ولا حتى بقيت عايزاك أنت كمان يا سليم!
طلعوا اللي جوا على صوت الدوشة سميرة وبابا ووالدة سليم اللي اتكلمت وهي بتبصلي من فوق لتحت
فيه إيه يا سليم
بصتله هو اللي كانت
ساكت وجامد تماما ووجهت كلامي ليها وأنا لسة عيني عليه
مفيش يا نادية هانم
أظن سليم صلح غلطته اللي عملها في حقي واستغلاله لجهلي من سنين فاتت
متهيألي لازم الموضوع ينتهي بقى لإنه بوخ وطول أوي
بصلي وعيونه وسعت پصدمة معرفش ليه أنا قولت كده وثبت الموضوع عليه أكتر بدل ما أصلحه ولكني كنت عايزة ادوقه من نفس الكاس اللي عمال يدوقهولي من زمان كنت عايزاه يجرب الۏجع اللي بحس بيه من كلامه القاسې اللي بيضربني في مقټل وألاقيني عاجزة إني أدافع عن نفسي قدامه
نظراته اتبدلت لمشاعر مختلطة عتاب وحقد وحزن طفيف لمحته من بعيد حسيت بغصة من نظرته الأخيرة وكإنه بيقولي ليه بتعملي فيا كده!
بس مين اللي بيوجع التاني
هو بدأ
والبادي أظلم
اتكلمت والدته وأنت فكرك إن إحنا اللي مغرمين بإنك تبقي مرات ابني
لولا العشرة ولولا والدك ومكانته العزيزة علينا مكناش سترنا عليكي وخليناكي تطول تبقي مرات سليم
وأنا خلاص مبقتش عايزة أطول ياريت نخلص الموضوع ده بسرعة
اتكلم بابا پغضب وهو بمزاجك يا بت
الجو كان مشحون فيه
كلام كتير وهمهمات فقالت والدة سليم أنا من رأيي الموضوع ده لازم ينتهي فعلا على الأقل عشان يقدر سليم يعيش حياته بشكل طبيعي وهو مش مربوط بغلطة عملها وهو شاب طايش جه الوقت إنه يقدر يختار بنفسه البنت اللي عايز يكمل معاها حياته
غمضت عيني وحسيت بۏجع رهيب اتملك مني لما اتخيلت إن سليم ممكن يكون مع واحدة غيري كنت عايزة اصړخ وارفض ولكن كل ده باختياري أنا اللي بدأت فاتحمل نتيجة أفعالي
اتكلم بابا أيوه بس لازم يكتب عليها رسمي وبعدين يطلقها عشان حتى يبقى الاسم مطلقة بدل العقد العرفي ده ومفيش حاجة تمسها
أيدته والدة سليم خلاص بمجرد ما والد سليم يرجع هنفتح معاه الموضوع والمأذون اللي هيكتب رسمي هو هو اللي هيطلقهم في نفس الوقت أنا بعمل كل ده علشانك أنت بس يا ناجي لو مكانش فيه بينك وبين الشهاوي الكبير عشرة وعيش وملح مكناش عملنا كل ده
اتدخلت سميرة اللي حست كل خططها
بتتهد قدام عينيها أيوه بس
مبسش يا سميرة آن الأوان الولاد يعيشوا حياتهم
كل ده كان عيني عليه هو كإني كنت بتوسله بقوله ميعملش فيا كده ميبعدنيش عنه تاني وإني ما صدقت رجعت أشوفه قدامي تاني
بعد سنين وهو كانت نظراته جامدة مثبتة عليا من غير أي مشاعر وبعد وقت اتكلم هو آخيرا
أنا هكتب رسمي
بس طلاق مش
هطلق
برقت پصدمة إن هو اللي طلب كده منعت على قد ما اقدر اني ابتسم بس مقدرتش اداري الفرحة اللي كانت جوايا حسيت إن قلبي بيرقص من الفرحة حسيت إنه ممكن لوهلة يكون عايزني فعلا وإن مكنش كده هيورط نفسه ليه من البداية
إيه اللي بتقوله ده بس يا سليم
لو سمحت يا ماما خليني على راحتي أعتقد إني بقيت كبير كفاية إن اقرر همشي حياتي ازاي!
نظراته اتبدلت ضيقت عينيا باستغراب وبصيت مكان ما بص وانطفت فرحتي لما لقيت عينه على سميرة اللي كانت بتهدده بنظراتها رجع احساسي بالۏجع تاني وعرفت إنه عمل كل ده بس عشان سميرة متكشفش سره
حسيت إن كل حاجة بنيتها في خيالي اتهدت من حواليا
همس كتير
وكلام أكتر
اعتراضات وآراء مكنتش مركزة ولا سامعة أي حاجة منهم مكنتش مركزة غير عليه
الكل مشي وسابونا احنا الاتنين واقفين زي ما احنا قصاد بعض
كانت نظراته غامضة
ومظلمة
مش مفهوم إيه وراها
قطع الصمت لما قال للحظة كنت
هصدق إنك بريئة بس من غبائك قدرت تكشفي نفسك
والمسافات بينا بتكبر أكتر مع الوقت
والحواجز بقت أقوى مننا
محاولناش نواجه بعض لفترة كل واحد فينا كان مجروح من التاني
بس يا ترى چرح مين أكبر
ولا إحنا الاتنين مجروحين بنفس القدر!
بس في النهاية إحنا الاتنين وقعنا ضحاېا
ضحاېا ل سميرة وجشعها
مبنكرش غلطي
بس يمكن قلة خبرتي تشفعلي شوية!
يمكن ندمي وكرهي لنفسي يهون غلطتي!
وحشني
مش هنكر في الأول والآخر ده سليم الراجل الوحيد اللي قلبي وعقلي اتفقوا عليه رغم كلامه القاسې إلا إني لقياله مبرر
حطيت شال على كتفي ونزلت وقفت تحت قدام النافورة والورد كان فيه نسيم هوا بارد ولكنه كان لذيذ
وحساه كان بيطبطب عليا
واقفة ببص للسما والقمر اللي كان كامل تماما
شوفت باب القصر بيتفتح وبيدخل منه بعربيته نزل وهو عينه عليا
حسيت إنه بيقدم رجل وبيرجع التانية
متردد!
كإنه في صراع بين حاجتين جواه
أو يمكن قلبه وعقله
ولكن في النھاية سابني ودخل فابتسمت بحزن
كنت متوقعة إيه مثلا
هيجري عليا ياخدني بين ابديه ويقولي وحشتيني يا مراتي يا حبيبتي!
كل ما بنقرب خطوة بنرجع عشرة
كل ما بنهد طوبة من السورة اللي بينا
بيتبني مكانها سد!
