معشوقه الاسر

*روايــه/معـشوقه الاسـر🩷🌸* الحلقه الاول ‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏ كانت واقفه بقميص نومها الابيض باصه قدامها بصدمه .. ملامحها جامدة و مش مفهومه .. أزاي ! ازاي كل حاجة تتغير مرة واحدة كده .. ازاي اليوم الجميل ده في آخره اتقلب كده و بقي أسوأ موقف ممكن يمر بيه اي حد .. يارا بنت جميلة اوي عندها ٢٢ سنه والنهارده فرحها علي حب عمرها احمد .. ....فاقت من صدمتها علي أحمد و هو بيشـ,ـدها .. احمد بزعيق / يلا اطلعي برا .. صحيح انا اتغشيت فيكي بس لازم تعرفي ان مش انا اللي يضحك عليا يا بت فاهمه .. يلا امشي لأهلك.. .....يارا فضلت تهز رأسها بعنف / لا لا مش همشي .. انا مش هعمل كده ف أهلي و ارجعلهم ليلة فرحي .. ....احمد شدها بقوة / انا بقولك امشي مش عايزك ولا طايقك .. .....يارا مسـ,ـكت ف الباب/ ابوس ايدك يا احمد بلاش فضايح .. الناس هتقول عليا ايه .. أنا مش همشي مهما حصل .. ....احمد بصلها بقرف / صحيح معندكيش كرامه .. بس برضه مش هتقعدي هنا .. أنا مليش ذنب اشوف وشك في الرايحه و الجايه . .....احمد شدها من شعرها و فضل ينزلها السلم بكل برود وهي بتعيط و بتصرخ و بتترجاه ميفضحهاش .. يارا / طيب اديني فرصه بس استر نفسي .. احمد بزعيق / انتي اللي زيك ملهاش ستره .. اللي تلبس واحد في مصيبه زي دي تبقى ما تسـ,ـتاهلش اي حاجه .. يارا / احمد عشان خاـ,ـطري طب احط حاجه عليا بس .. .....احمد / ابدا والله ما يحصل انا هنزلك زي ما انتي كده عشان افضحك واخلي سيرتك على كل لسان واللي ما يشتري يتفرج عليكي .. ....نزل لشقه امه اللي كانت تحت شقته و خبط علي الباب جامد .. شوية وامه فتحت و هي مفزوعه .. .....احمد/ يا امي خدي البت دي وخليها معاكي انا مش عايزها .. .....والده احمد ( نجيه ) / في ايه يا احمد حصل ايه يا ابني .. احمد / البنت دي كذابه هي واهلها وخـ,ـدعوني بس علي مين .. كنتوا فاكرين انكوا دبستوني صح .. يارا كانت منهارة و بتعـ,ـيط بهـ,ـستريا و جسـ,ـمها بيترعش .. و نجيه مكنتش فاهمه خالص بصت ل يارا وقالت . نجيه / حصل ايه يا يارا يا حبيبتي انتوا اتخانقتوا ولا ايه هو انتوا لحقتوا . احمد / ياريتها خناقه الهانم كانت فكراني عيل صغير هتضحك عليه بكلمتين و هيصدقها .. انا طردتها وهي معندهاش دم ولا كرامه و مصممه تقعد ف خليها عندك وانا شهر بالكتير و هـ,ـطلقها .. يارا اول ما سمعت الكلام ده انهارت اكتر وجسمها ارتعش اكتر .. نجيه صعب عليها منظرها ف خدتها ف حضـ,ـنها .. نجيه / اسكت خالص دلوقتي واتفضل اقعد عشان اشوف في ايه وإياك اسمع صوتك لحد ما اخـ,ـرج من الاوضـ,ـه ... نجيه اخدت يارا و دخلتها اوضتها .. نجيه نيمتها علي السرير / نامي يا قلبي و ارتاحي .. حضنتها وفضلت تطبطب عليها لحد ما يارا غمضت عينها وراحت في النوم شويه و غطيتها وخرجت بره الاوضـ,ـه لقيت احمد قاعد بيدخن وهو مـ,ـتوتر وعـ,ـصبي .. نجيه / انا ممكن اعرف انت ايه اللي انت عملته ده .. في ايه لكل المشـ,ـكلة دي .. احمد حكالها اللي حصل .. ....نجية / يا يا ابني انا مش قادره افهم ولا استوعب ان كل اللي انت عامله ده بسبب الموضوع البسيط ده .. ده انا نفسي واقفه قدامها اهو وملاحظتش خالص .. ....احمد / بس انا بقى يهمني يا امي .. مش انا اللي ينضحك عليا ومن واحده زي دي .. ....نجيه بعدم تصديق / انا مش مصدقه ان انت ابني اللي كبرته وربيته .. انت امتى بقيت اناني كده امتى بقيت قاسي وقلبك حجر بالشكل ده ربنا يسامحك يا ابني على اللي عملته في البنت دي .. وبعدين عايز توديها لاهلها دلوقتي انت مش عارف انهم ناس كبار ممكن يجرالهم حاجه اما يشوفوا بنتهم داخله عليهم ليله دخلتها .. ....احمد / ميهمنيش ما هما اكيد عارفين ومشاركينها كمان وتلاقي امها اللي قالتلها ما متقوليلوش .. طبعا هتلاقي فين واحد زيي وهما اصلا عالم شحاته مش لاقيه تاكل .. ....نجية / وطالما ده رايك فيها اتجوزتها لي مش هي دي اللي انت كنت هتـ,ـمـ,ـوت وهتتجنن عليها في فتره الخطوبه .. مش هي دي اللي كنت بتقعد تتباهي بيها وباخلاقها وجمالها وكل خروجة تاخدها معاك .. دلوقتي كل ده راح فين .. ..... احمد / مكنتش اعرف انها هتستغفلني وتفتكرني عيل برياله عموما هي عندك خليها انا مش طايقها ومش عايزها وزي ما قلت شهر وهطلقها .. ....احمد ساب والدته مصـ,ـدومه من كلامه و طلع لشقته .. مكنتش مصدقه انها ربت بني آدم سطحي و جاهل بالشكل ده بالرغم انه في منـ,ـصب مهم و محترم اوي .. اما في الاوضه كانت يارا مفتحه عينيها وسامعه الكلام ده وهي بتعيط بس كانت بتصبر نفسها ان احمد متعـ,ـصب شويه عشان اتفاجيء وشوية و هيتفهم الموقف و يجي يصالحها .. افتكرت قد ايه كان حنين ولطيف معاها ايام الخطوبه .. فلاش .. كانت قاعده مع اهلها في شقتهم البسيطه في الصاله واحمد وامه واخواته قاعدين .. ...نجيه/ احنا طبعا جايين على سمعتكم الطيبه وطالبين بنتكم يارا لابني احمد .. .... والده يارا بتعـ,ـب / ده احنا يشرفنا يا ست ام احمد ده انتي مجيتك هنا على عيني وعلى راسي ربنا يعلم انا بحبك ازاي .. ...نجيه / وانا كمان بحبك والله وطول عمري اقول ان يارا احسن عروسه لاحمد ابني .. ايهاب اخو يارا / وانت بقي يا احمد عندك كام سنه .. احمد بابتسامه / انا عندي ٢٥ سنه .. سلوي مرات إيهاب بضيق / ايه 25 سنه انت عايز تفهمني انك في المنصب الكبير ده و حالتك المادية كويسه زي ما سمعنا وعندك 25 سنه بس .. نجيه غيرت الموضوع / انا بقول نقعد كلنا في حته تانيه ونسيب العرسان يتكلموا .. الكل قام ويارا كانت قاعده متـ,ـوتره اوي وبصه في الارض .. احمد / ما تبصيلي خلينا نتكلم .. مالك متوترة كده انا مش هاكلك علي فكرة .. يارا بصتله بحرج / طيب في حاجه معينه حابب تعرفها عني . احمد ابتسم / بصراحه لا انا تقريبا عارف عنك كل حاجه و واثق انك انتي البنت اللي هكون مبسوط و مرتاح معاها .. انتي بقي عايزة تعرفي حاجه عني . يارا / بصراحه ايوه هو انت بتصلي .. احمد / يعني اوقات واوقات بصلي اه لكن بقطع والبركه فيكي بقى تفضلي ورايا لحد ما اواظب وابقى ملتزم .. يارا / يعني انت حابب تبقى ملتزم .. احمد / ايوه طبعا بس انا عايز اسالك سؤال .. هو انتي لبسـ,ـك كله واسع كده .. يارا / ايوه انا بصراحه مش بحب البس حاجه ضيقه او ملفته بحب البس لبس واسع وفضفاض وكمان عشان هو ده اللي ربنا امرنا بيه .. احمد / اممم طيب ايه رايك لو نتخطب فتره نتعرف على بعض اكتر ولو استريحنا نكتب الكتاب ونتجوز على طول .. يارا / هصلي اسـ,ـتخاره وابلغك ردي مع بابا .. خلص اليوم ويارا قامت تصلي وتدعي ربنا لو احمد فيه الخير يقربه ليها فات كذا يوم وهي لسه محتاره لحد ما في يوم اتفاجئت برساله على تليفونها برقم غريب لما فتحتها وبصت على الصوره اتاكدت انه احمد .. مردتش عليه وسابت