بسم الله الرحمن الرحيم
لا اله الا انت سبحانك اني كنت من الظالمين
سكريبت زوجتي الجميله
بقلمي فاطيما يوسف
ماشيه سحر في اوضتها بتوضب فيها بعد ما جوزها ر اح الشغل متجوزين بقى لهم ست شهور ولسه ما حملتش منه بتكلم نفسها وبتقول بامنيه :
_يا رب اكرمني بالذريه الصالحه انا وياسين ما تحرمنيش من اني اكون ام ،
انا بحبه جدا ونفسي حياتنا تتزين بالاولاد ،
وفضلت تدعي ربنا وهي بتروق في الاوضه بتاعتها علشان تشوف هتعمل ايه في بيتها هي من نوع اللي بيهتم ببيتها وجوزها جدا ،
ام ياسين جوزها دكتور في الجامعه مشاعره قويه شويه وبيهتمش بامور الحب والحاجات دي، جامد جدا وصارم في تعاملاته حتى مع مراته،
وده مضايق سحر جدا لكن بتحاول تلتمس للعذر دايما وتقول كفايه عليه ابحاثه وشغله ومستحمله ،
وفضلت تظبط في بيتها وتروق فيه وتعمل الغداء لحد ما جوزها رجع من الشغل واول ما دخل ياسين البيت لقاها كالعاده خرجت عليه وقالت له بابتسامه :
_حمد لله على السلامه يا حبيبي نورت بيتك يلا ادخل غير علشان انا جهزت الغدا .
رد عليها ياسين من غير ما يبص لها اصلا وقال لها :
_لا اتغدي انت انا اتغديت انا واصحابي في كافتيريا الجامعه علشان حسيت اني جعان .
قال لها الكلمتين دول وسابها ودخل على الاوضه من غير ما يسمع هتقول ايه ،
الدموع اتجمعت في عينيها على معاملته الجافه معاها و كلمت نفسها بحزن :
_ليه بس المعامله دي يا ياسين بقى لنا ست شهور متجوزين اي نعم جوازنا كان تقليدي وفتره الخطوبه ما كانتش طويله بس انا بقيت مراتك وفي بيتك ،
وحاسه ان انت مش بتحبني يا رب دبرني اعمل ايه اقول له ولا اسكت واصبر ؟
وفكرت مع نفسها شويه في انها تتكلم معي في المعامله بتاعته ليها او تسكت لحد ما ياخدوا على بعض اكثر من كده وتعرف طبعه وهو يعرف طبعها وليكن قررت مع نفسها في الاخر انها تسكت ،
وما اكلتش وفضلت انها تدخل وراه وتشوف اموره ايه،
وقررت انها ما تعاتبهوش خالص ودخلت الاوضه لقيته غير هدومه وراميهم على السـ,ـرير،
راحت هي تلم الهدوم وتحط بدلته في شماعتها وبصيت له بابتسامه وقالت له :
_تصور ياسين النهارده حلمت ان ربنا رزقنا ببيبي وكانت بنوته زي القمر فيها شبه كبير منك بجد نفسي جدا ربنا يرزقنا بطفل يكون مني ومنك بس يكون بيشبهك انت اكثر علشان كل ما ابص له وانت مش موجود احس ان انت معايا ،
يا ترى انت نفس احساسك هو نفس احساسي؟
رد عليها ياسين بفتور :
_ان شاء الله يجي براحته احنا مش مستعجلين انت عارفه انا مش فاضي لدوشه الاطفال دلوقتي عندي مذاكره للدكتوراه ،
من فضلك اقفلي النور علشان عايز استريح شويه ورايا مذاكره كتير بالليل .
وكالعاده ياسين كسر نفسها وما تجاوبش معاها في الكلام مهما تحاول تتكلم وتتجدد معاه في الحوار ما بيشتركش معاها ابدا وده من اهم حاجه مأثره نفسيا على سحر ،
لكن كالعاده كبرت دماغها ومش بس كده قفلت النور وغيرت هدومها ونامت جنبه علشان ما تحسسهوش انها بعيده عنه،
والايام بتعدي على سحر وياسين وهو زي ما هو معاملته الجافه ما بتتغيرش وروتين حياتهم يخنـ,ـق ويزهق ،
وفي يوم بتكلم سحر هي واختها في التليفون مع بعض فاختها بتقول لها بفرحه :
_عايزه اقول لك ان جوزي عمل لي مفاجاه في عيد ميلادي انـ,ـبهرت بيها يا سحر ،
بجد فرحني قوي وحسسني اني مهمه جدا في حياته بالرغم من اننا متجوزين بقى لنا 10 سنين الا انه ما فيش مره يجي عيد ميلادي او عيد جوازنا ويفرحني ويعمل لي كل مره مفاجاه احسن من اللي قبلها .
