اهربى يا قمر اهربى قبل ما الشمس تطلع
مينفعش يا جدتى هسيبك لوحدك ازاى
اهربى يابتى وانا ليا رب اسمه كريم
حاضر يا جدتى
اعرفكم ببطله الرواية قمر
بنت بشرتها بيضاء وشعرها اسود وعينها خضرا جميله جدا جسمها ممشوق وعندها ٢٠ سنه خلصت ثانويه عامه وقعدت فى البيت مع انها كانت شاطرة ومجموعها يدخلها هندسه الا انو عمها وابن عمها مرضوش يدخلوها كلية بحكم انو عندهم فى الصعيد البنات متكملش تعليم
خرجت قمر وهى ماسكه شنطه هدومها وهربت على محطه القطر وحجزت تذكره لاسكندرية
استنيت قمر القطر لحد ما جه وطلعت وركبت وقعدت
قابلت ست فى الاربعينات ومعاها بنت صغيرة كانت قمر قاعده قدامهم قالتها الست انتى رايحه فين يابنتى شكلك متبهدل اوى
قمر رايحه اسكندرية
الست انا كمان يابنتى انا معايا بنتى وكنت هنا بزور اهل جوزى المتوفيين ويشوفوا البنت شكلك متعرفيش حد فى اسكندريه تعالى معانا
قمر ووشها بان عليه التوتر لا شكرا انا هتصرف
الست مټخافيش يبنتى مش هضرك حابة اساعدك شكلك قصتك طويلة تعالى معانا انا عايشه انا وبنتى بس هناك
قمر وارتاحت شوية للست قالتها ماشى اسمى قمر
الست ماشاء الله اسم على مسمى دى بنتى الصغيره ٥ سنين اسمها كريمة بنقولها يا كوكى
قمر عسولة اوى ربنا يخليهالك ياطنط
الست قوليلى يا ماما انتى زى بنتى برضو
قمر بابتسامه ارتياح شكرا يا طنط قصدى ياماما
الست كلها ساعتين ونوصل نامى يحبيبتى
قمر ماشى وراحت قمر فى النوم
الست بتصحى قمر اصحى يابنتى وصلنا
فتحت قمر عينها ونزلت من القطر بشنطه هدومها ومشيوا لحد بيت الست والى هعرفكم بيها دلوقتى
الست هى اسمها منال وعندها بنت صغيرة كوكى ٥ سنين وجوزها متوفى وبتشتغل فى سوبر ماركت بتاع جوزها
وصلوا لبيت الست المنال
قمر انا هدفعلك تمن قعدتى هنا والاكل وارجوكى مترفضيش انا مش مطوله هنا
