خيار اجباري

رحمه قالت بغضب شديد…. حسن رجله راحت بسببي.. وبذنب ما عملهوش..انت عارف ان عمي وجدي ليهم اعداء بالهبل…. وانا سمعت اللي خطفوني قالو انهم عملو كده علشان الصفقه حسن جيه وخاطر بحياته وكان* * علشان يطلعني..تقوم انت تيجي وتضرب عليه نار وتتهمه انو هو اللي كان خاطـ,ـفني وتضيع رجله وهو في عز شبابه

شهاب قال بغـ,ـضب شديد… انت ليه مش عايزه تفهمي… دي كلها خطه منه هو قاصد يخليكي تسمعي كده …طيب هاخدك على قد عقلك لو حسن فعلا مش هو اللي خاطفك معقوله يقدر يدخل من الحرس دول كلهم ويفكك بسهوله كده… دي نمره عملها علشان يبقى البطل في عيونك

رحمه ضحكت بسخريه وقالت …في حد يخاطر بحياته بالطريقه دي عشان يبقى بطل…طب ما انت جيت وراه علشان تطلعني ودخلت عادي

شهاب اتنهد وقال …انا دخلت علشان هو امن المكان اللي الاول وما كانوش يقدرو يمنعوني عشان ما يتكشفوش وبعدين انا حتى لو كنت ** كنت هاجي علشانك يا رحمه ..وانتي عارفه الكلام ده كويس ومش اول مره كنت اقف معاكي في وش الخطر

رحمه اتوترت من كلامه لثواني بس قالت بضيق .. مش هصدقك..و لو سمحت عايزه اغير هدومي تعبـ,ـانه وعايز انام

شهاب بصلها بعدم فهم وقال ….طب ما تغيري

رحمه بصت له بدهشه وقالت …هو ايه اللي ما اغير ..اغير ازاي وانت زي الشحـ,ـط واقف قدامي

شهاب ضحك جامد وقلع قميصه وقال… كده اهو زي ما انا بغير قدامك وانتي موزه قدامي

رحمه بصتلو بغـ,ـضب من وقاحته وقالت ….بطل وقاحه و اتفضل بقى اطلع خليني اغير

شهاب ابتسم وقال….غيري في الحمام
ونام على السـ,ـرير وقال…. في فيلم جنان دلوقتي هيبدا هسمعه

رحمه اتنهدت بغيظ واخدت الهدوم بتاعتها وراحت على الحمام

شهاب وقف عند التلفزيون وابتسم بخبث وعد لحد ثلاثه وقال بزعيق وصوت عالي…. اااااااه الحقينييييي يا رحمه الحقوني

رحمه شهقت بخـ,ـضه وشـ,ـدت الفوطه لفيتها عليها بسرعه وطلعت جري وقالت برعب..في ايه مالك ايه اللي حصل

شهاب بلع ريقه وهو بيبص لها من فوق لتحت وقال …اتكهربت اتكهربت في التلفزيون

رحمه مسكه ايده وقالت بخـ,ـوف…يا خبر طب نتصل بدكتور ولا ايه

شهاب شدها عليه بقوه وحط راسه في حـ,ـضنها وقال…. لا بس احضـ,ـنيني خمس دقائق حاسس برعشه في جـ,ـسمي…. اه يانا يا قلبي…. فين ده كله كان مستخبي

رحمه ابتسمت وعضت على شفتها بكسوف ودفعته وبصيت له وقالت…. بالذمه ايه اتكـ,ـهربت مش كده

شهاب ابتسم لما عرف انها فهمتو وقال ….اتكهربت بجد انتي مش مصدقاني ولا ايه

رحمه ابتسمت ابتسامه جانبيه وقالت ….اه مش مصدقاك.. بطل وقاحه بقى…. مش عيب عليك لما تخـ,ـضني وتخليني اطلع بالمنظر ده