ابتسمت سحر بوجع علشان هي لسه عروسه جديده وعمرها ما حست من ياسين بذره اهتمام هي مش بتحقد على اختها لكن غصب عنها نفسها قرن بين معامله جوز اختها ليها وجوزها ليها وقالت لاختها :
_يا حبيبتي ربنا يسعدك ويفرح قلبك يا رب قولي لي بقى عمل لك مفاجاه ايه فرحتك قوي كده ؟
اتحمست اختها وردت عليها :
_جاب لي انسيال رقيق قوي وجميل يا سحر ومش بس كده ده عمل لي حفله في يخت،
كان حجزه خاص لينا احنا بس وكان منزل الاولاد عند مامته وقضينا مع بعض ليله ولا الف ليله وليله ،
انا بجد كنت سعيده ومبسوطه ومنبهره من اللي عمله عشاني بس اصلا هنبهر ليه ما هو معودني على كده كل مناسبه ما يفوتهاش علشان خاطر نطلع من ضغوطات الحياه ونغير الروتين بحاجه حلوه تروح عن نفسنا .
وكملت اختها وهي بتسالها :
_الا قولي لي يا سحر ياسين عامل معاكي ايه اكيد مقضينها خروج وفسح ما انت لسه عروسه جديده والحاجات دي تبقى في اول الجواز الراجل ما بيبطلهاش عشان يسعد مراته باي طريقه ؟
اتجمعت دموع في عيون سحر من مجرد سؤال سالته لها اختها وما كانتش عارفه تجاوب تقول لها ايه بس هي فضلت ان هي تحفظ سر بيتها وما تحكيش لاي حد عن حياتها الخاصه حتى لو كانت اختها هي من نوع الكتوم جدا،
وجاوبت على اختها باختصار :
_طبعا بنخرج بس مش كثير انت عارفه ان هو بيحضر الدكتوراه ولازم يستغل كل وقت وما يضيعهوش في الفاضي ،
ولكن هو وعدني إننا هنسافر 10 ايام بعد ما يناقش الدكتوراه انت عارفه هو فاضل له شهرين ويناقشها فعلشان كده مشغول جدا ومش فاضي .
ابتسمت اختها وردت على كلامها :
_ربنا يكملك بعقلك يا سوسو يا قمر إنتي ،
وعين العقل يا حبيبتي الكلام اللي انت بتقوليه ده ربنا يكرمكم في حياتكم ويرزقك يا رب يا حبيبتي .
وفضلوا الاتنين يتكلموا مع بعض ويدعوا لبعض بالراحه كاي اختين بيحبوا بعض .
وقفلت معاها التليفون وقامت سحر دخلت اخذت شاور علشان لما جوزها يرجع من الشغل يلاقيها في احسن حالتها ،
وخلصت ولبست بيجامه جميله وزينت نفسها وبقت فعلا تخطف الانظار واستنت جوزها بعد ما خلصت كل اللي وراها علشان يتغدوا مع بعض،
واول ما جوزها رجع من الشغل راحت عليه وحضـ,ـنته وهمست له برقه :
_حمد لله على السلامه يا سو وحـ,ـشتني قوي .
بادلها ياسين الحض..ن بفتور ورد عليها باختصار :
_وانتي كمان بعد اذنك جهزي الغداء على السفره عقبال ما اغير هدومي واصلي .
وسابها ودخل من غير ما يسمعها كلمه حلوه ولا حتي نظره بس المره دي قررت انها تتكلم معاه هي مش هتفضل كده كثير تدي له اعذار على المعامله دي،
وخلص وخرج واثناء وهم قاعدين على السفرة سالته وهي بتبص داخل عيونه :
_انت بتحبني يا ياسين ؟
ساب ياسين المعلقه من ايده وجاوبها بعملية:
_ايه لازمه السؤال ده يا سحر اكيد طبعا بحبك انتي مراتي .
