية

بصت في ساعتها و وقفت بسرعة و قالت:-

إتاخرت على الكلية يا ربي دا فيه ضيف مهم أوي جاي النهاردة ادعيلي يا طنط سلام هعدي عليكي وأنا مروحة

أخدت الطريق جري لحد ما وصلت على باب المحاضرة و هي بتاخد نفسها بالعافية من كتر الجري و بترفع اديها للدكتور و بتقول بصوت متقطع:-

أنا آسفة على التأخير يا دكتور مش هتتكرر تاني اوعدك

بصلها من فوق لتحت و هي رفعت عنيها لقته مش دكتورها و الضيف اللي جاي ضغطت على اديها و قالت:-

احيه دا امشي بكرامتك يا شمس بدل ما الدفعه كلها تتفرج عليكي دا مبيهزرش في المواعيد

كانت لسة هتلف و تمشي لكن سمعت صوته بيقول:-

اتفضلي يا آنسة و اتمني متتكرشش تاني أهم حاجة في المجال دا إننا نلتزم بالمواعيد حتي لو كنت بتعمل حاجة كويسة هتتجازي عليها

رفعت عنيها عليه وبصتله بصدمة و هو بص للمدرج و تجاهلها دخلت و صدمتها على وشها و قعدت في مكانها المخصص اللي حاربت عشان يبقي مكانها الثابت

يصلها بصه سريعة و استغرب لما لقاها قاعدة في الصفوف الاولي و بصاله بتركيز شديد لكن مداش الموضوع إهتمام و عرفهم بنفسه الأول و قال:-

طبعاً الأغلبية منكم عارفيني أنا حمزة محمود الدغيدي رئيس مجموعة شريكات الدغيدي جروب كل دا بتوفيق ربنا أولا ثم اجتهادي ثانياً وأنا النهاردة جاي عشان اديكم محاضرة و معلومات هتساعدكم و تحفذكم أنكم توصلوا لحاجة

كانت قاعدة مندهشة من الإسم و بتقول في نفسها:-

الدغيدي أكيد تشابه أسماء و ركزت معاه على قد ما تقدر عاوزة تجمع معلومات هتساعدها بعد التخرج إنها ناجح في مجال شغلها

وآخر حاجة عاوز انبه عليها المواعيد لازم تبقي دقيق أوي في مواعيدك ، مش لازم العميل عندك يشوفك غير بابهي صورة و معادك مظبوط ، حتت المواعيد دي بتفرق عند ناس بطريقة رهيبة

ختم كلامه و هو بيبص على شمس اللي انكمشت لتحت و هو ضحك على منظرها

لبس نظارته و مشي في طريقة و هو بيبتسم جوا أنه كسفها

شمس شتمته في سرها و خرجت من الكلية و بصت في ساعتها و مشت بهدوء على المطعم اللي هتشتغل فيه و هي بتصبر نفسها و بتقول :-

يلا يا شمس دا إحنا لسة في أول السلم أومال لما توصلي الرابع هتكوني عملتي اية

دخلت المطعم و غيرت هدومها و خرجت تشوف شغلها لحد ما وصلت لترابيزة الشاب اللي قاعد عليها مديها ظهره فـ وقفت جنبه من غير ما تشوفه و قالت:-

تؤمر بحاجة يا فندم

حمزة رفع عينه عليها و اتفاجي بيها و هي برقت لما شافته و بلعت ريقها بس تمالكت نفسها و عدت الموضوع و قالت:-

تؤمر بحاجة يا فندم ؟!

حمزة بصلها و بص على الشريط اللى مكتوب عليه إسمها و متعلق على صدرها و قال:-

شوية يا شمس

و لما كمل باقي الإسم وقف مرة و واحدة و قال بهلع :-

اية دا ؟!