عدى وقت قليل فحسيت بخطوات ورايا
ابتسمت لما وصلتني ريحة برفانه اللي بقدر أميزها من على بعد ولكن متحركتش وفضلت زي ما أنا
وقف جمبي وحط إيده في جيوب بنطلونه الاسود وبص قدامه بتوهان
مقدرتش أمنع نفسي وبصتله وأنا بتأمل ملامحه اللي بقيت مهووسة بيها بصمت
تفتكري مين هيفوز في نهاية الصراع بين القلب والعقل
سكت شوية وحسيت إني فهمت اللي يقصده
مفيش فايز
يعني
الصراع هيفضل داير طول ما أنت معرفتش تاخد قرار
وأظن مش هتقدر تاخد قرار لإن الأكيد الاتنين عايزين حاجتين عكس بعض تماما وواحد فيهم هيتألم لو نفذ اللي التاني عايزه فبالتالي الصراع هيفضل شغال
اتعدل وبصلي وهو بيقول باهتمام وإيه الحاجتين اللي عقلك وقلبك بيتخانقوا عليها
اتلفتله أنا كمان وبعيون لامعة رديت
عقلي عايزني أسيب كل حاجة وأمشي اروح فين مش عارفة
بس المهم اني ابعد عن كل حاجة
وقلبك
ابتسمت پألم وقربت منه
قلبي عايزني أفضل هنا جمب سليم
جمبك
أخدت نفس عميق وطلعه على مراحل للحظة حسيت عيونه لمعت بشرارة كنت بتمنى إنها تكون حقيقية
ورغم التردد اللي كان باين عليه تردد يقرب ولا يبعد إلا إنه قال بقسۏة أنت قولتيها قبل كده إحنا ملناش مستقبل مع بعض
يتبع
الحلقة السادسة
ابعد
قولتها بضعف وأنا بزقه بقوة حسيت إني اكتفيت من كل اللي بيحصل ده اكتفيت من تصرفاته المتناقضة اللي كلها عكس بعض شوية احس إنه بيحبني بس الماضي واقف عائق قدامنا وشوية أحس إنه مبيكرهش قدي!
مسمعش كلامي وشدد من ايديه فرجعت ازقه بكل قوة كانت موجودة عندي في الوقت ده
قولتلك ابعد يا سليم!
قدرت اخلص نفسي من بين ايديه ففضل قاعد مكانه باصصلي بنظرات غريبة كإنه كان بيتعذب بس قررت إني مش هفضل أديله مبرر كل شوية على حساب نفسي!
ابعد عني بقى يا سليم!
أنا مبقتش فاهماك أنت عايز إيه مني بالظبط!
مرة ترفعني لسابع سما وتسيبني طايرة واتفاجيء بيا بقع لسابع أرض!
بس أنا مش هفضل استحمل كل ده أنا اكتفيت
اتحاملت على نفسي ووقفت فوقف هو كمان
أنت نفسك مش عارف أنت عايز إيه
بس وقت ما تعرف متجيش ليا لإني مش هفضل مستنياك لحد ما تعطف عليا وعلى قلبي الموجوع هشيلك من
حياتي يا سليم!
ولا لا!
حاليا مبنعملش حاجة غير إننا نجرح في بعض
مبيهونش عليا
بس هو بيجبرني بتصرفاته للأسف
ولكن هل أنا فعلا هقدر أشيله من حياتي زي ما قولت
أعتقد لأ
سليم حبه اللي جوايا أقوى مني
أقوى من إني اتخطاه
مجاليش نوم خالص فضلت نايمة على السرير باصة للسقف لفترة طويلة ومكنتش ببكي!
كإني استنفزت كل دموعي على نفس الحاجة لسنين طويلة
بس اللي عرفته إن لازم كل حاجة تخلص
ولازم السر اللي متداري يتعرف
اعتقد كفاية لحد كده
اللعبة تخلص قبل ما نكره بعض
أو بمعني أصح قبل ما أكرهه!
كرهي لسليم هيبقى عظيم بمقدار حبي ليه
مش عايزة ييجي اليوم اللي اتمناله فيه الأڈى!
كانت الساعة بقت ٣ الفجر تقريبا اتعدلت وأنا باصة قدامي بشرود وبفكر في حل حل أنا اتأخرت فيه أوي بس هو اللي سابني وسافر!
سابني من غير ما يودعني أو حتى يسمع مبرراتي!
سابني من غير ما نقدر نتصرف مع بعض!
يمكن كان يبقى فيه أمل بينا وقتها
يمكن كنا طلعنا إحنا الاتنين بأقل الخساير
بس هو استعجل في البعد
قومت اتسحبت وفتحت أوضة سميرة واللي كان لحظي راحت زيارة لأهلها هي وبابا وهييجوا بكرا
فضلت أدور في كل الأدراج وتحت السرير بس ملقتش حاجة تفيدني اتجهت لدولاب هدومها فلقيت درج صغيرة في الآخر فتحته ولكنه مكانش فيه حاجة مهمة غير مفتاح عتيق صغير باللون الدهبي
وفعلا
قررت أعمل حاجة مچنونة
وهي إني أدخل القصر اللي بقالي سنين طويلة مدخلتوش
أو بمعنى أصح محرم عليا!
اتسحبت لجوا على أطراف صوابعي وأنا بتلفت حواليا وبرتجف من الخۏف لحد يشوفني ووقتها هتكون کاړثة فعلا لإني ممنوع إني آجي هنا خالص
المكان كان هادي وضوء خفيف بس هو اللي منور الطريق
كنت عارفة خطواتي كويس واتجهت للأوضة القديمة اللي كنا قاعدين فيها في القصر دخلتها وأنا بتأمل أثاثها كانت نضيفة ومفيهاش أي تراب ومحافظين عليها وكإنها مسكونة
لوهلة رجعتلي كل ذكرياتي اللي عيشتها هنا واتبدلت نظراتي للحزن بس هزيت راسي عشان انفض الذكريات دي عني لإن ده مش وقتها
فضلت أدور في الأدراج برضه وفي كل مكان في الأوضة إني ألاقي حاجة مفيدة
ملقتش
قعدت على السرير وأنا ملامحي كلها يأس الظاهر إن سميرة حويطة حبتين تلاتة بس كنت متأكدة إنها
ماسكة دليل مادي على سليم لإن لو غير كده كان كدبها مثلا أو مهموش وقدر يطلع من الموضوع بدل ما هو بقاله ٦ سنين خاضع ليها
لعبت في شعري وأنا بحاول افتكر أي حاجة ممكن تفيدني ولوهلة اتنفضت مرة واحدة
وافتكرت الأوضة اللي في البدروم اللي كانت سميرة بتحط فيها حاجاتها القديمة زي آثاث شقتها القديمة قبل ما تتطلق ومكانش فيه أي حد بيخطي الأوضة دي غير هي بس!
سميرة واخدة سلطة فعلا هنا أكبر من حجمها بكتير!
خرجت من الأوضة بسرعة ونزلت لتحت كان المكان ضلمة شوية لحد ما لقيت نفسي قصاد باب عتيق حاولت أفتحه بس كان مقفول
لمحت صندوق متعلق في الحيطة شيلته فلقيت فيه المفتاح فتحت الباب ودخلت
على عكس باقي القصر كان مترب شوية ومليان أثاث وانتيكات قديمة
زفرت بضيق وحركت إيدي قدام وشي من ريحة الكتمة اللي في المكان وبدأت أدور في كل ركن وكل حتة في الأوضة لحد ما لقيت صندوق كبير تحت أثاث ومفارش شيلت الحاجات منه وأنا كلي خوف إني اتقفش أو حد يحس بيا
فتحت الصندوق ودورت في الحاجات اللي فيها فشوفت صندوق صغير خالص محطوط تحت الحاجات وكإنها بتأمن عليه
مسكته وأنا بتفحصه باستغراب وجيت افتحه مفتحش!