شهاب قرب منها وقال …تفتكري ليه اتخضيتي عليا لدرجه انك تطلعي كده… هو لو كان حسن اللي نادى لك كنتي هتطلعي بالشكل ده

رحمه بلعت ريقها بارتباك وقالت….. انا كنت مخضوضه اصلا ما فكرتش في كده ويمكن لو اتخضيت زي كده كنت برده هطلع..سواء انت او حسن ما تفرقوش عن بعض بالعكس هو يهمني اكتر منك

ولسه هتمشي شـ,ـدها عليه بقوه وحاوط وسطها بايده وقال …ارفعي عيونك وانتي بتقوليلي الكلام ده… بص لعيوني وقوليلي اني ما اهمكيش و اني ما فرقش معاكي

رحمه بصت لعيونه لثواني وبقت دمـ,ـعها تنزل غصب عنها ضرـ,ـبته في صدره بايدها وقالت ببكا….انت عايز مني ايه…ليه بتعمل كده…. انا كنت بحبك بس دلوقتي مستحيل بعد اللي حصل انت طلعت انسان قاسي وبمنتهى السهوله ممكن تعمل اي حاجه…اللي يخليك تضرب على ابن عمك اللي متربي معانا كانه اخونا ….يخليك تاذي اي حد حتى انا

شهاب ابتسم وسند جبينه على جبينها وقال بهمس قدام شفايفها… انا ممكن اضـ,ـرب على نفسي عادي… بس مستحيل اذيكي…ولا ممكن افكر في اللي انتي بتقوليه ده…. انا بعشقك من طفولتنا ما قدرتش استحمل انك تتخطفي كده سامحيني ما كانش صح احطك في موقف زي ده ولا اخليكي تشوفي منظر زي ده بس ما كنتش بفكر في حاجه ما كنتش بفكر غير انك كنتي ممكن تروحي مني
بقلم….زهرة الربيع
رحمه فتحت عيونها وبصت لعيونه اللي كانوا بيلمعوا بعشق وصدق
شهاب مرر عيونه على ملامحها اللي بيعشقها واتوقف عند شفايفها و قرب وبقى يبـ,ـوسها بقوه وحس باجمل شعور في الدنيا لانها مش بتمنعه ومغمضه عينيها باستسلام شديد بين ايديه

بعد عنها علشان يتنفسوا وكانت لسه مغمضه عيونها
ابتسم ابتسامه رضا وهمس بسعاده… لسه بتحبيني لسه عايزاني غرقانه في حبي وما لقيتيش اللي طلعك منو

رحمه فتحت عنبها وبصتلو بتوتر و جريت بكسوف شديد دخلت الحمام وقفلت الباب وهي وبتلعن نفسها 1000 مره

شهاب اترمي على السرير بسعاده وهو مبسوط باللحظه دي جدا وفضل مستنيها تخرج

بعد شويه خـ,ـرجت وهي مش قادره تبص بقت تحط مفرش على صوفه صغيره في الاوـ,ـضه و تحط عليها مخده

شهاب ابتسم وقال ….بتعملي ايه انا مستحيل اسيبك تنامي على الكنبه

رحمه قالت بابتسامه… لا دي مش علشاني دي علشانك انت انا هنام على السـ,ـرير اللي عندك اتفضل قوم

شهاب اتسعه عينيه بدهشه وقال….يا سلام وكمان واثقه من نفسك…..بلاش هبل و تعالي ننـ,ـام عليه سوا هو واسع اصلا

رحمه اتنهدت وبصت له وقالت بجديه….. اسمع يا شهاب انا لحد دلوقتي مش قادره اتخيل ان اللي حصل بينا ده جواز وانت عمال تتعدى حدودك معايا …وده غلط خليك بعيد عني وتعالى نام على الكنـ,ـبه من سكات

شهاب ابتسم وهو وقف وقرب منها بس شهقت بزهول وووو

#خيار_اجباري_4
شهقت بزهول لما شالها وراح بيها ناحيه السرير وهي بتضربه وبتحاول تفلت من بين ايديه

