نوفيلا قلبي لك
الفصل الثالث
– عائشه فهد طالب ايدك
– عائشه بصدمه : ايه …..؟!!!
– مالك يبنتي مستغربه كدا ليه
– جدي انت عارف اننا مش بنطيق بعض
– فهد معجب بيكي وكل حاجه بيعملها من خوفه عليكي
– بس ي جدي …
– انا نفسي تتجوزي فهد وتعيشي معايا هنا مش عايزك تبعدي عني
– وانا مقدرش استغني عنك ي جدو
– خلاص خدي وقتك وفكري ونا مش هخصبك علي حاجه
– حاضر ي جدو عن اذنك .
• انا عارفه ان فهد عمل كده علشان ينتقم مني ، ويذلني بس هرفض ، طب …طب وجدي ؟ ازاي هرفضلو اول طلب يطلبه مني ، ابقي قليله اصل لو موافقتش ، بس انا من حقي اختار شريك حياتي ويكون بيحبني ، ويعرف اني محتجاه يعوضني عن كل الللي خسرته …كنت ماشيه وخبطت ف فهد
– مش تفتح
– والله ؟!..مين اللي خبط ف التاني ؟
– طب اوعي من سكتي
– اي ؟..عجبتك المفجأة
– انا عارفه انت بتعمل كل ده ليه
– قرب عليا اوي : ليه
-زقيته بعيد : انت اي اللي بتعمله ده
-عملت اي ؟
-اااا …يعني …
-انتي لسه هتتهتهي
-انت عايز تتجوزني ليه ي فهد
-عشان اربيكي من اول وجديد ، واكسر غرورك ده
-غروري ؟ دا انت شكلك اتهبلت
-معلش تمادي براحتك حسابك بيكتر عندي
-ومين قالك اني هوافق
-هتوافقي عارفه ليه ؟
-…….
-هقولك ….عشان جدي اللي رباكي ولمك من الشوارع لو رفضتي طلبه اللي هوة طلبي هتبقي عملتي ب اصلك وانتي طبعا عارفه اصلك كويس
-عائشه بدموع : انا عملتلك اي لكل ده سيبني ف حالي بقي
-يلا يا حلوة بلغي جدي بموافقتك وبلاش دموع التماسيح دي
• مشي من قدامي وانا مصدومه ، معقول انا وحشه للدرجه ، لي كل حاجه بتحصلي بتأذيني ، خسرت ولسه بخسر وهخسر كتير اووي ، معنديش حل تاني غير اني اوافق علشان خاطر الراجل الطيب اللي رباني ونفسه يفرح بيا انا وحفيده
– جدو انا موافقه
-الجد بفرحه :بجد ي عائشه …بجد يبنتي موافقه ؟
- ايوة ي جدي
-نفسي افرح بيكم قبل م امو.ت
-بعد الشر عليك متقولش كده تاني لحسن اغير رأي
-هههههه لاخلاص وعلي اي
-هههههه ماشي ي حبيبي انا هروح ارتاح شوية خدت دواك ؟
-ايوة
-طب اكلت ؟
-ايوة
-طب …
-باااس روحي شوفي هتعملي اي
-هههههه حاضر
• جدي بلغه بموافقتي وان الفرح وكتب الكتاب كمان اسبوع وهيعمل حفله بسيطه يدعي فيها عدد قليل من الناس
• مش عارفه هعمل اي هتعامل ازاي مع الحيوان ده يارب ساعدني وعدي الايام دي علي خير
• كنت قاعده ف اوضتي بالليل بعيط وخايفه اووي
لقيت الباب اتفتح علي غفله
– ازاي دخلت هنا من غير م تخبط انت معندكش زوق
– قرب عليا : ليه دا حتي بكرة فرحنا وهدخل وهطلع براحتي
– لما ييجي بكرة لاكن دلوقتي اتفضل اطلع برة
– هما كلمتين جاي اقولهملك
– وجاي تقولهم بالطريقه دي
– اه عندك مانع
– بصتله ب استحكار وسكت
