امراءه لاتعرف الهزيمه بقلم ندى حداد

آه آه افتكرت ماشي هكلمه.
بصيت ل رحاب طيب أنا هطلع اريح شوية وبكره نكمل كلامنا.
قعدت فوق السرير بتعب حركت ايدي على بطني وأنا بتكلم مع الطفل اللي جوايا واللي أنا لسه معرفش جنسة إيه بس حسيت إني عايزة اقول كلام احكي كل اللي جوايا لمين هحكي مفيش حد بس في الطفل اللي جوايا فانا هحكيلة.
ازيك ياعيون ماما أول حاجة أنا مكنتش عايزة نوصل ل كده أنا وأبوك بس بس هو كان سبب كبير فاللي أنا بعمله هو خلاني اتغير واعاملة بأسلوب مش كويس.
طب تعرف برغم كل اللي أنا بعمله فيه لساه غالي وأنا بحبه بس كان لازم يتأدب ويعرف غلطة يعرف إني حد مش سهل واللي بيدوسلي على طرف إيه بيحصل فيه والسبب الأكبر فاللي وصلناله ستك العقربه بردو هي جاي دورها.
في مثل بيقول إتقل على الرز يستوي.
مسحت وشي وعيوني واتنهدت وكملت باقي كلامي!!
هو أنت فاكر إن فراقي أنا وأبوك هيأثر عليك أو هيخليك شب مش كويس لا هتكون كويس وفراقنا مش هيأثر عليك فأى حاجة هكون حريصة على كل حاجة هتتعلمها
مين صاحبك مين حبيبك مين عدوك متخفش أنت عندك أمك كانت تتمنى تلاقي أم شبها هحبك هحضنك كل شوية هطمن عليك بالليل واشوفك إن كنت بټعيط ولا لا مخدتك هشوفها هي كمان عليها دموعك ولا أنت كويس ومش زعلان اوعدك هتعيش حياة جميلة فوسط الدنيا اللي الناس مابقتش عارفه تعيش فيها اوعدك بده.
كان خبط خفيف على الباب فوقفت بسرعة وروحت الحمام غسلت وشي وروحت فتحت الباب.
خالتو رحاب في إيه
جيت اقولك إن تمت الموافقة على تصاميمك ومن بكره هيبدأ التصنيع فيها فأسرع وقت زي ماطلبتي وزين بنفسه بيشرف على كل حاجة.
ابتسمت بسعادة جميل جميل أوي.
حيث كده بقى أجهز الموخيتو.
ياريت بجد.
تاني يوم نزلت مع المحامي لرفع القضية التالته ماهو ابني محتاج عناية بردو يرضيكم اسيبه كده من غير ما اتابع مع دكتورة محترمة وكويسه كده اكيد مايرضيكمش وأنا بردو مايرضنيش.
حضرتك قولي اسم الدكتورة اللي حابه تتابعي معاها عشان

