بصيت لقيتنا قدام فيلا كبيرة و فيها حــ,,ــرس كتير – انزل فين انت مجنون ، اي ال جابنا هنا ! فين المستشفي لا بقولك اي اسمع انت متعرفش انا مين و …
فتح باب العربية و شدني وراه – بابا فوق اجري عشان نلحقه و بطلي كلام فاضي
طلعت و لقيت عم احمد في اوضة فيها كل الحاجات والاجهزة ال بيحتاجها وقت تعبه ببص لقيته فاقد الوعي كشفت عليه و علقتله محلول و قعدت جنبه مسكت ايده و بوستها و ابتسمت و همست
“عارفة انك فرحان دلوقتي بوجوده معاك ،تعرف يا عم احمد ابنك دا مشفش بتلاتة جنيه تربية و لسانه متبري منه بس فرحت انه هنا عشانك و خوفه عليك النهاردة اكدلي انه بيحبك لدرجة شوف جتلك بالبچامة ، انت استنيته كتير و اهو خلاص رجع قوم عشان تبصله و تكلمه و تشبع منه وهو اكيد هينسي كل ال عملته معاه ، عارفة اني قصرت معاك الايام ال فاتت بس كان غصب عني ، عايزاك تقوم بخير و مش هسيبك تاني ، ابتسمت وحشني اقولك يا ابويا و جد عيالي قوم عشان اقولها ليك و تضحك الضحكة ال بحبها .”
اتخــ,,ــضيت لما لقيته بيمسك ايدي و يشدني وراه ، دخل امتي دا !
-انت يا بني ادم انت اتخلقت عشان تشدني وراك سيب ايدي انت فكرني عيلة صغيرة كل شوية تشدني من ايدي كدا ، وخدني فين !
نزلنا و قعدنا جنب بعض في اوضة الريسبشن كنت ببعد عنه و ببصله لقيته ساكت و بيبص قدامه ، فضلنا شوية ع الحال دا
-احم انا اتطمنت ع عم احمد هو بخير و عايزة امشي عشان ..
بعصــ,,ــبية-مش هتمشي
اتعصــ,,ــبت اكتر و وقفت – هو اي ال مش هتمشي دا مش كفاية نزلتني من بيتي بالطريقة دي و سكتلك بس عشان الراجل ال فوق دا انا بحبه و بحترمه لكن والله ..
اتكلم بهدوء- انا اسف ع ال عملته بس لو سمحتِ ع الاقل خليكي معايا لحد ما نطمن عليه
اخدت نفس و قعدت تاني – لما انت بتحبه كدا ليه بعدت عنه طول الفترة ال فاتت
بص للارض بحزن – هم الاتنين مفيش حد فيهم رحمني و انا صغير كان طبيعي لازم اكون بالقسوة دي لما اكبر
– طب هي و ال عملته لها حق تتعــ,,ــاقب بس برضو مش ببعدك عنها ، لكن هو عملك اي !
-هو كان بيشوفها فيا كل ما يشوفني ، كان بيطلع العقدة ال هي سابتها جواه فيا ، بيضــ,,ــربني و يعاقــ,,ــبني ع اي حاجه حتي لو صغيرة حَكم طفولتي و منع عني صحابي اي حاجه كنت بحبها كان بيمنعها عني حتي لعبي كان بيحــ,,ــرقها لما يحس اني بحبها ، كل ما اسأله ع ماما كان بيحــ,,ــرقني لدرجة انها كانت كل ما توحشني اخاف اسأله و احضن عبايتها ال معايا فوق و اعيط ، غصب عني قلبي كبر ع كره لهم كبير و بعدت عنه و أسست نفسي بعد دراستي و كنت بعمل ال عليا معاه و ابعتله فلوس عمــ,,ــلياته و ادويته لكن غير كدا مكنتش بقدر ..تفتكري بعد كل دا و ال هي سببته مش عايزاني اكره الستات انا مش بس بكرهم انا بلعــ,,ــنهم .
كان بيبص للارض و بيتكلم ببراءة اطفال كدا عارفين لما يكون عندكم طفل ف البيت و تحصله حاجه و لما تسأله يشكيلك وهو بيعيط و بيتكلم ببراءة كدا هو كان كدا ف كلامه ال هو لوهلة كنت عايزة احضنه واقوله اسفة اني ظلمتك ، اتلمي يا موج يا مهزقة .
– احم طب و اي ال غير رأيك معاه و انك جبته يعيش معاك هنا !
-كلامك اخر مرة معايا فوقني ، رغم كل الكره ال جوايا حسيت ان لازم اشبع منه حتي لو هتعامل معاه غصب عني خصوصا ..
لفت بنظره من الارض و بص في عيوني ف اتوترت
-خصوصا اي !
-كنت بدور ع ماما من سنين عرفت انها اتــ,,ــوفت من سنتين يوم ما شوفتك ف المستشفي و كنت متعــ,,ــصب ، قلبي لقيته بيتحرك و بيتجه للمستشفي كنت خايف بابا كمان يروح مني بس وقفت في النص و انا مش عارف اتصرف و خايف و جوايا صــ,,ــراع بين ال حصل في الماضي و ال المفروض يحصل في اللحظة دي ، ف بدأت اكــ,,ــسر زي ما شوفتيني .
-مش عارفة اقولك اي البقاء لله اول حاجه ، و والدك ندم جدا ع كل ال عمله معاك و دفع التمن في بعدك عنه ، عايزاك تعرف ان ربنا بيعوض ، ماما قالتلي جملة مرة ” اننا جايين عشان نغلط و نصلح ، و ان طعم العوض نساي ” و اهو ربنا عوضك بإنه واحدة واحدة بيرجع الحنية في قلبك تجاه والدك ، احفظه و قرب منه وانا متأكدة انك هتكون بخير عم احمد طيب و بيحبك و دايما كان بيحكلنا عنك كتير .
-كلامك بيريح قلبي اوي
-و قلبك يستاهل الراحة
فضلنا فترة بنبص لبعض و ساكتين وعيونه بتقول كلام كتير وقلبي بيدق بشدة
ابتسمت بحياء و بصيت للارض – بس ينفع تنزلني من البيت بالبچامة كدا !
ابتسم و سكت
-ايدا دا احنا بنعرف نضحك اهو امال مخبي الابتسامة الحلوة دي ليه يا عم !
-بجد حلوة ؟
اتكسفت و حاولت اغير الموضوع – في فيلم عايزة اسمعه و كنت مستنياه
قام و شغل التلفزيون ع قناة اي و اسمه اي ؟
-اسمه حسن و نعيمه فيلم قديم حبتين لو مش بتحب الافلام القديمة بلاش
-ابتديت احبها !.
شغله و قعدنا سوا نسمعه لحد ما جت اغنية ” رمش عينه” لمحرم فؤاد
كنت بندندها معاه وهو بيغنيها و كان في شعاع من عيني بيراقب بحر من غير ما ابصله كنت عارفة انه بيبص عليا طول الاغنية