حدفته بغيظ وأنا بزفر بنفاذ صبر وقلة حيلة وقعدت مكاني وأنا حاسة إني مش هقدر استفاد حاجة من اللي بعمله
ولوهلة افتكرت المفتاح العتيق اللي لقيته فوق في أوضة سميرة ومن شكل الصندوق عرفت إنه مفتاحه
رجعت جريت خدته وعدلت كل حاجة مكانها وخرجت من الاوضة
مين اللي هنا
شهقت بړعب ورجعت لجوا تاني وقفلت على نفسي الباب بعد ما سمعت صوت نادية هانم من برا ولحسن حظي قبل ما أقفل الاوضة
الظاهر إن أنا نسيت نفسي وأنا بدور وعملت دوشة
أنت جيتي يا سميرة
قربت ناحية الباب فسندت على الحيطة وأنا حاطة إيدي على بوقي ومبرقة بړعب
فتحت الباب ودخلت بصت في المكان بتعجب وأنا واقفة وراها بحاول أمنع النفس اللي بتنفسه حتى
غريبة
ممكن توصل لدرجة إنها پتكرهني
وهي بنفسها اللي كان أول شرط من شروطها إني مدخلش القصر أبدا
وطول السنين دي كنت بحاول محتكش بيها على قد ما أقدر عشان مجربش أذاها
استنيت شوية اتأكد إنها بعدت وبعدين خرجت على أطراف صوابعي قفلت الباب بهدوء ورجعت المفتاح في العلبة تاني وطلعت من البدروم وأنا بتسند على الحيطان وبتأكد فيه حد برا ولا لا
ولما اتأكدت من خلو
المكان اتسحبت وخرجت برا القصر بسرعة ورجعت طلعت على الدور بتاعي دخلت جيبت المفتاح من أوضة سميرة على طول ورجعت أوضتي
وأنا حاسة إني فعلا هلاقي حاجة
فتحت الصندوق وبصيت للي موجود باستغراب كانت
فلاشة!
سميرة عاينة فلاشة في صندوق ليه
فضولي جابني أعرف محتواها وسبب إن سميرة مأمنة عليها للدرجة دي
جيبت اللاب توب بتاعي ووصلت الفلاشة فيه فظهرلي ملف فيديو فتحته وأنا كلي استغراب
وكل ما كان الفيديو يتقدم كانت ملامحي بتتبدل للصدمة حطيت إيدي على بوقي وأنا برتجف وبمنع نفسي إني أصرخ ودموعي خدت مجراها من غير ما أقدر اتحكم فيها
كان موجود فيه
سليم!
ومش لوحده هو ومجموعة شباب قاعدين في شقة من شكلها باين عليها مش پوهة!
وكانت بالفعل قاعدة مشپوهة مليانة مخ ډرات ودخان كثيف من كتر السجاير الممنوعة
اللي كانوا بيشربوها
ومن ضمنهم شباب كانوا بيشموا بود رة!
كان وضع مقزز بالمعنى الحرفي مكنتش اتخيل إنه كان بالوضع المقرف ده!
ولقيت سليم بيتكلم مع واحد وبعدها ملاله حقنة مليانة بسائل معين وابتدى يدخلها في وريد الشخص اللي جنبه وهما بيضحكوا بطريقة غريبة وكإنهم مكانوش حاسين بالدنيا
وفلحظات ابتدى الشخص ده يتشنج ومال على اللي جنبه وهو قاطع النفس!
الشباب بيلفوا حوالين بعض وهما مش في وعيهم عقلهم مش مستوعب إيه بيحصل ولا حتى قادرين يفكروا!
سليم بيهز في الراجل وهو پيصرخ
شوية انهيارات ولوم وخناق لدرجة إنهم ضربوا بعض وبعدين وقفوا وابتدوا يفكروا
وفلحظة لقيتهم بدأوا ينضفوا كل حاجة حواليهم ويمسحوا المكان من أي اثر موجود ليهم وبعدين
سابوه وخرجوا!
كل ما كان الفيديو بيتقدم كنت بحس بنفسي بيضيق كإني بغرق مش قادرة اتخيل إن سليم كان بالقذارة دي!
كنت عارفة إنه كان شاب طايش وهو صغير
—
بس مش للدرجة دي!
كان بيتحكي عن تصرفاته قدامي بس عمري ما صدقت
ما صدقت غير الصورة اللي سابهالي
ومصدقتش غير معاملته ليا اللي كانت بريئة ونقية!
الکاړثة كارثتين
شربه للمخ ډرات
وتسببه في قت ل واحد!
ده السر اللي سميرة كانت ماسكاه عليه ومخلياه خاضع ليها من غير تردد!
ده السر اللي اتسبب في عذابي أنا وهو!
جرحنا في بعض وكل واحد كان بيتفنن في إنه يوجع التاني بسببها!
بكيت واڼهارت مكاني وأنا بعيد الفيديو كذا مرة وبتأكد من اللي أنا شايفاه وقدرت أحفظ كل لحظة في الفيديو في دماغي
اتحركت بخطى بطيئة كإني مش واعية
وفعلا كان شكلي مرعب
وشي باهت متغرق بالدموع
وعيوني حمرا ومبرقة
وشعري مش مترتب
كل الحړب اللي جوايا كانت منعكسة على حالتي
كنت عارفة طريقي كويس وحافظاه من سنين فتحت باب الأوضة براحة وقفلته ورايا كانت ضلمة خالص زي ما بيحب اعتقد قدرت أفهم إيه سر حبه للون الأسود والضلمة كان بيحس إنه بيتدارى وراهم إنهم بيخفوا حقيقته
مشيت لجوا وأنا بستنشق ريحة برفانه اللي مالية الأوضة وبصيت عليه كان رايح في النوم شعره الناعم مشعث ونازل على وشه بفوضوية
سحبت الكرسي وحطيته بهدوء قدام سريره وقعدت اتأمله
معرفش قد إيه
بس كنت بحفظ ملامحه في قلبي
مديت إيدي وابتديت أملس على ملامحه وأنا ببصله بعيون مليانة دموع مش متخيلة إن الملاك اللي قدامي ده كان بالشكل ده!
كنت برسم ملامحه جوايا بإيدي اللي ماشية على وشه
رفعت شعره من على جبهته بحنان وميلت عليه عميقة على خده مليانة مشاعر متضاربة عكس بعض فنزلت دمعة من عيوني ڠصب عني عليه خلته اتململ بضيق وفتح عينه
متحركتش ولا حركت إيدي من على وشه فضل يرمش كذا مرة كإنه بيتأكد إني قاعدة قدامه فعلا ولا بيحلم وفلحظة اتعدل وفتح نور الأباجورة من جمبه وهو بيبصلي باستغراب
منة!
