#الحلقة_الرابعة_والعشرون
في القسم
عند محمد
يوسف:هااا قولي بقا ايه اللي هيحصل
محمد:طيب دلوقتي انت هيتحقق معاك عادي وهنطلع قرار بحبس لغاية ماتتعرض علي النيابه طبعا احنا هنعمل كده لان اللي عرفناه الفتره اللي فاتت ان في حد في القسم بيوصلهم اخبارنا
يوسف:تمام
محمد:انا عايز اعرف حاجة
يوسف:ايه هي
محمد:مين عزيز ده وايه حكايته معاك
يوسف:ده المفروض ان هو كان اقرب صديق ليا
محمد:كاان؟!!
يوسف هز دماغه باه
محمد:ايه السبب في العداوه
يوسف:سرقني وو
محمد:وايه
يوسف:سرقني وخاني ضرـ,ـبني في ضهري كسرني خلاني مبقتش اثق في حد
محمد:سرقك ازاي
يوسف:هحكيلك وسرح بخياله وبدا يفتكر
فلاش باك
عزيز:30 سنه بيشتغل مع يوسف او بمعني اصح بيشتغل عند يوسف بس يوسف عمره مااعتبره غريب كان معتبره اخوه الكبير وصديق وعمره ماتعامل معاه علي انه شغال عنده
يوسف اتعرف عليه في كندا عن طريق المستشفي كان يوسف عمل حادثه هناك وعزيز اللي نقله المستشفي ومن هنا بدات صداقتهم المهم نرجع لحكايتنا في مره يوسف كان مسافر لندن ومسك عزيز ادارة الشركة لغاية مايرجع فف مرة سكرتيرة يوسف اتصلت بيه وبلغته بان
يوسف:الوو
نفين السكرتيرة:ايوه يافندم
يوسف:خير يانفين هو انا مش قايلك ان عزيز مكاني لغاية ماارجع بتتصلي بيا ليه
نفين:اهدي يافندم انا بتصل بحضرتك لان عايزاك تيجي ضروري ومينفعش ابلغ حد غير حضرتك
يوسف بقلق:في ايه يانفين قلقتيني
نفين:يوسف بيه حضرتك من ساعة ماسافرت والشركة بتقع وبتخسر وكذا عميل عندنا يجي يقدم شكوي وبيبقا عايز يقابل حضرتك وعزيز بيه يطردوا برا الشركة والعملاء سحبوا شغلهم من عندنا
يوسف بصدمة:وازاي متبلغنيش بحاجة زي دي ازاي ساكته كل ده
نفين:حضرتك انا الكلام ده لسه عرفاه قبل ماابلغ حضرتك
يوسف:مين اللي قالك الكلام ده
نفين:حضرتك عارف اني مخطوبه لزياد الخولي وهو من العملاء عندنا وسحب شغله هو كمان واتخانق معايا انا كمان وكنا هنسيب بعض بسبب عزيز وفي الاخر الاقي السواق اللي حضرتك كلفته بتوصيل عزيز اي مكان جاي بياكد الكلام ده زائد كمان ان لقاه بيقابل اااا
يوسف:بيقابل مين انطقي
نفين:بيقابل ااا خ خطيبة حضرتك ووبيمسك ايدها وواضح ان العلاقة اللي بينهم مش عاديه
اه نسيت اقولكوا ان يوسف كان خاطب قبل كده قبل جيهان مراته الاولي لو فاكرينها الله يرحمها بقا
يوسف:انا هحجز او طياره وهاجي بس مش عايز مخلوق يعرف اني راجع وعايزك تخلي السواق يراقبه وشوفي حد يراقب الهانم التانيه لو حاجة تافهه تبلغوني بيها فاهمة
نفين:فاهمة
وفعلا ده اللي حصل
تاني يوم يوسف وصل مصر وراح قعد في فندق عشان محدش يعرف ان هو رجع المهم كلم نفين
نفين:حمدلله علي سلامتك يافندم
يوسف:الله يسلمك يانفين… ها في اخبار
نفين:في يافندم…. هو حاليا بيقابل واحد اسمه فهمي في كافيه وواضح ان هو بيساعده في اللي هو عايزه لان السواق قالي ان شافه وهو بيدي لفهمي ده فلوس وواضح ان هما كانوا بيتفقوا علي حاجة
يوسف:اسمه فهمي ايه
نفين:للاسف يافندم معرفناش اسمه كامل
يوسف:تمام.. يلا سلام ولو في اخبار جديدة اتصلي بيا
نفين:حاضر يافندم
باك
محمد:وبعد كده
يوسف:روحت الكافيه فعلا
محمد:وايه اللي حصل هناك
يوسف بيتنهد:هقولك
فلاش باك
يوسف وصل الكافيه وبيدور عليهم وبعدين لقاهم قاعدين في اخر الكافيه وواضح ان هما بيتكلموا بصوت واطي جدا
يوسف دخل الكافيه
يوسف:عزيز
عزيز بخضه وارتباك:يوسف!!!…. ازيك حمدلله علي سلامتك
يوسف:الله يسلمك
عزيز:انت رجعت امتي
يوسف:رجعت امبارح ارتحت وانهارده جيت اقابل صاحبي بس اتصل واعتذر ان مش هيقدر يجي فقولت ادخل اشرب حاجة وبعد كده اطلع الشركة وانت هنا بتعمل ايه
عزيز بارتباك:اااا انا كنت ااا انا كنت بقابل جوز اختي وكنت هخلص معاه وهروح علي الشركة
يوسف:وهو برده ينفع تسيب شغلك وتقابل حد برا في ميعاد الشغل
عزيز:اصل ااا
قاطعه فهمي وقال:اصل انا واخته متخانقين خناقة جامدة وهي طالبه الطلاق فكنت بتكلم معاه علي اساس ان يروح يهديها يعني وكده
يوسف:اممممم ماشي متتاخرش ياعزيز انا طالع علي الشركة
عزيز:حاضر انا جاي وراك
وبعد مايوسف مشي
عزيز:اوووووووووووف اخيرا مشي
فهمي:انا اعصابي باظت
عزيز:وانا كمان المهم زي مااتفقنا فاهم
فهمي:فاهم متقلقش
عزيز:ماشي يلا سلام
فهمي:سلام
باك
يوسف:بس وبعد كده روحت علي الشركة وقابلت نفين هناك
محمد:وايه اللي حصل لما روحت الشركة
يوسف:لما روحت هناك وقابلت نفين لقيتها بتقولي اني خطيبتي جوا ومستنيه الاستاذ عزيز
محمد:طب كمل ايه اللي حصل
يوسف:ماشي
فلاش باك
