” بس هو ألطف علاج ممكن يداوي قلبي بعد خذلان سنين من العشم ”
يوم الخطوبة سابلي تاني كوبليه من الاغنية في مسدج
” شفة وردي و سنة لولي من بعيد اتبسمولي
صورلي الحب جنة و اعمل اي يناس قوليلي !
غصب عني مش بخاطري ، للجميل سلمت امري
مين يا ناس يحكم ما بين قلبي و بينه ! رمش عينه ال جرحني رمش عينه ”
مر خمس شهور و النهاردة اتكتب كتابنا ، استنيته في اوضتي و كنت مببص ع الباب منتظرة دخوله ، لقيت الباب بيخبط كنت عارفة انه هو ابتسمت و قمت وقفت و كنت حاسة بمشاعر لاول مرة بتحصلي ، كأنها اول مرة يتكتب كتابي !
– ادخل
دخل و كان في ايده بوكيه ورد و فيه مسدج كنت عارفة انها الكوبليه التالت من الاغنية
كان بيقرب و عيونه بتلمع و بيبتسم بحب وقف قدامي – الف مبروك عليا انتي يا حب العمر
ابتسمت بإحراج -الله يبارك في..
شدني في حضنه و فضلنا فترة كدا من غير كلام غمضت عيني و كنت بسمع دقات قلبه ، جميلة للحد ال ملوش حد ! كنت بسمعها كإنها موسيقي كلها حنية مش عايزاها تنتهي ابدا
همس ليا
-تعرفي استنيت الحضن دا من امتي ؟
-من اول مرة شوفتني فيها لما اتخانقنا !
-وقتها كانت اول مرة احس بالراحة في قربك عشان كدا كنت بقرب منك
-طعم العوض نساي
-و يا بختي لان اخدت كل الطعم دا لوحدي ♥
رأيكم يهمني و الشير بيدعمني ان مجهودي يوصل لاكبر عدد ممكن ، دمتم ليا جيـ،ـش عظيم ♥