التليفون شوية ولقيت التليفون بيرن ردت . يارا / الو .. احمد بضيق / معقوله كل ده موصلتيش للقرار . يارا / احم .. مش عارفه بس بصراحه بس انت بيهمك المظاهر اوي وانا مش بحب كده ولا بعرف اتعامل مع الناس علي اساس شكلها .. احمد / انا بيهمني المظاهر علشان انا في مكان حساس انا بشتغل مدير في وزاره السياحه .. طبيعي طبعا اهتم بالمظهر ولبسي وشكلي علشان انا واجهه للمكان اللي انا فيه .. انما مش معنى كده اني بقيم الناس على حسب شكلها ... يارا / بس اللي سمعته عنك كان غير كده خالص .. احمد / مش المفروض انك تحكمي عليا بالسمع .. الناس كلامهم كتير و ٩٠ في الميه بيكون غلط .. ف بلاش تفكري كده واديني فرصه .. جربي الاول يمكن اطلع كويس ونتفاهم . يارا بارتياح / هرد عليك بكره .. قفلت معاه المكالمه و كلمت صحبتها نوران حكتلها اللي حصل .. نوران / بصي هو السرعه و الالحاح ده مش مطمني .. حاسه كده انه مش مريح .. يارا بضيق / ليه بتقولي كده ده شكله لطيف ومحترم اوي عموما انا قررت اديله فرصه .. نوران / براحتك انا مش بهاجمه انا بس بقولك اللي حاسه عشان خايفه عليكي .. يارا بلامبالاه / طيب طيب سلام .. يارا طنشت كلام نوران وتحذيرها و قررت انها تديله فرصه .. وبعد اسبوعين كانوا قاعدين في البيت بيقرأوا الفاتحه وبيلبسوا الشبكه .. احمد طلع من جيبه علبه فيها خاتم شيك اوي اوي الكل اول ما شافوه انبهروا بيه .. يارا / بس ده شكله غالي اوي يا احمد .. احمد / الغالي للغالي يا يارا وبعدين الشبكه برده من قيمه العريس وانا قيمتي كبيره زي ما انتي عارفه .. يارا ابتسمت / ايوه طبعا عارفه ... شكرا اوي .. احمد / العفو يا ستي .. بقولك ايه هو البنت صحبتك دي مالها عاملة كده .. يارا / قصدك نوران .. دي صحبتي من زمان و فرحنالي والله بس هي خايفه عليا عشان كل حاجة جت بسرعه . احمد / خايفه عليكي ليه يعني وانا هاكلك وعموما ابعدي عنها انا حاسس انها مش كويسه وبتكرهلك الخير .. يارا / لا خالص دي طيبه اوي والله بس .. احمد / مبستش .. لو سمحتي ابعدي عنها واقطعي علاقتك بيها وكفايه انها جت في الخطوبه اهي .. متعزميهاش بقى في فرحنا .. يارا بهدوء / حاضر اللي تشوفه .. كان كل اللي موجودين فرحانين اوي الا سلوى مرات اخوها .. كانت بصلها ومضيقه اوي و بتغلي من جواها .. سلوى / بقى انتي يا بت يجيلك واحد وسيم ومرتاح اوي كده .. أنا مش عارفه ايه الناس اللي عندها كل حاجة دي .. يعني شكلك حلو و اي حد بيشوفك بيتجنن عليكي و متعلمه كويس و كمان هتتجوزي الجوازة دي .. صحيح الدنيا حظوظ .. جه إيهاب قعد جنبها وهو مبسوط اوي .. كان باين عليه انه بيحب اخته و فرحان ليها .. سلوى / انا مش عارفه انتم كلكم مالكم فرحانين كده ليه .. ايهاب بصلها باستغراب / ومنفرحش ليه اختي الوحيده وربنا رزقها براجل محترم زي ده .. انا اللي مش عارف انتي متضايقه ليه . سلوي / لا مش مضايقه بس اختك من ساعه ما جالها خطيبها ده وهي بقيه حاطه مناخيرها فوق .. ده حتي مبقتش ترد علي اختي اسماء ايهاب / ياريت تصفي قلبك ونيتك انتي واختك يا سلوى علشان ربنا يكرمك ويكرمها .. اختي تعبت كتير و شقيت كتير و بتخدم ابويا وامي من وهي عندها ١٦ سنه .. ف ربنا بيجازيها خير علي ده .. ايهاب ساب مراته وقام قعد مع أهله .. مكنتش بتحب سلوي ابدا و لا بتحب تشوفها فرحانه و سعيده .. فضلت مضايقه من جواها و هتنفجر من الغيـ,ـظ .. تاني يوم كانت قاعده في البيت جنب امها .. يارا / ها يا ماما اجبلك تاكلي كمان . والدتها بتعب / لا يا حبيبتي انا خلاص شبعت .. ربنا يكرمك يارب و يريح قلبك .. يارا ابتسمت / انا هروح لبابا عشان معاد الدوا بتاعه . يارا راحت لاوضه والدها ودخلت عليه .. يارا / بابا حبيبي يلا عشان ميعاد الدوا بتـ,ـاعك جه .. والد يارا / ماشي يا حبيبتي .. يارا هو انا ممكن اطلب منك طلب ... يارا ابتسمت / انت تؤمر مش تطلب بس قولي نفسك في ايه .. والد يارا / انا نفسي اكل مسقعه اوي ... يارا / عينيا يا حبيبي هخش اعملهالك دلوقتي والحمد لله كل مكوناتها موجوده .. يارا قامت راحت المطبخ و بدأت تطبخ لابوها .. شوية وامها نادت عليها .. يارا راحتلها / ايوا يا ماما . والدة يارا / انا حاسه اني تعبانه اوي يا بنتي مش قادره اخد نفسي .. يارا بخضه / مالك بس يا ماما اهدي كده اهدي .. طب اعمل ايه اجيبلك الدكتور .. والده يارا / ايوه اتصلي بالدكتور انا حاسه ان انا تعبانه .. يارا جريت بسرعه ومسكت التليفون بدمـ,ـوع واتصلت بالدكتور وقالتله يجي بسرعه .. فضلت قاعده جنب امها وهي ماسكه نفسها عشان متعيطش قدام امها ... يارا / متخافيش يا ماما متخافيش يا حبيبتي انتي هتبقي كويسه .. الدكتور جه وسط قلق يارا واخوها اللي جه بسرعه اول ما كلمته .. ايهاب / خير يا دكتور .. امي مالها .. الدكتور/ متقلوقش يا جماعه .. هي بس تمشي علي الادويه و هتبقي كويسه .. الدكتور مشي واخوها نزل عشان يجيب الدوا .. يارا قعدت علي الكنبة وهي منهارة .. كانت خـ,ـايفه علي امها اوي لان اهلها هما نقطه ضعفها الوحيده .. شوية و جه اخوها من برا لقاها قاعده و بتعـ,ـيط قعد جنبها و طبطب عليها .. يارا بدموع / انا خوفت على ماما اوي يا ايهاب .. هي ممكن يحصلها حاجه ! ايهاب / متخافيش يا حبيبتي ماما هتبقى كويسه انا بس عايزك تجمدي كده يا يارا ... وبعدين يا بنتي انت بقالك سنين معاهم المفروض خلاص كسبتي مناعه بقى من المواقف دي . يارا / لو كنت شوفت شكل ماما كنت فهمت قصدي دي كانت تعبانه جدا .. الحمد لله انها بقيت كويسه .. جت مرات اخوها .. سلوى / ايهاب انت قاعد هنا وسايب طنط مستنيه الدوا .. يارا مسحت دموعها / هاتوا يا ايهاب انا هخش اديهولها .. ايهاب / لا خليكي انتي يا حبيبتي انا هروح اديلها الدوا واطمن عليها .. قام ايهاب اخذ الدوا علشان يديه لامه .. سلوى قعدت وقالت / بس غـ,ـريبه خطيبك ده من ساعه ما اتخطبته يعني ما خرجكـ,ـيش ولا مره .. هو بخيل ولا ايه .. يارا / لا خالص هو عرض عليا بس انا قولتله يستني شوية .. اكون اتعرفت عليه و كده .. سلوي / امممم بس حاسه كده انه مش بيكلمك ولا مهتم بيكي .. يارا لسه هترد تليفونها رن وكان احمد .. يارا ابتسمت / شوفتي اديكي بتتكلمي وهو بيتصل بالصدفه اهو انا هخش اوضتي ارد عليه البيت بيتك يا حبيبتي .. يارا سابتها هتمو*ت من الغيره و دخلت اوضتها و ردت .. احمد / ازيك يا حبيبتي .. يارا بكسوف / الحمد لله .. في حاجة ولا ايه .. احمد/ لا بطمن عليكي وكنت عايز اعزمك بكرا علي الغدا .. اي رأيك ؟ يارا / هستاذن بابا واقولك .. بس مش هينفع نتأخر عشان بابا وماما تعبانين زي ما انت عارف .. احمد / من عنيا يا قلبي .. يارا قفلت و استأذنت اهلها و وافقوا .. و تاني يوم كانت قاعده معاه في مطعم شيك اوي و فخم .. احمد/ ايه رايك في المكان .. يارا ابتسمت / شكله شيك وغالي اوي . احمد / المكان ده مش اي حد يدخله الناس اللي ليهم مركز هما بس اللي مسموح ليهم يبقوا هنا .. ....