بقلم فرح محمد

تزوجني لينتقم مني
البارت 11
بقلمي فرح محمد

جه لؤي واشترك معاهم في الاكل والهزار واليوم كان حلو جدا

خلص اليوم وكل واحد راح علي اوضته وزينة السواق وصلها

في اوضة لؤي وزهرة
زهرة : احم انت شوفت اللي علي التلفون
لؤي : فكرتيني انا نسيت
زهرة : طيب شوفه

لؤي جاب الموبيل وفتحه شاف الصور وشاف كل حاجة
الموضوع نزل عليه زي الصاعق
قام مره وحده بغضب
زهرة اتخضت من منظرة وعروقة البارزة

زهرة بخوف : انا اسفة
لؤي بقا بيكسر كل اللي في وشه زي المجنون
زهرة واقفة في اخر الاوضة ودموعها بتنزل ومغمضة عنيها وبتترعش
لؤي شافها قرب منها
زهرة قالت بخضة : والله ما عملت حاجة
لؤي : اهدي اهدي
زهرة : انا اسفة مكنتش لازم تعرف
لؤي : ما تتاسفيش وانا كنت لازم اعرف
حاول يبقا هادي فجاءة الباب خبط
لؤي : ايوه
طارق : ايه اللي بيحصل عندك ده
لؤي : هبقا افهمك بعدين
طارق بضحك : اه ياخلبوص ده انا بقول البيت هيقع علينا ولا ايه اسيبك انا ها

بعد شوية لؤي اتصل
لؤي : حنون ازيك
حنان : انا كويسة وحشتني
لؤي : وانت كمان ما تيجي تقعدي معانا يومين طارق هنا ياريت باسل مايجيش
حنان : عنيا هقول ل باسل اني جايه ومسافة السكة اكون عندكوا
لؤي بتوعد : تمام هبعتلك السواق سلام
زهرة بخوف : انت هتعملها ايه
لؤي : هتشوفي
***************************
باسل : مفيش روح في مكان
حنان : ده مش مكان ده بيتي
باسل : يعني انت مش عاوزة تسمعي كلامي
حنان : باسل انت ليه مُصر تبقا كده وتعارضني
باسل بعصبية : خلاص روحي يا حنان
خرج وقفل الباب بقوة
حنان بصوت خافت : في ستين داهية
****************************
زهرة : طارق حنان جايه ولؤي شكله ناوي علي شر
طارق : انت مالكيش دعوة ولا انا حتي هو يتصرف معاها
زهرة : بس انا خايفة احسن يعملها حاجة
طارق : اوعي تدخلي بينهم ممكن يدفنك انت وهي
زهرة بخوف : انا انا مالي انا هفضل في المطبخ اجهز اكل ماليش دعوة بحد
طارق : انت خايفة كده ليه
زهرة : اخوك ايده تقيلة اوي
طارق وهو بيحسس علي قفاه : انت هتقوليلي
*****************************
كان باسل قاعد في النادي وسرحان فجاءة صوت بيقوله : انت بتعمل ايه هنا
باسل : زينة اقعدي ازيك
زينة : انا كويسة انت عامل اي
باسل : كويس
زينة : بس سرحان اوي الشغل فيه حاجة
باسل : لا لا عادي استني نطلب حاجة نشربها
*****************************
كارما : هييييييييه يعني كده اللعبة خلصت
مراد : ما اعتقدش حنان مش هتستسلم بسهوله
كارما : يعني ممكن تعمل حاجة تاني
مراد : وتالت كمان ربنا يستر
كارما : يارب
فجاءة آسر جه عليهم
آسر : بابي انا عاوز اتجوز زهرة
مراد : عاوز تتجوز مين يا حبيبي
آسر : زهرة مرات لؤي
كارما : ولد اسمه عمو لؤي
آسر : لا لؤي
مراد : طيب بص انت اول ما تشوف لؤي اطلبها منه وانا هجوزهالك
آسر : هيييييييه هتجوز زهرة وفضل يتنطط
كارما : الواد ده هيجيبلي حاجة انا عارفة هموت بسبب واحد فيكوا
مراد : لا انا طيب آسر هو اللي هيجيبلك انا هتجوز صحبتها كبيرة علي قدي وجري
كارما : عااااااااااا مراد هقتلك انت وابنك
****************************
وصلت حنان الفيلا واول ما وصلت ودخلت لؤي كان في انتظارها
طارق في نفسه : يا حببتي بتضحكي يلا بقا البسي وراح سلم عليها ودخل
حنان قربت من لؤي بضحكة ولسه هتتكلم قلم قوي نزل علي خدها خلاها تقع علي الارض
حطت ايدها علي خدها ولسه هتتكلم
كان لؤي مسكها من شعرها
حنان يصراخ : اااااااه لؤي في ايه
لؤي ما ردش عليها كان ماسكها من شعرها بقوة وبيجرجرها لحد ما وصلوا لاوضة لؤي رماها علي الارض وقال : عاوزة تعرفي في ايه يا تيييييت في اني ما عرفتش اربيكي وهربيكي من الاول
حنان : لؤي انت بتقول ايه انا ما عملتش حاجة هي العقربة اللي جوا دي قالتلك حاجة عني
لؤي ضربها بقوة وقال : العقربة دي تبقا مراتي
وطلع موبيل من جيبه وفتحه وقالها : اتفرجي
حنان بتوتر : دي دي مش انا
لؤي : كان نفسي اصدقك
وخرج وقفل الباب باحكام
وقال بصوت عالي : لو حد فكر يجيبلها اكل او مياه او يهوب نحية الاوضة دي حسابة معايا تقيل اوي تمام يا طارق انت وزهرة
وخرج من الفيلا كلها