بااااك

فاق حمزة على صوت اهتزاز موبايلة و لما مسكه مصدقش نفسة خمسين مكالمة فائتة من والده فـ بص لـ شمس و قال:-

استر يا اللي بتستر

كلم والده اللي فتح فيه و قال بزعيق البيه فين و سايب المصيبة اللي حصلت لينا دي

قال بهدوء :-

مصيبة اية بس يا بابا

محمود بهيجان و زعيق :-

شوف الأخبار يا حمزة و ابعتلي طيارتك الخاصة أنا عندي بطار و لازم اصفيه دا شرفي و سمعتي ولازم ارجعهم

حمزة مفهمش حاجة لكن جري فتح التلفزيون اللي في غرفة شمس و الأخبار وقعت عليهم كالصاعقة

 

يتبع…

 

الحلقة الثامنة عشر

الأخبار وقعت عليهم كالصاعقة و حمزة بص لـ شمس اللي قامت بسرعه و اتجهت ناحيته رغم عرج رجليها البسيط

حمزة كان متابع اللي بيتقال و مركز فيه أوي و شمس بتمشي و هي مصدومة لحد ما وصلت عنده و حطت اديها على كتفه

أول ما حس بلمستها اتنفض و بصبها و عيونه حمرا و ايده اللي فيها الريموت بترتجف و من غير ولا كلمه سابها و خرج

جريت وراه و نسيت كل حاجة و كل الخطط اللي عاملينها و نادت عليه بصوت عالي:-

حمزة استي إنت رايح فين

حمزة كأنه مش سامع اي حاجة و خرج من القصر بص لقي نظرات شفقة في عيون الحرس بتاعه النظرات دي كسرته ركب عربيته و كانوا هيركبوا معاه لكنه زعق فيهم و قال:-

مش عاوز حد معايا كلهم تراجعوا إلا واحد مداش لـ كلامه اهتمام و ركب معاه و جنبه تحديدا حمزة بصله بحدة و التاني بصلة بنفس نظرتة و و بعدين ربع ايده و بص قدامه

حمزة اتنهد بعيظ و شغل العربية و مشي بيها بسرعة

كان لسة بيتحرك لمح شمس بتجري ناحيتة و رافعة اديها لية و بتصرخ باسمه و هي على وشك الانهيار لكن حمزة كان لاغي عقله و سابها و جري بالعربية

الكل متجمع في البيت و بيبصوا لعبض عل و عسي يكون في حد منهم عنده تفسير للي بيحصل دا فجأة سمعم صوت شمس و هي بتنادي على حمزة جريوا على بره و لمحوا عربية حمزة و هي ماشية و شمس واقعة على الأرض

مروان جري عليها و القلق باين عليه و شالها من على الأرض و دخل بيها جوه

مازن بص ليه بصمت و دخل وراهم و الجد واقف و الدموع في عيونه مش راضية تنزل و قال بكل حسرة :-

حسبي الله ونعم الوكيل فيكم يا ظلمه يا اللي متعرفوش ربنا

و دخل وراهم البيت

……

حمزة كان ماشي على أقصي سرعة و الأخبار لسة قدام عيونه و منظر أمه و عمه و هما راكبين البكس مش راضي يروح من دماغه

وقف في مكان هادئ شبه صحراوي و متأكد إن مفيش مخلوق هيجي فيه لأن هو شارية لية

نزل من العربية و رزع الباب و الحارس كان بيبصله و يشوف هيعمل اية

مسك فاس و بدأ يحفر في الأرض و يكسر صخور على أمل إن النار اللي جواه تطلع و الطاقة السلبية اللي مسيطرة عليه تخف لكنه كان غلطان و كل ما يضرب بـ الفأس في الأرض غضبه يزيد و يضرب أكتر لحد كف الفأس انفصلت عن العصا فرمي العصي و وقف يصرخ و بانهيار و يقول :-

لييية لية كل ما اعدلها من جهه تخرب من الجه التانية لحد ما معدنش عندي طاقة ليية ، و في الآخر ألقي فضيحه زي دي هتلزق فيا العمر كله مستنياني ؟!!!

