يوسف اخدها في حضنه
يوسف:اهدي واتكلمي لما تهدي
وبعد شوية كانت فاطمة هديت
يوسف:ها قولي بقا الي حصل
فاطمة بدا تحكي اللي حصل
يوسف:والفيديو فين
فاطمة:عادل قالي هيبعت الفيديو انهاردة
يوسف:ماشي نامي انتي وارتاحي شوية
فاطمة:مش زعلان مني
يوسف:انا اللي عايزك متبقيش زعلانة مني اني اتعصبت عليكي
فاطمة:خلاص يايوسف مفيش حاجة
وفجاة الباب خبط
يوسف:ادخل
الخدامة:يوسف بيه في واحد جاب الظرف ده وقالي اديه للست فاطمة
يوسف:طب هاتيه وروحي شوفي شغلك
وبعد ماخرجت والكل كمان خرج
فاطمة:اكيد ده الفيديو
يوسف:ادينا هنشوف
يوسف فتح الظرف لقي فيه فلاشة جاب اللاب توب وشغله ولقاه فعلا الفيديو بتاع فاطمة وعادل
يوسف:فعلا هو الفيديو…تمام اوي كده…وحياة ربنا لاعرفك ياجيهان مين هو يوسف الشناوي
فاطمة بقلق:يوسف انت ناوي تعمل ايه
يوسف:متقلقيش
فاطمة:مقلقش ايه بس…بص ربنا يسامحها هو هيجيبلي حقي ووو
يوسف:حبيبتي انتي ليه قلقانة كده
فاطمة:مش عايزة يحصلك حاجة…وكمان انت لسه تعبان
يوسف:انا ولا تعبان ولا حاجة وبعدين يلا عشان اقعد اراجعلك انتي وسيف شوية عشان الامتحانات بعد اسبوعين
فاطمة:احنا هنذاكر لوحدنا ووخليك انت ارتاح
يوسف بحنية وحب:راحتي اني اشوفك اشطر وانجح واحدة في الدنيا دي
يوسف قريب منها اوي وباصص في عنيها بحب
فاطمة بكسوف:ييي يو يوسف
يوسف بحب:نعم ياقلب يوسف
فاطمة بكسوف اكتر:اااا ابعد..ابعد شوية
يوسف بضحك علي شكلها:هههههههه مالك
فاطمة بكسوف وبضيق:يوسف ابعد بقا
يوسف بضحك جامد:هههههههههههههههه حاضر
يوسف بعد وقعد يضحك علي شكلها
عند سوزي وزيزي
زيزي:هو قالك ايه عشان يعصبك اوي كده
سوزى:قالي ان مراته غير مهيئة انها تقابل حد
زيزي:وهو احنا اغراب يعني
سوزي:مااانا قولتله كده
زيزي:وقالك ايه
سوزى:مقاليش انا اللي قولتله
زيزي:وقلتيلوا ايه
سوزي:قولتله انا مش هدخل بيتك تاني
وزيزي:قالك ايه
سوزى:قعد يقولي…ليه بس ياخالتوا…قولتلوا ماانا غريبة بقا وقفلت في وشه
زيزي:لتكون سمر هي اللي قايلالوا ياماما يقول كده
سوزي:يابنت الهبلة اذا كان سمر نيتها بقت صافية من ناحيتنا هتقوله يقولنا كده ليه
زيزي:مش عارفة ياماما مش مطمنة ان احمد اللي يقول كده
سوزي:لا ياختي اطمنى
زيزي:ماشي
سوزي:انا هروح النادي شوية
زيزي:اوك وانا هروح اامول
سوزى:ماشي يلا باي
زيزي:باي
عند سيف فى اوضته
سيف:الوووووز
دينا:الوووو
سيف:وحشتيني
دينا:امممم وانت كمان
سيف:عاملة ايه ياقلبي
دينا:انا هفضل كويسة طول ماانت كويس
سيف:عاملة ايه في المذاكرة الامتحانات بعد اسبوعين
دينا:في حاجات مش فهماها
سيف:طيب البسي
دينا:ليه
سيف:هاجي اخدك تيجي تراجعي معانا عشان يوسف هيراجعلنا
دينا:طب مااجي انا ايه لازمة انك تيجي
سيف:انتي سمعتي انا قولت ايه
دينا:يا سيف اااا
سيف بصرامة:دينااااا 5 دقايق وهاجي اخدك
وقفل في وشها
عند دينا
دينا بزعل:ماشي يا سيف والله ماهلبس وتعالا علي الفاضي بقا ها
وقعدة زعلانة
في البيت عند يوسف
يوسف باستغراب:رايح فين ياسيف
سيف:هروح اجيب دينا عشان في حاحات مش فهماها ف بالمرة تراجعلها معانا
يوسف:خلاص مفيش مشكلة روح هاتها بسرعة
سيف:ماشي
وشوية وسيف كان وصل عند دينا
سيف خبط علي الباب
الخدامة:مين حضرتك
سيف:انا سيف زميل دينا ممكن تندهيها
الخدامة:حاضر يابيه اتفضل ادخل وانا هروح ابلغها بوجود حضرتك
سيف:شكرا
وفي اوضة دينا
الباب خبط
دينا:ادخل
الخدامة:ياهانم في واحد تحت اسمه سيف وعايز يقابل حضرتك
دينا:طب قوليلوا جاية حالا
الخدامة:حاضر
وتحت عند سيف
الخدامة:دينا هانم نازلة حالا
سيف:ماشي
الخدامة:حضرتك تشرب ايه
سيف:لا شكرا انا ماشي علطول
دينا:خلاص روحي انتي شوفي شغلك
الخدامة:حاضر ياهانم
سيف:انتي لسة ملبستيش
دينا ببرود:والبس ليه
سيف باستغراب:وتلبسي ليه!!!! هو انا مش قولتلك تلبسي عشان اجي اخدك
دينا:وتاخدني ليه؟
سيف:انتي مالك في ايه
دينا:لا ابدا مفيش بعد اذنك عشان عايزة انام
سيف:دينا في ايه مالك
دينا:لا ابدا مفيش
سيف بعصبية:امال في ايه عمال احايل فيكي وانتي باردة وبسالك في ايه مالك بتردي بكل برود وتقولي مفيش انا زهقت وانتي عارفة اني مبحبش الطريقة دي
دينا بصد…مة:………….
