ياسين.. وتفتكري دا هيغير حاجة. ليلي انا مش هقبل ده علي نفسي ولا رجولتي ومـ,ـش هبـ,ـني ساعدتي علي حزنه
اتنهد وقال.. اسمعي ياليلي.احنا مش هيكون في بينا حياة مشتركة ابدا مهما يكون . انتي بالنسبالي متحرمة عليا وعلشان كده انا شايف ان خلاص الوقت ده مناسب ان كل واحد فينا يروح لحاله
واتنهد وقال.. انتي طالـ..
قاطعته ليلي لما حطت ايدها علي بوقه وهي بتقول.. لأ ياياسين. انا مش عاوزة اتطلق. ارجوك متنطقهاش
لكن ياسين نزل ايدها بهدوء وقال… مش هينفع.. قولتلك احنا حياتنا مع بعض مستحيلة.. انتي طالق. طالق ياليلي
وسابها واخد تليفونه ومفاتيحه وخرج من الاوضة علطول ونزل
وهي قعدت علي السرير وفضلت تبكي
ياسين طلع بعربيته علي الشركة وهو مهموم وقلبه واجعه عليها وعلي نفسه. بيعشقها بس مش قادر يتخطي علاقتها مع اخوه. مش شايف غير انها متحرمه عليه
اما ليلي ف فضلت ساعات بتعيط بحزن علي حالها لحد مامسحت دموعها وقامت جابت الشنطة وبدأت تلم هدومها بوجع
….
بعد وقت
كانت رجعت بيت اهلها
مامتها بخضة اول ماشافت دموعهـ,ـا .. ايه اللي حصل
