اسكريبت
_انت هتتجوز ليلي فاهم ولا لا
_لا مش فاهم انا قولت هسافر يعني هسافر ومستحيل تمنعوني
_لا هتتجوز ليلي ومش هتسافر
_يا ماما اسمعيني ليلي بنت خالتي و اختي الصغيره هتجوزها ازاي مش فاهم
_ليلي مش اختك ليلي بنت خالتك ومش صغيره دي عندها 21سنه يا ادهم دي قربت تتخرج من الجامعه
_بس انا مش شايفها غير كده و مش هتجوزها يا ماما
قربت منه بتعب و مسكت أيده _ادهم حبيبي علشان خاطري اتجوزها و خليك معايا
_ماما حبيبتي انا مش عايز اتجوزها لا هي ولا غيرها
_حبيبي ليلي مقرره تروح عند بيت جدها و عمها وتسبني و انت هتسافر وانا هقعد مع مين
اتعصب _وهي تروح لي إن شاءالله تروح تقعد عندهم لي
_علشان هي شايفه انها كبرت وان الاون تقعد عند بيت جدها و عمها
_اهه و تروح تقعد مع ولاد عمها مش كده
مسكت أيده بمكر _بالظبط كده انا بقي مش عايزاها تمشي ها اي رايك
بصلها و فكر شويه وبعدها كرر _خلاص هتجوزها
بفرحها _بجد يا حبيبي
_اهه طبعا بس هسافر
_ايي لي
انا كده كده هسافر بس هسيبها وهي علي اسمي عشان متفكرش تروح كده او كده
_بس يا ادهم
_امي خلاص انا قولت علي اللي عندي يا اما
_خلاص خلاص انا موافقه
Eman Saleh
ليلي كتبنا الكتاب و خلاص بقيت علي اسمه ..ادهم ابن خالتي و دائما مع بعض بس لما كبرت بحكم أن انا قاعده عندهم علشان وصيه ماما بقيت بتجنبه لان حرام اتكلم معاه و اهزر معاه غير في حدود ..مقدرش انكر انه شخصيته جذابه و بتعجبني فيه حاجات كتير بس برضوا فيه حاجات كتير شايفاها غلط في حياته زي سهره طول الاسبوع و كلامه الكتير مع البنات بس دايما بيقولوا الراجل بيتغير بعد الجواز !
اتفاجات بعد كتب الكتاب أنه سافر بكلم خالتي قالتلي ده مسافر اسبوع و راجع علشان شغله مهتمتش يمكن زعلت شويه بس عملت اني مش مهتمه بس ازاي وانا جوزي سابني و مشي بعد كتب الكتاب علي طول المفروض أن بدايه حياتنا بس تقريبا البدايه انتهت من قبل ما تبدي اصلا !
وفقت علي الجواز لان عمي بعد وفاه والدي ووالدتي وهو بيعاملني وحش و مش طايقني و جدي مش بأيده اي حاجه خالص راجل كبير في السن وعمي هو اللي ماسك شغله كله وجدي تعبان مبيقدرش يعمل اي حاجه ولا بيقدر علي عمي و تصرفاته !
ادهم سابني وسافر عدت ايام و شهور وهو بعيد بيتصل بمامته بيكلمها وهي عشان أنا صعبانه عليها بتقولي خدي كلميه كلمته مره وبعدها بقي بيتصل بيا مره اتنين تلاته كلام هامشي و جانبي انا زعلانه منه هو لي سابني وفي مره كنت بتكلم معاه وبعدها
_ليلي كل دي مكالمه خلصي عايز اروح
بحده_مين ده يا ليلي
_ده خال
ابن عمي يا ادهم
_ده جه امتي ده و لي
_لسه جاي من شويه يطمن علينا
_يطمن !!
_اهه بعد اذنك انا طالعه اشوفه عايز اي سلام
_ليلي ا
قفلت و طلعت قعدت مع خالد شويه و لقيته عامل قاعده و جايب حاجات كتير اوي شيكولاته و ايس كريم و حاجات كتير وقاعد مع خالتي كمان
_اي كل ده
_اقعدي انا عارف انك بتحبي كل الحاجات دي
_تسلم يا خالد ربنا يخليك ليا
_ها كلمتي ادهم يا ليلي
_اهه يا ماما كلمته
_هو عامل اي
_كويس بيسلم عليكي
_ماشي يا حبيبتي
خالد مشي و بقي بيجي دايما و كنت بكلم ادهم بس قليل مش عارفه أكلمه اصلا هو انا ممكن انسي أنه سافر و سابني
_ليلي خلصي و تعالي علشان نلحق الميعاد
_ماشي يا خالد انا جاهزه هخلص المكالمه مع ادهم و جايه
_ماشي بس بسرعه
_اوكي
بحده_ليلي رايحه فين دلوقتي
_معلش يا ادهم عندي سينما مع خالد بعد اذنك
_رايحه معاه فين
_زهقانه يا ادهم ورايحه السينما
_زهقانه و سينما مع خالد
_اهه يا ادهم هروح انا وهو و خالتي متقلقيش
قفلت معاه و طلعت بره
_يلا يا ليلي بقي السينما هتروح مننا
_خلصت يا ماما بس كنت بكلم ادهم
_انتي قولتيله أن خالد هيروح معانا
_اهه يا خالتوا
_وعمل اي
_اتعصب شويه بس تمام يعني يلا نمشي
Eman Saleh .
ضحكت وانا مش فاهمه هي بتضحك علي اي مشينا و قضينا اليوم و كان حلو اوي بس كان نقصه ادهم !
_لوله خلصي بقي المكالمه دي و تعالي عايز اتكلم معاكي
_حاضر جايه
اتعصب_مين دي يا ليلي اللي بيقولك يا لوله
_ده خالد ابن عمي
_وهو بيكلمك كده لي وبيعدلك و عايز اي
_ده ابن عمي يا ادهم و بيهزر معايا فيها اي يعني
_يهزر معاكي يقوم يدلعك انتي اټجننتي ولا اي
_انا مش عارفه انت متضايق لي بص انا هروح اشوفه عايز اي وارجعلك
_اياكي تقفلي فاهمه خليني علي المكالمه
_مش هينفع اسيبه واقف بره ده عايز يكلمني يا ادهم
_ليلي مش هتطلعي وبعدين فين ماما ها سيباكم كده لي
_خالتي قاعده معاه بره وبعدين اي سيباكم دي ده ابن عمي
_ما انا عارف انه زفت برضه
_طيب اعمل اي اقفل لحد ما اطلع
[[system-code:ad:autoads]]_لا مش هقفل بقي يا ليلي ووريني كده هتطلعي ازاي
_علي فكره بقي انا هطلع وبراحتك بقي
_براحتي طيب وريني كده هتطلعي ازاي وانا مش موافق
_ادهم المفروض يكون فيه ثقه ده ابن عمي وانا طالعه أكلمه و ماما بره بس هيكون فيه ثقه ازاي وانت اصلا سايبني بعد كتب الكتاب و مشيت
سكت شويه وهو بياخد نفسه وبعدها اتكلم _خلاص اقفلي يا ليلي واطلعي
_ادهم انا
_خلاص يا ليلي يلا روحي شوفيه هو عايز اي سلام
_سلام يا ادهم
Eman Saleh .
قفلت معاه وانا حاسه بشويه ذنب انا لي بعرضوا ما كنت قولتلوا علي الموضوع اللي عايزه خالد مني و خلاص بس لا عشان يشوف ازاي يسبني
—
