اتجاوبت معاه هبه غصب عنها وبقيت تتعامل معايا بحنيه وفضلت على الحال ده اكتر من عشر ايام لحد ما اثبتت له فعلا انها خلاص هتتعامل طبيعي زيها زي اي زوجه ما عدا العلاقه الزوجيه اللي طبعا ما تنفعش مع الحمل ،
وده اللي مخلي هبه مطمنه ان عمره ما هيجي ناحيتها ،
وفي يوم قال لها نادر ان هو مسافر شغل وهيجي على بكره بالليل وودعته وداع الزوجه اللي جوزها هيسيبها ويسافر ويبعد عنها ساعات طويله وانها ما بقتش تقدر تستغنى عن وجوده معاها وهو طبعا اقتنع،
واول ما سافر خرجت هبه وراحت على والدتها اللي ما سالتش فيها من ساعه ما اتجوزت بقى لها شهرين واول ما شافتها قالت لها :
_كده يا امي تسيبيني وما تساليش عليا الايام دي كلها؟
كده تعملي في بنت بطنك كده ؟
والام هي الام يا ساده اخذتها في حضنها والدموع نزلت على وشها مهما كان دي بنتها ،
فطلبت منها هبه :
_ممكن يا ماما تيجي معايا مشوار مهم ما اقدرش اروحه من غيرك .
ما تسالينيش هنروح فين بس بالله عليك ما تستاذنيش من بابا انا محتاجاك معايا ضروري يا امي .
ما قدرتش امها ترفض طلبها ولا تقف جنبها في اللي هي عايزاه منها رغم زعل قلبها الكبير منها،
واول ما نزلوا عربيه اوبر كانت مستنياهم فقالت هبه لمامتها :
_انا من ساعه ما عرفت ان انا حامل وانا مطمنتش على البيبي اللي في بطني ممكن توديني للدكتور او دكتوره تختاريهم انت علشان خاطر اشوف انا فين في الحمل .
طبعا امها انزعجت جدا لما افتكرت وجابت سيره الحمل لكن ما قدرتش انها تعترض واخذتها وراحت عند دكتور النسا اللي هي بتتعامل معاه ووصلوا العياده ودخلت في دورها وحكت للدكتور عن حملها مدته ووديها الدكتور عند الاشاعه واول ما بدا يكشف عليها استغرب جدا من اللي شافه الاشاعه وبدا يدور يمين وشمال وقال لها باستغراب :
_مين اللي قال لك انك حامل ومن بقالك شهرين او ثلاث شهور كمان انا اللي انا شايفه قدامي ما فيش حمل نهائي .
هبه فرحت جدا من الكلام اللي سمعته من الدكتور واحساسها عمره ما كدب عليها ،
فسالها الدكتور :
_طب ازاي ما اكتشفتيش ان انت مش حامل البريود ما نزلتلكيش طول الثلاث شهور دول ؟
فركت هبه اديها بتوتر وقالت له:
_انا للاسف يا دكتور من وانا بنت وهي كانت بتاخرني جدا ممكن تقعد بالشهرين والثلاثه ما تنزليش وكشفت كثير لكن قالوا لي اني لما اتجوز هبقى طبيعيه جدا فده اللي خلاني ما اشكش .
وطبعا الدكتور شاور لها براسه بالموافقه لان حالات كثير جات له لستات زيها وبنات بيحصل لهم كده وبياخدوا فتره علاج طويله لحد ماهرمونات جسمهم تتظبط ويبقوا طبيعيين ،
كل ده والدتها مصدومه واللي صدمها اكتر طلب بنتها اللي طلبته من الدكتور:
_ممكن يا دكتور تكشف عليا كشف عذريه ؟
استغرب الدكتور جدا من طلبها ولكن هي اتحايلت عليه وكل ده ومامتها واقفه مندهشه من اللي بيحصل قدامها،
وكشف عليها الدكتور كشف العذريه لحد ما قال لها :
_انت لسه عذراء زي ما انت ازاي وانت متجوزه وجايه وانت عامله حسابك انك حامل انا ما بقتش فاهم حاجه .
فرحت هبه جدا وحست ان ربنا بدا يكشف لها الامور اول باول وخاله الدكتور يتاكد مره واثنين وثلاثه وكل ده والدتها واقفه مصدومه خلصت هبه الكشف وخرجت هي ومامتها وطلبت منها انها توديها عند دكتوره ثانيه علشان يتاكدوا من كلام الدكتور وفعلا راحت هبه ووالدتها وكشفت كشف العذريه وطلعت بنتي زي ماهيا ،
فقالت لوالدتها ودموعها نازله على وشها :
_شفتي يا ماما ان انا طلعت مظلومه خليتك توديني عند دكتورين انت اللي مختاراهم بنفسك علشان ما تقوليش اني بمثل واني كذابه وطلعت في الاخر بنت واني اتخدعت زيي زيكم ،
انا عايشه في كابوس مع اللي اسمه نادر ده وحياتي شبه الجحيم بالظبط بس انا مش هستسلم ،
وهفضل وراه لحد ما اعرف ليه عمل فيا كده وخلاكم بعدتوا عني وشوه صورتي،
اخذتها والدتها في حضنها وقعدت تطبطب عليها والاثنين دموعهم على وشهم مش مفارقاه من اثر الصدمه من اللي عرفوه النهارده،
وعدى اليوم ده وكذا يوم بعديه بتفكر هبه هتعمل ايه وهتبدا منين لحد ما في يوم سمعت صوت رسائل جايه لنادر على تليفونه هو كان بياخد دش،
ففتحت ايقونه الرسائل من فوق وانصدمت مني اللي قريتهما عرفتهوش ان هي قرت حاجه ولا باين عليها اي حاجه لحد ما قعد وقته معاها وخرج زي ما بيخرج كل يوم فطلبت اوبر وخرجت وراه وتابعتهلحد ما شافت راح فيه وسجلت العنوان بالتفصيل ،
ولقيته كذا يوم ورا بعض بيروح المكان ده لحد ما في يوم قررت انها تنزل تشوف بيعمل ايه في المكان ده وراحت انصدمت من اللي شافته وسمعته ،
نادر بضحكة شريره:
_شوف اخذتها واتجوزتها وحسرت قلبك عليها في يوم فرحك ومش بس كده ده ما بقاش ليها ام ولا اب ولا اهلي يسالوا فيها وتبروا منها ياما قلت لك ابعد عنها وانت عامل فيها الراجل الشهم انا خليتها تكرهك وتكره اليوم اللي عرفتك فيه .
