إن أبغض الحلال عند الله الطلا،،ق
بعد ما المأذون قال الجملة دي لقيت عينه بتدور عليا في كل شخص في اللي حواليه مهزوم ودقنه طويلة مع انه كان بيكره كدا هزيل وضعيف بصيتله للمرة الاخيرة وودعت معاه كل اللي فات قفلت باب اوضتي وقعدت على سريري باصة للارض وقلبي كله هزيمة
قربت ماما مني وحضـ,,ــنتني
مش دا اللي يستاهل الزعل ولا الحزن عليه
قلت لها بعياط
انا معملتش حاجه في حقه يا ماما ليه عاصم يعمل معايا كدا انا راهنت عليه الكل قال لا بس قولت لا انتم شايفينه غلط و عاندتكم كلكم واتجوزته ورجعني مهزومة مش قادرة ارفع راسي بينكم او احط عيني في عين حد ليه اقدمله حب يرجعه خېانه ليه يا ماما ليه !
بعدت عني شوية ومسحت دموعي وحطت وشي بين كفوفها وقالت
انتي تمشي وترفعي راسك هو اللي خسر مش انتي علشان انتي مش اقل من اي حد ويا بنتي كلنا بنغلط احنا اصلا جايين عشان نغلط ونصلح بكرا حبك دا يتعوض خير كل اللي قدمتيه ربنا مش بينساه وصدقيني طعم العوض نساي وانتي لسه مجربتيش الطعم دا في حياتك والحزن اللي انتي فيه دا ضريبة لعوض وخير كتير بعد كدا واسمعها مني خدي وقتك في حزنك بس حياتك متقفش عليه
الحياة بتسود قدامك اول ما بتقفل باب اوضتك بعد فقدان او بعد او خذلان شخص بتحبه بتحس ان حتي النفس اللي بتتنفسه صعب عليك تحمله
بعد اسبوعين
رايحة فين يا موج في الوقت المتأخر دا !
كنت بتكلم وانا بربط رباط الكوتشي بسرعة
في مريض عمل حاډثة وطلبوني عشان العملية خطېرة
طب استني اخوكي يوصلك الوقت متأخر اوي يا بنتي
يا ماما متقلقيش انا بعتولي عربية واقفة تحت البيت يلا سلام
حتي وانتي تعبانة مبتقدريش تقولي لا لتعب حد يا موج عوضها خير يارب
بعد ساعتين
ها يا دكتور طمنيني !
متقلقيش يا مدام العملية كانت صعبة شوية بس انا عملت كل اللي عليا لإنقاذه والحمد لله الحالة مستقرة دلوقتي
والدته قربت
ربنا يريح قلبك ويطبطب على روحك زي ما رجعتي فيا الروح يا بنتي
الدعوة إلى حدا ما ريحت قلبي جايز لاني سمعتها بقلبي وحسيتها نزلت اشرب قهوة في الكافتريا عشان اقدر اركز لاني مش هينفع امشي من المستشفي غير بكرا الصبح لحد ما اطمن علي المړيض اخدت القهوة وطلعت اتمشي في الجنينة مع الهوا المشي اخدني ورحت لورا المستشفي لقيت صوت حاجات بتتكسر وصوت حد بيزعق قربت شوية ولقيته شخص واقف بيخبط وبيرمي في الكراسي والطرابيزات لقيت نفسي بقوله
ايه يا استاذ اللي انت بتعمله دا ! انت مفكر نفسك في الشارع !
لف وبصلي پغضب وعصبية وقال لي
ابعدي عني وامشي من هنا عشان هأذيكي انتي كمان
لا دا انت شكلك مچنون بقا انا هشوف ازاي الامن يدخل الاشك
اخد موبايلي ورماه بعيد وقرب پغضب ومسك دراعي بقوة وقال لي بعصبية وصوت عالي
انتم كلكم خاينين انتي فاهمه كلكم خاينين وكدابين
كنت ببعد عنه پألم من مسكته لدراعي ف بصلي پغضب وسابني ورجع يكسر تاني في الحاجات اللي وراه وهو بيقول
انا عملتلها ايه عشان تسيبني كدا ! ازاي تسيب ابنها وهو لسه مكملش الاربع سنين عشان تحب واحد تاني وتتجوزه وتهرب معاه ! ازاي هونت عليها كدا متسألش عني طول السنين دي انا ليه متكتبش ليا اعيش
حياة طبيعية زي باقي الناس امي تسيبني وتمشي ومتبصش وراها صحابي كانوا بيعيروني بيها اتربيت 30 سنة من غير ما اجرب احساس
وجود
—
الام ليه كنت عملتلها ايه عشان تجبني اعيش حياة كلها عقد وابقي انسان حاسس بالنقص دايما حتي وهو معاه كل حاجه انا بكرهها وبكره كل الستات بسببها
حسيت اني محتاجة اڼفجر في اللحظة دي وافرج عن الكبت اللي جوايا رميت القهوة وقربت ورميت الكرسي اللب كان قدامي وبدات اكسر معاه
كلنا خاينين صح ! طب وانا كنت عملتله ايه دا جزاء حبي ليه مكنتش بشوف غيره مكنش في
قلبي غيره حتي لما الكل قال لا مبعدتش معرفتش ابعد اتقيت ربنا فيه انا يعمل كدا فيا ! دا انا شيلت اسمه وصنت شرفه وعرضه وحافظت عليهم يروح يخوني في اقرب فرصة تجيله!
