بقيتي مهملة

متخسريش نفسك بسبب حاجات انا وانتى ملناش اي يد فيها انا كنت بدور عليكي ولقيتك لي بتعملى كدا بدل متجيلي ونعيش سوا زي اي اخوات

_انت مش اخويا أنت فاهم انا مليش اخوات انا وحيده كان ليا امي وماټت وبسببك انت وابوك علشان كدا راجعه انتقم وسلام بقى علشان الكارت ميخلصش استنى مني الضربه الجايه في اي وقت سواء ليك أو ليه..سلام..

وقفلت السكه ..

يحيي فضل قاعد مش قادر ومش عارف يفكر مكنش يتخيل في يوم أنه ممكن يتحط في الموقف دا تعب من كتر التفكير والقلق على يحيي…

قام لبس وخرج راح على شقه يحيي..

خبط وفريده فتحتله..

_يحيي موجود

_اه اتفضل يا استاذ يحيي..

يحيي دخل وسأل على مكانه ..

_جوا في الأوضه ادخله..

خبط ودخل وكان يحيي قاعد بيحاول يرسم شكل هندسي بايده وكان تعبان جدا ..

_انت بتعمل اي وايدك كدا انت غاوي ۏجع

_لا مش غاوي ۏجع بس لازم اذاكر علشان انت عارف الشغل وكمان لازم الامتياز والأول علشان الهدف والحلم ولا اي

_صح ربنا يوفقك يا حبيبي..

يحيي الصغير حس أن يحيي فيه حاجه دا لانه قريب اووي منه واول ما بيبصله بيعرف هوا حاسس بايه ..

غريبه انك عندي هنا وفي البيت بقالك فتره مش بتيجي وكمان شكلك ميطمنش مالك

_مفيش بس عاوزك تسمع الكلمتين دول مني

_اتفضل يا ابيه..

_بص يا حبيبي انت عارف انا بحبك ازاي وقد اي وكمان عارف اني بعتبرك ابني ..علشان كدا جاي اقولك متخرجش خالص اليومين دول

_لي في اي

_مفيش علشان اللي حصلك دا بس وكمان هتبقى تعبان فمفيش داعى تخرج

_وانا من امتى لما بيحصلي حاجه بضعف أو بقعد أو مش بخرج انت عارف انى مش بحط في دماغى

_انا عارف انك قوي بس..تاتا

_بس اي في اي قولي..