_ اللهي تنستري، ويجيلك اللي يخطــ,,ــفك علىٰ حــ,,ــمار أبيض يكون بيعــ,,ــرج.
_ولا.
ضِحك وقال_ خلاص، خلاص، حصان أبيض، يا أبيض أنت يا عسل.
ضِحكت وبالفعل قُمت كملت الغدا، قد أيه بحب علاقتــ,,ــنا، بحب النكــ,,ــش اللي ما بينا، بحب وجوده في حياتي لأبعد حد.
___
_ها شكلي حلو؟
_قربي كده شوية.
قربت لخطوات منه، وقتها شد منديل من العلبة اللي قُصادنا، وبدأ يمسح ليا وشي، قُلت بعصبية _ يا ياسين.
رد وقال_هُــش.
_هروح الفرح إزاي بشكلي ده.
_ست البنات وأحلاهم والله.
قُلت وأنا عيوني بتلمع أثر كلامه الدافي_بجد.
_بجد يا نور عيون أخوكِ.
من غير ما حتىٰ ما أرجع أشوف نفسي مرة تانية، قُلت، وأنا بضم إيدي لإيده_يلا بينا.
وصلنا الفرح، وكأننا مش مُجرد أخوات، بل اتنين باين الحُب علىٰ ملامحهم، جايز بعدها أكون اتلهــ,,ــيت لشوية مع بنات العيلة، ولكن بمُجرد ما جت أول رقصة سلو مرضاش أبدًا يحسسني إن ناقصني شيء، وبسُرعة سحــ,,ــبني من إيدي ورقصنا سوا، ضِحكت، وقُلت_ يابني اللي يشوفك يقول خطيبي أو جوزي، مستحيل حد يصدق إنك أخويا.
_أحسن عشان محدش يستجرئ يلمحك حتىٰ، وتفضلي قاعــ,,ــدة في حضــ,,ــني كده العُمر كُله.
_ أه وتتجوز أنتَ وتسبني، وأنت مسمسم كده، وكل العيون عليك.
ضحك وقتها، وكملنا رقصتنا لوقت ما قطع سكوتنا صوته، وهو بيقول_ بس بجد كبرتِ يا رومي، وخلاص جالك اللي ياخدك بجد.
_أيه؟
_عُمر ابن عمتك كلمني وعايز يطلب إيدك.
_عُمر!!
___
_في عيوني.
كان صوت عُمر وهو بيرد علىٰ توصية ياسين لي، لحظة ما كان بيلبسني دبلتُه، وقتها رد ياسين عليه وقال_ عايزها تكون في قلبك قبل عيونك، عشان القلب مبيعرفش يقسىٰ علىٰ اللى منه، حتىٰ لو أيه كان.
ابتسم وبــ,,ــاس لإيدي، وصحيح لحظتها كُنت أسعد من في الكون، يكفي إني بقيت مع شخص عشت عُمري علىٰ أمل نظرة منه، إحساس قد أيه كان جميل، جميل لدرجة إني كُنت لحظتها وكأني لامسة السما بإيديا أثر سعادتي بيه.