أنت كويسة
فيكي حاجة إيدك فيها حاجة
ابتسمت ابتسامة مليانة ألم وأنا شايفة الخۏف الصادق اللي باين على وشه ومديت إيدي ملست بيها على وشه بحنان
من ساعة ما وعيت على الدنيا وأنا مش شايفة قدامي غيرك كنت حب طفولتي ومراهقتي وشبابي كنت سبب كل فرحة في قلبي وكنت سبب كل ۏجع فيه أنا عمري ما اتمنيت راجل غيرك يا سليم عمري ما حبيت غيرك أبدا وكنت مستعدة أعمل أي حاجة عشانك بس أحس إنك بتحبني مش كارهني!
أحس إن ليا مكان جواك ولو قليل!
نزلت دموعي والغصة اللي في قلبي كانت مؤلمة بشكل لا يطاق حس وقتها إني مش في حالتي الطبيعية فاتعدل وقرب مني
شششش اهدي
أنت كنت عارف إني مكنتش واعية على حاجة
مش بريئة ولكن مكنتش عارفة عواقب
تصرفاتي
عشان كده كنت بتعمل الحاجة وعكسها!
بس وأنت بتعمل كده كنت بټم وتني بالبطئ
بتزود كرهي لنفسي
بتحسسني إني مسخ
حسيته بيقاوم حاجة جواه فشدد علىا من غير ما يتكلم مكانش عارف يقول إيه في موقف زي ده
متعودش أساسا إنه يبوح باللي حاسس بيه
ولكني بعدت عنه وبصيت في عينيه اللي كانت بتتهز بتوهان وملامح وشه المت شنجة رفعت إيدي قدام عينيه
اتفضل
دلوقتي سميرة مش هتقدر تب تزك تاني دلوقتي تقدر تنهي اللعبة وأنت متطمن
يتبع
الحلقة السابعة
اتجمد تماما مكانه وكإن الدنيا
ضاقت بيه بينقل نظراته بيني وبين الفلاشة اللي في إيدي كإنه بيتمنى إني مكونش شوفت اللي فيها ابتسمت پألم بهد أمانيه وبوصله إني عرفت كل حاجة
سميرة هددتني زي ما هددتك قولتلها إني هروح أحكي لبابا كل حاجة هددتني إنها هتقوله إن أنا اللي كنت برمي نفسي عليك وإنها شافتني كذا مرة مع كذا واحد قبل كده وهي مرضيتش تحكيله
ميلت براسي ودموعي نازلة على وشي تفتكر كان بإيدي إيه أعمله يا سليم
وأنا عاجزة مش عارفة اتصرف من قلة خبرتي ومعنديش أم توجهني للصح والغلط!
غلطت
أيوه غلطت لما مشيت وراها بس اغرتني!
اغرتني يا سليم وأنا في سن مكنتش مستوعبة فيه عواقب اللي بعمله بس حتى لو مكونتش أنا وافقت كانت هتعرف تبتزك برضه!
منة
خرج صوته ببحة ضعيفة فقاطعته وأنا بحط الفلاشة في إيده وبقفل عليها
أنت حر دلوقتي
اعتقد كده تقدر تطلقني من غير قلق
قومت وقفت وأنا بمسح دموعي واتحركت عشان أمشي ولكنه مسكني من دراعي اتلفت ليه
وللحظة اټصدمت لما لقيت عينيه مليانة دموع بيبادلني بنظرات ضعف
قلة حيلة
تأنيب ضمير!
كان عاجز سليم الفترة دي كلها كان عاجز!
مكنتش أتخيل إن تصرفاتي الطايشة دي هتكون أخرتها بس صدقيني كانت أول مرة
والله العظيم كانت أول اشرب فيها مرة يا منة ومتكررتش تاني!
هو اللي طلب مني أديله الحقنة أنا نفذت اللي طلبه بس!
غمضت عينيا پألم وصلت للفلاشة إزاي
متهيألي آن الأوان إنك تعرفني
مبقاش فيه حاجة تدارى يا سليم!
شدني بالإجبار لحد ما قعدت جنبه اخد نفس طويل اتكلم وهو محتوي إيدي بين إيديه وكإني ههرب منه
صاحب الشقة كان عارف أنا ابن مين ركبلنا كاميرا في الشقة عشان يبتزني بالفلاشة قصاد مبلغ كبير وفعلا اديته المبلغ واخدت منه الفلاشة سيبتها تحت مخدتي ودخلت آخد شاور
سميرة دخلت اوضتي تشوفها اتنضفت ولا لا ولما ملقتهاش اتنضفت وهي بتشيل فرش السرير وقعت الفلاشة
ضم شفايفه وخدتها
وبعد ما عرفت محتواها ابتدت تبتزك بيها
هز راسه من غير ما يعلق كان جوايا صراع
مش قادرة اتقبل إن سليم اللي حبيته هو اللي في الفيديو!
تفتكر عشان كنت طايش وصغير مبرر على اللي عملته
بصلي بنظرة مليانة عڈاب مكنتش أعرف!
وأنا مكنتش أعرف برضه يا سليم!
رديت بسرعة فكملت زي ما أنت كنت طايش وأغرتك تجربة المخډرات أنا كنت طفلة ١٤ سنة وأغرتني الفلوس والعربيات وأنت
سكت شوية وهو مشالش عينه من عليا كان مكشوف قصادي من غير ما يداري مشاعره ولا يخبي كانت أول مرة أشوف سليم الحقيقي
وأنت كنت فوق كل الحاجات دي كنت طفلة بتحبك وعندها هوس بيك والمشكلة إني لسة الطفلة اللي بتحبك برضه!
قولتها وأنا بضحك پألم رفع إيده وحاول يقرب مني ولكني منعته وأنا بقول ليه شايف إن ده مبرر ليك ومش مبرر ليا
ليه شايف إن أنت ضحېة طيشك وأنا سني ميشفعليش
أنت قا ټل يا سليم
عارف يعني إيه تتسبب في مۏت واحد!
سكت ونزل راسه وهو بيضغط على عيونه بقوة وكإنه پيتألم من تأنيب ضميره
شوفت الكلام بيوجع إزاي
حتى لو كان أول مرة
شوفت حسسك بإيه
أنا كنت بعيش الاحساس ده كل يوم على إيدك يا سليم!
طول السنين دي وأنا مش عارف أعيش بشكل طبيعي بسبب اللي عملته!
أنا كنت بټعذب يا منة من غير ما اتكلم أو أبين سافرت وهربت عشان أبعد عن كل حاجة تفكرني باللي حصل عشان أبعد عن عين سميرة اللي كانت كل نظرة منها بتقولي فيھا أنا عارفة حقيقتك!
وأنا كنت بټ عذب برضه يا سليم وأنت مرحمتنيش قبلت تشوفني پتألم قصادك من كلامك وسكت!
سكت ومقدرش يرد فهزيت راسي كذا مرة ووقفت ونويت أخرج ولكني اتجمدت مكاني
أنا بحبك!