في المطبخ
طارق : اهدي يابنتي بتعيطي ليه
زهرة : انا خايفة دلوقتي ييجي يضربني زيها
طارق : ماتخفيش مش هسمحله يضربك انت اختي ومرات اخويا وقال بضحك ومرات ابويا
زهرة ابتسمت
طارق بهزار : هي زينة معاها عيال
زهرة : غور يا طارق من وشي
طارق : طب متجوزة مربوطة يعني
زهرة : مربوطة في واحد كان في اميريكا يقول مربوطة امشي ياطارق من وشي احسنلك
طارق خرج وهو بيقول : ايه ياعم البيت اللي جابلي احباط ده انا هروح للواد مراد نسهر ونجيب نسوان
زهرة : خد لؤي معاك
طارق : ده كان يقتلنا احنا وهما
زهرة بخبث : خلاص انا هبعتهولك
طارق : وعلي ايه وربنا ما انا خارج هه
زهرة بضحك : ناس مش بتيجي غير بالعين الحمره
**************************
حنان في الاوضة : ماشي يا لؤي انا هخليك تندم علي اليوم اللي مديت ايدك عليا فيه
****************************
مازن : انت متاكد انها في بيت لؤي
……..: ايوه انا شوفتها وهي داخله
مازن : تمام شكرا ليك سلام
مازن في نفسة : ياتري لؤي عرف ايه
وقال بخبث : وانا مالي واحد واخته اللي ما عرفش يربيها
**********************
في الشركة
هالة : مستر لؤي الظرف ده جه لحضرتك
لؤي : من مين
هالة : معرفش
لؤي : تمام سيبيه هنا

لؤي فتحه وكان جواه الاتي
صور ل حنان وهي مع مازن

لؤي : يابت التييييت هو باسل اذاكي في ايه لكل ده ماشي يا حنان انا اللي معرفتش اربيكي وانا اللي هتحمل كل ده لوحدي
****************************
حنان لحسن حظها لقيت موبيلها واقع جنب الباب جريت عليه واتصلت
حنان : ايوه يا مازن لؤي عرف حجات كتير انا عاوزة اهرب من هنا
مازن : اهدي بس هتهربي ازاي
حنان : هقولك

