مصطفى : اه والله انا اساسا محترم
ليلة : هنحط المخدة دي في النص ويلا نام بقي يا استاذ
مصطفى بضيق : انا نمت اهو
ليلة بضحك : تصبح علي خير
مصطفى : وانتي من اهلي
ليلة : ايه المحن ده يا صاصا
مصطفى : محن طب اتخمدي
نامت ليلة ونام مصطفى لتستيقظ ليلة وتنصدم بشده
يتبع ……
البارت الاخير
ليلة بصدمة : ايه ده فين مصطفى مش المفروض اللي انا اصحي الاقي المخدة متشالة زي اصلي وفرحات ده طلع محترم بجد
ليلة طلعت تدور عليه : ماما ياماما عمته يا عمته مي انتوا فين يا جماعة
ليلة بخوف : هما ماتوا ولا ايه هتصل عليهم
ليلة : ايوة يا ماما
كريمة : ايوة يا حبيبتي
ليلة ؛ انتوا فين ؟؟
كريمة : انا عند المحامي وعمتك نزلت السوق ومي راحت الجامعة ومصطفى كان عنده شغل متأخر
ليلة بحزن : هو نزل واحنا في شهر العسل
كريمة : معلش يا حبيبتي وبعدين ايوة صحيح مبروك علي الحجاب يا ليلة
ليلة بضحك:هو لحق يقولكم
كريمة بضحك :والله هبلة زي امك يلا سلام بقي
ليلة : سلام
ليلة : ايه ده انا اول مرة اقعد لوحدي انا هفضل قاعدة لوحدي كده كتير
بعد مرور بعض الوقت
ليلة : لا انا حاسه بملل هتصل بمصطفي ليرد مصطفى : الو يا ليلة معلش نزلت علشان كان عندي شغل
ليلة : طب هاتيجي امتي انا حاسه بملل
مصطفى بمكر : أفتحي الدولاب كده
ليلة باستغراب : ليه
مصطفى : افتحي بس
ليلة فتحت الدولاب واتفاجات أن الدولاب مفيهوش غير فستان واحد احمر بس كان روعه
ليلة : الو يا مصطفى مصطفى
مصطفى :………
ليلة : الخط قطع باين كده
ليلة : طب انا هعمل ايه دلوقتي هلبس الفستان اهو اسلي نفسي باي حاجة
ليلة بعد ما ارتدته لتردف : جمل يا با الحج جمل
وتضع بعض من مساحيق التجميل
ليلة باستغراب : ايه الورقة دي
لتقرأ الورقة احم احم كل سنة وانتي طيبة يا ليلة ومبروك عليكي الفستان ما تنسيش تلبسيه وتيجي علي المكان المفضل عندي
ليلة بفرحة : ايه ده انا كنت ناسية عيد ميلادي
لترتدي الحذاء وتهبط مسرعة الي المكان المقصود
ليلة : هو المكان ماله ضلمه كده
لتتفاجا بفتح النور وتظهر العائلة كلها مجتمعة
لتبكي من كثرة التأثر : انتوا اللي عملتوا كل ده يا ماما
كريمة بضحك : لا مصطفى اللي عمل ياحبيبتي
ليلة باستغراب : اومال هو فين
لتسمع صوت من بعيد
ياللي شمس الدنيا تضحك لما تطلع ضحكة منك حسي بالناس الغلابه اللي زيي بعد اذنك بطلي تحلوي اكتر وأوعى وشك يوم يكشر
و أضحكى دايما يا سكر ياللى سابقه بجد سنك
أضحكى خلينى أضحك ضحكتك بترد روحى ربنا وحده اللى يعلم بعشقك إزاى يا روحى
لتعلوا صيحات الاعجاب والتصفيق لكل من بالمكان
ليلة ببكاء وهي تجري عليه لتحتضنه
مصطفى بضحك : ايه ده صوتي كان وحش لدرجة أنك تعيطي وانا اللي كنت بفكر اقدم في ذا فويس اخص عليكي يا ليلة