من وأنت طفلة كنت شايفك ملزمة مني كنت حاسس إنك بتعوضيني عن إني معنديش اخوات مكنتش أعرف حقيقة مشاعري ناحيتك غير إنك غالية عليا أوي
كنت حزين إن الأڈى اللي جالي كان ليكي دور فيه!
ارتجفت وانا بسمع اعترافه لأول مرة قد إيه اتخيلت إنه بيقولهالي وأنا بجري عليه قد إيه اتخيلت إني بعيش معاه حياة طبيعية
في بيت دافي مليان حب
ولكن الحواجز اللي بينا بقت أعلى مني ومنه
كان نفسي اسمع الكلمة دي منك من زمان بقالي ٦ سنين بتمنى اسمعها واشوفها في عينيك!
دمعت وهو باصصلي بعجز مكانش قادر يقوم من مكانه وكنت پتألم من العڈاب اللي أنا شايفاه فيه
مش عارفة هقدر أكمل معاه بعد ما صورته اتكسرت قدامي ولا لا!
الصورة المثالية اللي أنا خلقتهاله
اعتقد الموضوع محتاج وقت
ليا وليه يمكن جروحنا تداوي
هنتطلق يا سليم زي ما كنت عايز مش كان اللي مانعك تعملها هي سميرة
خلاص مبقاش فيه حاجة تمنعك
قام وقف ومد إيديه احتوى وشي بينهم ونظراته كانت مليانة إصرار
وليه منكملش يا
منة!
ضحكت پألم مبقتش عايز تكمل معايا غير لما حسيت إنك مبقتش مجبر عليا لما الحاجة اللي اتجبرت تتجوزني عشانها انتهت رغم إن مشاعرك متغيرتيش بس كنت برضه رافضني مكانش عندك مشكلة تتخلى عني عشان بس تحس إنك بتعمل حاجة بإرادتك!
مينفعش نكمل يا سليم وأنت شايفني اتسببت في شقلبة حياتك وأنا شايفاك مد من اتسببت في ق تل واحد!
حسيت إيده ارتجفت كان كلامي قاسې عليه بس هتفضل هي الحقيقة حتى لو بتوجع
فميلت على إيده بوشي وقولت وأنا ببتسم پألم يمكن في وقت تاني في زمن تاني أو في عالم تاني
يمكن
نبقى مع بعض وقتها
خلصت كلامي وشيلت إيده من عليا وسيبته ونويت أخرج من الأوضة وأنا بمسح
دموعي كمية الألم اللي أنا حساه متتوصفش
ليه أنا بالذات قصة حبي الوحيدة تكون بالصعوبة والعجز ده
ليه مكناش زي اي اتنين طبيعين حبوا بعض واتجوزوا وعاشوا في بيت دافي
ليه الدنيا ضدي بالشكل ده!
منة
مقدرتش مبصلوش اتلفت على صوته الضعيف نظراته كانت كلها توسل أول مرة أشوفها في عينيه
مد إيده ليا
أنا عايزك جنبي
دلوقتي بس
حتى لو لآخر مرة
خليكي جمبي من غير حواجز مرة!
شهقت پألم وأنا ببكي ڠصب عني ومقدرتش أقاوم وجريت عليه كان بيتشبث فيا زي الغريق اللي لقى وسيلة نجاته بعد
كانت أول مرة أبقى بقرب سليم للدرجة دي فضلت نايمة جنبه وهو
كإنه ما صدق وغرق في نوم عميق وكإنها آخر مرة هيشوفني فيھا
ومين عارف يمكن تكون آخر مرة فعلا!
مقدرتش أنام وفضلت بقاوم عشان أحفظ اللحظات اللي مش هتتعاد دي في عقلي عشان استمتع بكل لحظة في قربه اللي اتمنيته من سنين
كنت بصاله وبتأمله وهو نايم وبداعب شعره بحنان
الحواجز بينا بدل ما تقل بتكبر
فيه حاجة اتكسرت وكبيرة!
مش عارفة ازاي ممكن اكمل معاه وأنا شايفة ليه دور في إنهاء حياة واحد
هو غلطان
وأنا غلطانة
إحنا الاتنين ضحاېا ومذنبين في نفس الوقت
يمكن بقينا متساويين دلوقتي
أنا شقلبت حياته
وهو أذنب في حق إنسان!
ومكانش هيكفيني كمان!
نزلت لتحت وكانت الساعة بقت ٢ بعد الضهر تقريبا كل الوقت ده كنت بتأمله بس!
مش عارفة جيبت الجرأة اللي تخليني أنزل من أوضته في عز النهار من غير ما أخاف بس وقتها حسيت بتبلد في مشاعري كنت عايزة كل حاجة تخلص بس
لقيت الكل متجمع في بهو القصر بصيت ليهم باستغراب فاكتشفت إن والد سليم رجع من السفر وكان عاملهم مفاجأة تقريبا فعشان كده محدش كان يعرف
كانت سميرة وبابا من ضمن اللي موجودين اتحركت ناحيتهم فاتلفتوا كلهم وعلى وشهم كل معالم الاستغراب من وجودي في القصر وكمان نازلة
من فوق وأنا بقالي ٦ سنين ممنوعة من دخوله
وقفت نادية والدة سليم واتكلمت بحدة بتعملي إيه فوق يا بت أنت!
مردتش عليها واتحركت ناحيتها كنت جامدة وحسيت إن كل المشاعر اللي كانت جوايا
اتمحت زي الانسان الآلي بالظبط
وقفت في النص وفضلت ساكتة ولكن نظراتي كانت على سميرة اللي حست إني هعمل حاجة فكانت بتهددني ولكن مهتمتش
متهيألي لازم اللعبة دي تخلص ولا إيه يا سميرة!
حسيتها اتلجلجت فاتكلم اكرم والد سليم باستغراب لعبة إيه
ابتسمت بشړ كانت جوايا قوة غريبة كانت قوة بقدر عڈاب قلبي طول السنين دي كلها
لعبة جوازي أنا وسليم اللي كانت تحت الټهديد
بتعملي إيه يا متخلفة!
شيلت عيني من عليها وبصيت للي موجودين
سميرة من ٦ سنين هددت سليم إنها هتلبسه في قضية قتل
بعد ما دبرتله كمين مع واحد زقته عليه وكمان هددتني إنها هتقول إنها شافتني مع حد لو قولت لحد إن سليم متجوزني بالټهديد
قررت انتقم منها واغير معظم الحقايق كان لازم اظهر وشها الحقيقي
صړخت پجنون كدابة كدابة محصلش الكلام ده!
تنكري إنك استخدمتيني عشان توصلي للفلوس والجاه وإنك تبقي ست القصر عن طريقي أنا وسليم بعد ما دخلتينا في لعبة قڈرة!
كلام إيه اللي بتقوليه ده يا منة!
قالها بابا بزعيق وهو بيتجه ناحيتي وملامحه باين عليها الڠضب
منة مكدبتش!
اتحركت انظارهم كلهم ليه كان نازل على السلالم وهو بيراقب وشوش الكل لحد ما عينه ثبتت عليا وكان بيبصلي بامتنان!