—

نعرفه بيها.
قولت من غير ما اتردد لثانية واحدة
نيروز علام..
اتكلم وهو ملامح الصدمه ظاهرة عليه ايوة حضرتك بس دي علاجها والمتابعة معاها غالية أوي.
مفيش حاجة تغلى على ابني ابني الغالي يرخصلة نفذ اللي قولت عليه بدون أى نقاش مفهوم.
اللي تشوفيه حضرتك.
برافو عليك.
يستاهل كل اللي يجراله واللي هيجراله.
هتعدي على المصنع عشان تلقي نظرة على التصاميم وتوقعي على إن تم استلامها ولو صاحب الشركة عجبته تصاميمك وافكارك اكيد اكيد هتكوني المصممة الأساسية تبع الشركة.
شكرته بإمتنان بجد شكرا مش عارفه اقولك إيه الصراحه شكرا جدا.
تحت أمرك فأى حاجة تحتاجيها.
إلا قولي صحيح أنت بتشتغل إيه..
مدير المالية للشركة.
وه! أومال مقولتش ليه خاېف تتحسد.!!
تؤ بس مجاتش فرصة اقولك.
دمك سم.
سمج جدا بجد أول مره اقابل حد بالشكل ده.
عامل زي أخت ياسين هما الاتنين أسمج من بعض تحسهم كده مخلوقين من نفس الطينة ياخي على أم السامجة.
بردو نفس المحامي واقف تحت هو إيه الحكاية بالظبط..
رديت بهدوء الحكاية ومافيها إني رايحة أرفع قضية على ياسين كمان.
بخصوص إيه بقى!!
يعني يرضيكي القايمة تتبل وأنا أشرب مېتها وامه واخته يفرحوا بالعفش اللي أنا جيباه! يرضيكي
لا طبعا مايرضنيش.
ولا أنا بردو.
مش خاېفة يعمل فيكي حاجة.
أبدا بكرة هننقل للشقة الجديدة واللي هو جابها أنا همشي دلوقت.
ربنا معاكي.
استوقفني كلامها اللي قالته لوهلة حسيت إن ممكن يعمل كده وكنت بارعة فإني ماظهرتش ده قدامها ربنا موجود وأنا مش هخاف أبدا.
روحت محكمة الأسرة ورفعت القضية ومشيت للشركة أخاف كل مره اروح فيها الناس هناك تكرهني من كتر مابروح طب بذمتكم يرضيكم اتهان وماأخدش حقي! يرضيكم..
التصاميم كلها تبهر كده بجد.
ده من ذوق حضرتك.
لو قولتلك إنك تكوني المصممة الأساسية للشركة هتوافقي
اتفاجئت وعيوني لمعت ابتسمت بفرحة واتكلمت بسرعة
موافقه اكيد.
بكرة مكتبك يكون جاهز.
بعد طلبه وموافقتي كانت الأيام والشهور بتعدي كان كل مره بيطلع مني شغل حلو اتعلمت حاجات كتيره أوي وبقيت بصمم حلو كسبت كتير وخسړت قليل بس التجربة كانت ممتعه أوي حققت نجاحات كبيرة فخلال مدة قصيرة وده شيء أنا افتخر بيه وفخورة بنفسي جدا.
عدت شهور الحمل على خير وده طبعا بفضل الله الشغل وكل حاجة بقت ماشية عال العال جدا و آتت الأميرة.
بسم الله ما شاء الله حلوة بجد.
اتكلمت بتعب ممكن أشوفها.
مدت ايدها بيها وهي بتبتسم طبعا طبعا.
عملت المثل وأنا ايدي بتترعش
خاېفة متوترة شعور الأمومة ده غريب حلو ومخيف هكون أم ل بنوته هصحى وهسهر قصادها لما ټعيط أأكلها هي هتعرفني ازاي أكون أم لأن أنا مش هعرف امتي هتكون جعانة أو تعبانة أو ف أى حال هتكون محتاجة دكتور.
بوست خدودها الناعمين وضحكت من قلبي أول مره أكون فرحانه الفرحة دي هي رقيقة أوي وناعمة جميلة ملامحها هادية تشبهلي زي الملاك بريئة.
هتسميها إيه
أيلول.
اسمها جميل زيها.
فعلا.
عدى أسبوع على ولادتها كانت صحتها كويسه وبحمد ربنا على أنها مفهاش تعب وبخير..
أبوها مجاش شافها
جه وأنا رفضت يشوفها.
ليه كده ياسدرة هو حقه يشوفها زي ما حقك تكون معاكي.
لما أحب أنا يشوفها هخليه يشوفها اكيد.
سدرة.
عمتو نهال أرجوكي دي بنتي وأنا حرة.
قالت بهدوء زي ما هي بنتك هي بنته كمان ياحبيبتي ومن حقه يشوفها ومن حقه يجي هنا طول ما انتي مراته.
عايزة أنام من فضلك.
طب اصورها حتى ده هو من وقت ما اتولدت مشفهاش.
صوريها يا عمتو صوريها.
مكنتش حابه يشوفها كنت عايزاه يفضل كده لا يطول يشوفها أو يلمسها حتى لأن قبل كده قال إن هو مش عايزها لازم ارفض يشوفها عشان يحس شوية باللي عمله ويعرف أنه غلط وغلط أوي كمان.
عايز اشوف بنتي يا سدرة.
كټفت ايديا ببرود نايمة.
طب خليني ابص عليها وهمشي علطول.
قولت نايمة وبتصحى من أقل همسه وأنا تعبانه يعني مش عشانك أفضل سهرانه.
مش عشاني دلوقتي بقيت مهمكيش بطلتي تحبيني..
للأسف فهمك متأخر أوي آه بطلنها العادة دي.
طب أنا عايز اشوف بنتي ودلوقتي حالا.
نايمة.
ماشي ماشي يا سدرة.
نظام التأديب ده كويس لأن هو محتاج شوية تأديب وأنا هأدبه مفهاش مشكلة يعني.
كان بيجي كل يوم عشان يشوفها وكنت برفض ساعات أقوله نايمة أو تعبانة مكنتش بخلية يشوفها غير مره وهي وقت ما صورتها عمته عشان يشوفها فقط لا غير.
إن كان الحب أثم فنسيانه أعظم أشكال التوبة.
بعد بضعة أشهر.
لبست كنزة وردية وبنطلون أبيض بجانب هيلز وردي رقيق بكعب عالي زينت رقبتي بعقد من الفصوص اللؤلؤية البيضة وسيبت لشعري الحرية.
نزلت من العربية واتجهت لمكان ما هو واقف مشيت بثقة وقوة خرجت الست القوية اللي جوايا واللي مهما حصلها لسه بردو قوية وصلبة.
وقفت قدامه وأنا بقلع النضارة جاي هنا بمناسبة إيه!
نتعاتب!
العتاب بيكون على قد المحبة وأنا بطلت أحبك.
بس أنا لسه بحبك.
وأنا نسيتك.
وأنا مانستكيش وحابب نرجع نتعاتب نصلح أي كسر كنت أنا سببه عشانك وعشان أيلول.
اللي اتكسر مابيتصلحش.
لأجل أيلول.
معدش ينفع.
سيبته ومشيت لأن الكلام معاه مامنوش فايده أبدا لو رجعت هكون بديله فرصه هو مايستحقهاش.
طلعت على المنصة بعد ما نادوا اسمي بالكامل.
وقفت قدام المايك وأنا فرحانه وفخورة بي النهاردة حفلة تكريمي كأكبر مصممة في الوطن العربي.
إحساس من السعادة والفرحة كانوا ملازميني طول الحفلة كنت الست الوحيدة بينهم اللي محققه نجاحات فخلال شهور.
طلعت على المنصة من تاني وكانت الحكاية عن إمرأة لا تشعر بالهزيمة.
ندى_الحداد.