يارا ابتسامت و بداوا يتكلموا سوا .. كان بيتكلم معاها بكل ذوق و لطف و بيعاملها علي انها أميرة كانت حابه اسلوبه جدا لدرجة انها محستش بالوقت غير اما لقيت واحد صاحبه ومراته جايين عليهم .. حسام / احمد .. عامل ايه يا ابني . احمد قام من علي الكرسي / اهلا يا حسام .. انا زي الفل ايه اخبارك يا صحبي . حسام / ماشيه .. هي دي بقي خطيبتك . احمد ابتسم و عرفها عليهم و قعدوا معاهم و يارا اندمجت في الكلام مع سمر مرات حسام .. حسام قرب من احمد و همسله / يا ابن اللذينة وقعت علي القمر دي فين .. احمد / عيب عليك اخوك مبياخدش اي حاجة يعني .. حسام / واضح .. انت عارف انهم في الشغل دلوقتي مستنيني بعد ما امشي اكلمهم واحكيلهم ايه شكل البنت اللي انت خطبتها هيتجننوا لما يعرفوا انك عرفت تاخذ واحده قمر كده .. احمد / لا وكمان متعلمه وشاطره وبتعرف تطبخ ومحترمه .. ومكنتش مرتبطه قبل كده كمان .. يعني من الاخر اخوك نقى على الفرازه و فاز بالتورته كلها مش ناقص فيها حته .. حسام/ محظوظ من يومك .. المهم بقي تتمسك بيها وتعجل بالجواز بسرعه كده .. انت عارف البنات بقوا بيركزوا و ممكن تشوف اي عيب فيك و تفشكل الخطوبة ف خلص بسرعه .. احمد / هه مش انا اللي واحده تسيبني يا ابني .. خلاص انا حطتها في دماغي ومش هسيبها غير وهي مراتي .. يارا قالت بحرج / احمد بعد اذنك محتاجة اروح عشان بابا و ماما .. احمد / ماشي يلا ...احنا هنمشي بقي يا حسام و اشوفك بكرا ف الشغل .. مشيوا فعلا و يارا كانت مبسوطة اوي و حاسه ان احمد هيكون سندها وكل حاجة ليها في الدنيا .. كانوا ساكتين لحد ما احمد قطع الصمت ده .. احمد / اي رأيك ف صحبي و مراته .. يارا / بصراحه شكلهم محترمين و ذوق .. حتي مراته عزمتني علي حفلة عيد ميلاد بنتها الشهر الجاي واخدت رقمي كمان .. احمد / طيب كويس نبقي نروح .. احمد وصلها و روح بيته .. أما يارا طلعت لشـ,ـقتها وهي مبسـ,ـوطة اوي فات كذا يوم علي اليوم ده و كان احمد بيكلمها كتير في اليوم الواحد و يفضل يهزر معاها و يكلمها عن مستقبلهم . احمد / انتي عارفه ان انا قريب اوي هترقي . يارا / بجد .. الف مبروك ربنا يرزقك كمان و كمان . احمد / بعد الترقيه هسافر شهر ل اليونان .. اي رأيك نتجوز و نسافر سوا وكده كده انا هناك مش هروح الشـ,ـغل غير يومين بس في الأسبوع يعني ممكن نعمله شهر عسل مثلا .. يارا / ازاي بس احنا مبقلناش اسبوعين مخطوبين .. مش هينفع طبعا وانا كمان مش هكون جبت كل حاجتي .. احمد / يستي انا كده كده بيتي جاهز من كله .. لو عايزة بس تغيري اوضه النوم او السفرة او المطبخ نغيرهم .. يارا بعدم ارتياح / طيب أما تترقي نشوف .. يارا قفلت الكلام في الموضوع لأنها حست انه مستعجل اوي وده مطمنهاش خالص .. طول عمرها ماشيه بمبدأ في التأني السلامه وبتحب تفكر في كل حاجة وكل خطوة قبل ما تعملها .. لكن برضه احمد كان بيزن عليها جدا .. وفي يوم كان قاعد في بيته مضـ,ـايق و مخـ,ـنوق .. نجيه قعدت جنبه / مالك يا احمد .. مضـ,ـايق ليه . احمد / يا ماما يارا كل ما اقولها نخرج ولا نروح في حته ترفض و تقولي احنا لسه مخطوبين ومش هينفع ندخل و نخرج كتير .. نجيه بفرحه / طب ما ده شيء كويس يا احمد بالعكس ده يخليك تتمسك بيها اكتر ومتزعلش منها لان كده هي خـ,ـايفه على سمعتها عشان محدش يتكلم ولا يقول عليها اي حاجه .. احمد / انا مقولتش حاجه بس طب ما انا عرضت عليها نكتب الكتاب عشان نعرف ندخل ونخرج براحتنا رفضت وقالتلي لسه بدري وكانها مش واثقه فيا .. نجيه / طيب انا عايزاك بس تهدى ايه رايك بالليل نروح لابوها وامها ونتكلم معاهم وانا هقنعهم سيبلي الموضوع ده.. احمد / ياريت يا ماما علشان يارا دماغها ناشفه اوي واللي في دماغها ف دماغها وكمان كل لبـ,ـسها فساتين كده وواسعه اوي بتكبرها في السن يا ماما دي بتلبس نفس مقاسك تقريبا وهي ارفع منك بكتير ولما بقولها ليه بتقولي علشان فضفاض.. نجيه ضحكت / انا طول عمري اسمع ان الراجل هو اللي يغير على خطيبته ويفضل يتخانق معاها عشان تلبس واسع اول مره اشوف واحد عايز خطيبته تلبس لبس ضـ,ـيق .. احمد / لا انا مش عايزها تلبس ضيق انا عايزها تلبس معقول مببقاش واسع اوي ولا ضيق اوي انما هي عايشه و كأنها ست كبيره يا ماما و متنسيش ان شغلي بيحتاج مظاهر و هي هتبقي معايا في كل حته يعني لازم تلبس كويس .. نجيه / والله يا ابني البنت كده من الاول وانت المفروض عرفتها وقبلتها على كده جاي بقى متضايق لي دلوقتي وعموما زي ما قلتلك احنا نروح لاهلها ونتكلم معاهم ونقنعهم .. جه الليل وادهم ونجيه كانوا قاعدين في بيت يارا .. والد يارا / بس مش شايف ان بدري اوي على الموضوع ده يا ادهم يا ابني يعني انتوا بقالكم شهرين بس مخطوبين .. ادهم / وايه المشكله بس يا عمي طالما احنا متفقين وهي مرتاحه ليا وانا مرتاح .. والد يارا / بس يا ابني انتوا لسه في الأول برضه .. وانا مش فاهم بصراحه انت مصر كده ليه .. احمد / يا عمي انا مصمم عشان بخرج كتير و اروح مناسبات اكتر .. وببقي عايز يارا معايا خصوصا و كل صحابي بيسالوني عليها و عشان محدش يتكلم و انا مبقاش خايف امسك ايدها او ابصلها .. يارا بصيتله بضيق / انا مش فاهمه انت ليه عامل كده .. احمد / ممكن بعد اذنك يا عمي اتكلم مع يارا لوحدنا .. والد يارا / اتفضل يا ابني تقدروا تخشوا البلكونه وتتكلموا .. احمد ويارا دخلوا البلكونه .. احمد / انا ممكن اعرف انتي مش موافقه ليه .. يارا / الجواب بسيط لان لسه معرفكش كويس يا احمد .. احمد / يا ستي ما احنا هنعرف بعض كويس قدام بس ايه المشكله لما نكتب الكتاب عشان نكون على راحتنا يارا انا فعلا عايز اكون معاكي عايزه اكمل معاكي انا بحبك بجد مش كلام وخلاص ... يارا بتوتر / ماشي بس انا لسه مش فاهمه اي حاجه خالص ولسه بحاول استوعب اني بقيت مخطوبة مش جواز بقي و مسئولية .. احمد / طب ايه رايك نستوعب سوا وافقي يا يارا وانا اوعدك مش هتندمي .. ها موافقه تبقي مراتي و حبيبتي ؟! يارا ابتسمت بكسوف وهزت راسها بموافقه .. باك .. فاقد من ذكرياتها على صوت اذان الفجر قامت اتوضت وصلت وهي بتدعي ربنا يزيح الغمه دي ويهدي احمد #يتبع #آلاء_محمد .. عايزة اعرف رايكم بقي ❤️👀 .. بقالي كتير جدا مش بنزل حاجة لظروف صحية .. و اوعدكم لو لقيت تفاعل هنزل بارت التاني بكرا الصبح .. واقترحوا*روايــه/معـشوقه الاسـر🩷🌸* الحلقه التانيه ‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏ البارت التاني .. فاقت من ذكرياتها على صوت اذان الفجر قامت اتوضت وصلت وهي بتدعي ربنا يزيح الغمه دي ويهدي احمد خلصت صلاه ونامت وهي مرهقه جدا اليوم كان اكبر واصعب مما هي تتخيل .. صحيت تاني يوم على صوت حماتها وهي بتصحيها .. نجيه / يارا حبيبتي قومي يلا .. يارا فتحت عينها بتعب / صباح الخير يا طنط .. . .....