قرب ووقف جنبي سميرة فعلا هددتنا احنا الاتنين واحنا الاتنين كنا ضحاېا جشعها وطمعها وكلامي قصاد كلامك يا سميرة!
هثبتلكوا إنه كدب هثبتلكوا إن ابنكو الحيلة مش ملاك
اتحركت ناحية البدروم اللي مكانه تحت سلالم القصر
اللي بتدوري عليه مش هتلاقيه يا سميرة متتعبيش نفسك!
قالها سليم وهو بيبصلها بتريقة كانت بتبادله بعدم استيعاب لحد ما نقلت نظراتها ليا فلقتني ببتسملها بشماته وقتها عرفت إني لقيت الفلاشة وادتها لسليم كمان برقت وعينيها احمرت وحسيت إنها على وشك الجنون وجريت ناحيتي وهي بتصوت أنت عملتي إيه!
عملتي إيه يا متخلفة!
بوظتي كل حاجة
كل حاجة اتخططت د.مرتيها
أنت كنت تطولي العز ده لولايا!
منعها سليم من إنها
توصلي بعد ما شدني لورا ضهره حست هي إن استحالة حد يصدقها بعد ما انكشفت قدامهم فبقت تزعق وتشد في شعرها بجنان ازاي متتجننش وهي لقت إن كل خطتها باظت وخلاص هتخسر كل حاجة وهتخسر الغنى اللي هي كانت فيه
كدب الاتنين كدابين
سليم ق اټ ل
ومنة كانت مع
هنا اتدخل والد سليم وفجر اللي محدش كان يتوقعه لما قال كدب إيه يا سميرة
اتوقعها منك بصراحة ما أنت كان ممكن تعملي أي حاجة عشان الفلوس حتى لو هتخوني جوزك معايا!
شهقت وعيني اتوسعت پصدمة وصدمتي مكانت تقل حاجة عن اللي كانوا في القصر
اتكلم بابا بحدة إيه اللي بتقوله ده يا أكرم بيه!
انكمشت هي على نفسها وهي بتبص لأكرم بيه بړعب حقيقي كان باين عليها الذعر ابتسملها بخبث أحكي ولا تقولي أنت
ارتعشت شفايفها كدب
كلهم كدابين كل اللي بيقولوه كدب!
مراتك يا ناجي كانت متجوزاك عشان شايفاك طريق يوصلها للجاه والثراء لما عرفت إنك بتشتغل معايا وكمان ساكن هنا في القصر وكانت خطتها إنها توقعني بس كشفتها وعشان خاطر كبرياءك وخاطر البنت اليتيمة اللي معاك قفلت على الموضوع
بس مكنتش أعرف إنها اتجهت لابني عشان تحقق غرضها الحقېر
بصلها بابا بدهشة وهو حاسس إن الدنيا پتنهار من حواليه حاسس إنه لأول مرة يشوف الوش الحقيقي لمراته وجشعها
الوش اللي عمره ما شافه قبل كده أو كان معمي عنه
هي حصلت!
لا لا لا
محصلش محصلش
كانت بتهز راسها پجنون فكمل والد سليم ليه تنكري إنك جيتيلي المكتب تعرضي نفسك عليا
بس للأسف يا سميرة مكنتش أهبل لدرجة إني ذوقي ينحدر بالشكل ده
من هانم
لواحدة زيك!
متصدقهوش
اخرسي
زعق بابا وهو بيض ربها بقوة بالقلم لدرجة إنها وقعت على الأرض شدها پعن ف ومن غير تردد رماها برا القصر وسط مقاومتها وصويتها بإن سليم قاټل وإني كدابة وإن والد سليم كداب ولإن كلامها مكانش مترتب فالكل شافوها بتعمل كده علشان خطتها باظت
كنت براقب اللي بيحصل پصدمة وخوف حتى محستش بسليم وهو محاوطني وضاممني ليه بحماية
رفعت عينيا ليه فابتسملي بامتنان بادلته ولكن اتبدلت ابتسامتي للحزن
خلاص كل حاجة انكشفت
واللعبة خلصت
واللي بيني أنا وسليم كمان خلص
يتبع
الحلقة التامنة
لسة برضه مبيردش
قالها سليم وهو داخل من باب الشقة كنت واقفة قصاد باب اوضة بابا اللي من بعد اللي حصل وهو خرج من سكات وقفل على نفسه هنا ومبيردش حتى عليا!
هزيت راسي ب لأ وكملت دق على الباب
بابا بالله عليك رد عليا طمني حتى!
عشان خاطري
فضل سليم واقف ورايا بيتابعني بحزن شديت على شعري بھم ورجعت اخبط تاني أنا مش بلومك والله أنت اتضحك عليك زينا بس ممكن تفتح ونتكلم بس
متقلقنيش عليك أكتر من كده بالله
عليك
احمد ربنا إنك كشفتها بدري قبل ما يمر عمر طويل وأنت مخدوع فيها!
استنيت على أمل يرد ولكن محصلش فاتحركت وقعدت على الكنبة ولحقني سليم قعد جنبي برضه
فضلت بهز رجلي وأنا بقاوم الغصة اللي حاسة بيها من الأحداث الأخيرة لحد ما دمعت ڠصب عني قرب مني سليم أول ما شافني واحتوى وشي بين إيديه وهو بيمسح دموعي بحنان
لا لا
متعيطيش خليكي قوية زي ما
اتعودت عليكي
نزلت عينيا للأرض مش قادرة يا سليم تعبت من تمثيل القوة!
كنت بتقول عليا ممثلة هايلة
كان عندك حق
بس كل ده على حساب نفسي
نظرته اتغيرت وحس بتأنيب الضمير من كلامه القاسې اللي لسة معلم فيا فشدني وسند على الكنبة
سندت راسي على صدره وغمضت عيني بستمتع بالاحساس اللي غمرني بيه ابتمست بمشاعر متضاربة وأنا حاسة إن قلبي بيعلن تمرده على كل قراراتي آخر مرة عملت الحركة دي
قاطعني وكمل لما وقعت ورجلك اتفتحت
بعدت عنه وأنا ببصله بإندهاش أنت لسة فاكر!
ملس على وشي أي ذكرى بينا عمري ما نسيتها!
كنت بدور عليك بدور على سليم اللي كان موجود زمان
مسك إيديا الاتنين واحتواهم بقوة أنا لسة موجود
سليم القديم هيرجع معاكي أنت
كانت عيونه مليانة أمل وحب كنت بتمنى إني أشوفهم فيها نبرته الدافية كانت بتأثر عليا اتبدلت نظراتي للحزن وشديت إيدي ونقلت عينيا للأرض
اتنهد پألم الحقيقة غيرت حاجات كتير مش كده
شايفاني قا ټل
اتلجلجت وحسيت بإني ارتجفت الحقيقة أنا جوايا مشاعر متضاربة الدقايق القليلة اللي في الفيديو ثابتة في عقلي ومش عارفة امحيها مردتش فمحبش هو يضغط عليا وسكت وهو بيضم شفايفه پألم ورجع سند ضهره على الكنبة تاني
للحظة اتعدلت لما سمعت صوت قفل الباب بيتفتح قومت وقفت وقربت ناحيته وورايا سليم
خرج بابا من الباب وهو بينقل نظراته بينا وفي إيده
شنطة سفر!
