نوفيلا قلبي لك
البارت الخامس
“قلبي لك ”
• وقعت علي الارض من كتر الضحك وفجأة قام من مكانه وعينه حمرا وبطلع شرار و بيقرب عليا وانا برجع لورا ..
– فهد : انتي قد اللي انتي عملتيه ده
-عائشه بخوف : بهزر معاك ي جدع
-فهد : عارفه ………
لسه مكملش كلامه لقينا الباب بيخبط
– الخادم : فهد بيه الجد الكبير وقع واغمي عليه
– فهد :ايه …..؟؟؟!
– عائشه : ايه ….!!!؟
• نزلنا نجري علي تحت وانا قلبي هيقف من الخوف مقدرش اخسرة ، هوة كل حاجه ليه ، امي ، وابويا ، عوضني عن كل حاجه مش هقدر اخسرة لا ……..!!
• شوفناه مرمي علي الارض وفاقد وعيه فهد جري عليه شاله وطلعه اوضته وانا طلبتله الدكتور
-فهد : طمني يا دكتور ؟؟
– الدكتور : هوة كويس بس الضغط علي عليه اتمني تبعدوة عن اي حاجة تأثر علي صحته بالسلب
– فهد : ماشي شكرا ي دكتور اتفضل
• وصلت الدكتور ورجعت لقيتها واقفه مكانها مكنش عارف اقولها اي او اواسيها ازاي
– فهد : عائشه جدي هيب ……..
• لقيتها حـ,ـضنتني وهيه بتعيط اتفجأت بس شددت من حضـ,ـني ليها كأني انا كمان كنت محتاج الحضـ,ـن ده
– فهد : ششششش هوة كويس اهدي متعيطيش
– عائشه بعياط : جدي كل حاجه بالنسبالي ي فهد ، هوة اللي حسسني بالامان بعد م كنت ف الشارع ومليش حد ، بابا وماما اتخلو عني ورموني ف الملجأ ….معقول مهنتش عليهم !!؟ انا ليه بيحصلي كل ده ؟!؟….اتربيت ف الملجأ واعتبرت نفسي يتيمه ، عارف مكنش عندي صحاب ، كانو بيضـ,ـربوني هناك ، عشان كده بروح اي دار ايتام وازورة واجبلهم هدايا واكون ليهم صحبتهم ، مش عايزة الدنيا تيجي عليهم زي م جات عليا ….
• بشهقه : انا …انا. ه.ه.هرجع يتيمه تاني لو جدي سابني ي فهد
• طلعتها من حـ,ـضني وانا دموعي نازله عليها وقلبي بيتقطع
– فهد : وانا روحت فين انا جمبك وعمري م هسيبك ، وبعدين جدي كويس مش هيسيبنا الدكتور قال شوية ضغط ولازم يرتاح
• اكتفيت بإبتسامه وسط دموعي وانا بهز راسي ، اتكسفت اوي وخدت بالي اني كنت ف حضـ,ـنه ، قررت اقوله اي حجه عشان اخرج من الوضع ده .
– عائشه : انا …انا هروح احضر حاجه لجدي ياكلها علي م يفوق
– فهد بإبتسامه : ماشي ي حبيبتي روحي
– عائشه : يا ايه ….!!!؟
– فهد : ايه ..
– عائشه : انت قولت ايه دلوقتي ؟
– فهد : ايمته دة
– عائشه بصوت واطي : انا شكلي اتهبلت اه والله شكلي كده
– فهد : ههههههه يلا ي مجنونه
• طلعت تجري من قدامي ، انا مالي مبسوط كده ، اي اللي حصلي ، كنت فرحان اوي لما جات حضـ,ـنتني واعتبرتني مصدر امان ليها ، مش عارف بحس ب ايه نحيتك بس عمري م هخذلك تاني يا عائشه هعوضك عن كل اللي حصلك
_____________________________________________
