اظـ لم حد …الحقيقة آني مش هقدر احب غيرك ..مش هقدر أقرب من غيرك زي ما يكون ملعو ن بيكي يا دعاء …لعـ نة اني مشوفش ولا احب حد غيرك !! بلعت ريقي وقولت : -طيب وبسنت رد فعلها كان ايه ؟! -اتقبلت الموضوع أنا اصلا روحتلها قبل كتب الكتاب بساعات واتكلمت معاها… بعدين اتنهد وهو بيحكيلي اللي حصل فلاش باك -يعني ايه عايز تلغي كتب الكتاب هي بنات الناس لعبة في ايديك يا أستاذ سلطان ؟! قالها والد بسنت بغضب وبسنت كانت بتبكي …بص سلطان لبسنت وقال : -يا عمي أنا بسأل بسنت سؤال وهي اللي تحدد …هل هي عايزة تتجوزني….مستعدة تدخل حياتي وقلبي مفهوش مكان ليها…تقبل انها مش هتتحب مني …هتتقبل آني مش هحب الا مراتي الأولى وممكن اظـ لمها …هل يا بسنت عندك القدرة تقبلي ده… بصتله وهي بتعيط فقال : -انا عارف اني غلـ طت في حقك وعمري ما هسامح نفسي …بس صدقيني حاولت..مش قادر اشوف حد غير مراتي….قلبي مش قادر يتقبل غيرها. .لكن انتي من حقك تحبي وتتحبي وحد يعاملك زي الملكة …مش تدخلي حياة حد مش هيقدر يحبك ….بسنت انتي تستاهلي اللي احسن مني بكتير….بس لو مصممة نتجوز هتمم كتب الكتاب …عايزانا نكتب الكتاب يا بسنت …. عيطت بسنت وهي بتهز راسها بلأ ….مكانتش عايزة تقبل أقل من اللي تستحقه…يمكن كلام سلطان صح …يمكن نصيبها هيكون مع حد احسن منه …. … باك… عيطت وانا بحضنه جامد وقولت : -يعني …يعني مش هتتجوز … هو راسه وقال؛ -معنديش قلبين للأسف…ولو كان ليا قلبين كانوا هيبقوا ملكك …. ضحكت وانا بعيط فبعد عني ومسح دموعي وقال برجاء : -متخليش حد يلعب في دماغك تاني لو سمحتي ممكن احنا ملناش غير بعض …. هزيت راسي وانا بمسح دموعي جامد وبحضنه وقولتله : -بحبك ♥️ -وانا كمان ♥️ وقتها اتأكدت ان اللي بيني وبين سلطان مش ضعيف زي ما كنت فاكرة …اقتنعت ان ملناش غير بعض ….سلطان بعد الموقف ده وقف لامه ورفض انها تتكلم معايا في أي موضوع ….بقا مهتم بيا اكتر ….حتي ان مع مرور الشهور قررنا نكفل يتيم…والخبر السعيد التاني ان بعد ما بسنت وسلطان فركشوا بسنت بعد خمس شهور بس اتجوزت من واحد بيعشقها وكأن ربنا بيعوضها …ودي كانت نهاية قصتي مع سلطان او ممكن نقول بداية جديدة مع سلطان ونوران بنتنا ♥️ تمت