زعلت سحر من رده كان نفسها انه يمسك ايديها ويقول لها ان هو بيحبها مش عشان خاطر انها مراته بس لكن هو بيحبها لذاتها ولشخصها ،
وبصت له بحزن وقالت له :
_انا ليه حاسه ان انت مش بتحبني وان انت اجبرت على الجواز مني ،
ليه دايما ما بحسش منك اني مهمه عندك حاسه اني زيي زي اي حاجه مهمله في البيت مش حاسه كاني روح وبني ادمه وزوجه عايشه معاك ،
ليه دايما انا اللي مهتمه وبتقابل اهتمامي بيك بكسر قلبي ياسين .
قالت له الكلمتين دول ودموعها نازله على وشها لانها بتحبه ومش عايزه تخسره وفي نفس الوقت عايزه تعيشي الحياه الرومانسيه الجميله بتاعت اي زوجه وزوجها ،
نفسها تحس بقيمتها واللي يقعد يقول لها بحبك ويمدح فيها ولو حتى ما بيعرفش يتكلم يوضح مدى حبه ليها بالافعال لكن ياسين ولا اقوال ولا افعال وده اللي مأثر في نفسها ،
حس ياسين بزعلها وقلبه وجعه عليها لما شاف دمـ,ـوعها وقام من مكانه وقعد جنبها ومسك ايديها وباسها وقال لها :
_ليه بس الدموع دي يا سحر هو انا زعلتك في حاجه ولا صدر مني شيء خلاكي تدمعي وتعيطي كده ده إنتي ما تسمعي ليش نفس في البيت .
ضمت جبينها باستغراب ومسحت دموعها بايديها وقالت له بوجع :
_ما دي المشكله يا ياسين ان انا مش بسمع لك حس في البيت حاسه كاني عايشه مع نفسي ،
حاسه اني ما ليش قيمه في حياتك وان انا اصلا لو غبت عنك مش هتشعر بغيابي ،
المفروض اقل حاجه لما تشوف دموع عينيا تاخدني في حضـ,ـنك وتمسحها لي وتطمني اني ليا وجود في قلبك وفي حياتك،
مش تسالني ليه بس يا سحر الدموع دي ما هانش عليك حتى تقول لي ليه بس يا حبيبتي،
انا تعبـ,ـت من حياتنا اللي كلها ملل وفتور وما فيهاش تجديد ،
وحاولت كتير طول الشهور اللي فاتت دي ان انا اسكت علشان ما اشغلكش عن دراستك وشغلك لكن مش قادره يا ياسين ،
انا بجد تعبانه نفسيا وحاسه ان انا هدخل في مرحله اكتئاب بسبب العيشه اللي احنا عايشينها دي .
ياسين حس ان كلامها في محله لكن جاوبها بكل بساطه :
_هو انا مقصر معاكي في طلبات البيت ولا مصاريفك الشخصيه ،
ولا حتى مقصر معاكي كزوج في علاقتنا يا سحر علشان كل الزعل والنكد اللي انت فيه ده ؟
ابتسمت سحر بوجع وجاوبته:
_الحياه مش اكل وشرب ونوم على الماشي ياسين الحياه بين الزوج وزوجته مشاركه وحب وجنون وكلام وسكوت وهمس وحـ,ـزن وفرح وابتسامه ،
انا نفسي لما احتاج حض..نك الاقي احتواء ملاقيش واجب تقضيه معايا وخلاص ،
نفسي لما ترجع من الشغل تاخدني في حضنك وتحسسني ان انا وحشاك واني مهمة عندك ،
نفسي لما البس حاجه حلوه علشان خاطرك وتزين لك تمسك ايدي وتلففني حوالين نفسي وتقول لي ايه الجمال ده ،
نفسي تحسسني بانوثتي بالكلام وبالفعل اللي طالع من القلب مش مجرد اننا نعيش مع بعض حياتنا الخاصه انها مجرد حاجه تريح متطلباتنا الجـ,ـسدية وخلاص ،
باختصار نفسي تحسسني ان انا موجوده جوه قلبك وموجوده وسط مشاغل حياتك .
ياسين اتاثر جدا بكلامها وباحساسها وبوجعها لكن حياته العمليه واخداه ونفسه ان هو يسابق الزمن ويكون افضل واحد في مهنته علشان كده المشاعر والاحاسيس اللي بتتكلم عنها سحر مش في دماغه او مش من ضمن اولوياته ،
ورد عليها وهو بيبص في ساعته :
_طيب ممكن نكمل كلامنا بعدين علشان عندي مذاكره كثير ويا ريت تصبري عليا وتستحمليني لحد ما اخلص مناقشه الدكتوراه ،
وبعد كده هعمل لك كل اللي انتي عايزاه .
