قبل ما ابدأ قصتي احب اعرفكم بنفسي انا سليم كامل عندي 27 سنه بشتغل مهندس في شركه كبيره من الشركات المشهورة جدا في مصر….. انا من القاهره وعايش مع والدي ووالدتي…. خاطب بنت اسمها ميار وخلاص هنتجوز قريب….. ليا صاحب مقرب ليا اسمه عمر…. عمر انا بعتبره اخويا ويمكن هو الي معوضني عن اني مليش اخوات…. عمر بيشتغل رسام بصراحه لو فضلت اتكلم عليه مش هوفيه حقه…… الحمدلله حياتي مستقره لحد كبير وحالتي الماديه كويسه جدا خصوصا اني مدير فرع من فروع الشركه…… قصتي بتبدأ من يوم كنت في الشركه واتصلت بيا والدتي… الو ايوه ياماما.. الحقني يبني ابوك تعبان وعايز يشوفك بسرعه… قولتلها تعبان ازاي.. كانت بتبكي وقلتلي مش عارفه ماله تعالي بسرعه يبني ابوك هيروح مني…… نزلت من الشركه بسرعه وركبت عربيتي وطلعت علي البيت كل تفكيري والدي ماله تعبان من اي…. خليني اعرفكم علي والدي.. الاستاذ كامل العوضي بيشتغل محامي وليه اسمه ومكانته… والدي الي في الفتره الاخيره كان متغير وعصبي ودايما كان بيحذرني من مجهول وبيوصيني علي امي……. قطع تفكيري وصولي البيت طلعت بسرعه ودخلت وفي الاوضه كان ابويا علي السرير بياخد نفسه بالعافيه وامي قاعده جمبه بتعيط…… قربت منه وانا بقوله مالك يا ابويا سلامتك مالك في اي… رد عليا وهو بيتكلم بالعافيه ومبرق سليم خلي بالك من نفسك ومن امك عشان مش هيسبكم هيأذيكم….. قولتله هو مين يا ابويا فتح بوقه عشان يتكلم لكن بدأ يتحشرج ويتشنج وخرج من بوقه رغوه بيضه….. طلعت تليفوني واتصلت بالاسعاف… ابويا كان فقد الوعي وجيه الاسعاف واتنقل المستشفى…. كنت مش عارف الي وصله لكده وهو كان يقصد مين……. خرج الدكتور وقال عملنا كل الي علينا لكن للاسف مقدرناش نلحقه….. قولتله يعني اي…… البقاء لله….. صراخ وعياط حزن مش مصدق ان ابويا مات……. دخلت للدكتور عشان اخلص تصريح الدفنه… قلي استاذ سليم من الافضل اننا نشـ,ـرح جـ,ـثه والدك…. قولتله ليه… قلي سبب الوفاه مش معلم كان فيه انهيار في اجهزه الجسم…. وافقت بصراحه لاني عاوز اعرف فيه اي…… سبته ورجعنا البيت كان فيه اعتراض من امي علي موضوع التشـ,ـريح… لكن انا كنت مصمم…… حاولت اهرب من حزني بالنوم دخلت اوضتي ودموعي مغرقه وشي رميت نفسي على السرير ونمت… صحيت علي صوت رنه تليفوني كان الي بيتصل الدكتور رديت عليه…. قلي استاذ سليم ممكن تيجي المستشفى ضروري… رغم اني تعبان تحاملت علي نفسي وقومت بصيت في الساعه انا نمت 15 ساعه ازاي…. لبست ونزلت ورحت المستشفى….. الدكتور قالي انا عاوزك تتماسك احنا لما شرحنا جـ,ـثه والدك لقينا فيها ماده غريبه وسامه…. قولتله سم… قلي ايوه بس مش من السموم الي نعرفها بس الماده هي السبب في مـ,ـوت والدك…… قولتله يعني اي يعني انا والدي مات مقتول طب ازاي….. وطلع ازازه فيها ماده غريبه كده وقلي خدها ووديها اي معمل تحاليل يكون كبير يمكن يعرفوا اي ده…… اخدت جـ,ـثه ابويا من المستشفى ودفناها كنت واقف قدام قبره وجمبي عمر صحبي وميار خطيبتي وكانوا بيحاولوا يوسوني ويهونوا علياوهو بيدفن ومش مصدق….. بدأت ادعيله وابكي واقوله سبتني لوحدي ليه…… عملنا عزا كنت واقف ولسه مش مستوعب ان ابويا مات ومش بس مات ده مات مقتول….. بعد العزا وديت الماده دي تتحلل في معمل تحاليل كبير ومعرف وقلولي بكره تستلم النتيجة رجعت البيت تعبان مرهق الصداع هيفرتك دماغي