ليلة بضحك من كلامه : ما بتعرفش تتكلم كلمتين جد ابدا
مصطفى وهو يمسح دموعها : استني اتفضلي يا ستي ايفون 11 برو ماكس بمناسبة عيد ميلادك وخدي الورد بيقولوا لزوم الرومانسيه وكده
مصطفى وهو يركز علي قدميه ويفتح العلبه ليظهر خاتم من الالماظ : تقبلي تتجوزيني
ليلة : اومال ايه اللي كان امبارح ده
مصطفى : اللي كان امبارح ده كان تمثيلية وخلي بالك انا اكتر واحد كنت عاوزه يبقي حقيقي علشان انا بحبك يا ليلة بحبك يا مجنونة
ليلة بفرحة : وانا كمان بحبك يا أبيه مصطفى قصدي يا مصطفى
مصطفى : خدي الخاتم بقي مش هفضل راكز علي الارض كده كتير
ليلة بضحك : طب ما انت طلعت رومانسي اهو
مصطفى بغمزة : رومانسي بس اللي يقدر
لتعلوا صيحات الموسيقي مرة أخرى ليمسك مصطفى الميكروفون ويكمل الغناء: يانور جديد في يوم سعيد
ده عيد ميلادك احلى عيد يوم ما اتولدتي البدر قال يا حسنها
قلبي انا وهي ينور مطرحي والشمس مالت م الخجل في برجهااحلفي يا دنيا بنورها غني وافرحي الطير صبح سبح بقدرة ربناومن الفرح غنى وقال يا سعدناالورد فتح يا عيد ميلادي ع الحسن صبح يا عيد ميلادي
ليكمل اغنيه أخري :👀😻 Happy birthday to you
Happy birthday to you Lila♥️ Happy birthday to you 💞✨
لينتهي من الغناء تحت بكاء ليلة وتأثر كل الموجودين
ليلة بفرحة : ده احسن يوم في عمري وحياتي كلها وصوتك طلع حلو يا مصطفى
مصطفى بفرحة : انا فرحان أن هو عجبك يا حبيبتي انتي مش عارفه انا بحبك من امتي انا بحبك من اول يوم جيتي عندنا فيه
ليلة بعشق : وانا كمان يا حبيبي بحبك اوي
مصطفى : قوليها تاني كده ما سمعتش وسأل الموجودين حد سمع حاجة ليردف الجميع بالنفي
مصطفى : شوفتي ما سمعوش عيدي الكلام ده تاني
ليلة بفرحة وخجل : بحبك يا مصطفى
ليمسكها مصطفى ويلف بها فهي حبيبته الأولي والأخيرة واخيرا اجتمعت الأحبة بعد مشقة وعناء
كريمة : وفيه كمان مفاجأة تانية
ليلة باستغراب : ايه هي ؟؟!
كريمة : محمد ما ماتش باباكي عايش وكان عارف بحكايتك انتي ومصطفى فعمل كده
ليردف الجميع بصدمه : ايه
ليدخل محمد والد ليلة ويحتضنها وهو يقول لها : كل سنة وانتي طيبة يا حبيبتي
لتبكي ليلة بتأثر وهي تقول : ينفع كده يا بابا
محمد : انا اسف يا حبيبتي بس كان لازم اعمل كده علشان تاخدوا خطوة في موضوعكم ولا ايه يا مصطفى
مصطفى بضحك : ده انت اللي عملت مفاجأة مش انا يا خالو
لتقترب منه حميدة : انا فرحانة اوي انك عايش يا اخويا
محمد بفرحة : حميدة وحشتيني اوي أي يا اختي
لتقترب منه مي : ازيك يا خالو
محمد : والله وكبرتي يا مي هاتي حضن يا حبيبتي
ليلة ببكاء : النهاردة فعلا اسعد يوم في حياتي
ليحتضنها الجميع
وهكذا عاد شمل العائلة مرة أخرى
تمت ……..