وسابها وقام يغسل ايده ودخل على مكتبه يراجع ابحاثه وهي فضلت مكانها تمسح في دموعها اللي مغرقين وشها وقالت لنفسها :
_برده زي ما انت يا ياسين ولا كلامي نفع ولا سكوتي نفع ما قداميش حل غير اني اصبر لحد ما تخلص مناقشه علشان اكون عملت اللي عليا معاك .
وعدت الايام وياسين زي ما هو عملي جدا من الجامعه للبيت للمذاكره ومش فاضي وسحر يعتبر ما بتشوفوش اصلا لكن مهتم بيه،
وفي يوم سحر كانت تعبانه جدا كان عندها دور سخونيه شديد فاتصلت عليه وقالت له :
_انا تعبانه قوي يا ياسين جسمي همدان وعندي سخونيه ومش قادره اقوم من مكاني .
رد عليها ياسين بعمليه :
_الف سلامه عليك يا سحر اتصل بماما تطلع لك وتوديكي للدكتور .
انصدمت سحر من رده وقالت له بتعب :
_بس انا عايزاك انت اللي توديني للدكتور مش مامتك ياسين انا تعـ,ـبانه ومحتاجاك جنبي .
اتاسف لها ياسين وقال لها:
_معلش يا سحر النهارده بالذات مش هينفع اسيب الجامعه عندي محاضرات مهمه وكمان في كذا سؤال هناقش فيهم الدكتور اللي متابع معايا رسالتي وماما هتقوم معاكي بالواجب وزياده .
اول ياسين ما قال لها الكلام ده قفلت التليفون ما ردتش على كلامه ما عندهاش طاقه اصلا تتحايل على ياسين انه يجي يكشف عليها ويهتم بيها كاي زوج خايف على مراته ،
وفعلا بعت لها والدته ودخلت عليها الاوضه وانصدمت من شكلها اللي باين عليه التعب الشديد وقالت لها بحنان :
_يا حبيبتي يا بنتي ده انتي تعبانه خالص ازاي ياسين سابك الصبح كده تعبانه ومشي ؟
سحر ما كانتش قادره تسكت اكتر من كده وقالت لوالدته بتعب من اهمال جوزها فيها :
_لو سمحتي يا ماما انا عايزه اروح عند بابا لاني مش حاسه ان ليه لازمه هنا ولا ليا قيمه عند ابنك انا تعبت واعصابي تعبت من اهماله فيا وسايبانه ليا طول الوقت حتى في عز تعبي مش لاقياه جنبي .
ضربت حماتها ايد على صدرها وقالت لها وهي بتطبطب عليها :
_ايه الكلام اللي انت بتقوليه ده يا سحر ازاي تسيبي بيتك وجوزك وتتخلي عن حياتك كده في لحظه تعب وغضب انت لازم تبقى اقوى من كده وتوقفي تعالجي مشـ,ـاكلك وما تستسلميش اي نعم ياسين ابني وانا عارفاه عملي زياده عن اللزوم بس انا وانت هنحاول نغير فيه شويه لحد ما يبقى معاكي تمام وميه ميه لكن تقولي اسيب البيت ما احبش كده ابدا .
غمضت سحر عينيها بتعـ,ـب وردت على حماتها :
_انا عملت كل اللي انتي بتقولي عليه ده وفهمته بدل المره 1000 مره اني عايزه احتواء وحنانه ،
عايزاه يحس بيا ويحس بيه عايزه مشاعره تكون نبا من جواه مش لمجرد تقضيه واجب وخلاص انا عايزه روحي وروحه يكونوا متعلقين ببعض ويخافوا على بعض وما يطيقوش الهوا يمس روحهم من الاخر انا نفسي اعيش معاه زوج وزوجه بمعنى الكلمه مش بالطبيعه البشريه اللي احنا متعودين عليها انا تعبت وما بقتش قادره استحمل جفاف العاطفي معايا واهماله فيا واتكلمت معاه كثير لكن هو ولا حياه لمن تنادي .