الحارس نزل و وقف جنبه و قال:-

قوم يا بشا إحنا مش متعودين منك على كدا إحنا متعودين إن عندك حل لأي مشكله فكر بسرعة و نخلص من المشكلة دي و بعدها انهار براحتك

حمزة في الوقت دا أتأكد إن والده قدامه كام ساعة و يجي من بره و لازم يخلص الموضوع دا قبل ما يكبر أكتر و سمعتهم تبقي على كل لسان

هو متأكد إن والده مش هيسكت و جاي مشحون و مش هيبقي قدامه غير القتـ ـل

بصله بحسرة و قال و الحل اية يا ياسر

ياسر بصله بخبث و قال:-

أنا هقولك حل المشكلة دي و بكرة الصبح هتكون كل حاجة تمام كلم بس إنت المحامي و اتفق معاه يعمل اللي هقولك عليه و حاول على قد ما تقدر تأخر والدك أنه يجي على هنا أو لو جه تمنعه أنه يعمل أي حاجه

و بدأ يشرحله هيعملوا اية بالظبط

حمزة وقف بسرعة و قال :-

مستحيل دا يبقي تزوير في أوراق رسميه ، لو انكشفنا هتبقي مصيبة

…..

زين و زياد عرفوا الأخبار و هما في المستشفى و رجعوا البيت علطول بعد ما أخدوا موافقة الدكتور علي خروج زينب

زين شالها لحد العربية و كل اللي طالع عليها إنها تبكي و صوت عياطها ملئ المكان فـ زين زعق فيها و قال:-

ما تخرسي بقي ناقصة نكد أهلك هي

زياد اللي باصص قدامه و مش لاقي اي رد فعل يعمله غير أنه يحط ايده على دماغه و يسكت

وصلوا الفيلا و لقوهم كلهم قاعدين على وضعهم معادا حمزة

زين حط زينب جنب شمس اللي بصتلها من فوق لتحت و سكتت و زينب بقت تصرخ و تقول:-

قوموني من جمبها مش طيقاها

شمس و كأنها أخدت كارت أنها تطلع كل اللي جواها جذبت زينب من شعرها و قالت:-

و يمين بالله لو سمعت صوتك الحلو دا تاني لهخليه يوحشك سامعة

الكل استغرب من طريقة كلامها و بصولها لكن ملحقوش يتكلموا و لاقوا محضر من الشرطة جاي لهم بورقة

مازن اخدها و فتحها و قعد على أول كرسي و الكل بيبص ليهم فقالهم بكسرة:-

قضية حجر على أملاك جدي

لسة مخلصش كلامه و صوت التلفزيون علي من جديد

أعزائي المشاهدين يبدوا أن حظ عائلة الدغيدي ليس بصالحهم اليوم فلقد جائنا البيان التالي:-

رفع رجل الأعمال شهاب الدغيدي قضية حجر على أملاك والده نشأت الدغيدي و نأمل أن يكون رجل الأعمال نشأت الدغيدي بخير بعد كل تلك الأخبار السيئة…

 

يتبع…

 

الحلقة التاسعة عشر

رفع رجل الأعمال شهاب الدغيدي قضية حجر على أملاك والده نشأت الدغيدي و نأمل أن يكون رجل الأعمال نشأت الدغيدي بخير بعد كل تلك الأخبار السيئة…

نشأت بص لـ لشاشة التلفزيون و بقي يحاول أنه ميغمضش عينه و يفضل على قد ما يقدر صاحي لحد ما يخلص من المصايب اللي عماله تحل على دماغه و بعدها ينهار براحته

شمس برقة و عيونها وسعت و بقت تطق شرار بصت للجد و قربت منه و قالت:-

و رحمت الغالية عندي و اللي ما كان فيه اغلي منها عندي ، و حيات كل كلمه طيبة دعمتني بيها و عشان صدقتني و مرضيتش ظلم ليا ما هيحصل غير اللي إنت عاوزة ، و كل اللي حصل دا مش هياثر عليك بحاجة

