جاوبتها بسرحان :
_ومن امتى حقي محفوظ فكك يلا هروح معاكي اجيب حاجاتي وامشي لبيتي .
روحت انفال بعد ماوصلت هبة و فضلت هبة مستنيه سامر جت تمشي شافت الكيس لي انفال اشترته
_ياخبر دي نسيته
قربت تاخدها وعلقتها فمكان تاني فكرت وراحت ناحيتها
وهي بتبص لظرف لي ف ايدها وافتكرت لما باعت حلق ليها الصبح
_دول هيساعدوها شوية .
راحت حطت ظرف الفلوس في الكيس وبعدين بصت لصور المقلوبة بحيرة
_دول طليقها الصبح اداهملها انا شفته .
مر الوقت ودخل سامر للبيت تعبان كانت الانوار كلها مطفية
_هبة انا جيت .
راح ناحية الاوضة لقاها مستنياه ووشها جامد مفهوش اي ملامح قرب منها
_انتي كويسة يا حبيبتي عارف اني اتأخرت حقك عليا
رمت الصور في وشه بتقول بهدوء:
_ايه ده يا سامر،.
اتخشب مكانه مش لاقي تفسير وهو بيبص ليها ولصور
عند انفال اول ما الباب دق راحت تفتح رجعت لورا بخوف وهي بتشوفه قدامها
_اهدى يا ابني ابوك لو عرف هيطين عيشتنا .
قالتها سوسن برجاء لمروان وهي بتشوفه بيكسر ويدور على حاجة
برقلها وزعق :
_عايز الفلوس دلوقتي حالا او اطلبي من الزفته بنتك.
حاولت تسايره
_حاضر زي ماادتني الاسبوع لي فات هتديني بكره عادي .
_بكره نروحلها
عند هبة وسامر
_ايه ده .
نطقتها بصرامة بتقاوم دموعها ماقدرش يرفع عينه فعينها بيحاول يستوعب مد ايده لي بترجف لصور ولسانه بيقول حاجة واحده كل همه في اللحظة دي انه ماينزلش كن عينها
_ده ده تركيب .
فضل كده كتير وهي ساكته
_هششش ماتعيطيش دموعك غالية تركيب وحياتك ماتسيبينيش انتي كمان انتي لي باقيالي
فهزت راسها ليه بتقول:
_ما انا عارفة انه تركيب .
عقد حواجبه مستنيها تكمل حاولت تبقى بالثبات لي هي فيه
_ايوه انت فاكر انه انا ممكن اقعدلك ثانية واحده هنا
لو كان ده حصل فعلا انا كنت معاها لما طليقها هددها بس فالاول مكنتش فاهمة ورحت معاها تتنازل عالقضية
خدت نفس وهي بتقرب ناحيته وابتسمت رغم عينيها لي بتعيط
_ انا واثقة فيك يا سامر وهفضل واثقة لاني عارفاك كويس حتى لو غلطت بس مستحيل تغلط الغلط ده وتكسرني او تهيني لانك اصيل .
خد نفس فضل باصصلها مش عارف اد ايه موقفها ده خلاه يفكر من تاني كل المواقف الحلوة لي بينهم عدت عليه في اللحظة دي وقوفها جمبه فضيقته وكل حاجة راح ناحيتها وخدها فحضنه بيهمس
_محتاجلك يا هبة ماتقوليش حاجة خليني كده وبس .
فضلت تمسح على راسه وسندت راسها على كتفه وهي ساكته زي ماطلب منها ايدها استقرت على قلبه كان قلبه
بيخبط جامد مسك ايدها وثبتها على قلبه وبصوت ثابت نطق :
_من اللحظة دي انتي هنا في القلب ده هعيش عشان اثبتلك ده هحبك يا هبة انتي لي باقيالي اديني فرصة اعرفك قربيني منك ساعديني انسى
ضمته ليها وحررت دموعها وهي فاهمة بيقصد ايه بيطلب منها تساعده عشان ينسى ماضيه
_حرر نفسك من ماضيك وانا هساعدك ياقلب هبة .