حماده كانت بتسمع الكلام وقلبها بيتقطع من جواها علشانها لانها حطت بنت من بناتها مكان سحر وهي ما ترضاش على بناتها كده ابدا فقالت سحر بقوه وصرامه :
_بقول لك ايه انتي دلوقتي هتقومي معايا نروح نكشف عليكي عند الدكتور ونطمن الاول وبعدين تنزلي تقعدي معايا تحت في الشقه،
مش هخليه يشوف وشك ولا يلمس طرفك هخليه يحس بالغلط الشنيع لما يحس ان انتي بتضيعي وان هو مش طايلك اما طول ما انتي قدامه كده هيعيش زي ما هو وهيفضل زي ما هو .
وفعلا قومتها وساعدتها في لبسها كانها بنتها بالظبط واخذتها عند الدكتور وكشفت عليها والدكتور علق لها محاليل لانها تعبانه جدا،
طبعا ياسين لما رجع لقاها تحت فاستغرب جدا وقال لوالدته بتساؤل :
_هي ليه سحر علقت المحاليل تحت يا ماما
ما كانت بتعلق في شقتنا فوق بدل ما الواحد يتمرمط طالع نازل .
اتأففت والدته بشفايفها وردت عليه :
_لا يا حبيب امك اطلع انت شقتك واستريح فيها براحتك واكل نفسك وشرب نفسك اما هي هتفضل قاعده معايا هنا لحد ما تخف وتستريح خالص وبعدين نشوف اذا كانت عايزه تطلع لك ولا لا .
استغرب ياسين من كلام والدته جدا وقال لها باستفسار:
_ايه الكلام اللي انت بتقوليه ده يا ماما ازاي يعني تقعد معاكي هنا على طول وانا مين يراعيني ويشوف طلباتي واموري ؟
اتعصبت والدته جامد وجاوبته :
_تصدق ان انت معدوم الدم والجبله ما عندكش اي ذره احساس بان اللي عايشه معاك بني ادمه من روح ودم ده انت شيخ ما سالتش عليها ولا قلت مالها ولا تعبانه ولا فيها ايه كل اللي همك مين هياكلك ويشربك ويشوف امورك،
لا يا حبيبي روح هات لك خدامه تعمل لك الحاجات دي كلها اما دي بنت ناس وطالما ما بتعرفش تتعامل مع بنات الناس يبقى ما لوش لزوم يقعدوا معاك في مكان واحد .
ياسين كان بيسمع كلام والدته وهو علامات الاندهاش على وشه بتصب صب وقال لها:
_انا مش فاهم حاجه من اللي انت بتقوليه ده يا ماما ايه اللي حصل خلاكي تتكلمي معايا بالاسلوب ده وتقولي الحاجات الغريبه دي ؟
ردت عليه والدته باستفاضه :
_اللي حصل ان انا ما عرفتش اربي راجل بمعنى الكلمه للأسف جبنا بنات الناس علشان خاطر نعملهم وما نسالش فيهم ولا نهتم بمشاعرهم وكلمتك بدل المره 10 وانت تكبر دماغك وتعاملها كانها زي الكنـ,ـبه ولا الكرسي اللي انت بتقعد عليهم خلاص طالما هي ما لهاش لازمه بالنسبه لك انا بقى اخليها قاعده معايا هنا وشوف انت بقى هتقضي امورك ازاي ولعلمك ما لكش عندي ولا اكل ولا شرب ولا اي التزامات انت خلاص اتجوزت ،
ما تتناقش معايا في الموضوع ده تاني علشان مش هتطلع معاك يعني مش هتطلع معاك ،
اللي ما رضاهوش على بناتي ما رضاهوش على بنات الناس .
وفعلا نفذت والدته تهديدها وعدت الايام لحد ما فات 10 ايام وكل يوم ياسين ينزل لوالدته علشان ياخذ مراته وهي ترفض تماما انها تطلع معاه ،
وبقى يدخل شقته يحس ان هو عامل زي اليتيم فيها مش لاقي البسمه اللي كانت بتقابله بيها سحر ولا الروح الحلوه اللي كانت عاملاها له في الشـ,ـقه باختصار مش لاقي السكن والسكينه والهدوء اللي كان عايش فيهم وما بقاش مركز في مذاكرته ولا اي حاجه لحد ما في يوم زهق بعد ما مر اسبوعين ووالدته ما بتخليهوش يشوفها ولا يلمح طيفها نزل تحت لوالدته وقال لها:
_لو سمحتي يا ماما انا عايزه اقعد مع مراتي اتكلم معاها شويه اظن ده من حقي .
لقيت والدته ان طريقه كلامه مصمم عليها وحست انها أدبته بما فيه الكفايه فقالت له:
_وماله حبيبي اتفضل اقعد مع مراتك زي ما انت ما عايز انا نازله اشتري شويه طلبات وسايباكم تاخدوا راحتكم في القاعده .