ضغطت على اديها جامد و قالت:-

و حيات كل كلمة وحشة قالها في حقي و ما هخليه يعرف يرفع عينه وسط الناس تاني ؟ هيمشي يشحت في الشوارع و محدش هيعبره من اللي هيحصله و زي ما اتبري مني وأنا محتاجة لية مش هعبره هو محتاج

طبطبت على كتف نشأت و باست على راسه و قالت جذمتك فوق دماغ الكل يا بابا

نشأت عيونه دمعت و بصلها فـ كملت كلام و قالت:-

أيوة إنت أبويا مش هو انت اللي وقفت جنبي وقت وجعي إنت اللي صدقتني و دخلتني بيتك مع إنك كنت عارف انا داخلة هنا لية !!

حضنت نشأت جامد وقالت و حياتك عندي ما هسيبه يتمتع بحاجة من دي يا جدي و هخليه يبكي بدل الدموع دم

بصت لإخواتها اللي كانوا باصين ليها بزهول و قالت جواها:-

و هيعرف إن أول واحدة هتبيعه هي مراته اللي وقف في وشي عشانها و اللي باع أبوه و بقي عاق في نظر المجتمع كله و طايح في الكل عشانها

شمس لفت وشها و كانت هتمشي لقت مروان و مازن واقفين قصادها و بيبصولها أوي

– إنت إزاي كدا !!

قالها مروان و هو بيبصلها بزهولة و مستني يسمع منها أي كلمه تريحه ، محتاج يعرف الحقيقة

مازن كمل كلام مروان و قال:-

إنتي إزاي طبيعية إنت مش كنتي تعبانه ؟ هي الحادثة أثرت على دماغة و رجعتي طبيعية من تاني ولا أنا اللي دماغي من كتر الأحداث مبقتش طبيعية

اتنهدت و قالت:-

مش وقته الكلام دا ، كل حاجة هوضحها ليكم بس نشوف حل للمشكلة دي و الحل عندي لازم أكلم المحامي

مسك دراعها و قال:-

إنتي مش هتمشي من هنا غير لما نعرف كل حاجة إنتي كل دا معيشانا في خدعة ؟! لعبة و كلنا طلعنا مغفلين ؟!

شمس بعدت ايده عنها بهدوء و بصت لية في عيونه و عيونها غرغرت بالدموع لكن منزلتهاش

طبطبت على صدره بهدوء و قال بصوت يغلب عليه البكاء:-

بعدين يا مروان إنت بالذات لينا كلام كتير مع بعض و كل حاجة هتوضح للكل متقلقش

وقف متصنم من رد فعلها البارد و العاقل في نفس الوقت و كانت عيونه عليها و هي ماشية و راحه على اوضيتها بتحاول توصل لحمزة اللي قافل تليفونه فنتفخت بضيق و قالت:-

ماشي يا حمزة افضل عنيد كدا و الشاطر اللي يضحك في الآخر

مسكت الفون و كلمت المحامي و قالت بلهجة أمر:-

ساعة بالظبط و تعملي محاكمة عاجلة بخصوص قضية الحجر

– مش معقول يا فندم دا الاستاذ حمزة طالب نفس الطلب لقضية الز نا

شمس بغيظ من حمزة :-

حلوة عشان نخلص من الموضوع مرة واحدة

قفلت الخط و قالت بغيظ :-

ماشي يا حمزة بقي أنا تتجاهلني كدا أما وريتك مبقاش أنا شمس يا جبان

غيرت هدومها لهدوم خروج عبارة عن بنطلون واسع مريح و تشيرت نص كم و عليه جاكت كات و فردت شعرها على ظهرها

ربطت رجليها كويس قبل ما تنزل عشان متحسش بوجعها مكان الجرح اللي هي متأكدة إن بعد اليوم دا هيتعبها أكتر

نزلت تحت و هي بتمشي بحذر و بتقول دقايق و همتحرك على ما اخد التمام من المحامي

نشأت قرب منها و سألها :-

عملتي ايه يا شمس ؟!