صباح النور / يا نور عيني يلا قومي بقى البسي انا طلعت فوق جبتلك اللبس الحلو ده والميكب .. قومي بقي خدي شاور والبسي علشان في ناس جايه تباركلك وياريت تحاولي تباني طبيعيه عشان محدش يشك في حاجه وانا اول ما الناس تمشي هتكلم مع احمد ابني.. ...... يارا ابتسمت وفرحت اوي لان حماتها وقفت معاها واعتبرتها زي بنتها قامت لبست وحطيت ميك اب شيك يليق بعروسة وطلعت تقابل الضيوف .. كانت بتحاول تبان طبيعيه و تضحك و تتكلم بس اتصدمت أما لقيت احمد بيتكلم... احمد / الا قوليلي يا عمتي هي اللي تتجوز واحد وفيها عيب ومش قايلاله على العيب ده تبقى ايه .. عمته / لا ازاي لازم تقوله مينفعش واحده تخبي على واحد هيتجوزها اي حاجه زي كده بس انت بتسال ليه يا حبيبي .. احمد بص ليارا / اصل واحد صاحبي ليله دخلته اكتشف ان مراته مخبية حاجة بس مش قايلاله . عمته / يا ساتر يارب انا مش عارفه الناس جرالها ايه .. ليه محدش بقى عنده امانه وضمير كده ذنبه ايه يا ابني صاحبك يتدبس في البنت بعد ما جهز شقه وصرف فلوس قد كده.. احمد / ما انا برضه شايف كده وشايف انه يطلقها.. عمته / بصراحه محدش يقدر يلومه لانها مكنتش صريحه معاه واللي متبقاش صريحه يبقى متنفعش تبني بيت. يارا كانت قاعده مرعوبه وبتترعش لاحمد بيقول حاجه من اللي حصلت فات وقت والناس مشيت واحمد دخل البلكونه يدخن بخنقه .. تليفونه رن وكانت اخته ياسمين .. ياسمين بفرحه / صباحيه مباركه يا اخويا الف الف مبروك يا حبيبي وتتهنوا العمر كله يارب.. احمد بتريقه / ههه صباحيه مباركه ! قولي صباحيه زفت صباحيه مقرفه صباحيه منيله . ياسمين باستغراب/ مالك بس يا احمد ايه اللي انت بتقوله ده .. احمد / انا اتغفلت والهانم اللي اتجوزتها طلعت مخبيه عليا حاجه مهمه وقال ايه بتقولي عادي .. ياسمين / هتكون مخبيه ايه يعني.. احمد حكى لها اللي حصل .. ياسمين باستغراب / معقوله يارا تعمل كده دي معروفه عنها انها محترمه اوي وامينه .. ازاي بس اللي انت بتقوله ده احمد .. مش يمكن فعلا الموضوع بسيط .. احمد / بسيط ايه بس ده انا مش قادر ابص في خلقتها من ساعه ما عرفت اللي عرفته .. وامك شايفه وشاهدة على كل حاجه وانا كده كده خلاص هطـ,ـلقها .. ياسمين / استهدى بالله بس يا اخويا الطـ,ـلاق مش بالساهل زي ما الجواز مش بالساهل برضه انا هلبس وهاجيلكم واشوف الموضوع ده .. اما يارا كانت قاعده حزينه ودموعها نازله .. يارا / شفتي يا ماما تصرفات احمد قدام الناس ده كلام يتقال برضه .. يقولوا عليا ايه دلوقتي .. نجيه بضيق / معلش يا بنتي سامحيني انا اللي غلطانه انا اللي دلعته ومعرفتوش ان في حاجه اسمها حرمه بيوت مش المفروض يتكلم فيها قدام الناس .. يارا فضلت تعيط وهي صعـ,ـبانه عليها نفسها المفروض دلوقتي تكون اسعد واحده في الدنيا زي اي عروسه .. مكنتش عارفه ليه احمد بيكبر الموضوع كده وهو مش مستاهل اصلا .. يارا لحماتها / بعد اذنك يا طنط بصلي كويس وشوفي هو الموضوع كبير فعلا ولا انا اللي مش شايفه كويس ... نجيه بشفقه / حبيبتي انتي زي الفل مفكيش اي حاجه والله ولا اي عيب ما شاء الله زى القمر. انا اللي مش عارفه احمد ليه بيعمل كده .. ....يارا/ انا هطلع اجيب تليفوني من فوق عشان اكلم ماما و بابا اطمنهم عليا .. نجيه / اطلعي يا حبيبتي وربنا يهدي النفوس .. يمكن لما يشوفك قلبه يهدي كده و يتفهم .. يارا مسحت دموعها و طلعت لشقتها و خبطت علي الباب .. احمد فتحلها و بصلها بقرف / نعم عايزة اي .. يارا بكسره / عايزه اخد التليفون بتاعي عشان اكلم اهلي اطمنهم عليا . احمد / طيب خليكي هنا متدخليش انا هخش اجيبه.. يارا / انا مش فاهمه انت مش عايزني ادخل بيتي ليه .. احمد / لا يا حلوه ده مش بيتك ده بيتي انا وطول ما انتي مش مراتي يبقى بيتي انا وملكيش اي حاجة فيه .. يارا / مكنتش متخيله انك تبقى قاسي كده يا احمد.. احمد / وانا مكنتش متخيل انك تبقي غشاشه بالشكل ده . يارا بانهيار / حرام عليك بقى .. حرام عليك دي حاجه حصلت وانا عندي 16 سنه يعني كنت عيله صغيره وكنت فاكره انه عادي مكنتش فاهمه حاجه ولا فكرت اني لازم اقولك او ان الموضوع هيفرق معاك بالشكل ده .. احمد / لا والله اتفاجئتي امال انا كنت متجوزك ليه .. وكنت بصرف الفلوس دي كلها ليه واجيب هدايا قد كده وقعدت بالشهور اعاملك زي العيله الصغيره واستحمل دماغك دي وتعقيدك .. يارا / يعني مكنتش بتحبني زي ما قولت ... احمد / منكرش اني حبيتك بس عشان شكلك و جمالك و انا المظهر بالنسبالي مهم اوي .. يارا / بس انت مقولتش كده ابدا .. احمد / والله انا كده بقي .. ويلا انزلي من غير مطرود واياكي تطلعي الشقه دي تاني ولا تعتبيها فاهمه .. يارا/ بس ده بيتي و فيه لبسي وحاجتي .. احمد / ملكيش حاجة عندي .. وبما انك طلعتي كده ف لازم تعرفي ملكيش عندي حقوق لأنك غشتيني .. يارا نزلت و هي منهارة لشقه حماتها و اول ما دخلت لقيت ياسمين قاعده .. ياسمين بلهفه / تعالي يا يارا فهميني يا بنتي ايه اللي حصل وايه الكلام الغريب اللي احمد بيقوله ده وريني كده اللي هو بيقول عليه ده .. يارا بقهرة / هو كمان قالك .. اتفضلي .. ها عنده حق ولا لا .. ظلمني و لا لا .. اتكلمي .. ياسمين سكتت لأنها فهمت ان اخوها تفكيره غـ,ـريب و الموضوع مش زي ما حكاه خالص و مش مستاهل اصلا كل ده .. حاولت تتكلم مع يارا بس يارا كانت بتعيط بس وجسـ,ـمها بيترعش كالعاده .. نجيه / خلاص يا بنتي سيبيها دلوقتي ربنا يخفف من عليها وربنا يسامح اخوكي على اللي بيعمله ده .. فات يومين ويارا مش بتعمل حاجة غير انها بتعيط بس .. اول ما اهلها بيكلموها بتمثل انها مبسوطة وكل حاجة تمام ومجرد ما يقفلوا تنهار من تاني .. و في يوم تليفونها رن و كانت سمر مرات حسام صاحب احمد .. يارا رديت و بتحاول تبان طبيعيه / ازيك يا سموره عامله ايه .. سمر / انا الحمد لله المهم انتي طمنيني عليكي .. الدنيا عندك أتحسنت ولا لا .. يارا / اتحسنت ازاي يعني مش فاهمه حاجه .. سمر / يا بنتي ما هو احمد جوزك كلم حسام جوزي وحكاله عن كل اللي حصل ومش بس حسام ده قال ل اصحابه كلهم وقرايبه كمان حسام يعرف ناس كتير من قرايب احمد وعارف منهم ان احمد حكالهم برضه وانك قاعده عند حماتك من ساعتها وهو مش راضي يدخلك الشقه .. يارا / اه لا تمام بنتكلم .. شكرا لسؤلك يا قلبي .. ....