كده.
طمنتني وقالت بإبتسامة حلوة تشبهلها كل حاجة بخير والبيبي كويس جدا هو حصل ڼزيف والحمدلله قدروا يوقفوه.
الحمدلله.
حطت ايدها على شعري بحب وقالت ارتاحي دلوقت وأنا هخرج.
غمضت عيوني وحكيت حاضر.
عمته كانت غيرهم مختلفة تماما طيبة وحنينه أوي إنسانه سكرايه مش زي أمه نهائي أمه دي كانت عقربه واخته دي كانت حيه بتبخ سمها من تحت لتحت.
ألف سلامة عليكي يابنتي.
الله يسلمك يا خالتو.
هروح اعملك أكل.
رقدت على السرير براحه قعدت جمبي ومسكت ايدي
حقك علي يا سدرة ابن اخويا غلط وأنا هتصرف معاه.
اتمهدت بتعب متحكيش معاه فأي حاجة بس لو حابه تساعديني تخليه يطلقني وف أسرع وقت ممكن لاني مش حابه افضل على ذمة إنسان زيه.
طب و الطفل اللي ف بطنك مش حرام يتظلم بينكم كده.
أبوه بقى متوحش ف لأجل كده مش حرام أبدا ابني هيعيش معايا و هطلعه سوي نفسيا مش هخليه زي أبوه أبدا ولا أنا هكون زي سته هخليه أحسن حد فالدنيا دي سواء كان بنت أو ولد هكون ليه الأم و الأب كل حاجة أنا هعملهاله يعني مش هخليه يحتاج حاجة و ما يلاقيهاش أو لحنان أبوه ومايلاقيهوش.
ياسدرة.
معاد العلاج عدى ممكن تجبيه عشان اخده.
حاضر ياحبيبتي.
مشيت بعد ما اخدت العلاج وبعدها ارتحت شوية نمت عشان ماحسش بالتعب اللي فجسمي واللي كان سببه ياسين.
خديني للبلكونة نقعد شوية وكمان عايزة اشم هوى نضيف.
مسكت ايدي بالراحه طيب على مهلك.
وقفت معاها ومشيت لحد الباب و اتكلمت جعانة أوي.
هجبلك الأكل حاضر.
قلت وأنا بقعد على الكرسي حابه نتكلم فموضوع.
ثواني طيب.
اخدت نفس عميق وأنا بشم الهوى الجميل هديت نفسي قبل مادمعتي ترجع تقع من تاني أو أزعل عن اللي كنت فيه أو افتكر أى حاجة وقولت لنفسي عيوني ماينفعش تبكي أو تكون زعلانه.
واحدة زيي ماتهزهاش غير الطبلة وبس.
اما الزعل ركنته على جنب الوقت الجاي هيكون للشغل وتربية ياسين يعني الزعل مفيش له أى مجال نهائي.
تعرفي يا خالتو رحاب كنت اتمنى لو نفضل حلوين وحبايب بس هو اللي اجبرني على إني أكون قاسېة معاه بالشكل ده خلاني أطلع الست القاسېة والصارمة اللي جوايا كل اللي هيجراله الفترة الجايه هيكون هو السبب الرئيسي فيه.
هتعملي إيه يابنتي ده مهما كان جوزك وابو الطفل اللي جواكي.
بصيت للجنب التاني واللي هو ناحية الشارع والناس
هعيد تربيته من جديد هخليه يعرف كويس ازاي يمد ايده على واحدة ست وعشان هو أبو ابني أنا هعلم عليه.
رجعت بصتلها وابتسمت بفخر اقعدي واتفرجي على اللي سدرة هتعمله.
سدرة متروحيش للأذيه بنفسك يابنتي.
اهدي يا رحاب شوية.
سدرة!
ضحكت
حبيب سدرة.
مع بداية يوم جديد يوم مليان بحاجات ممتعه يوم فيه سدرة هتعيد تربية ياسين وهو اليوم اللي احنا فيه دخلت الحمام استحميت وخرجت لبست هدومي ونزلت لرحاب.