تزوجني لينتقم مني
البارت 12
بقلمي فرح محمد

حنان: هقولك
*****************************
لؤي رجع ودخل المكتب زهرة كانت هتدخله بالقهوة ولاكن طارق وقفها
طارق : القهوة دي بتاعت لؤي صح
زهرة : اه
طارق : هاتيها انا عاوز ادخله ومش عارف ادخل ازاي وايدي فاضية
زهرة بضحك : وانت داخل مستشفي
طارق : اومال ادخل علي الراجل ايد ورايا وايد قدامي
زهرة : اقطع ايدي لو انت كنت في اميريكا
طارق بهمس : انا كنت هارب في الصعيد
زهرة بضحك : طب دخل القهوة قبل ما تبرد

طارق خبط
لؤي : تعالي يا زهرة
طارق : اتفضل ياروحي القهوة اهي
لؤي : هو انت وانا اللي كنت احسبها زهرة
طارق قرب منه وقال : تحب اعملك حاجة تاني يسي لؤي
لؤي : طارق انت سخن صح ومد ايده علشان يشوفه
طارق : هيهيهيهيهي
لؤي قام وقلع الجزمة وقال : مالك ياض ما تتعدل
طارق بضحك : خلاص والله اخر مره
لؤي : عاوز اية
طارق : عاوزين نعمل خطة
لؤي : لا انا متجوز
طارق : تصدق ان تفكيرك شمال
لؤي : انا تفكيري شمال يا تيييييت
طارق : خلاص اهدي
لؤي : خطة اية بقاااا
طارق قاله علي الخطة كلها
لؤي ضحك بشر وقال : طب دي ممكن تموت من الخوف
طارق : متخافش
لؤي : ههنفذ امته
طارق : في اي وقت
لؤي : انا خايف من خططك دي يا سوسة
طارق : انا سوسة اخص عليك ده انا طيب
لؤي : خلاص تمام ننفذ قريب اما اقولك
طارق : تمام ياسي لؤي
لؤي قلع الجزمة تاني وطارق اول ما شافه جري
لؤي : هربيك من الاول ياتيييييت
****************************
في المساء عربية واقفة قدام فيلا لؤي سراج وفي الداخل حارس من الحراس بيحاول يفتح البلكونة بتاعت الاوضة اللي فيها حنان بهدوء من غير شوشرة واخيراً فتحها وخرج حنان من الاوضة
حنان : شكرا
الحارس : يلا بسرعة مفيش وقت
وخرجها بسرعة وركبت العربية مع مازن
الحارس اول ما قفل الباب بيبص وراه شاف طارق
طارق : انت بتعمل ايه هنا
الحارس : ولا حاجة كنت بامن علي الباب
طارق بغموض : تمام
في الخارج قبل ما العربية تتحرك
حنان بصت للفيلا بشر وقالت : هخليك تندم يا لؤي
مازن : عندك خطة
حنان : عندي خطة هتجيبة الارض
مازن : طب يلا بينا من هنا واحكيلي في الطريق

في الصباح
لؤي كان رايح علي الاوضة اللي فيها حنان اول ما فتح الباب مكنتش موجودة والبلكونة كانت مفتوحة
خرج بيغلي زي البركان
لؤي : حنان ازاي تهرب من هنا
الحراس : مفيش حد خرج خالص
لؤي : اومال هي هربت ازاي
الحراس بصوا لبعض بصمت
لؤي : انتو مفصولين
ورفع التلفون
لؤي : مراد عاوز طقم حراسة قوي جدا حنان عرفت تهرب من البيت
مراد : اهدي ساعة بالكتير وهبعتلك
لؤي : تمام في الانتظار
*****************************
كارما : يلهوي هربت
مراد : مش قولتلك
كارما : ربنا يستر
مراد : انا لازم اخرج خدي بالك من نفسك ومن آسر واقفلي الباب كويس والحراس بره اي حاجة تنادي عليهم
كارما : حاضر وانت كمان خد بابك من نفسك