يارا قفلت معاها و قامت بسرعه من مكانها .. طلعت شقتها واستغلت ان احمد مش موجود ودخلت اوضـ,ـه النـ,ـوم لمت كل هدومها وكل حاجتها ونزلت حماتها شافتها .. نجيه / انتي رايحه فين يا يارا يا حبيبتي .. يارا / ماشيه .. ماشيه من هنا يا طنط ومش هرجع تاني ابدا ابنك ميستاهلش اني اديله حتى ربع فرصه .. نجيه / يا بنتي استني يمكن ربنا يهدي النفوس .. يارا / مش هينفع خلاص كل حاجه انتهت بس انا عايزه اشكرك على كل اللي عملتيه معايا .. انتي فعلا كنتي ام ليا .. بعد اذنك قولي لابنك اني مستنيه ورقتي في بيت اهلي وياريت يبعتلي معاها كل حقوقي لاني مش هسامحه لو مبعتهاش .. يارا خرجت من البيت و جواها حزن كبير .. كانت بتتمني لو معرفتش احمد و حبيته .. كانت بتتمني يرجع بيها الزمن و تصدق احساسها اللي تجاهلته .. ....يارا / يارتني ما دخلت البيت ده .. لو كنت اعرف اني هضيع فيه بالشكل ده كنت حاربت بكل قوتي عشان مدخلوش .. راحت لبيت اهلها و بالصدفه اخوها ومراته كانوا موجودين .. اللي اول ما شافوها استغربوا .. والد يارا / مالك يا بنتي حصل ايه .. انتي اتخانقتي مع جوزك ولا ايه . يارا اتنهدت/ بابا ماما انا مش عايزاكوا تتخضوا من اللي هقوله ده وربنا يعلم اني حاولت اكتم في نفسي عشان مزعلكوش بس انا مبقتش قادره انا و احمد هنتطلق .. والدة يارا / طلاق .. طلاق ليه حصل ايه .. احكيلنا يا بنتي الله يسترك في ايه .. ....يارا / احمد طلع انسان مش كويس و غلط فيا و اهاني و اهانكوا معايا .. وحضرتك يا بابا مربيني ان اغلى حاجه عند الانسان هي كرامته وانا مقدرتش ادوس على كرامتي اكتر من كده .. سلوي بتشفي / يعني مش عريس لقطه ولا محترم زي ما كنا مفكرين .. وانتي اللي كنتي طايرة بيه طير كده بس اديكي شوفتي .. ايهاب / سلوى لو سمحتي خلي بالك من كلامك وبعد اذنك قومي خشي جوه علشان اختي تحكي براحتها .. سلوى بعصبيه / يعني خلاص انا اللي بقيت غريبه .. ايهاب / بقوللك خشي جوه احسنلك و الا هدخلك أنا بطريقتي .. سلوي دخلت وهي متغاظه .. والد يارا بتعب / طيب ايه سبب كل ده بس .. يارا / السبب هو اني .. #يتبع .. #آلاء_محمد . رايكم يا حلوين .. البارت الجاي الاخير ف عايزة اشوف تفاعل بقي و قولوا رأيكم ..*روايــه/معـشوقه الاسـر🩷🌸* الحلقه التالته والاخيييره ‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏ البارت ٣ و الاخير .. يارا / السبب هو اني عندي علامه مطرح الحادثة اللي حصلتلي زمان يا بابا .. ايهاب / حادثه ايه يا بنتي .. أنا مش فاهم حاجة .. يارا / في الوقت ده انت كنت مسافر يا ايهاب وانا مقولتلكش اللي حصل علشان مقلقكش عليا .. انا كنت في المطبخ .. فلاااش .. كانت يارا في المطبخ بتحضر الغدا بسرعه عشان مواعيد الدوا بتاعة اهلها .. كانت لسه طفله عندها ١٦ سنه ورغم كده كانت شايله المسؤوليه وبتخلي بالها من ابوها وامها كويس اوي .. نقلت الطاسه و فتحت الغاز عليها وفجاه والدها نادي عليها .. والدها / يارا تعالي يا بنتي الحقيني .. يارا سابت كل حاجة و نسيت الغاز مفـ,ـتوح من خـ,ـوفها علي ابوها وراحت ليه بسرعه .. يارا / بابا مالك يا حبيبي .. والدها بتعب / هاتيلي جهاز التنفس بسرعه .. يارا جابته وحطته لابوها وفضلت قاعده جنبه و هي خايفه عليه .. فات وقت وبقي احسن وشالت الجهاز .. يارا/ سلامتك يا قلبي .. إن شاء الله هتبقي كويس قريب .. انا قولت ل ايهاب وهيجبلك الدوا مستورد و هو جاي .. والدها / وليه بس يا بنتي قلتيله يكلف نفسه .. العلاج ده غالي اوي اوي .. يارا / مفيش حاجه غاليه عليك يا بابا انت مش عارف غلاوتك عندنا ولا ايه .. والله لو اخر مليم معايا او مع ايهاب مش هيسوي حاجة جنب صوت نفسك بس يا حبيبي .. انا هروح اجهز الاكل بقي عشان الدوا .. والدها ابتسم و يارا باست ايده و دخلت المطبخ .. مسكت الكبريت و لعته و فجأة النار مسكت في كل حته .. باك .. يارا بدموع / ربنا ستر و عرفت أخرج بسرعه بس رقبتي كانت اتأذت جامد .. ايهاب باستغراب/ انا مش فاهم انتي متقوليش عن حاجه زي كده وبعدين فين الحرق اللي انتي بتقولي عليه ده انا مش شايف في رقبتك غير علامه بسيطه اوي.. يارا / ما هو انا علشان كنت واخده كورس اسعافات اوليه عرفت اسعف نفسي واعمل اللازم بسرعه وطبعا ماما وبابا قلقوا عليا ونزلت لدكتوره التجميل اللي في الشارع اللي ورانا ساعدتني بسرعه ودخلتني عمليات في نفس الليله علشان الحرق ده ميسيبش علامه .. وفضلت شهرين بتعالج وبحط في كريمات ومراهم ومكنتش بنام بالليالي من الوجع لحد ما الحمد لله الاذى خف خالص زي ما انت شايف ومفضلش غير العلامه البسيطه دي . ايهاب قام بضيق / انا مش فاهم بقى كل ده يحصل و انا معرفش .. ليه يا يارا ... يارا / انا والله محبتش اشغلك وارجعك من غربتك وانا عارفه ان انت كنت بتعمل كل ده عشان توفر تمن الدوا بتاع بابا وماما ... ايهاب / طب والعلامه دي تستاهل انه يعمل ده كله دي لونها قريب اوي من لون جلدك وطولها مش مكمل التلاته سنتي .. انا مختش بالي منها غير اما قولتي .. ازاي يعني يهدم حياته عشان حاجة تافهه زي دي .. أنا مش قادر اصدق ... يارا / هو ده اللي حصل انا دخلت الاوضه ولبست فستان شكله حلو زيي زي اي عروسه وعملت شعري وحطيت ميك اب وخرجت للريسبشن وانا فرحانه اوي هو كان مبسوط ومبتسم بس اول ما قرب مني وشاف رقبتي ملامحه اتبدلت تماما ورجع لورا و حصل اللي حصل .. ايهاب/ الكلب الحقير .. انا هوريه والله لاعرفه مقامه .. واعرفه ازاي يتقي ربنا في بنات الناس .. والدة يارا / ايهاب يا ابني اهدي .. خلاص ربنا ينتقم منه ع اللي عمله ده .. يارا قامت و مسكته / اهدي يا ايهاب انا خلاص مش فارق معايا حاجة انا كل اللي عيزاه أطلق واخد كل حقوقي .. انا مش عايزة اعيش معاه تاني . ايهاب بص لاخته بزعل و حضنها .. مكنش مصدق ان اخته حصلها كل ده وهي ساكته عشان متتفـ,ـضحش .. والدها/ انا اسف يا بنتي كان لازم اسأل عليه كويس و اتحقق منه قبل ما اجوزك ليه .. سامحيني .. يارا قعدت جنب والدها / متقولش كده يا بابا انت بجد عملت اللي عليك .. هو اللي خدعني و قالي انه مش بيحكم بالمظاهر .. ده راح وقال لكل الناس اننا متخانقين و قالهم علي السبب كمان .. والدتها قامت و حضنتها / ربنا ينتقم منه وحسبي الله ونعم الوكيل ف اي حد يبهدل بنات الناس معاه .. طالما عايزة تطلقي خلاص يا ابو ايهاب نطلقها .. ايهاب سابهم و نزل راح لاحمد بيته .. خبط علي الباب بقوه .. والده احمد فتحت .. نجيه / ايهاب ازيك يا ابني تعالي .. ايهاب / فيه ستات غيرك يا طنط جوا .. نجيه/ لا مفيش .. ايهاب دخل بغضب و هجم علي اوضه احمد اللي اتخض اوي .. احمد / انت ماسكني كده ليه يا عم اوعي كده .. ايهاب/ بقي انت يلا تعمل ف اختي كده .. اختي اللي لو قعدت تدور عمرك كله مش هتلاقي ضفرها .. احمد بسخرية / اختك هي اللي ضحكت عليا ومقالتليش ان هي معيوبه .. ايهاب بغضب / اختي مش معيوبه اختي ست البنات كلهم واحنا فعلا غلطانين اللي وافقنا على واحد زيك .. اسمع انت هتطلقها والنهارده وهتديها كل حقوقها ومش هشوف وشك تاني مهما حصل .. نجيه بتحاول تبعدهم عن بعض / استهدى بالله يا ابني واللي انت عايزه هننفذهولك .. احمد ببجاحة / اطلقها اه لكن مش هتطول