وخرجت فعلا وسابتهم عشان هي عارفه ان كده ياسين جاب اخره وكانت متفقه مع سحر ان هو لو جاء واعتذر لها تطلع معاه وقعدتها انها مش هتسيبها ولا هتتخلى عنها ابدا مره ثانيه ،
واول ما دخل ياسين وشاف سحر راح مسك ايديها الاثنين وراسهم واخذها في حضنه وقال لها باشتياق :
_كده يا سحر انت عليك تسيبيني اسبوعين بحالهم وتسمعي كلام ماما ما كنتش متخيل ان انتي ممكن تقعدي ده كله من غير ياسين حبيبك .
قلبها دق من قربه جوزها وبتحبه وملهوفة عليه زي لهفته بالظبط وزياده وقالت له بعتاب محب :
_مين اللي هنا على مين ياسين ؟
مين اللي اهمل مين وسابه في عز تعبه ؟
مين اللي الحياه لهياه عن حبيبه وبعيد عنه طول الوقت ؟
انا تعبت من كتر الكلام معاك واعصابي تعبتني وحاسه ان انا ما ليش دور ولا قيمه في حياتك .
مسك ياسين ايديها الاتنين وحـ,ـضنهم بين كفوف ايديه وقال لها بحب :
_حقك عليا وعلى قلبي يا روح قلبي انا غلطان وراجع لك ندمان وابوس الايادي كمان و أوعدك اني خلاص بعدك عني غيرني وحسسني اني ما ليش قيمه ولا وجود من غيرك وان انا فعلا اهملت في حقك وماما وانت أدبتوني بما فيه الكفايه ،
مش كفايه بقى وترجعي بيتنا حض.نك وحشـ,ـني يا سـ,ـحر ؟
قلبها كان بيدق من همسه وكلامه الجميل اللي كان نفسها تسمعه منه من زمان ومن اشتياقه ليها اللي باين في عينيه وقالت له برقه وهمس :
_انت كمان وحشتني قوي يا روح قلب سحر انا اصلا ما اقدرش استغنى عنك ولا اعيش من غيرك وكل اللي انا بعمله ده وبعدي عنك علشان نفسي نعيش حياه سويه فيها الحب وفيها المشاعر وفيها الجنون وفيها الاحتواء وفيها كل الاحاسيس اللي عكس بعضها ،
مش حابه ان احنا نعيش وندفن نفسنا بالحياه والدنيا تلهينا عن اننا نحس ببعضنا ونعيش ايام عمرنا واحنا مرتاحين .
بص ياسين جوه عينيها وقال لها بحنان وحب :
_انا خلاص اتعلمت الدرس وحرمت بتسمحي بقى تطلعي معي شقتنا فوق لانها بجد وحشه قوي من غيرك ومش عارف اعيش ولا اقضي يومي ولا انام على سريرنا الا وانت بتاخديني في حضنك زي زمان ،
بجد حضنك وحشني وهمسك ورقتك ولهفتك عليا كل حاجه فيكي واحشاني .
وخلص كلامه واخذها في حضن كبير كانه طفل وخايف مامته تتوه منه وقعد يبوس ايديها ويبوس راسها وكل مره بيعتذر لها عن عملته معاها وكل ده علشان ترضى تطلع معاه وترجع بيتها وما تسمعش كلام والدته تاني ،
ورضيت انها تطلع معاه وترجع بيتها تاني هي اصلا بتحبه ما تقدرش تستغنى عنه،
وعدت الايام وياسين فعلا بيغير من نفسه وبقى مهتم ببيته ومراته،
واتغير وبقى مشاغب دايما وبقى يجدد في حياته دايما معاها وبيخرجها على قد ما يقدر وبيحاول يحتويها ويحتوي قلبها الجميل الهادي الرومانسي،
وكان بيلوم نفسه ان هو ازاي عايش مع ملاك زي سحر وكان مهمل فيها للدرجه دي وما كانش بيراضي قلبها وحارم نفسه من العيشه الجميله دي مع الانسانة اللي ما فيش اجمل منها .
وقال في نفسه وهو قاعد في الشغل في مره
وبيفكر في مراته :
_ربنا يخليك ليا يا سحر وما يحرمنيش منك يا زوجتي الجميله .
وتوته توته خلصت الحدوته ياسين وسحر .