شهاب نيمها على السرير وشدها عليه بقوه وحط رجله عليها علشان يثبتها وقال…. اهدي خليكي كده في حـ,ـضني مش هعمل لك حاجه

رحمه قالت بغضب ….سيبني يا شهاب انت اتجننت ابعد

شهاب ابتسم وقال ….تعرفي انا كم مره اتجوزتك

رحمه عقدت حواجبها باستغراب وهي مش فاهمه بيقول ايه وهو ابتسم وقال بهمس….كل ليله كنت بتجوزك في احلامي ..يعني علشان ابقى صريح معاكي كنت بحلم باللي بعد الفرح

رحمه قالت بغيظ شديد… بطل سـ,ـفاله وسيبني يا شهاب احسنلك

شهاب ضحك بخفه وقال… تعرفي كنتي بتلبسي ايه

رحمه قالت بضيق شديد…. اللهم طولك يا روح
قال بسرعه… يا رب …يطول روحك ويطولي عمرك وتفضلي في حـ,ـضني كده كمان 100سنه لقدام

رحمه ابتسمت بخفه على كلامه بس محتها بسرعه وقالت طيب خلصت جنانك سيبني بقى

شهاب قال بسرعه ….ما ينفعش والله مش هعرف انام على الكنبه اصل انا عندي وجع في جنبي مش هقدر على نومة الكنب

رحمه قالت بضيق ….يا سلام وجالك امتى ده بقى

شهاب قال بسرعه ….بعد ما سبتيني على طول….جاني وجع في جنبي.. وجرح في قلبي …واكتـ,ـئاب من كتر ما بخبي

رحمه ابتسمت على جنانه وقالت ….خلاص طب ابعد وانا هروح انام على الكنبه

شهاب شدها لحـ,ـضنه جامد وقال… انتي هتنامي هنا في حـ,ـضني عشان خاطري وحـ,ـشاني قوي والله بس الليله دي

رحمه لسه هتتكلم باسها من شفايفها بسرعه وقال.. اي كلمه منك بواحده من دي وبراحتك بقى
رحمه اندهشت من حركاته..و غمـ,ـضت عنيها بسرعه وحاولت تنام من غير اي محاوله

شهاب ضحك بخفه وفضل حاضنها بارتياح لحد ما راح في النوم

في صباح يوم جديد كانوا قاعدين سوا على البحر وبتكلموا كانت رحمه بتضحك من قلبها على كلامه وحركاته…اللي بجد رغم كل ده وحشينها جدا

شهاب كان مبسوط جدا بضحكتها وبيحكي لها عن مواقف حصلت معاه وقال…. وهم قاعدين في السهره وقامت الشرطه طبت على المكان قام شد نظاره ليليه بتاعة واحد صاحبه ولبسها ومسك في الضابط وقال ….معلش يا ابني تعديني الشارع انا مش عارف انا فين

الضابط جابه من قفاه وقال …خد الحاج يا ابني على البوكس واهو نكسب فيه ثواب

رحمه ضحكت جامد وقالت…. والله صاحبك حسام ده مسخره كان يمـ,ـوتنا ضحك لما يجي ..هو اللي حكى لك الحكايه دي

شهاب قال بضحك…. لا ما انا كنت معاهم كنت جوه مع كاميليا وبعد كد…..

بس قطع كلامه لما خد باله من جملته وهي قلعت نظاره الشمس بتاعتها وبصيت له باهتمام وقالت…نعم كنت مع كاميليا …كنت مع كاميليا فين كنت معاها في الشقه
بقلم….زهرة الربيع
شهاب قال بارتباك ….احم.. انا ما قلتش كده انا بقول يعني كنت مع كاميليا في الشغل وهو اتصل عليا عشان اروح لهم

رحمه قالت بغضب… انت كـ,ـذاب… هو انت لسه بتقابل كاميليا