مني جنيه واحد انا اصلا اتخدعت في الجوازه دي وصرفت كتير اوي كفايه كده بقى عليكم .. ايهاب / وديني لو ما ادتها حقوقها لارفع عليك قضيه اسوء سمعتك فيها و ابهدلك في المحاكم و اعرف الناس كلها انك معندكش اصل .. و شوف بقي منظرك هيبقي عامل ازاي قدامهم .. ايهاب مشي وهو غضبان .. احمد قعد مكانه وهو متغاظ منهم . احمد / هي غلطتي من الاول اني اتجوزت واحده اقل من مستوايا .. نجيه / عندهم حق انت بهدلت بنتهم اوي يا ابني وانا ياما نبهتك وقلتلك اللي انت بتعمله ده حرام وغلط اتقي الله يا احمد وراجع نفسك وروح صالح مراتك وهي بنت حلال ممكن تسامحك .. الطلاق مش بالساهل يا احمد بعد ما دفعت كل الفلوس دي .. احمد / لا عادي عندي انا بالساهل وزي ما جبتها اجيب ست ستها كمان و هتشوفي .. والله لاكون متجوز على اخر الشهر ده بالكتير واكسرها واكسر عينها قدام الكل .. نجيه فضلت تقنع ابنها كثير يتنازل عن اللي في دماغه لكن هو كان مصمم شيطانه كان اقوى منه .. جه الليل واحمد كان قاعد في بيت اهل يارا ومعاه الماذون ... الماذون / يا جماعه فكروا الطلاق مش حاجه سهله خصوصا ان انتم لسه عرسان جداد .. يارا / لو سمحت حضرتك انا عايزه اطـ,ـلق ومش هرجع في كلامي .. الماذون طلقهم .. واحمد أداها شيك بحقوقها .. دخلت اوضتها وهي منهارة .. نامت علي سريرها بتعب .. كان جواها حاجة بتنكر اللي حصلها و مش مصدقاه معقوله احمد اللي حبته بجد يعمل فيها كده .. فضلت تعيط بكل وجع جواها .. فات كذا يوم علي الحال ده يارا دايما قاعده ف اوضتها بتعيط بس وساكته ومش بتاكل ولا بتشرب و خست جدا و تحت عينها بقي مليان هالات .. والدتها كانت قاعده جنبها / طيب كلي اي حاجه يا بنتي عشان خاطري .. حرام عليكي والله اللي انتي عملاه في نفسك ده و عشان ايه ده واحد ميستاهلش .. يارا / انا مش زعلانه عليه يا ماما .. انا زعلانه علي نفسي الناس هتقول عليا ايه أما يعرفوا اني اتطلقت بعد شهر جواز تفتكري هيسبوني في حالي .. طيب انا هخرج ازاي و اعيش ازاي .. أنا خلاص كده حياتي وقفت .. والدتها / يا بنتي الناس كده كده بتتكلم .. انتي ارمي حمولك علي الله و اقفي كده واجمدي .. انا بنتي عمرها ما كانت ضعيفه كده .. يارا عيطت و اترمت ف حضن امها .. فضلت كده لحد ما نامت .. غطتها و قفلت النور و خرجت .. كان ابوها قاعد مع ايهاب زعلانين عشان يارا و اللي هي فيه .. والدها/ وبعدين .. البت هتروح مننا يا ام ايهاب .. ايهاب / انا بشوف يا بابا نوديها لدكتور نفسي .. يارا تعبـ,ـانه اوي ... والدتها / لا حول ولا قوة الا بالله .. أعمل اي حاجه يا ابني المهم ترجع تقف علي رجليها .. دي كانت ماليه البيت حركه و ضحك و هزار و دنيا .. دلوقتى حاسه ان كل حاجة بقيت ميته .. ايهاب / ربنا يسهل انا هشوف دكتورة تساعدها .. انا مش هسمح انها تعمل في نفسها كده ولا هخسر اختي .. اما عند احمد كان قاعد في اوضته بيتكلم في التليفون .. احمد / وانتي بقي يا مريم مش مخطوبة اوي مرتبطة .. اصل يعني بنت زيك شيك و دكتورة معقولة ميكونش فيه حد بتحبه ؟! مريم / بصراحه لا .. اصل كل اللي اتقدموا مش من مستويا و كمان انا بيهمني اوي المظاهر و احب اللي اتجوزه يكون جنتل و شكله حلو .. احمد ابتسم / طيب اي رأيك أما نحاول سوا .. انا ممكن اجي انا و والدتي نكلم اهلك و نتخطب .. فضل يتكلم مع مريم و اتفق معاها علي كل حاجة .. قفل التليفون و خرج لاوضه نجيه و خبط عليها .. نجية / ادخل .. احمد دخل / ماما .. انا اتعرفت علي بنت و عايز اروح اخطبها .. نجيه/ ده أمتي و ازاي .. وليه مقولتش .. احمد / اتعرفت عليها الاسبوع اللي فات و هي عجباني وقررت اخطبها .. هي كويسه و شبهي و الأهم مش معيوبة زي الست هانم اللي كنت متجوزها .. نجيه/ يا احمد كده عيب .. خلاص انتوا أطلقتوا و الموضوع انتهي بلاش تتكلم عليها .. عندك اخت خاف عليها .. أحمد / مش موضوعنا دلوقتي يا ماما .. المهم اني اتفقت مع مريم خلاص اني هخطبها اخر الاسبوع ده ولو تمام اتجوزها اخر الشهر .. نجيه / براحتك يا احمد بس هتندم و هتشوف .. تاني يوم كانت يارا قاعده في عيادة دكتورة نفسيه .. يارا / ايهاب انا خايفه .. يلا نمشي ارجوك .. ايهاب/ اهدي يا حبيبتي .. احنا هنا عشان تبقي كويسه والدكتورة دي مشهورة اوي و شاطرة وان شاء الله تساعدك بس الأهم انتي تكوني عايزة تساعدي نفسك .. الممرضه ندت علي يارا اللي اترددت جدا قبل ما تدخل .. بصت لاخوها و هو شارولها بمعني انه هيفضل مستنيها ومش هيمشي .. دخلت وهي خايفه بس هديت اول ما لقيت الدكتورة بتبستم ليها ... شيرين بابتسامه / اتفضلي .. ممكن اعرف اسمك .. يارا / اسمي يارا .. شيرين/ اسمك جميل .. احكيلي بقي .. ليه جايه هنا و لازم تعرفي ان اي كلمه بتقوليها مستحيل تطلع برا او حد يعرفها مهما كان الحد ده .. يارا حكت كل حاجة حصلتها وهي بتعيط .. كان شريط حياتها كله بيتعاد قدام عينها .. يارا / المشكله اني مقصدتش اخبي عليه .. انا والله مكنتش اعرف اصلا اني مفروض اقوله لان العلامه دي صغيرة اوي و كنت فاكرة ان عادي يعني اي حد ممكن يكون عنده حاجة زي كده مولود بيها مثلا .. مكنتش اعرف انها هتفرق معاه كده . شيرين/ الحياة بين اي زوجين بتتبني علي المودة و الرحمه .. المودة من الود و المعاملة الطيبة .. والرحمة يعني بنرحم ضعف و عيوب و أخطاء الطرف التاني و بنتعامل علي انه انسان .. و مفيش انسان كامل .. فات وقت وكانت جلسه يارا خلصت و طلعت لاخوها .. ايهاب/ اي هتكملي ؟ يارا / ايوا هكمل .. انا ارتحت اوي اني لقيت حد فاهمني و فاهم دماغي .. هكمل يا ايهاب عشان عايزة اكون كويسه .. يارا روحت مع اخوها وهي حاسه انها احسن و مرتاحه .. الخطوة دي كانت فارقه معاها جدا لأن اخيرا لقيت تفسير للي حصل .. قررت تغير نفسها و حياتها .. واول حاجة عملتها اول ما روحت بيتها مسكت تليفونها واتصلت باكتر واحده ظلـ,ـمتها في الدنيا .. صحبتها نوران .. يارا بتوتر / ازيك يا نوران .. وحشتيني .. نوران / عايزة اي يا يارا .. راجعه ليه بعد اللي حصل .. يارا / انا عارفه اني غلطانه .. وعارفه اني ظلمتك اما بعدت عنك من غير سبب و اتخليت عن اكتر واحده كانت بتحبني وعايزالي الخير .. نوران / لا انتي بعدتي عشان جوزك قالك كده .. انتي حتي معزمتنيش علي فرحك .. بصي انا كل اللي اقدر اقوله اني مش زعلانه غير عليكي انتي .. وربنا يوفقك مع جوزك .. يارا بدموع/ نوران انا اتطلقت .. نوران بصدمه / ايه ! انتي بتقولي ايه ! احكي يا هانم ! ولا استني انا هجيلك .. نص ساعه و اكون عندك .. اما عند ايهاب روح بيته و هو مبسوط ان يارا قررت تكمل و تتعالج .. مراته شافته بصتله بضيق .. سلوي / مالك فرحان كده ليه ! ايهاب/ اخيرا يارا بدأت تتحسن و تقوم تاني .. أنا ودتها لدكتورة نفسيه و هي هتكمل .. سلوي / يااه يعني أختك خلاص اتجننت .. ايهاب / اختي مش مجنونه .. اختي اتصدمت وفرحتها اتكسرت واي حد مكانها كان انهار من اول دقيقه هي فضلت مستحمله عشان ابويا و امي .. سلوي / يسلام .. ومين بقي اللي هيدفعلها تمن الجلسات .. متحلمش تدفعلها حاجة احنا اصلا ظروفنا وحشه .. ايهاب/ لا ظروفنا الحمد لله معتدلة .. انتي اللي مفيش حاجه بتملي عينك و دايما عايزة اكتر .. و اوعي تدخلي في علاقتي بأهلي .. فاهمه .. سلوي / اه وانت هتفضل دلدول اهلك كده كتير .. ايهاب بعصبية / قولتلك ملكيش دعوة بحاجة و لو تاني مرة اتكلمتي كده اعملي حسابك كل حاجة هتنتهي و هطلقك .. فاهمه ! ايهاب دخل الاوضه وغير هدومه ونام ... خلص اليوم بكل التعب اللي فيه بس كان الكل عنده امل ان كل حاجة تتصلح .. جه اخر الاسبوع و احمد كان قاعد مع والدته عند مريم بيتكلموا و بيتفقوا .. مريم / بس انا مستحيل اتجوز علي عفش و ديكور واحده تانيه اللي مختاراه .. انا عايزة حاجة جديدة وانا اللي مختاراها .. نجيه / يعني هنغير عفش بالوفات و ديكور عشان انتي عايزة كده .. والله هو ده اللي عندنا .. احمد / طيب ايه رأيك لو نغير اوضه النوم بس .. اصل فعلا الحاجات دي هتتكلف كتير وانتي عارفه الاسعار عامله ازاي ف بدل ما ندفع في الشقه نخلي الفلوس نسافر بيها شهر عسل في مدريد او باريس .. وممكن بعد كده واحده واحده نغير .. والد مريم/ خلاص يا احمد وانت شكلك ابن حلال وانا موافق عشان خاطر الست والدتك بس .. اتفقوا علي كل حاجة و حددوا معاد للفرح علي طول .. اما عند يارا كانت في اوضتها متوترة اوي .. يارا / نوران انتي متأكده اني أنفع للشغلانه دي نوران/ يا بنتي ايوا والله انا اتكلمت مع صاحب العيادة .. هي عيادة كبيرة جدا جدا وفيها كل التخصصات ومحتاجين مهندسين ديكور عشان يغيروا النظام .. وانا عارفه انك شاطرة اوي و ورتهم شغلك اللي كان معايا و عجبهم .. يارا / بس انا بقالي كتير اوي ممسكتش الوان و لا عملت تصميمات .. نوران / تتعلمي .. يلا بقي عشان هنتاخر .. يارا ابتسمت ومسكت نوران / شكرا انك موجوده .. شكرا انك سامحتيني رغم اللي عملته .. نوران / وانا امتي يعني مكنتش موجوده .. يلا يختي يلا .. خرجوا من البيت بعد ما سلموا علي اهلها .. كانت يارا خايفه و متوترة و حاسه انها هتفشل بس دعم صحبتها و اخوها و أهلها أداها ثقه في نفسها و خلاها تقوي .. كانت قاعده بتعمل انترفيو مع الدكتور .. الدكتور / انا اسمي انس دكتور جراح و صاحب العيادة .. ممكن تعرفيني علي نفسك .. يارا ابتسمت/ انا يارا السلام .. عندي ٢٢ سنه ومتخرجة من فنون جميلة .. الدكتور فضل يتكلم مع يارا واعجب بيها جدا و بدماغها جدا .. اتقبلت و بمرتب كويس كمان .. يارا خرجت من المكتب مبسوطة .. يارا / نوران انا اتقبلت اتقبلت .. نوران حضنتها بفرحه / طيب الحمد لله يارب .. خلاص هتبقي امرأة عاملة و كده .. يارا ضحكت و لسه هترد اتفاجئت ب الدكتورة شيرين .. شيرين/ يارا .. انتي بتعملي ايه هنا .. يارا / ازيك يا دكتورة .. انا كنت جايه اعمل انترفيو هنا واتقبلت .. شيرين / بجد .. دي عيادة اخويا اصلا .. يارا اتفاجئت جدا / يعني دكتور انس يبقي اخو حضرتك .. شيرين / ايوا اخويا .. انا مبسوطة اوي انك بدأتي تشوفي حياتك و تكملي .. برافو عليكي .. يارا سلمت علي الدكتورة و مشيت مع صحبتها .. اهلها فرحوا جدا و دعموها .. بدأت تشتغل و تشوف حياتها و تاخد كورسات كتير عشان تساعدها في مجالها .. كانت مبسوطة اوي و لأول مرة تحس ان ليها كيان و قيمه و في نفس الوقت فضلت شايله البيت و بتساعد ابوها و امها .. يارا/ يلا يا ماما عشان تاكلي .. والدتها / يا بنتي ليه تعبني نفسك بس .. انتي مش بترتاحي خالص .. بالليل واقفه بتعملي الأكل والصبح في شغلك و بعد الضهر بتذاكري للكورس بتاعك .. يارا / والله يا ماما أنا مبسوطة كده .. أمتع وقت بالنسبالي وانا واقفه في المطبخ بعمل الأكل ليكي انتي و بابا و انا اصلا بحب الطبخ .. والدتها / ربنا يوفقك يا بنتي و يديكي الصحه و العافيه .. اما عند انس كان قاعد مع اخته بيشتغلوا . انس / شيرين بقولك ايه ما تحكيلي عن يارا كده .. مش هي بتتعالج عندك ؟ حاسس اني عايز اعرفها .. شيرين بصتله بخبث / وانت عايز تعرفها ليه .. الصنارة غمزت صح .. انس ابتسم بتوهان / تقريبا كده .. هادية و لطيفه و جميلة و دايما بتضحك و بتهزر .. عفوية اوي و اللي في قلبها علي لسانها .. دي مرة قالتلي متقولش رأيك تاني عشان عكيت الدنيا في الديكور .. بريئة كده وحاسس انها متربية كويس .. شيرين / هي من ناحيه متربية ف اه متربية لدرجة انها نفسيتها انهارت و اتكسرت بسبب الظلم .. بص انا مش هقدر احكيلك عشان دي أسرار مرضي بس اللي اقدر اقوله انها فعلا بنت كويسه و لو متردد او خايف يبقي بلاش لأنها اتجرحت كتير اوي .. انس / طيب ما انا عايز اتعرف عليها اكتر بس هي مش مدياني فرصه و طريقتها رسميه اوي معايا .. شيرين/ اتكلم معاها بصراحه و قولها مشاعرك وربنا يقدم اللي فيه الخير .. تاني يوم كان احمد قاعد مع مريم خطيبته في حفلة من الحفلات اللي كانوا بيروحوها سوا .. احمد / بس لبسك النهارده جامد اوي .. مريم / عارفه .. الفستان ده ماركه اصلا وغالي اوي . احمد / باين عليه والله يا حبيبتي .. الوقت اتأخر يلا نمشي عشان عندي شغل بدري و لسه هوصلك كمان .. احمد و مريم خرجوا و فضلوا طول الطريق يتهزروا و يضحكوا .. احمد وصلها وراح لبيته بس في طريقه فجأة فقد السيطرة على العربية و اتقلبت بيه .. الناس اتلمت و الإسعاف جت اخدته .. اتصلوا بوالدته و خطيبته وبعد شويه كانوا قاعدين مع الدكتور في الاوضه .. نجيه/ طمني يا دكتور ابني ماله .. الدكتور/ هو كويس ايده اتكسرت و جبسناها بس المشـ,ـكلة الكبيره في وشه .. مريم / ايه ده ماله وشه يعني .. الدكتور / العربية اما اتقلبت كل القزاز دخل في وشه وطبعا احنا طلعناه بس سايب اثر جامد .. مريم / يعني هيبقي مشوه .. طيب ملوش عمليات .. نجيه بدموع / ياعيني عليك يا ابني .. دا انت لسه في عز شبابك .. الدكتور/ للاسف العمليات في حالته ملهاش فايده هي هتخفف الآثار بس مش هتضيعها خالص .. نجيه و مريم خرجوا من عند الدكتور و راحوا ل احمد الاوضه .. نجيه حضنته / حمد لله علي سلامتك يا روحي .. إن شاء الله هتبقي كويس .. احمد / كويس ازاي .. أنا هبقي مشوه .. نجيه / المهم انك كويس و ربنا نجاك .. انا هروح اتوضي واصلي ركعتين شكر لله .. نجيه خرجت من الاوضه و احمد بص لمريم .. احمد / مريم انتي ليه واقفه بعيد .. مريم/ بص يا احمد انا مش هينفع ابقي معاك تاني .. اسفه يعني انت مبقتش راجل في عنيا و لا تلزمني .. هبعتلك شبكتك و كل حاجتك علي البيت .. احمد / انتي بتقولي ايه يا مريم .. اهون عليكي تعملي فيا كده .. مريم / انا مكدبتش عليك و قولتلك أهم شيء عندي الشكل وانت شكلك مبقاش ينفعني ولا يناسبني .. دبلتك اهي و هبعتلك باقي حاجتك اما اروح .. باي .. مريم خرجت و احمد انهار و فضل يعيط و يكسر كل حاجة حواليه .. كان مجروح اوي ومش مصدق انه اتساب بالشكل ده .. دخلوا عليه الممرضين و ادوله حقنه مهدئة ونام .. تاني يوم كانت يارا قاعده في كافيه مع انس .. يارا / اتفضل يا استاذ انس .. اي الموضوع اللي كنت عايزني فيه .. انس / بصراحه كده انا معجب بيكي جدا و عايز اتقدملك .. يارا بصدمه / تتقدملي ! حضرتك عندك علم اني مطلقه .. انس / ايوا عارف .. انتي ناسيه اني شوفت بطاقتك .. و بصراحه سألت عليكي وعرفت كل حاجة عنك إلا حاجة واحده .. يارا/ انا أطلقت ليه مش كده ! انس / ايوا كده .. وسألت اختي بس رفضت تقولي وقالتلي اسالك بنفسي .. انا عارف اني مش من حقي اعرف وان الماضي شي خاص بيكي بس يعني اي اللي يخلي واحده جميلة زيك ومتعلمه تتطلق .. . يارا ضحكت بسخرية / عشان معيوبة .. انس / مش فاهم .. معيوبه ازاي يعني .. يارا حكتله كل حاجة من اول ما شافت احمد لحد ما اتطلقت منه .. انس / انتي بتتكلمي جد ! يعني ده سبب طلاقك! يارا / اه هو ده السبب .. انس/ اسمحيلي اقولك ان طليقك ده انسان سطحي و جاهل .. فيه واحد يطلق مراته عشان جرح بسيط ملهاش يد فيه .. يارا / هو راح لحاله .. حضرتك بقي لسه عايز تتقدملي ؟ انس / طبعا .. انا اصلا كنت معجب بيكي من غير اعرف حاجة واما عرفت إعجابي بيكي زاد اكتر و متمسك بيكي اكتر .. يارا / طيب مش حابب تشوف الجرح ده يمكن تغير رأيك .. انس / هشوفه بس اما تكوني مراتي .. يارا انا إعجابي بيكي عشان حاجات تانيه خالص الشكل آخرها .. لو سمحتي وافقي و اديني فرصه . يارا / اخر مرة حد قالي الجملة دي و نفذتها ندمت ندم عمري .. خايفه اوافق تاني اندم .. انس ابتسم / اوعدك عمرك ما هتندمي .. صدقيني انا عايز نجرب سوا و واثق في ربنا اننا مش هنفشل .. يارا كانت مترددة و قررت ترفض بس في حاجه جواها خلتها توافق و نزلت بسرعه اشترت فستان شيك و شوز لطيفه و رجعت البيت حكت لاهلها اللي فرحوا جدا .. كانوا ف اوضتها و نوران بتعدلها الطرحه .. نوران / يا بنتي بقي اهدي مش عارفه اظبط الطرحه من توترك ده .. يارا / خايفه اوي .. خايفه كل حاجة تتكرر تاني .. نوران / متقلقيش خير ان شاءالله .. وبعدين انا معاكي و لو فكر بس يضايقك انا هوريه .. يارا ضحكت/ فعلا .. المرادي هتكوني معايا ف كل خطوة و مش هسيبك غير اما توصلني لبيت الزوجية .. فضلوا يهزروا لحد ما انس وصل ومعاه اخته .. عيلة يارا رحبوا بيهم جدا و كانوا مبسوطين لان باين ان انس راجل محترم و هيهوض يارا عن كل اللي شافته .. اتعرفوا عليه وحبوه جدا واتفقوا علي كل حاجة .. مرات اخوها كانت في المطبخ مع ايهاب بيوضبوه .. سلوي / اختك دي ايه حظها فظيع .. يعني الأول كان غني ومعاه فلوس و منصب تقيل .. سابته و وقعت في واحد اغني منه و دكتور و عنده عيادات .. ايه اختك بتجبهم منين وليه بيم*وتوا عليها كده . ايهاب/ حرام عليكي والله .. هي اللي شافته قليل دي كانت شبه الاموات و رجعناها بالعافيه .. بطلي بقي تبصيلها في حياتها و في رزقها .. سلوي / طبعا ما انت لازم تقول كده ما هي اختك .. إيهاب/ أنا بجد تعبت معاكي.. لينا كلام تاني في بيتنا .. في الصاله كانت يارا قاعده في حضن امها و هي مبتسمه .. والدة يارا/ مبروك يا حبيبتي ان شاء الله فرحتك هتم علي خير .. يارا/ طول ما انتي بتدعيلي يا ماما هبقي كويسه .. يارا اتخطبت ل انس وسط فرحه اهلها و صحبتها .. كانت حاسه كأنها اول مرة تتجوز .. انس كان حنين معاها اوي و بيجبلها كل حاجة بتحبها .. كانوا قاعدين في كافيه بيتكلموا .. يارا / ليه يا انس تكلف نفسك و تجيب السفرة الغاليه دي .. ما أنا قولتلك نجيب التانيه احسن و نوفر الفلوس .. انس / يستي انا موافق وعايز اجبلك كل اللي نفسك فيه .. ولازم تعرفي ان مفيش اي حاجة مهما كانت تغلي عليكي يارا ابتسمت / انا مش عارفه اقولك ايه بجد .. انس / يستي متقوليش حاجة .. تحبي نحجز شهر العسل فين .. يارا بتردد / بصراحه انا طول عمري كان نفسي اسافر بورسعيد اوي .. ايه رايك ؟ انس / بورسعيد ! ده انا قولت هتطلبي نسافر بره مصر .. يارا ضحكت / منكرش ان نفسي بس انا فرهوده اصلا و بتخنق من المطار والحاجات دي ف خلينا ف بورسعيد .. انس / ماشي نحجز في بورسعيد يا قمري انا يعني عندي كام يورا .. يارا اتكسفت / بس بقي عشان بتكسفني .. انس / اممم بتتكسفي لا اعملي حسابك بقى مفيش كسوف خالص الفتره الجايه ها .. يارا ضحكت و اتكلمت معاه وهي مبسوطة اوي ... اما عند احمد رجع البيت وهو مهموم و تعبان وباصص في الارض بكسره . نجيه بخوف / مالك يا حبيبي شكلك عامل كده ليه ! احمد اترمى في حضنها وقال بعياط .. احمد / بعد كل اللي عملته وكل النجاح اللي حققته في شغلي شالوني من مكاني وجابوا واحد تانى عشان شكلي مبقاش يليق بالشركه انتي متخيله يا ماما .. انا اللي كانوا بيحلفوا بشغلي وذكائي وموهبتي لمجرد ان شكلي اتغير شويه شالوني من شغلي وقعدوني في مكتب ميقعدش فيه واحد لسه بادئ شغل جديد .. وحتى كل زمايلي بعدوا عني وبقوا يقرفوا يكلموني ويبصولي.. نجيه حضنته / معلش يا ابني .. للاسف الناس بقيت كده بتحكم بالمظاهر وبس وكل اللي بيهمها الشكل واللبس والفلوس مبيهمهمش البني ادم اللي قدامهم اصله و معدنه ايه .. مانكرش يا حبيبي انك غلطت نفسي الغلطه دي لما طلقت يارا لمجرد ان عندها حاجه بسيطه اوي وكمان فضحتها .. الناس يا حبيبي عمرها ما بتتقيم بشكلها احنا بنقيم الناس على حسب اخلاقهم وتربيتهم وتعاملهم معانا .. احمد انهار في العـ,ـياط وامه فضلت حضناه و بتواسيه.. فات سنه على اليوم ده كانت يارا لابسه فستان فرح جميل اوي وداخله بيتها الجديد مع انس .. كانت فرحانه جدا رغم ان كان جواها خوف ان التجربه تتكرر تاني والتاريخ يعيد نفسه بس طمنت نفسها ان المره دي انس بيحبها بجد ومش هيسيبها .. دخلت الاوضه غيرت هدومها ولبست قميص نوم لايق عليها وخرجت بخجل ... انس ابتسم / يا لهوي يا جدعان بقى كل الحاجات دي وكل القمر ده ليا لوحدي .. يارا بقلق / بجد شكلي عجبك يعني العلامه اللي في رقبتي مش مضايقاك .. انس / الا صحيح يا بنتي فين اصلا العلامه دي انا عماله ادور مش لاقيها ... يارا وشاورتله عليها ... انس / والله انت تافهه اوي .. هي دي العلامه اللي مخوفاكي اوي طب اهو ... انس قرب من رقبتها و باس العلامه بحب .. يارا اتكسفت ... يارا / انس انااا انس / بس اسكتي خالص .. سيبك من الكلام ده عندنا حاجات اهم لازم نتكلم فيها .. يارا اتكسفت اكتر و ارتبكت .. انس حضنها / بحبك يا قلبي . يارا / وانا كمان بحبك ... انت عوضي من الدنيا عن كل اللي حصلي ربنا يخليك ليا يارب.. تمت .. #آلاء_محمد ..

ج1

روايه كامله

مقالات ذات صلة

اترك تعليقاً إلغاء الرد

أنت تستخدم إضافة Adblock