شمس والله يا جدو

كانت لسة هتتكم لكن تليفونها رن فردت بسرعة لما لقيته المحامي و قال:-

بصعوبة قدرت أشكل محكمه سريعة تنظر في المشكلة و دا لأن المصايب بتاع حضرتكم يا فندم بقت ترند للوطن العربي كله

– إنت مالك بتقولها بإنشكاح كدا لية حساك فرحان فينها شوف شغلك يا متر بدل ما اوريك أنا شغلك

كلهم واقفين من شخصية شمس الجادة و القوية و بيبصوا لبعض بزهول

زينب كانت بتبصلها بغل أكتر و قال بغل :-

عارفة أنه مش وقته بس انتي كنتي عاقلة و انتي بتضربيني و بتعملي فيا كدا ؟

شمس ضغطت على سنانها و قالت:-

صبرني يا رب عشان مكملش عليها ألا أنا على أخري و لو سابوني عليها هنطلع بخبر تالت و احنا مش ناقصين

شمس اتجاهلتها و كأنها كلب بيتكلم و دا ضايق زينب جدا و قالت بصوت متغاظ :-

هو أنا كلب بيتكلم و لا اية ما تردي عليا ، ولا إنت وحشك كلامي و افعالي معاكي

شمس بصت لـ زين اللي مبحلق في شمس و مش فاهم حاجة هو كان متوقع لكن كان عنده أمل أنه يطلع غلط

شمس قربت من زينب اللي بدأت تخاف و زين خاف من منظرها

نزلت لمستواها و قالت:-

أقسم بالله عارف لو سمعت صوتك الحلو دا تاني دلوقتي لهخليكي تشرفي في المستشفي للابد المرة دي سامعة

قالت اخر كلمه بزعيق و قبل ما تاخد جواب لقت حمزة داخل في ورشة و واقف قدامها و قال بصرامة:-

 

يتبع…

 

الحلقة العشرون

حمزة بصرامة:-

تعالي ورايا لما نشوف اللي الأستاذة بتعمله من غير ما تاخد رأي حد و بتقرر من نفسها كدا

شمس رفعت حاجبها و مدتوش اهتمام و قالت:-

بعدين يا حمزة و يلا عشان مفضلش وقت كتير على المحكمة!!

حمزة بعصبية :-

لا و حيات أمك مش أنا اللي اتعامل كدا ، اخلصي و قدامي على فوق أنا مش شايف قدامي و بتلكك لأي حد أصلا

شمس بصتله باستهزاء و رفعت حاجبها و هي بتقول ببرود :-

والله ؟!!

– لا دا إنت طالبة معاكي برود بقي وأنا مش في المود نهائي تعالي بقي عشان أنا جبت اخري منك

مسك دراعها و في لحظة كان شايلها على كتفه و طالع بيها على فوق

زياد بنبره مرجحة:-

الله معك يا رجولة شوفتوا إزاي شقط البت على كتفه و مهمهوش حد جدع الواد دا والله قدوني في الحياة حمزة الدغيدي

شمس بنفس المرح:-

شفتي وأنا مشقوطة ياض يا حازم

زياد بضحك :-

طلاق تلاتة منظر لا اتمناه لألد أعدائي يا شمس الهيبة وقعت على الأرض خالث

حمزة بغضب :-

بس يا حيوان بدل ما انزلك و أطلع اللي فيا فيك

ادي التحية العسكرية و قال:-

علم و ينفذ يا بشا إحنا مش ناقصين كدمات

…..

حمزة دخل الأوضة و نزلها بهدوء و قال ببرود:-

دا اية اللي حصل تحت من شوية دا ؟ بتعانديني يا شمس و بقيتي بتاخدي قرارات من غير ما ترجعيلي ؟

رفعت حاجبها و قالت:-

قبل ما تيجي تكلمني شوف عمايلك يا حمزة !! بتاخد في وشك و تجري و اجري وراك وأنا رجلي تعباني وإنت عارف ؟؟ مسمحتليش لية تكون جنبك ؟! مش على أساس إننا في الحلوة و المرة مع بعض ؟! سبتني و مشيت لية ؟!!!