دخلت سريري ونمت… وشوفت نفسي ماشي وسط المقابر لحد ما وصلت لقبر ابويا الي كان مفتوح لقيت نفسي بدخل جوه وانا مسلوب الاراده وبقرب من الجـ,ـثه وبكشف وشها اعوذ بالله اعوذ بالله ملامح الفزع والرعب علي وش ابويا لكن فجأه الجـ,ـثه اتحركت وابويا اتكلم وقال انقذني انقذني…… صحيت من النوم مش فاهم حاجه…. اتصلت بعمر وقولتله قابلني في كافيه ونزلت ركبت عربيتي في الطريق عديت علي إشارة مرور ووقفت وسرحت فوقت علي صوت خبط علي الازاز بصيت اتجمدت في مكاني الدم نشف في عروقي الي واقف قدامي ده كان ابويا…. انقذني انقذني……
#الخوف_كله_هنا
#الــراويه_اوتار
فوقت على صوت امين الشرطه الي بيقولي فوق يا استاذ الاشاره فتحت وانت واقف…. اعتذرت واتحركت وانا مش فاهم ايه الي بشوفه ده… وصلت الكافيه قعدت مع عمر وبدأت احكيله كل حاجه قلي دي تهيؤات عشان انت لسه بس مصدوم من مـ,ـوت والدك…. قولتله وموضوع السم.. قلي استني وشوف المعمل هيقولك اي…… وانا بتكلم معاه تليفوني رن وكان المعمل قولتله سبحان الله المعمل بيتصل….. رديت رد عليا الدكتور وقلي استاذ سليم ممكن تشرفنا في المعمل دلوقتي…. ورحت المعمل وجيه معايا عمر….. واتكلمت مع الدكتور خير يا دكتور….. قلي بصراحه مش خير ممكن سؤال… قولتله اتفضل… قلي والدك كان ليه علاقه بشغل السـ,ـحر والدجل؟…. قولتله لا طبعا ليه بتقول كده….. قلي لان الماده دي فعلا سامه بس بيستخدمها السـ,ـحره والدجـ,ـالين وبتمـ,ـوت بالبطئ….. مكنتش عارف ارد اي علاقه والدي بالكلام ده…. قلي عموما انا هكلمك تاني لو عرفت حاجه….. مشينا ورجعت البيت بعد ما عمر وصلني مكنتش قادر اسوق من التفكير….. قعدت مع امي الي كانت من صدمه مـ,ـوت ابويا دموعها مش بتجف وبدأت اتكلم معاها واخفف عنها…… لكن تليفوني رن تاني كان الدكتور بتاع المعمل تاني رديت… استاذ سليم ياريت تجيلي بسرعه في حاجه مهمه لازم تعرفها… كان بيتكلم بطريقه وكأنه اكتشف حاجه… نزلت بسرعه ركبت عربيتي وطرت علي المعمل… وصلت مكتب الدكتور خبطت مره لكن الباب كان مفتوح دخلت وكانت الصدمه…
دخلت واتصدمت الدكتور مشنوق مشنوق في السقف… رجعت لورا لا اله الا الله لا اله الا الله….. ولقيت علي الارض مفاتيح اخدت المفاتيح وحطيتها في جيبي.. مفيش دقيقه لقيت الشرطه داخله من الباب واتقبض عليا… ولقيت نفسي متهم بقتـ,ـل الدكتور مكنتش عارف اقول ايه كل الي كنت بقدر اقوله اني مقتـ,ـلتهوش…. اتسألت سبب تواجدك في مسرح الجريمة… رديت ان الدكتور كلمني وقالي عايز اشوفك ضروري…… واي سابق معرفتك بيه…. مكنش عندي حل غير اني احكي وحكيت ابويا مات ازاي والي اتقلي ان الماده السامه هي الي قتـ,ـلت ابويا…..وازاي تم تشـ,ـريح الجـ,ـثه من غير اذن نيابه……قولتلهم انا معرفش ممكن تسألوا دكتور المستسشفي ….. استدعوا دكتور المستشفى والي كان اسمه الدكتور مصطفى والي اكد علي كلامي وقال ان كنت مستني الاستاذ سليم يأكدلي المعلومة عشان ابلغ النيابة بوجود شبهه جنائيه….. وللاسف الدكتورمصطفي اتحفظوا عليه لانه شرح الجـ,ـثه من غير اذن نيابه….. افرجوا عني بسبب شهادة الدكتور وتوقيت المكالمة ووصولي…. وخرجت ورجعت البيت مش مصدق الي مريت بيه واني كنت متهم***…….. تاني يوم اتصلت بيا ميار وقلتلي انها عاوزه تشوفني ورحت قابلتها في كافيه…. قلتلي انت لازم تخرج نفسك من الي انت فيه حرام عليك