وقفت پصدمة وبعدها كملت
ومع مين مع صاحبة عمري وشريكة نجاحي يخونوني ويقطموا ضهري ليه وفين في بيتي اللي كنت بختار كل جزء فيه معاه بحب ازاي خدعني فيه كدا !
بصتله پغضب وقلت
انا بكرهكم بكره الرجالة كلها
قرب بعصبية
وانا بلعنكم
كلكم رجالة خاېنة
قرب اكتر وقال
مفيش حد خاېن غيركم
قلت له بعصبية
مفيش ارخص منكم
رد بحدة
لا فيه انتم اهو
بعدت عنه وقلت عصبية
انت ضعيف ومختل
وانتي عبيطة واضحك عليكي
وانت متربتش وو
فجأة سكت وقال
وانا عايز
حسيته اټصدم من نفسه وبعد بعصبيه وكان بيمشي ايده بين خصلات شعره ورجع يكسر في الحاجات تاني سبته ومشيت وكنت مستغربة نفسي واللب حصل وازاي قولت كدا ! اعرفه منين عشان اكلمه وافضفضله ! بس شخص مستفز ولسانه اكتر اسفزاز منه طلعت اتطمن على المړضة بتوعي ومكنش ينفع ارجع البيت غير لما المړيض يصحي لانها كانت عملية خطېرة دخلت مكتبي وقعدت الكرسي وسندت براسي على المكتب وكل ما افتكر جملته قلبي يدق جامد طب ليه! مفكرتش في حاجه غير جملته و نظراته رغم قسوته في الكلام لكن عيونه بتقول عكس كدا رحت في النوم
دكتور موج يا دكتور قومي بسرعة يا دكتور
فتحت عيني وبصتلها بنعاس
ايوة يا جهاد خير
عم احمد مريض الكبد جاتله الحالة ال بتجيله ومفيش حد من الدكاترة هنا
قمت بفزع وجريت
عم احمد تعالي ورايا بسرعة
دخلت الاوضة بسرعة وكشفت عليه
لازم يدخل العمليات فورا
واخدين بابا ع فين وعملتوا فيه ايه !
بصيت ورايا لمصدر الصوت وقلبي دق بشدة
انت !
بصلي بقرف
انتي تاني !
انت ابن عم احمد
عندك اعتراض !
بصتله من فوق لتحت وضحكت بإستهزاء كانوا الممرضين خرجوا من الاوضة لاوضة العمليات بالمړيض جيت اخرج وراهم قفل الباب ومسك دراعي تاني بقوة وعصبية
انتي ازاي تتكلمي معايا كدا وتبصيلي كدا انتي متعرفيش انا مين وممكن اعمل فيكي ايه!
كنت ببعد عنه وزعقت فيه
سيب دراعي يا استاذ انت
شدد من قبضته على دراعي وقال باستفزاز
ولو مسبتش !
يبقي تعد الدقايق الجاية الباقية لوالدك في الحياة مش والدك برضو ولا ايه!
بعد وهو على وشه ملامح ملهاش وصف طلعت اجري عشان العملية
بعد تعب كتير لمحاولة انقاذه وبرغم قلة نومي لكن قدرت انقذه وحمدنا ربنا كلنا بعد العملية دي لان عم احمد مش مجرد مريض دا أب لنا كلنا
عملت لعم احمد تلت عمليات وكنت بخرج كل مرة وانا عارفة اني مش هلاقي حد يتطمن عليه ولكن انا كان عندي امل كبير اني علي الاقل المرة دي هخرج القي ابنه برا منتظر
بلهفة وقلق يعرف حالة والده ولكن ملقتش حد !
جهاد هو ابن عم احمد دا جه امتي وايه اللي فكره بيه !