للحظة اتوقعت اللي ناوي عليه ولكني كنت ببصله بترجاه إن اللي ناوي عليه يرجع فيه قرب ناحيتي وهو بيتحاشى أنه يبص لسليم ولعيني!
وقبل ما اتكلم قال لمي هدومك وحاجاتك يلا عشان
هنمشي
تمشوا فين!
قالها سليم وشوفت الخضة في عينيه ما صدق لقانا قربنا شوية والحاجات اللي كنا خافيينها على بعض ظهرت
ليه لازم نبعد كل ما نحس إننا قربنا شوية!
ليه كل حاجة ضدنا بالشكل ده!
ملناش قعاد هنا بعد كده يا سليم فاعذرنا أنا بلغت والدك بالكلام ده وكمان هنخلص موضوع الجوازة اللي كنت متهدد بيها
خلص كلامه وبص ناحيتي يلا يا منة!
اتلجلجت وحسيت إني فقدت النطق أني اتطلق من سليم هين عن إني ابعد عنه بالشكل ده!
هيبقى طلاق وبعد!
كفاية السنين اللي كنت بتكوي فيھا وأنا مش لاقياه حواليا ومش شايفاه قدام عينيا
هرجع أعيش الاحساس ده تاني!
حتى الرابط اللي كان بيهون عليا هينتهي!
مستغربة ليه
ما ده الطبيعي واللي كان هيحصل أساسا
حتى لو كل حاجة انكشفت حتى لو سليم اعترف بحبه ليا
بس هل أنا هقدر أعيش حياة طبيعية معاه وأنا مش قادرة أنسى الوضع اللي كان فيه واللي اتسبب فيه!
نقلت نظراتي بينه وبين سليم اللي كان بيترجاني إني ارفض
إني أفضل جمبه
كنت مترددة وأنا شايفة الكسرة في عين بابا وكنت فاهماه إزاي هيقدر يعيش هنا ويحط عينه في عين أهل سليم وبالذات أبوه اللي مراته عرضت نفسها عليه من غير حياء!
حس بابا بالتردد اللي جوايا فزفر بنفاذ صبر وقال هتيجي معايا
ولا هتفضلي هنا
مكانش عندي استعداد اخسر بابا للمرة التانية كنت عايزة أعوض السنين اللي أنا اتحرمت فيها منه
فاتكلمت بسرعة وأنا عيني على سليم لا لا
هاجي معاك
منة!
قالها سليم وهو مصډوم كان عنده أمل ولو بسيط إني هرفض وأفضل هنا جنبه ولكني خيبت كل توقعاته مكنتش
قادرة اشوف النظرة دي فعيونه فحاولت اهرب
أنا هدخل أجيب هدومي وحاجتي
خلصت وخرجت ولقيته قاعد حاطت راسه بين إيديه أول ما شافني نقل نظراته بيني أنا والشنطة وميل براسه بحزن
قام بابا خد مني شنطتي وشنطته ونزل وساب الباب مفتوح من غير ما يتكلم أو يقول أي حاجة
فضلت واقفة مكاني مش عارفة أقرب ولا عارفة ابعد
بتأمله وأنا بحفظ ملامحه جوا عقلي
هتمشي
قالها بنبرة بيقاوم
فيها الحزن فضميت شفايفي بأسى كان لازم ييجي يوم وأمشي!
كان ممكن نكمل
ازاي
رديت بسرعة وكملت وأنا برفع كتفي بقلة حيلة الحواجز اللي بينا كبيرة أوي يا سليم المشكلة انها بتزيد كل يوم مش بتقل!
سليم أنت كان قدامك تختارني من زمان ليه جاي تختارني بعد ما كل حاجة خلصت!
كام مرة كنت مستنية إشارة منك ومع ذلك مكنتش بشوف غير الرفض!
سكت شوية بمسح دموعي عارف احساس إنك تبقى مرفوض من الحاجة الوحيدة اللي اتمنيتها
أنا كنت بعيشه كل يوم على إيديك
نزل راسه وهو مش قادر يتكلم مش قادر يبرر لنفسه
الفترة اللي فاتت مكناش بنعمل حاجة غير إننا نجرح في بعض
چروح غرزت وعلمت واعتقد هتاخد وقت كبير عشان تتداوى
قولتها وسيبته ونزلت لتحت قبل ما أضعف أكتر وأرمي نفسي بين إيديه
الرفض بعد ما كان من ناحية سليم بس هيبقى من أهله هيبقى من بابا هيبقى من كل اللي حوالينا
أنا مش مستعدة أشوف نفسي بتكسر تاني قصاد حد
أو يمكن مش ده السبب الوحيد!
الحقيقة إني مش قادرة أغفر لسليم اللي عمله زمان
كان طايش!
وأنا كنت صغيرة!
كانت أول مرة ليه واغرته التجربة
وأنا اغرتني الحياة اللي هنا
بس هيفضل برضه السبب في ضياع روح واحد باپشع طريقة ممكنة
حتى عشان يهرب من الموضوع سابوه لوحده محاولوش ينقذوه
القسۏة اللي شوفتها في الفيديو كانت أكبر حاجز بينا خۏفت لييجي اليوم وادوق القسۏة دي منه وساعتها اكرهه!
نزلت لبابا تحت فلقيته مجهز العربية ومستنيني بصيت ورايا فلقيته بيتحرك ببطيء ركبت العربية وفضلت عيني عليه كانت نظراته جامدة فاقدة للحياة ومش واضحة ضامم قبضة إيديه بقوة وعروق وشه بارزة من ضغطه كان پيتألم ولكنه بيقاوم
اتحركت العربية ففضلت بصاله ورفعت إيدي أودعه
واودع البيت اللي عيشت فيه
معظم حياتي
عدى كام يوم كنا قدرنا ننقل كل حاجاتنا في الشقة اللي بابا أخدها لينا حتى ساب الشغل اللي مع طفلة الشھاوي واشتغل في مكان تاني
كان عايز يقطع أي صلة تربطه بيهم مش قادر يواجه حد منهم
كنت بشوف نظرة الانكسار كل يوم على وشه ومبقدرش أعمل حاجة
يمكن اللي مھون الوضع إن علاقتي بيه بدأت تتحسن شوية بدأنا نرجع اسرة دافية تاني!
جهزت نفسي وخرجت لجامعتي اللي كان بقالي ١٠ ايام تقريبا مبروحهاش
لبست كاچوال وربطت شعري وحطيت ميكب بسيط يداري بيها هالاتي والانطفاء اللي ظاهر على وشي
١٠ ايام بس واشتاقت ليه بالشكل ده فما بالك لو سنين!
١٠ ايام معرفهش فيھا حاجة عنه بقينا زي الغرب
محدش فينا حاول يوصل للتاني حتى!
على الاقل قبل الأيام دي كنا بعاد بس قادرة املي عيني منه
اتنفس ريحته
وأشوف عيونه!