الله الله إيه الشياكة دي ورايحه فين بقى.
ابتسمت ورفعت دقني وغمزتلها محكمة الأسرة ياغالية هو احنا لينا غيرها.
هتعملي إيه هناك.
بنفس الابتسامة هرفع قضية على ياسين.
إيه
زي ما سمعتي كده.
فهميني طيب هتعملي إيه.
بعدين هبقى اقولك.. يلا سلام.
رايحه محكمة الأسرة ومبسوطة كأني رايحه فرح صحبتي أنا مروقه على الآخر كده ازاي معرفش بس اللي أعرفه إن
اللي جاي ليا ليا وبس.
دخلت وروحت للظابط اللي موجود وقفت قدامه فرفع راسه وبصلي
نعم حضرتك.
عايزة أرفع قضية.
ضد مين
جوزي.
جوزك
آه جوزي
اتفضلي يا مدام واحكي اللي عندك عشان ارفعلك القضية.
قعدت بهدوء بص أول حاجة وهي….
حكتله اللي حصل بالتفصيل بمعنى من طأطأ للسلام عليكم.
ياه بقى كان نفسي أكون موجودة واشوف شكل أمه العقربه واخته الحيزبونة وهما واخدين اخوها الله على
—
الإحساس والله أنا اعطيني عشرة من عشرة وعليهم نجمة قمر كده.
الناس تستغرب تتكلم الناس تقول اللي تقوله مايفرقش معايا محدش حاشه عني وهو بيضربني محدش حس باللي كنت فيه أو بكل مره كان الحزام ينزل على جسمي ويسحب روحي واحدة واحدة أو ضړبته فبطني اللي خلت روحي تروح عني وتتردلي من تاني لذلك محدش هيحس بالسعادة اللي أنا فيها دلوقت.
كده ياسدرة يابنتي بردو تعملي كده.
عمتو نهال انتي معاكي حق تدافعي عن ابن اخوكي أنا مش هقولك ماتدافعيش عنه لا بالعكس دافعي عنه بس فالحق والعدل اللي عمله ده مايرضيش ربنا ولا هو حقه يضربني ولا ده عدل.
بس..
مابسش ياعمتو! أنا لو سكتت عن المره دي ابن اخوكي كان هيمد ايده علي من تاني وكل مره هسكت فيه هو هيزيد وهيبقى متوحش أكتر وأكتر أنا مش جارية أو لاقيني فالشارع ده حتى الجواري مبيحصلش فيهم كده.
براحتك يابنتي.
ما هو فعلا براحتي ياعمتو.
أصل هقول مره ومش هتتكرر لا هتتكرر وهتتكرر ومش بعيد يق تلني طب ليه وأنا بإيدي اخلص نفسي من العڈاب.
بينا طفل وهيتظلم! لا مش هيتظلم أنا هربية وهكون قد ده الراجل لما بيتسكتله عن غلطه بيزيد وبيغلط وبيغلط لحد ماكل الغلط ده يعمي على قلبه وبيعمل حاجات ولا ترضي ربنا ولا ترضي البشر.
خالتو رحاب تعالي عايزة اكلمك فالموضوع اللي قولتلك عليه.
إيه يابنتي احكيلي.
مش انتي قولتي ابن اختك عنده محل قريب من المكان ده..
آه قولت بس هو مش موجود هنا دلوقت.
عظيم أنا بقى عايزة المحل ده.
ما هو صاحب المحل مش موجود.
رنيلي عليه مش صعبة هي قوليله يجي.
يجي فين.
يجي يقعد عندك وهنشتغل كلنا مع بعض.
هقوله وأمري لله.
بوستها من خدها بحبك مۏت.
نزلت وروحت للمحل وفتحته بعد ما اخدت منها المفتاح نضفته وعدلت كل حاجة فيه ومبقاش غير الهدوم تتحط فمكانها الأساسي.
هشتغل وهصرف على ابني الشغل لا هو عيب ولا حرام طول ما انتي بتشتغلي شغل محترم ويرضي ربنا ويرضيكي خلاص مفيش أى مشاكل.
