شعوري هو هو ولا قلبي بيدقله ولا عيوني حابه تبصله .. معقوله هو دا الي حاربت الدنيا عشانه طب ليه اتغير اوي كدا في نظري بسأل نفسي وبقول انا ازاي كنت مغفله اوي حبيته على أي ده ..سبحان مغير الاحوال والله
اول ما دخل بصلي وابتسم بخبث كان باين اوي…. كويس اوي
بصتله بقرف وهو شاف نظرتي اتعصب ثواني وحسيت بإيدين قويه بتحاوط خصري بتملك وحب قواني…. اظن دلوقتي نقدر نمشي يا مازن
مازن الظابط…. ايوا يانوح باشا تقدروا تمشوا
حازم بعصبيه…..يعني اي انت. هتسيبوها تمشي كدا طب وبلاغي فيها دي خطفت بناتي بقولك
نوح اتجاهله وشدني ومشينا تحت صوته العالي وتوعده لينا قلبي حسيته غاص پخوف عندي احساس من الصبح مش كويس….. نوح بناتي
قرب مني وباس أيدي بحب وهو بيطمني….. احنا نبهنا عليهم مايفتحوش لحد واحنا متأخرناش وكمان زمانهم نامو اصلا
هزيت راسي بتفهم بس لسا الاحساس جوايا استغفرت ربنا ومشيت معاه
دخلنا البيت جريت اول حاجه اطمن على بناتي واتنفست براحه أما لقتيهم في سرايرهم نايمين بوستهم وغطيتهم كويس وخرجت
دخلت اوضتنا انا ونوح بإرهاق فظيع كان هو لسا خارج من الحمام وانا بجهز هدوم بعد الشاور دخلت من سكات اخد شاور وبعدين صليت فضلت اعيط جامد وانا بكلم ربنا بحرقه ….انت عارف انا تعبت قد اي في حياتي واتظلمت قد اي انا مش عايزه حاجه غير انك تقويني لبناتي وتعوض صبري خير فيهم يارب ..لا اله الا انت سبحانك اني كنت من الظالمين ..
حسيت بتحسن شويه بعد صلاتي وقومت قلعت الاسدال ثواني وحسيت بنفس دافي في رقبتي وايدين بتحاوط وسطي بحنيه ….تقبل الله يا عمري
ابتسمت بهدوء….منا ومنك يانوحي