اتنهد و قعد على السرير و قال:-

كان لازم ابقي لوحدي يا شمس ، مكنتش هيتحمل نظرة شفقة من حد ، كان لازم أفكر و اقرر هنعمل ايه في المصيبة دي !!

المصيبة اللي بقت خلاص ملازمة في حياتي ، وصمة عار لازقة في اسمي مدي الحياة ، هو أنا استاهل كدا يا شمس ؟!

– فشر

قربت منه و حطت اديها على خده و قالت:-

إنت أحسن واحد في الدنيا دي ، صورتك و مكانتك هتفضل زي ما هي و عوض ربنا ليك هيكون غير ، إحساسك اللي إنت حاسس بيه دلوقتي طبيعي جدا يا حمزة لكن صدقني الدنيا تلاهي و الناس هتنسي ، هو يومين التريد شهر بالكتير و هيلهو في تريند جديد و فضيحة جديدة لشخصية عامة

إنت الدنيا كلها متسواش في نظري من غيرك يا حمزة ، أنا أموت من غيرك ،

حضنته و هي بتبكي و بتقول:-

والله عمري ما حسيت بالأمان و لا ارتاح قلبي غير في حضنك يا حمزة ، إنت أحلي و احسن و أحن راجل شافته عيوني يا حمبوزي

مسكته من خدوده و قالت:-

طلاق تلاتة لنسمي أول عيل من عيالنا حمزة عشان اما تزعلني اشتم براحتي و لو اتكلمت اتحجج بابنك

حمزة ابتسم و قال:-

هونها علينا يا رب و نجيب العيل الأول و بعدين كل حاجة محلولة بعد كدا ، لكن إحنا شكلنا هنجيبه بلوتوث يا حبيبتي قال تسمي حمزة عشان تشتمه قال قومي يا بت من هنا

ابتسمت لابتسامته و غير هدومه و نزل و هو ماسك اديها لقي زياد اللي مستني و الباقي سبق على المحكمه بعد ما اتنشر خبر المحاكمة السريعة

زياد بصدمة مصطنعة:-

اية دا إنتوا إزاي سلام كدا ؟! دا أنا قولت هيبقي فية إصابات حادة كدا ولا كدا ولا شمس تاخد بوكس في عنيها تزرق و يبقي شكلها وحش

حمزة مثلا ياخد عضة في قفاه ولا خده و يمشي وسط الناس معضوص و العيال الصغير تجري و راك و تقول:-

المعضوض اهو أهو و الناس تقول هي اللي مسيطرة و ممشياه مسطرة

شمس ضحكت بصوت عالي و بدأت تغني مع زياد :-

مسيطرة همسيك مسطرة

زياد باندماج:-

هخليك لو شفت في شارع بنت تبص لورا

أول ما خلص جملته لقي ايد حمزة نزلة على مؤخرة رأسه ( قفاه يعني) و قال:-

اتلم يا حيوان عشان مش فايقلك دلوقتي ويلا قدامي على العربية و تركب ورا عشان شموية هتركب جنبي

زياد مشي بتزمر و هو بيقول كلام مش مفهوم بالنسبالهم

زياد بسره:-

أبو أم دي شغلانه يا جدع دايما متهان كدا و جايين عليك يا زياد حتي في ركوبه العربية كله عند يا رب كشفت شعري و دعيت عليهم كلهم نفر نفر

حمزة بحزم :-

سامعك يا حيوان!!!

حمزة لف وشه و ضحك ضحكة سخيفة و قال:-

أهو مبسوط أهو حتي شوف ضحكتي من الود للودن و مش مصدق اللي أنا فيه ….

……..

بعد فترة

و خاصة قدام المحكمة نلاقي عربية الجد و مازن و مروان وصلت

و وراهم عربية زين و زينب