حاوط وشها بكفوفه عينيها لي بتلمع ليه شدته ثبت عينيه على ملامحها كأنه بيحفظهم بعد خصلات من شعرها
_انتي جميلة اوي ياهبة كنت هموت من الندم لو ضيعتك بسبب غبائي ولو ضعتي مني همو
_هششش .
حركت راسها بلاء وقاطعته لما حطت اصبعها على بقه
_بلاش سيره الموت دلوقتي .
مش عارفين عدا وقت اد ايه وهما فحضن بعض بس لي بيعرفوه انهم كانو محتاجين الوقت ده عشان يقربو من بعض اكتر.
جه الصبح فاقت هبة على حاجة طرية بتداعب وشها
ابتسمت وهي بتتمنى يكون تفكيرها صح فتحت عينيها وحدة وحدة وضحكتها علييت لما لقته مديها وردة ومجهزلها الفطار
_الورد للورد تعرفي انه فيكم شبه من بعض رقيقه زيه
باس خدودها بحب
_واهو خدودك الجوري بيحمرو زي الوردة دي .
خبت وشها بايدها بكسوف
_قرر صاحب البيت ولي هو انا يعني يديكي راحة انهارده
ادلعي براحتك خدت اجازة مخصوص .
فطرو مع بعض وهو بيحاول على قد مايقدر يكفر عن الغلط لي عمله فحقها هي بتتحب فعلا وده لي اكتشفه قرب منها ففركت ايديها وقاطعته وعينيها بتهرب منه :
_فاضل يومين عالعملية يا سامر .
بصلها بغيظ وسحب خصلة من شعرها :
_بتفصليني ليه يا فصيلة هانم .
مر اليوم عليهم بين ضحك ومناغشات وهزار واتمنت هبة
تدوم سعادتها دي جه سامر يطلع مسكت ايده وكان باين عليهل انها متوترة :
_ماتطلعش دلوقتي يعني انهاردة بس و
ضغط بشوية على ايدها وشبكها مع ايده
_ماتخافيش مش انتي واثقة فيا انا اخترتك انتي خلاص.
_خايفة عليك قلبي مش مطمن ومقبوض .
طبع بوسة على جبينها بيهمس
_مش احنا اتفقنا اروح اطمن عليها واديها قبضها واقولها تدور على شغل تاني واروح لاهلها وبحاول اصالحهم وتفضل عندهم
هزت راسها بأه وكملت بقلق:
_طب تفتكر الصور دي لو وصلت لاهلها هيحصلها ايه.
طول الوقت وهو بيهرب من التفكير ده طلع وهي حاطة ايدها على قلبها جت تقفل الباب لقت اخوها ومامتها فوشها .
وصل سامر لبيت انفال لقى الباب مفتوح بلع ريقه بيتمنى ميكونش حد من اهلها وصلها اول ما دخل اتفاجئ بالدم
الموجود عالارض خرج جري ودق على باب الجيران لي قصادها جامد اول مافتح قال :
_شوفته البنت لي ساكنه هنا قصادكم .
هز الراجل راسه بأسف :
_جه واحد جرها من شعرها وكانت غرقانه فدمها حاولنا ننقذها منه محدش قدرله و.
كمل يحكيله وطلع جري دخل البيت بيدور على اي حاجة وقدر يوصل لعنوان اهلها ركب اول تاكسي قابله واداله العنوان
_يارب الحقها يارب دول هيدبحوها .
نزل بسرعة بص لتيليفونه لي بيرن ففصل
_مش وقتك يا رأفت .
اول ما وصل قابله اخوها عند الباب فزعق :
_انفال فين عملت فيها ايه تاني انطق .
_اهلا اهلا يا****.
فضلوا يتخانقوا ده بيضرب ده لغاية اما وقعوا هما الاتنين
_الكلبة هربت مني وركبت مع حد معرفش هو مين بس وديني ومااعبد اول مالاقيها هشرب من دمها .
اول ما سمع كده اطمن شوية قرب من اخوها واداه بوكس وقعه عالارض وبزق عليه :
_حسابك معايا بعدين .
_والله وبقا ليكي بيت واتكبرتي علينا ومش تردي وتفصلي فوشنا جرى ايه يا بت انتي هتشوفي نفسك علينا وتنسي انتي ايه شايفة الغرز لي فراسي دي هطلعهم عليكي هعالجهم بفلوسك .
