دارين…وانا يارعد
رعد حض،نها بطريقة مش حلوة وقال…انتي في قلبي يادودو
دارين زقته وقالت…بس انت اتجوزت
رعد قرب منها وقال…خلينا دلوقتي رايقين وهحكيلك بعدين الكلام دا
دارين بدلع…اذا كان كدا ماشي
رعد قرب من شفا*يفها وقبلها…
» انت تريد هذه الحياه ف انت الذي قومت باختيار نهايتك«
༺༺༺༺༺༻༻༻༻༻
في بيت مدحت…
يمان رجع البيت وقابل مدحت…
مدحت…فين البت موج
يمان…مشيت
مدحت بغضب…يعني ايه مشيت
وهيبه خرجت…اه مشيت
مدحت…دي بنت اخوياااا ازاي تمشييي من غير اذني
يمان بغضب…وكنت عملتلها ايه حلو انت ولا اخوك هاااا
مدحت بغضب…انت هتعلي صوتك على ابوووك
وهيبه بعصبيه…رعد اتجوزها خلاااص
مدحت اتصدم وبلع ريقه ووهيبه ضحكت بسخريه عليه ومشيت وسابته ويمان بصلوا بكره وطلع اوضته…
༺༺༺༺༺༻༻༻༻༻
عند موج…
سمعت اذان المغرب قامت تتوضى وتصلي…
موج وهي بتدعي…يارب انصرني وخليك جنبي يارب انا مافيش حد جنبي غيرك ماليش حد كله بيعاملني على اني وباء وبيبعدوا عني كله بيأذيني كله بيهني خدلي حقي منهم يارب حسبي الله ونعم الوكيل
قامت شافت فونها بيرن ف ردت..
موج…الو ياغادة عامله ايه
غادة…الحمدلله ياقلبي بقالك يومين مش بتيجي الجامعة ليه
موج…عشان انا اتجوزت انهاردة
غادة بصدمه…ايه انتي بتقولي ايه
موج…تعالي عندي وانا هفهمك هبعتلك اللوكيشن
غادة…طيب هخلص شوية حاجات وهجيلك على طول
قفلت معاها وفضلت قاعده تلف في الاوضة بملل…
خرجت ونزلت تحت شافت الخدامه…
هنادي…عاوزه حاجه ياهانم
موج برقه…موج اسمي موج بس
هنادي بأبتسامه…ماشي عاشت الاسامي ياست البنات انا هنادي
موج بأبتسامه…اسمك جميل انتي كنتي ماشيه
هنادي…تسلمي اه بخلص شغل دلوقتي وبرجع البيت
موج…طيب ياحبيبتي روحي انتي قبل ما الوقت يتأخر
هنادي…عاوزه حاجه اعملهالك قبل ما امشي
موج…لا تسلمي بس هي دادة انعام فين
هنادي…تلاقيها بترتاح في اوضتها
موج…طيب ياحبيبتي تسلمي
مشيت هنادي وموج فضلت تتمشى في الفيلا…
فجأة النور قطع وهي خافت…
موج بصوت واطي وخوف…دا وقته ياربي النور يقطع انا بخاف من الضلمه وفوني فوق
عدا عشر دقايق ولسه النور مطفي ومحدش خرج من اوضته لحد دلوقتي…
فجأة سمعت صوت حاجه بتعمل صوت بصت وراها شافت كائن كبير وشكله يخوف…
موج بصراخ…لاااااااااا
فجأة الباب اتفتح وهي جريت كان رعد حضنته بقوة وهي بتحاول تطلع فوقه ف هو شالها..
رعد…في ايه خايفة ليه
موج برعب…انا بخاف من الضلمه وببص ورايا لقيت الكائن دا
النور جه وانعام نزلت من فوق…
شافت موج وهي حاطه راسها في رقبة رعد وهو شايلها…
انعام بأستغراب…هو حصل ايه وبرق بيعمل ايه برا
موج لفت وشها وبتبص لتحت شافت نمر قاعد تحت رجل رعد…
موج بصراااخ….لاااااااا رعد اللحقنيييي ابو،س ايدك ابعدو
رعد حضنها بقوة…اهدي اهدي مش هيعملك حاجه طول ما انتي معايا اهدي دادة انعام نادي على حارس برق
انعام…حاضر يابني هندهلوا اهو
الحارس جه وخد برق ومشي ورعد قعد على الكنبه وموج لسه في حضنه…
بعد شوية هديت من رعبها…
رعد…هديتي
موج هزت راسها…
رعد فضل يحرك ايدو على شعرها ودادة انعام فتحت الباب لغادة…
غادة بصدمه…موووج؟!!!
موج فاقت من الي كانت في وقامت بسرعه…غادة انتي جيتي امتى
غادة بصدمه…لسه جاية مين دا ياموج
موج بتوتر…دا دا رعد زوجي
غادة بصدمه…هو دا
رعد ببرود…انا طالع
وطلع وسابهم…
موج…ايوه هو دا حظي الاسود
غادة بسخريه…حظك اسود ايه انتي كنتي قاعده على رجلوا وفي حضنه
موج…استنى هفهمك
وحكت لها كل حاجه…
غادة حضنتها…معلش ياحبيبتي بكره ان شاءلله ربنا يسعدك وكل حاجه تتعدل
موج…يارب ياحبيبتي
عدا ساعه وهما قاعدين مع بعض وبعدين غادة استأذنت ومشيت…
موج طلعت فوق وقابلت انعام…دادة ممكن سؤال
انعام…نعم ياحبيبتي
موج…فين اوضة رعد
انعام بأستغراب…هو انتي مش قاعده فيها
موج بحرج…لا
انعام…طيب هي الي في الوش دي
