شردت وهي بتفتكر من ايام لما كانو بيقرأو الفاتحة وقاطعهم عاصي
فلاش باااك
قرب ياسين الفون ليها وهو بيقولها ايه رايك
مسكت الفون منو وهي متوترة لكن بمجرد ما بصت فيه رجعت بصتله وهي بتاخد نفسها براحة وقالت وهي حاسة ان جسمها لسه سايب وهي مش متمالكة نفسها.. ايه ده
قال ياسين…. الفندق اللي هنعمل فيه الفرح.. عاصي بيه حجزه لينا. بيوجب مع اخوه الكبير بقا.
بصت ليلي ل عاصي باستغراب وهي مش فاهمة هو عمل ليه كده لتتفاجأ بيه اكتر لما اتكلم وقال…. انا شايف انو مش لازم خطوبة وانكم تعملو الفرح علطول. لاني اساسا حجزتو علي الاسبوع اللي جاي
مال عليه ياسين وقال… عاصي بطل هزار مش وقت ظرافة اهلك. وبعدين خضينتنا قولت في حاجة حصلت. الله يحرقك
عاصي… ياعم انا مش بهزر انا فعلا حجزت
قاطهم والد ليلي اللي قال…. وليه الاستعجال وبعدين اسبوع قليل اوي
والد ياسين بعد ما عجبو تصرف عاصي…. مش قليل ولا حاجة. وخير البر عاجله. وبعدين هما مش لسه هيتعرفو علي بعض
كمل بهزار… ولا ناويبن تسالو علينا
والد ليلي…. دا كلام بردو دا احنا لينا الشرف اننا نبقي نسايب ياشريف
كمل بعد مابص ل ليلي ولاقاها موافقة و قال… علي خيرة الله
بااااك
قامت ليلي وقفت قصاد الشباك وهي بتبص عليه وبتقول بغل… هندمك ياعاصي
ومفيش لحظات وكان وصل ياسين وبيركن عربيته تحت الشركة
وهي بتبص علي عاصي اتفاجأت ب ياسين اللي وصل وشافتو وهو بيوقف بالعربية
ياسين وهو بينزل من العربية لمح عاصي اللي كان خارج من الشركة
كان ياسين مستغرب وهو شايف اخوه وهو مش فاهم كان في الشركة بيعمل ايه
طلع ياسين لـ ليلي و بمجرّد ما فتح باب المكتب ودخل كانت قاعدة علي كرسي المكتب اول ماشافته قامت جريت عليه واترمت في حضنه وهي بتعيط
طبعا كل ده تمثيل
اتخض ياسين عليها و بقلق…. ليلي. مالك ياحبيبتي
ليلي وهي بتترعش في حضنه وبتمثل الخوف وهي ماسكه فيه جامد وبتعيط بشهقات
رفع وشها من حضنه ومسك وشها بين ايديه وبقلق وخوف عليها…. مالك ياحبيبي. في ايه. ايه اللي حصل
هزت دماغها برفض وهي بتعيط… مش عارفة اقولك ايه. مش هقدر. مش هقدر
وهي بتعيط اوي
ياسين بقلق…. اتكلمي ياليلي. ايه اللي حصل… وايه اللي عمل فيكي كده
ليلي بشهقات…. انا خايفة اقولك
بدأ ياسين صبره ينفذ وقال بشك …. قولي يا ليلي ايه اللي حصل. انا علي اعصابي. ايه اللي عمل فيكي كده انتطقيي