نفسك…. وعرضت اننا نتجوز في اقرب وقت عشان تكون جمبي بصراحه شوفتها انسانه انانيه مش بتفكر غير في نفسها…. لكن هيا قلتلي انا عارفه انت بتقول ايه دلوقتي لكن انا كل هدفي اكون جمبك واهون عليك الايام دي….. سبتها ورجعت البيت ووعدتها اني هفكر وقولت لامي الي قلتلي وافق يبني واتجوز انت محتاج تخرج من الي انت فيه ده وتشوف شغلك وتعيش حياتك….. قولتلها حاضر يا امي… ودخلت انام بس انام ازاي من غير كوابيس…. شوفت نفسي ماشي بين المقابر من تاني والقبر المفتوح تاني نزلت لكن المره دي كان الكفن الي متكفن بيه كان اسود بدأت الجـ,ـثه تتحرك والايدين بدأت تقطع الكفن….. سلام قول من ربي رحيم.. سلام قول من ربي رحيم…… ابويا كان وشه اسود وكانت عينيه بيضه… قرب مني قولتله انت هتعمل اي…. انت هتعمل ايه عايز مني اي…… عايز اتحرك انا اتشليت في مكاني…. وشاور علي حاجه في ركن القبر بصيت كانت جـ,ـثه تانيه متكفـ,ـنه….. حرك ايده نحيته واتزاح الكفن عن وشها….. امي الي ميـ,ـته.. جـ,ـثه امي…. اعوذ بالله من الشيطان الرجيم…… صرخ ولقيت نفسي بصحي من النوم…. قررت غريب شويه قررت اني هروح المقابر ازور قبر والدي الله يرحمه وادعيله…. نزلت ركبت عربيتي وطلعت علي المقابر…. وصلت جوايا مشاعر كتير متضاربه ما بين حزن وخوف وقفت قدام القبر وقريت الفاتحه وبدأت اكلمه واقوله سبتني لوحدي ليه اي الي انت كنت مخبيه عليا…. جاوبني وريحني من الحيره الي انا فيها دي انا تعبت وبدأت ابكي….. لقيت صوت من ورايا بيقولي استاذ سليم كويس انك جيت…… بصيت ورايا كان عم علي التربي….. قولتله خير يا عم علي….. قلي بصراحه مش خير خالص يبني… من ساعه ما ابوك مات وانا بسمع اصوات صراخ جايه من جوه القبر وحاولت اتواصل معاك مش عارف اوصلك….. قولتله صراخ ازاي يعني….. قلي متأخذنيش يبني هو ابوك كان بيعمل ايه في حياته…… قولتله انت بتقول ايه يا راجل انت.. انت اتجننت…….. قلي يا استاذ سليم الي بيحصل ده مش طبيعي فكر في الموضوع لانه مش سهل…… سبته ومشيت ويارتني ما رحت عشان حريتي زادت…… لما رجعت سألت امي هو بابا كان ليه علاقه بالسـ,ـحر والدجل… قلتلي لا طبعاً اي الي انت بتقوله ده لاحظ انك بتتكلم عن ابوك…. قولتلها انا هتجنن يا امي هتجنن وحكتلها كل حاجه…. امي كانت بتسمع ومصدومه…. قلتلي عشان كده طلبت تشـ,ــريح الجـ,ـثه…… قولتلها ايوه…… مش عارفه اقولك ايه يبني لكن ابوك كان بعيد كل البعد عن الكلام ده…….. سبت امي ودخلت اوضتي لقيت ميار بتتصل قلتلي قررت…. قولتلها موافق….. وفعلا بعد اسبوع واحد تمت الجوازه كنت حاسس انها ممكن تطلعني من الحاله الي انا فيها….. من اول يوم دخلت ميار فيه البيت قلتلي انها مش مرتاحه…. البيت ده فيه حاجه خنقاني… رغم ان امي كانت بتعملها كويس جدا وزي بنتها….. لحد ما في يوم نزلت الشركه وبلغوني ان فيه اجتماع لجميع الموظفين دخلت وحضرت الاجتماع والصدمه انهم استغنوا عن نص العاملين وانا علي رأسهم كان خبر صادم ليا والسبب عجز في دفع المرتبات…….. خرجت من الشركه مخنوق جدا يعني اي خلاص انا بخسر حياتي الي قعدت ببني فيها… وانا واقف تايه جالي تليفون من مراتي رديت كانت بتصرخ وبتقولي الحق ماما بتمـ,ـوت…. ركبت عربيتي وطرت على البيت.. وصلت والمنظر جوه كان صعب امي ميته في الحمام ومبرقه على الاخر…. سألت مراتي حصلها اي كانت كويسه…
#الخوف_كله_هنا