وصلت لجامعتي ودخلت للمكان اللي فيه محاضرتي وللحظة حسيت بإن فيه حاجة مريبة!
الكل بيبصلي
وبيتهامسوا
وحسيت من نظراتهم
إن فيھا احتقار!
حاولت احسس نفسي إنه متهيألي بس من الضغط اللي أنا فيه واتجهت لندى اللي كانت في عينيها كلام كتير
كنت غايبة فين كل ده
اتنهدت بضيق كويس إني جيت والله سيبنا القصر وروحنا سكنا في شقة تانية وبابا ساب كل شغله مع طفلة الشھاوي
هزت راسها من غير ما تعلق ولكنها اتكلمت فجأة
كنت قولتيلي إيه سبب جوازتك من سليم الشهاوي!
بصتلها باستغراب لملامحها الغريبة
ورديت بتعجب إيه يا بنتي ما قولتلك قبل كده!
هزت راسها كذا مرة آه فعلا قولتيلي
هو فيه حاجة يا ندى
قولتھا وأنا بتامل المكان من حواليا كان فيه حاجة مريبة فعلا
ليه نظرات الكل متوجهة ليا!
لا مفيش وعلى كده سيبتوا القصر والعز ده كله ليه
مفيش حصلت مشكلة بين بابا وأكرم الشھاوي فقرر يسيبهم
كنت متعودة إني محكيش تفاصيل حياتي حتى لو لأقرب حد ليا
يمكن لإن حياتي مكانتش طبيعية!
وجوازك أنت وسليم
للحظة سكت واتبدلت نظراتي للحزن
ما أنت عارفة إن كده كده كانت على الورق فأكيد كان هييجي اليوم وهنتطلق
معلقتش وده خلاني اتعجب اكتر ندى مش في حالتها الطبيعية النهاردة
ولكني لقيتها اتكلمت مرة واحدة بعصبية منة أنت ناوية تفضلي تكدبي عليا لحد امتى!
للحظة ارتبكت من قصدها
يعني إيه مش فاهمة
يعني الكلية كلها دلوقتي ملهاش سيرة غير إنك أجبرتي سليم يتجوزك بعد ما مسكوكي معاه
وإن كل ده كان تخطيط منك طمعا في فلوسه يعني مش عشان أنت البنت الوحيدة في القصر ولا الاسباب العبيطة اللي قولتيهالي!
عينيا اتوسعت بړعب والدم كله انسحب من وشي نقلت نظراتي بينها وبين كل اللي في المدرج قدرت افهم ليه كلهم مركزين معايا
ارتجفت ومقدرتش ارد وبدون تردد خدت شنطتي وخرجت بسرعة من المدرج وأنا مش شايفة قدامي من الدموع اللي مغرقة عينيا
ازاي!
ازاي التفاصيل دي وصلت هنا
وليه انكشفت في الوقت ده بعد كل السنين دي!
مقدرتش اتحمل كل النظرات والهمس اللي حواليا فاڼهارت وأنا بجري برا الكلية
منة!
وكإن صوته جالي زي طوق النجاة كنت زي الغريق أو التايه من غير وطن اتلفت بتأكد إنه موجود
كانت ملامحه مليانة قلق وخوف من حالتي وقبل ما يتكلم جريت عليه وأنا ببكي بشدة ومتشبثة فيه اخدنى والقلق اللي على ملامحه مقلش ولكنه فضل يملس على شعري
اهدي
مالك يا حبيبتي
حاول يبعد ولكني منعته وفضلت متشبثه رقبته بقوة مقدرتش اتحمل صورتي اللي اتهزت بعد السنين دي كلها قصاد صحابي!
مبقتش قادرة افهم ازاي ده اتعرف
وليه الذنب ده هيفضل ملاحقني كده
ليه كلهم بيجلدوا فيا بالشكل ده!
بعدت عنه فرفع إيده يمسح دموعي بحنية وملامحه القلقانة مقلتش من حالتي
تعالي
خدني من إيدي ومشيت معاه من غير مقاومة
كل القوة اللي كانت جوايا اتبخرت قصاد النظرات اللي شوفتها
قعدني في عربيته وغاب دقايق قليلة ورجع بماية وعصير
فتح الماية ومرضيش يخليني امسكها!
كان بيشربني هو كإني بنته!
كان في عينيه حنية ودفى كنت محتاجاهم جدا في الوقت ده
وهو مترددش!
أنت قولت لحد عن سبب علاقتنا
ضيق عينيه بعدم فهم اللي هو
كانت نبرته للآخر فيها حزن بمقدار عصبيته اڼهارت وفضلت اخبط بقبضتي على رجلي
أومال عرفوا منين!
اللي في الجامعة عرفوا التفاصيل دي منين يا سليم!
أنت مش متخيل النظرات اللي كانوا بيبصوهالي
عرفوا كل ده منين يا سليم قولي!!
كانت ملامحه كلها استغراب وفلحظة سكتنا احنا الاتنين وبصينا لبعض پصدمة واتكلم سليم بعد استيعاب معقولة سميرة!
وقبل ما نقدر نفكر وصلت رسالة على الواتساب لسليم وأول ما فتحها اتجمد تماما وبلع ريقه پصدمة
بصتله بتعجب وقربت منه أشوف إيه مضمونها وللحظة ملى الړعب وشي لما لقيتها من رقم غريب
باعتله رسالة بالفيديو اللي كان في الفلاشة
هو ده سبب هروبك طول السنين دي
يتبع
الحلقة الأخيرة
اتبدلت ملامح وشه للڠضب برزت عروق وشه من كتر الضغط على فكه كان حاسس بالضعف لإنها قادرة تبتزه بالشكل ده فدي كانت حاجة مضايقاه من نفسه جدا
كل ده قدرت اقرؤه مش عارفة ازاي وامتى بقيت فاهماه بالشكل ده!
ازاي
المفروض إن النسخة الوحيدة من الفلاشة اللي كانت مع سميرة أنا خدتها
سكت وهو بيتنهد بضيق كانت النسخة الوحيدة اللي مع سميرة
ضيقت عيني بعدم فهم يعني
بعد اللي حصل النهاردة في الجامعة والمسدج اللي اتبعتتلي دي
فسميرة كده بټنتقم والظاهر قدرت توصل للي كان بيبتزني من ٦ سنين
والظاهر برضه إنه خدعني ومكانتش النسخة الوحيدة اللي معاه!
ضغطت على اسناني بغيظ طبعا سميرة مكانتش هتسكت بعد اللي حصل وبعد ما طردناها من العز اللي كانت فيه
بالظبط
وبعدين كمل
متعرفيش أي عنوان قديم لسميرة
أو حتى أي معلومات عنها تساعدنا
حاولت افتكر على قد ما أقدر لحد ما قولت معتقدش
ومش هقدر أجيب سيرة عنها لبابا الفترة دي واسأله أنا ما صدقت إن حالته اتحسنت شوية
بس كل اللي اعرفه
عنها إنها كانت متجوزة قبل كده بس معرفش إيه حصل
جوزها اختفى
او اتطلقوا أو خلعته