اتكلم ساهر بغضب :
_تعرف ان انت مريض وعندك حب امتلاك للي في ايدي غيرك من زمان وانت كده وبتتعمل معايا كده رغم ان عمري ما اعتبرتك اخ من الام بس كنت بعتبرك اخويا ام واب وعمري ما كرهتك ولا حقدت عليك ولا بصيت للي في ايدك ليه انت تطلع كده؟
ضحك نادر ضحكه شريره وقال له :
_مش هقول لك الكلمتين اللي بيتقالوا في كل فيلم ومسلسل ان انت طول عمرك احسن مني واشطر مني علشان هو مش كده انا اللي طول عمري احسن منك واذكى منك حتى اغنى منك لكن حظك انك حبيت اللي انا حبيتها بس هي بقى فضلتك انت الكحيان العدمان الموظف اللي على قد حاله وما حبتنيش انا ولا فكرت فيا ،
علشان كده كنت لازم اخطط وارتب واكشف لاهلها ان انت ضايع وما ينفعش تشيل مسؤوليه وكمان اكشف لهم انها كانت حقيره وخاينه ليهم وفرطت في نفسها فجبت دكتور قال قدامهم انها حامل وخليتهم ضربوها واهنوها وبعدوا عنها خالص وفي الاخر استسلمت ليا وللواقع،
وبدات تحبني وتتعلق بيا ونتعامل مع بعض كاي زوجين لكن من غير علاقه علشان خاطر طبعا نفهمها انها حامل وبالتاكيد الفتره دي هتبقى فتره تعارف ما بينا ما بحبش انا الحاجه اللي تيجي غصب كده انا عايزها بهدوءها بروقانها بحالتها الطبيعيه تبقى معايا.
كل ده وهي واقفه بتبص عليهم الشباك الجانبي بصدمه وقلبها بيقول لها تدخل جري لحبيبها اللي اكتشفت انه غصب عنه سابها يوم فرحهم ،
بس استغلت الفرصه وكانت ماسكه الموبايل بتصور كل حاجه صوت وصوره وقررت انها بتتعامل مع شيطان كبير فلازم تخلي بالها وما تتسرعش وتصبر ،
وبالفعل اخدت بعضها جري وراحت على ابن عمها امين شرطه وفرجت له الفيديو ،
وانصد..م مين اللي شافه ان في بني ادمين بالشر ده كده عايشين في الدنيا،
وطبعا وقف جنبها وساعتها وبلغ الظابط اللي شغال تحت ادارته واستنوا الساعه اللي هيروح فيها نادر للمكان ده،
علشان يبقى متلبس بالفعل قدره انهم يقتحموا المكان ومسكو نادر وراحه هبه جري على ساهر وقالت له والدموع نازله على وشها :
_ما صدقتش انك ممكن تسيبني بارادتك وتتخلى عني ،
ما صدقتهمش لما قالوا لي انك مش راجل واول ما فوقت من صدمتي دورت وراه لحد ما اكتشفت انه مريض وهو اللي عمل فينا كده .
مسكها من ايديها وقال لها باشتياق:
_ياه وحشتيني يا عمري يا كل حياتي انا مش مصدق اني اخيرا شفتك ان انت قدامي وان انا بخير وان احنا هنرجع نبني عشنا السعيد معبعض ،
حقك عليا من اللي حصل لك بسبب المريض ده،
حقك على قلبي من عذاب الشهور اللي انت عشتيها في المرار ده مع المريض ده ،
ردت عليه ودموع عينيها مش مبطلة:
_انا عمري ما قلبي يزعل منك علشان كان واثق فيك انك عمرك ما خذلته ولا فارقته بمزاجك ،
كان قلبي حاسس ان هو اختار صح وعمره ما ندم على اختياره حتى في اشد الظروف اللي انا عشتها كان دايما بيقول لي ان هو صح وان اختياري صح وان انت الحب الاول والاخير والمنتهى .
اتنهد ساهر بارتياح وقال لها :
_وحشتيني وحشني صوتك وكلامك وضحكتك ورقتك ربنا يخليك لقلبي وما تبعديش عن حياتي تاني ويبعد عننا شياطين الانس ونفضل دايما طول العمر مع بعض وفي حضن بعض .
وبالفعل قبضت الشرطه على نادر اللي طلع بعد البحث وراه بيتاجر في الممنوعات ومش مظبوط ،
واجبروه ان هو يطلق هبه وطبعا هي مش مدخول بيها فما لهاش عده واتجوزت هي وحبيبها وخطيبها ورجعوا لبعض تاني ،
بيقابلنا ناس كل حياتهم وكله همومهم تدمر حياه غيرهم وتبص فيها بس ربنا سبحانه وتعالى ما بيسيبش عباده ودائما بيقف جنبهم وبيسندهم .
وتوته توته خلصت الحدوته