عم احمد كان تعب الفترة اللي فاتت اوي يا دكتور و كنا محتاجين حد يمضي ع تقراير عمليته خصوصا ان مكنش فيه فلوس للعملية دكتور حسام طلب ابنه وجه
بعد ما كنا
—
ناقصين اننا نبوس ايده عشان يجي دفع الفلوس ودفعها ومشي ومسألش حتي على حالته وسمعت انه ابنه بحر دا هو صاحب شركات ukh الكبيرة ومن اغني اغنياء مصر بس معروف عنه انه بيكره الستات حتي كل اللي بيشتغلوا معاه رجالة والغريبة انه جه النهاردة!
نقلوه لاوضته ودخلت علقتله محاليل وقرأت كذا اية من القرآن بنية شفاؤه وسبته وخرجت اتطمنت على المړيض التاني كانت الساعة بقت 8 الصبح رحت لمكتبي اخدت شنتطي عشان اروح البيت انام شوية وارجع نزلت لقيته قاعد فالكافتيريا تحت بيشرب قهوة وسرحان قربت منه و اتكلمت
اتطمن عم احمد بخير دلوقتي !
بص للقهوة واتكلم ببرود
وانا موجهتش ليكي كلام ولا سألتك
قلا له بعصبية
انا غلطانة اني فكرت للحظة انك بتحس وعايز تتطمن على الشخص
اللي اتمني انه اول ما يفتح عينه من اي عملية وتعب يشوفك قدامه دايما ايا كان اللي عمله فيك دا والدك وخلاص العمر عدا وايامه معدودة اشبع منه عشان ميمرش العمر وټندم على ايام بعدك وقسوتك عليه وافتكر ان كما تدين تدان والجملة دي بتتقال في المواقف ما بالك في كسرة القلب والخاطر لوالدك اللي ربنا وصاك عليه كذا مرة في كتابه ورسولك كمان انت معندكش ډم وقاسې واللي زيك ميستحقش يعيش بس انا عايزاك تعيش عشان تشوف كل اللي بتعمله دا وهو بيتردلك من ابنك
سبته من قبل ما اسمع رده وركبت وروحت البيت انا كنت اخدت اجازة شهر بس في اي عملية مهمة بيتوجب عليا اروح لسه قدامي اسبوعين كمان عشان اقدر اقاوم زعلي وارجع شغلي اللي بحبه
مر اسبوع
ماما انتم رايحين فين !
هنروح عند خالتك لانها تعبانة وهطمن عليها واحتمال افضل معاها لبكرا انا واخوكي تعالي معانا واهو تغيري جو شوية
لا يا ماما انا مش عايزة سلميلي عليها وقوليلها الف سلامة
قعدت طول اليوم قدام التلفزيون اسمع مسلسلات وبحاول امنع نفسي من التفكير ف اي حاجه ولكن مبعرفش لحد ما نمت وانا بتفرج على التلفزيون
خبط في الباب جامد قمت بفزع وببص على الساعة لقيتها واحدة بليل جريت ورا الباب پخوف
مين !
سمعت صوت بيقول لي بعصبية
افتحي بسرعة
انت مين !
يعني اكسرلك الباب عشان تعرفي انا مين !
فتحت الباب براحة ووقفت وراه پصدمة وخوف
انت !! انت هنا ليه وعايز ايه!
زق الباب وشد ايدي وراه
مفيش وقت للكلام بابا تعبان اوي ولازم نلحقه
استني هنا عم احمد في المستشفي ومعاه دكاتر انت يا استاذ رد عليا انت بتشدني ليه كدا طب راعي ظروفي هخرج ازاي بالبيچامة كدا وانا دكتور وليا كياني ! رد انت ساكت ليه !
ركبنا العربية انا وهو وكان بيسوق بسرعة كبيرة مسكت فباب العربية
ھنموت انا عارفة انك ھټموټني الله يخربيت الساعة اللب شوفتك فيه يا بني طب لو انت عايز ټموت ماشي في داهية لكن انا
يلا انزلي
بصيت لقيتنا قدام فيلا كبيرة وفيها حرس كتير
انزل فين انت مچنون ايه اللي جابنا هنا ! فين المستشفي لا بقولك اي اسمع انت
متعرفش انا مين و
فتح باب العربية وشدني وراه
بابا فوق اجري عشان نلحقه وبطلي كلام فاضي
طلعت ولقيت عم احمد في اوضة فيها كل الحاجات والاجهزة اللي بيحتاجها وقت تعبه ببص لقيته فاقد الوعي كشفت عليه وعلقتله محلول وقعدت جنبه مسكت ايده وبوستها وابتسمت وهمست
عارفة انك فرحان دلوقتي بوجوده معاك تعرف يا عم احمد ابنك دا مشفش بتلاتة جنيه تربية ولسانه متبري منه بس فرحت انه هنا عشانك وخوفه عليك النهاردة اكدلي
انه بيحبك لدرجة
—
