عاصي كان بيعمل ايه هنا
اتوترت ليلي لكن قالت باستغراب مصطنع…. عاصي. وايه اللي هيجيبو هنا
ياسين…. شوفتو خارج من الشركة. عرفت انو كان عندك
ليلي اتوترت اكتر لكن حاولت تتكلم بثبات وقالت… لا مكانش عندي..
بعدين قالت بتفكير مصطنع…. اه. يمكن كان جاي ل بابا ولا ل اي حد في الشركة. بس انا مشفتوش اساسا
هز ياسين راسو
وخرجو الاتنين
……………………………………
مساء
رجعت ليلي البيت
دخلت وطلعت علي اوضتها علطول بس اتفاجات ب مامتها اللي لسه راجعة من امريكا وقفتها قبل ماتفتح باب اوضتها وهي بتقول… ليلي
لفت ليلي ليها … ماما
وقربت ليها حضنتها
بعدت وهي بتقول… حمدالله علي السلامه. حضرتك رجعتي امتا
مامتها… لسه واصلة من ساعة
ليلي…. بس مقولتيلش انك هترجعي النهاردة يعني
مامتها بسخرية … قولت ارجع بدري علشان اكون جمبك في فرحك. مش بعد بكرة بردو
ليلي… ااه.
ثم اكملت بحرج.. هو الموضوع حصل بسرعة و
قاطعتها مامتها…. مش دي المشكله..
كملت بنبرة جامدة… ممكن اعرف الزاي هتتجوزي ياسين
انا اللي اعرفه وجيتي حكيتهولي من فترة قريبة… انك بتحبي عاصي اخوه. اقدر اعرف الزاي بقا ياسين اللي فرحك عليه بعد بكرة
ليلي… ماما. انا وياسين بنحب بع
قاطعتها ناهد… انتي كدابة.. انتي بتحبي عاصي
مسكت من دراعتها الاتنين وهي بتقول باستفهام وشك… اي اللي حصل بينك وبين عاصي.وخلاكي تلفي علي اخوه. اتكلمي
ليلي بدموع…. عاصي. خاني ياماما
ناهد بصدمة… انتي بتقولي ايه.
ليلي مسحت دموعها وقالت… خاني. بقولك خاني
ناهد.. انتي متأكدة. مش يمكن فاهمة غلط
ليلي نزلت دموعها تاني لما اتخيلت المنظر اللي شافته وقالت بوجع… شوفتو بعيني مع رنا صحبتي في الشقة مع بعض… عاصي وجعني اووي ياماما
حضنتها ناهد بحزن عليها وقالت… اوعي تزعلي عليه. اعتبريه كلب وراح
وهي بتمسحلها دموعها
ليلي… مش قبل ما اوجعه. لازم اوجعه زي ماوجعني
اتنهدت ناهد وقالت… علشان كده روحتي تتجوزي اخوه. فاكرة انك بكده هتوجعيه
ليلي… دي اكتر حاجة هتوجعه. انا عارفه
ناهد… بس انا مش هسمحلك تعملي كده ياليلي. لانك بكده انتي اللي هتتوجعي اكتر وهتضيعي نفسك. لو ياسين عرف انك قربتي منو علشان تنتقمي من اخوه وبتمثلي عليه
الحب. مش هيرحمك
ليلي… ياسين بيحبني. وكمان مش هيعرف حاجة متقلقيش