عدي اسبوع اتنين والبحث عن حنان مستمر وملهاش اثر

باسل راح فيلا لؤي سراج
باسل : حنان فين يا زهرة
زهرة : هو ه
باسل : اخلصي حنان فين
زهرة حكتله كل حاجة بالادلة
باسل : مستحيل
زهرة : باسل اهدي
باسل خرج وهو متعصب

*****************************
في المساء
طارق جري علي اوضة زهرة وكان بيخبط بسرعة زهرة لبست بسرعة وفتحتله فجاءة النور قطع
طارق بنفس متقطع : لؤي الحراس جابوه مضروب بالنار تحت
زهرة ما سمعتش الباقي جريت وهي مش شايفة حاجة قدامها دموعها بتنزل بغزارة كانت هتقع كذه مرة ما اهتمتش كل تفكيرها كان في لؤي اللي مضروب بالنار
جريت علي الجنينة الدنيا ضلمة وهي مش شايفة حاجة ولا شايفة حد
قالت بنحيب : لؤي انت فين
فجاءة انوار هادية اشتغلت مع موسيقي هادية
زهرة خرجت وكل اللي في بالها لؤي مش منتبهة للاضواء ولا الموسيقي
فجاءة حد حضنها من ضهرها
زهرة اتفزعت لفت لقيته لؤي
زهرة فضلت تتفحص جسمة كله وهي بتقول : انت كويس
لؤي : اه
زهرة بخوف : طارق طارق قالي انك
قاطعها وقال : ششششش انا قدامك كويس اه
زهرة بصت في عنيه وقالت : اومال في ايه
لؤي : هتعرفي دلوقتي
مسكها من ايديها ومشي قدامها لحد ما وصلوا لنص الجنينه وقفها وقرب من ودنها وقال بهمس : بحبك يا زهرتي
زهرة ضربته في صدرة وقالت بدموع : بتعملوا عليا عصابة انت واخوك عاااااااااا
لؤي : خوفتي عليا
زهرة : لا
لؤي : كدابة عنيكي بتقول كلام تاني
زهرة بصت في عنيه وقالت : انت قولت ايه من شوية
قال بهمس : بحبك
زهرة : ايه
لؤي : انت طرشتي ثم اكمل بصوت عالي بحباااااااااااااااك
زهرة دموعها نزلت
لؤي رفع طرف ايده وقال : مش عاوز اشوف دموعك طول ما انا علي وجهة الارض
زهرة : انت ازاي حنين كده
لؤي : انا اسف مكنتش عاوز امد ايدي عليكي
زهرة : ماتقولش اسف انا كمان بحبك
لؤي بمكر : بتحبيني !!
زهرة : اه من وانا صغيرة
لؤي : ايدا ايدا كنت بتراقبيني بقا
زهرة : بس بقا
لؤي : حبيتيني ازاي
زهرة : انا كنت بشوفك ديما اما كنت بتوصل اختك المدرسة وكنت بشوفك في الشارع علي طول اعجبت بيك و عرفت اسمك و راقبتك علي السوشيل وحبيتك اوي واما باسل قالي انك هتتجوزني انا كنت فرحانه اوي ونسيت سبب جوازك مني كنت مبسوطة لمجرد اني هبقا معاك هبقا علي اسمك علشان كل يوم اصحي وانت معايا عارف اما انت ضربتني وكنت بتعاملني وحش انا ما كنتش بزعل منك لاني كنت واثقة انك لو عارف الحقيقة مش هتعمل كده كنت كل يوم عندي امل انك تحبني واهو املي اتحقق
لؤي : يااااااه كل ده
زهرة افتكرت حاجة : استني هعملك مفجاءة
لؤي : دلوقتي
زهرة : اه ثواني هجيبها من اوضتي واجي
لؤي : تمام
دخلت زهرة الفيلا
ولؤي في انتظارها دقيقة اتنين خمسه
لؤي لسه هيقف يدخلها شافها جايه وحاطة ايديها ورا ضهرها واخيرا وصلت عنده